Muneeb: നേരത്തെ ഞാൻ ചെയ്തത് നിനക്ക് വിഷമമുണ്ടാക്കിയെങ്കിൽ എന്നോട് ക്ഷമിക്കണം, ഇനി ഒരിക്കലും നിനക്ക് ഇഷ്ടമില്ലാത്തത് ഒന്നും ഞാൻ ചെയ്യില്ല!
ഇന്ന് ഞാൻ കുളിച്ചിട്ടില്ല, വസ്ത്രം മാറിയിട്ടില്ല, കാരണം നിന്റെ ഗന്ധം ഇപ്പോഴും എന്റെ ശരീരത്തിലുണ്ട്, എനിക്ക് ഈ ഒരു രാത്രിയെങ്കിലും നിന്റെ ഗന്ധം ആസ്വദിച്ചു ഉറങ്ങണം❤️❤️
ഒരു കാര്യം എനിക്ക് ഉറപ്പായും അറിഞ്ഞേ പറ്റുകയുള്ളൂ, നിനക്കു എന്നെ ഇഷ്ടമാണോ?? ,
Yes or No?
ഇത് രണ്ടുമല്ലാത്ത ഒരുത്തരവും എനിക്ക് വേണ്ട
പ്ളീസ് 🙏
ഉത്തരം പറയാൻ എളുപ്പമല്ലാത്ത മുനീബിന്റെ ചോദ്യത്തിന് മുഞ്ഞിൽ ഷഹല ശരിക്കും വിഷമ ഘട്ടത്തിലായി, വെളുക്കുവോളം ഷഹലയ്ക്കു ഉറങ്ങാൻ സാധിച്ചിരുന്നില്ല, എങ്കിക്കും പുലരാൻ നേരത്തു അവൾ അവനു മറുപടി കൊടുത്തു, പക്ഷെ പെട്ടെന്ന് എന്തോ ഉൾവിളി ഉണ്ടായപ്പോൾ അവൾ പെട്ടെന്ന് തന്നെ ആ മെസ്സേജ് ഡിലീറ്റ് ചെയ്തു,
ഏറെ വൈകിയിട്ടും ഷഹലയുടെ മറുപടി കിട്ടാത്തതിനാൽ മുനീബ് ഒന്ന് കണ്ണ് ചിമ്മിപ്പോയിരുന്നു, അതിരാവിലെ ഉറക്കത്തിൽ നിന്നും എഴുന്നേറ്റ മുനീബ് തന്റെ മൊബൈലിൽ ആദ്യം തന്നെ തിരഞ്ഞതു ഷഹലയുടെ മറുപടിയായിരുന്നു
ഷഹലയുടെ ഡിലീറ്റഡ് മെസ്സേജ് നോട്ടിഫിക്കേഷൻ കണ്ട മുനീബിനു താൻ അല്പനേരത്തേക്കെങ്കിലും ഉറങ്ങിപ്പോയതിനു തന്നോട് തന്നെ വല്ലാത്ത അരിശവും സങ്കടവും തോന്നി.
ഇന്ന് ഞായറാഴ്ച
കല്യാണ ദിവസം ആയതു കൊണ്ട് നന്നായി അണിഞ്ഞൊരുങ്ങിയെങ്കിലും സാധാരണ എല്ലാ കല്യാണച്ചടങ്ങുകളിലും ഒപ്പന കളിക്കും കൈമുട്ടിപ്പാടിനും ചുക്കാൻ പിടിച്ചിരുന്ന ഷഹല ഇന്ന് മൂകതയിലായിരുന്നു, മുനീബിനു എന്ത് മറുപടി കൊടുക്കണം എന്ന ആലോചനയിൽ അവളുടെ മനസ്സ് വല്ലാത്ത ഒരു സമ്മർദ്ദത്തിൽ ആയ്ന്നിരുന്നു, കാരണം പെട്ടെന്ന് എടുത്തുചാടി ഒരു മറുപടി കൊടുക്കാൻ പറ്റിയ വിഷയമല്ല ഇതെന്ന് അവൾക്കു അറിയാമായിരുന്നു.
ആഘോഷങ്ങളിൽ നിന്നും മാറി നിക്കുന്ന ഷഹലയോടു കാരണം ചോദിച്ചപ്പോൾ, തനിക്കു മെൻസസ് ആയതിന്റെ ബുദ്ധിമുട്ടാണെന്ന് ഒരു സമർത്ഥമായ കള്ളം പറഞ്ഞു അവൾ അവിടെയുള്ള സ്ത്രീ സമൂഹത്തിന്റെ ചോദ്യങ്ങളിൽ നിന്നും രക്ഷപ്പെട്ടു.
ഇനി മുനീബിന്റെ മുഖത്തേക്കു നോക്കാതെ ഇരിക്കണം, അവൾ മനസ്സിൽ ഉറപ്പിച്ചു! അല്ലെങ്കിൽ അവനോടു തന്റെ മനസ്സിലുള്ള പ്രണയം ഇനിയും ഒളിച്ചു വെക്കാൻ സാധിക്കില്ലെന്ന് അവൾക്കു ഉറപ്പുണ്ടായിരുന്നു.
ചുറ്റുമുള്ള ആൾക്കൂട്ടത്തിന്റെ ഏതോ മൂലയിൽ നിന്നും, മുനീബ് തന്റെ ഒരു നോട്ടത്തിനായി അക്ഷമയോടെ കാത്തിരിക്കുന്നെണ്ടെന്നു അവളുടെ മനസ്സ് അവളോട് തന്നെ ഉറക്കെ വിളിച്ചു പറയുന്നുണ്ടായിരുന്നു, പ്കഷെ ഷഹല തന്റെ കണ്ണുകളെ വേറെ എങ്ങും മേയാൻ വിടാതെ, തനിക്കു മുഞ്ഞിൽ അരങ്ങേറുന്ന ഒപ്പന കളിയിൽ മാത്രം ശ്രദ്ധ കേന്ദ്രീകരിക്കാൻ ശ്രമിച്ചു, അവളുടെ നോട്ടം മണവാട്ടിയിലും, ഒപ്പന കളിയിലും മാറി മാറി പതിച്ചെങ്കിലും, അവളുടെ മനസ്സിൽ തെളിയുന്നത് മുനീബിന്റെ മുഖം മാത്രമായിരുന്നു.
“മിഴിയിണ ഞാൻ അടയ്ക്കുമ്പോൾ കനവുകളിൽ നീ മാത്രം മിഴിയിണ ഞാൻ തുറന്നലോ നിനവുകളിൽ നീ മാത്രം,,,
എന്ന പാട്ടിനു അവിടെയുള്ള പെൺകുട്ടികൾ ഒപ്പനയ്ക് താളത്തിൽ ചുവടുകൾ വയ്ക്കുമ്പോൾ ഷഹലയുടെ കാര്യത്തിൽ ആ പാട്ടിന്റെ വരികൾ അർത്ഥവത്തായിരുന്നു!!
പക്ഷെ തന്റെ ഉറച്ച തീരുമാനത്തിൽ ഏറെ നേരം പിടിച്ചു നിൽക്കാൻ ഷഹലക്ക് സാധിച്ചില്ല, താൻ സമ്മതം കൊടുക്കുന്നതിനു മുമ്പ് തന്നെ തന്റെ കണ്ണുകൾ മുനീബിനെ തേടി പോയിക്കഴിഞ്ഞിരുന്നു.
മുനീബിനെ തേടി യാത്ര ആരംഭിച്ച അവളുടെ കണ്ണുകൾക്കു കൂടുതൽ സമയം വേണ്ടി വന്നില്ല അവനെ കണ്ടെത്താൻ,
മുനീബിന്റെ മുഖത്തേക്കു നോക്കിയതും അവൻ ആ നോട്ടം പ്രതീക്ഷിച്ചു നില്കുന്നു എന്ന കണക്കെ പെട്ടെന്ന് തന്നെ അവന്റെ മൊബൈൽ മുകളിലേക്കു ഉയർത്തിക്കാട്ടി ഷഹലയോടു അവളുടെ മൊബൈൽ നോക്കാൻ ആവശ്യപ്പെട്ടു,
ഷഹല മെല്ലെ ആൾകൂട്ടത്തിൽ നിന്നും സൂത്രത്തിൽ പിൻവലിഞ്ഞു ഒരു മൂലയിലേക്ക് മാറി നിന്ന് തന്റെ വാട്സാപ്പ് തുറന്നു നോക്കി, കോൺടാക്റ്റ് ലിസ്റ്റിൽ മുനീബ് ടൈപ്പിംഗ് എന്ന് അവൾക്കു കാണാം.