എന്റെ ചുണ്ടിൽ വിരിയുന്ന ചിരി ഞാനറിയുന്നേ ഉണ്ടായിരുന്നില്ല..
അല്ല ഇതെന്താലോചിച്ചു ചിരിക്കൂന്നേ മോനെ എന്ന് ചോദിച്ചോണ്ട് ഉമ്മ എന്നെ തൊട്ടു വിളിച്ചപ്പോഴാണ് ഞാൻ അറിഞ്ഞത്..
ഒന്നും ഇല്ല ഉമ്മ എന്ന് പറഞ്ഞോണ്ട് ഞാൻ ഉമ്മയുടെ കയ്യും പിടിച്ചോണ്ട് ഉമ്മയുടെ ദേഹത്തേക്ക് ചാരി നിന്നു…
എന്തോ വല്ലാത്ത ഒരു സന്തോഷം തോന്നി എനിക്ക്.
ഉമ്മ എന്റെ തലയിൽ തഴുകി കൊണ്ട് എനിക്കരികിൽ നിന്നു.
ഇതൊക്കെ നോക്കി കൊണ്ട് സലീനയും ഷെമിയും ചിരിച്ചോണ്ട് ജോലികൾ തുടർന്നു..
മോനെ സൈനു. ഞാൻ പറഞ്ഞത് നീ അനുസരിക്കുമോ..
എന്താ ഉമ്മ അങ്ങിനെ ഒരു ചോദ്യം ഉമ്മ പറഞ്ഞിട്ട് ഞാനിതു വരെ അനുസരിക്കാതെ ഇരുന്നിട്ടുണ്ടോ
അതില്ല എന്റെ മോൻ അനുസരിക്കാത്ത കുട്ടിയാണെന്ന് ഞാൻ എപ്പോയെങ്കിലും പറഞ്ഞിട്ടുണ്ടോ.
എന്നോട് പറഞ്ഞിട്ടില്ല വേറെ ആരോടെങ്കിലും പറഞ്ഞിട്ടുണ്ടോ എന്നെനിക്കറിയില്ല.
ഞാൻ വേറെ ആരോട് പറയാനാ മോനെ..
എന്റെ മോൻ ഈ ഉമ്മാന്റെ കുട്ടിയല്ലേ.
ഹ്മ്മ് അതിനു ഉമ്മാക്ക് സംശയം ഉണ്ടോ.
ദേ വെറുതെ വേണ്ടാത്തത് പറയേണ്ട.
ഇല്ലാ ഉമ്മ പിന്നെ ഉമ്മ ഇങ്ങിനെ ചോദിച്ചാൽ..
ഹ്മ്മ്
എന്നാ ഞാൻ പറയുന്നത് കേൾക്കുമോ നീ
ഉമ്മ എന്താ പറയുന്നേ..
നീ കുറച്ചു ദിവസം എങ്ങോട്ടും പോകേണ്ട. എന്റെ മോൻ വീട്ടിലിരുന്നാ മതി
അതെന്തേ ഉമ്മ.
ഒന്നൂല്യ ഞാൻ പറഞ്ഞത് നീ കേൾക്കുമോ.
അപ്പൊ ഷോപ്പിലും പോകേണ്ടേ..
ഷോപ്പിൽ ഇടക്കൊന്നു പോയി നോക്കിയാൽ മതി. അതും കുറെ നേരം ഒന്നും ഇരിക്കേണ്ട.
ഉപ്പയെ കൊണ്ട് വിട്ടോണ്ട് ഇങ്ങോട്ട് തന്നെ പോരെ.
അതിനു ഉപ്പ വയ്യാതെ ഇരിക്കുകയല്ലേ.
ഹേയ് അതൊക്കെ മാറി സൈനു.
ഉപ്പ എന്നോട് പറഞ്ഞതാ കുറച്ചു ദിവസം ഇനി ഞാൻ പോയി നിന്നോളം കടയിൽ എന്ന്.
അതെന്തേ ഉമ്മ..
എന്നെകൊണ്ട് കടയിൽ വല്ല ബുദ്ധിമുട്ടും ഉണ്ടായോ..
അത് കേട്ടു ഷെമിയും സലീനയും ഞങ്ങളെ തന്നെ നോക്കി കൊണ്ടിരുന്നു..
എന്റെ മോന്റെ അല്ലേ അതൊക്കെ.
പിന്നെ ആർക്കാ ബുദ്ധിമുട്ട് ഉണ്ടാകുക.
എന്റെ മോനെ ഞാനും നിന്റെ ഉപ്പയും അങ്ങിനെ അല്ലല്ലോ
വളർത്തിയത്.
പിന്നെ എന്താ ഉമ്മ അങ്ങിനെ പറഞ്ഞെ എന്നുള്ള ചോദ്യം വന്നത് ഷെമിയുടെ വായിൽ നിന്നായിരുന്നു.
ഏയ് ഒന്നുമില്ലെടി മോളെ.
ഇവന്റെ ഓട്ടവും പാച്ചിലും കണ്ടിട്ട് പറഞ്ഞതാ..
കുറച്ചു ദിവസം വീട്ടിലിരുന്നു ഒന്ന് വിശ്രമിച്ചോട്ടെ എന്റെ കുട്ടി.
ഹോ അതാണോ.
ഹ്മ്മ് മോളെ.
ഞങ്ങക്ക് ആണായിട്ടും പെണ്ണായിട്ടും ഒന്നല്ലേ ഉള്ളൂ.
ഇവനിങ്ങനെ ഇങ്ങിനെ കിടന്നു ഓടികൊണ്ടിരുന്നാൽ അതാ.
ഉപ്പാക്ക് ആണെങ്കിൽ എന്നെക്കാളും ശ്രെദ്ധയാ ഇവന്റെ കാര്യത്തിൽ..
ഞാൻ പറഞ്ഞത് കേട്ടോ നീ.
കുറച്ചു ദിവസത്തേക്ക് എങ്ങോട്ടും പോകേണ്ട.
അപ്പൊ പുതിയ ഷോപ്പിന്റെ പണി.
അതൊക്കെ ഉപ്പ നിറുത്തിയ ആള് നോക്കിക്കോളും എന്തേലും അത്യാവശ്യം ഉണ്ടെങ്കിൽ മാത്രം നീ പോയാ മതി..
അപ്പൊ എന്നെ വീട്ടിൽ തന്നെ തളച്ചിടാനു ള്ള പരിപാടിയാണോ..
അങ്ങിനെ ഒന്നും അല്ലേടാ.
എനിക്കറിയാം എന്റെ മോനെ അങ്ങിനെ തളച്ചിടാനൊന്നും പറ്റില്ല എന്നൊക്കെ.
നീ കുറച്ചു ദിവസം ഈ ഓടി പാച്ചിലൊക്കെ നിറുത്തി ഇവിടെ അടങ്ങി ഇരുന്നാൽ ഒന്നും വരാൻ പോകുന്നില്ല..
നിന്റെ ശരീരത്തിന് വേണ്ടിയാ.
ഇപ്പൊ തന്നെ കണ്ടില്ലേ ആകെ എന്തോ പോലെ ആയിട്ടുണ്ട്.
അല്ലേടി ഷെമി.
ഹ്മ്മ് അത് ഞാനും പറയാൻ ഇരുന്നതാ..
സലീന മോളെ നീ ഒന്നും പറഞ്ഞു കൊടുക്കുന്നില്ലേ ഇവനോട്.
ഞാൻ പറഞ്ഞാൽ ഉമ്മാന്റെ മോൻ കേൾക്കുമോ.
ഉമ്മ തന്നെ പറഞ്ഞു കൊടുത്താലേ കേൾക്കു.
ഇപ്പൊ എന്താ ഞാൻ കുറച്ചു ദിവസം റസ്റ്റ് എടുക്കണം അത്രയല്ലേ ഉള്ളൂ.
ഹ്മ്മ് അത് തന്നെയാ ഞാനും പറഞ്ഞെ.
കുറച്ചു ദിവസം ഇവിടെ കുഞ്ഞുങ്ങളെയും നോക്കി ഇരുന്നോ..
അപ്പൊ ഈ ശരീരം ഒക്കെ നേരായാകും എന്നിട്ട് നീ പോയിക്കോ.
അത് കേട്ടു ഞാൻ ചിരിച്ചോണ്ട്.