അവള് പോയെന്ന് മനസ്സിലായപ്പോൾ ഞാൻ പെട്ടെന്ന് റൂമിൽ കേറി ഒരു ടീഷർട്ടും വലിച്ചിട്ടു ഡോറ് തുറന്നു താഴോട്ട് കുതിച്ചു.
താഴെ എത്തി ഫ്രണ്ടിൽ എല്ലാം നോക്കിയിട്ടും ആളെ എങ്ങും കാണാനില്ല….എൻ്റെ ഹൃദയം പട പടാണ് ഇടിക്കാൻ തുടങ്ങി…..പെണ്ണിനോട് കേറി കയർക്കാൻ തോന്നിയ സമയത്തെ പഴിച്ചോണ്ട് സൈഡിലെ പാർക്കിങ്ങിൽ നോക്കിയപ്പോൾ എൻ്റെ കുതിരയുടെ പുറത്തു വലിഞ്ഞു കേറി കൊച്ചു കുട്ടികളെ പോലെ ഹാൻഡിൽ ആങ്ങോട്ടും ഇങ്ങോട്ടും ആട്ടിയും ആക്ക്സിലേറെയ്ടർ ഞെരിച്ചും കളിക്കുവാണ് പെണ്ണ്……
ജാനിയേ കണ്ടപ്പോളാണ് ഫുൾ ത്രോട്ടിലിൽ പൊക്കൊണ്ടിരുന്ന V3യുടെ എൻജിൻ പോലെ ഇടിച്ചൊണ്ടിരുന്ന എൻ്റെ ഹൃദയം ഐഡിലിൽ നിൽക്കുന്ന ബുള്ളറ്റിൻ്റെ എൻജിൻ പോലെ പയ്യെ താളത്തിൽ ഇടിക്കാൻ തുടങ്ങിയത്…..
പെണ്ണിൻ്റെ വണ്ടിയിൽ കേറി ഇരുന്നുള്ള അഭ്യാസവും കാട്ടിക്കൂട്ടലും കണ്ടിട്ടും ആ നിമിഷവും എനിക്ക് ചിരി പൊട്ടി…..
എൻ്റെ ചിരി കേട്ടാണ് അവൾ തിരഞ്ഞു നോക്കിയത്….ഞാൻ എല്ലാം കണ്ടെന്നു മനസ്സിലായപ്പോൾ പെണ്ണിന് നാണം ആയി….അത് മറക്കാൻ എന്നപോലെ
പെട്ടെന്ന് മുഖവും വീർപ്പിച്ചു മുമ്പോട്ടു നോക്കി ഇരുന്നു….
ഞാൻ ചിരി അടക്കികൊണ്ടു അവൾക്ക് നേരെ നടന്നു അടുത്തു…..വണ്ടിയുടെ അടുത്ത് എത്തിയ എന്നെ പൂരപ്പറമ്പിൽ വെച്ച് കണ്ടട്ടുള്ള പരിചയം പോലും പെണ്ണ് കാണിച്ചില്ല…..
ഞാനത് മൈൻഡ് ചെയ്യാതെ ഹാൻഡിൽ ബാറിൽ പിടിചു വണ്ടി സ്റ്റാൻഡിൽ നിന്നും ഉയർത്തി നിർത്തി…..വണ്ടി പെട്ടെന്ന് സ്റ്റാൻഡിൽ നിന്നും ഉയർന്നപ്പോൾ പെണ്ണ് ഒന്ന് പേടിച്ചു….
“”””മനുഷ്യനെ ഉരുട്ടി ഇട്ട് കൊല്ലുമോ…..””””
“””””ഇങ്ങനെ പോയാൽ മിക്കവാറും ഞാൻ തട്ടും….”””” ഞാൻ പയ്യെ പറഞ്ഞു.
“”””എന്താ….വല്ലതും മൊഴിഞ്ഞായിരുന്നോ….””‘” എന്നെ കടുപ്പിച്ച് നോക്കിക്കൊണ്ട് ചോദിച്ചു.
“”””ഇല്ല….ഒന്ന് അങ്ങോട്ട് നീങ്ങുമോ….വണ്ടിയിൽ കേറിയുള്ള ഇരുപ്പും വെപ്പും എല്ലാം കണ്ടാൽ തോന്നും ഇപ്പൊൾ അങ്ങ് മറിക്കുമെന്ന്….സാധാരണ പെണ്ണുങ്ങൾ നിഞ്ജയും , ഡുക്കാട്ടിയും ഒക്കെ ഒട്ടിക്കുമ്പോൾ ഇവിടെ ഒരുത്തിക്ക് ഒരു കൊച്ചു ഹിമാലയൻ തന്നെ ഒട്ടിക്കാൻ അറിയില്ല…..പിന്നെ നിനക്ക് അറിയുമോ ബാംഗ്ലൂർ ഒരു ടീച്ചർ പഠിപ്പിക്കാൻ വരുന്നത് തന്നെ സൂപ്പർ ബൈക്കിലാണ്…..””””” ഞാൻ ജാനിയെ നോക്കി പറഞ്ഞു…..
“””അതൊക്കെ സാധാരണ പെണ്ണുങ്ങൾ….ഞാൻ അല്പം വെറൈറ്റി ആണ്….”””
ഞാൻ പറഞ്ഞത് ഒന്നും പിടിക്കാതെ അവൾ മുഖവും വലിച്ചു കേറ്റി ബാക്കിലോട്ട് നീങ്ങി ഇരുന്നു…..
“”””അല്ലാ…..ഇത് എങ്ങോട്ടാ ഈ രാത്രി….””””ഞാൻ ബൈക്കിലോട്ടു കേറിയപ്പോൾ ജാനി ചോദിച്ചു.
“”””അത് എൻ്റെ പെണ്ണിന് വിശക്കുന്നു എന്ന് പറഞ്ഞു……കൊണ്ടുപോയി വല്ലതും വാങ്ങി കൊടുക്കട്ട്…..ഇല്ലെ അവൾ ഇന്ന് ഈ റിസോർട്ട് തല കീഴായി മറിച്ചു വെക്കും……”””” ഞാൻ പോക്കറ്റിൽ കൈ ഇട്ടു താക്കോൽ പരതി കൊണ്ടു പറഞ്ഞു.
“”””ലേശം ഉളുപ്പ്….. ലേശമെങ്കിലും…… ആരേലും ഒന്ന് കാണിക്കാൻ അത്രേ ഞാൻ ചോദിക്കൂ…”””” ജാനി എന്നെ വീണ്ടും പുച്ഛിച്ചു….
“”””ഇല്ല….ലേശം പോലും ഇല്ല…… ഒണ്ടായിരുന്നേൽ നിന്നെ ഞാൻ ഇങ്ങനെ സഹിക്കുമായിരുന്നോ…. അല്ലാ നീ താക്കോൽ എടുത്തോ….”””” ഞാൻ തിരഞ്ഞു നോക്കിക്കൊണ്ട് ചോദിച്ചു.
“”””ഇല്ലാ…..നീ എടുത്തില്ലെ…..പിന്നെ എന്ത് തേങ്ങയ്ക്കാ നീ വന്നു വണ്ടിയിൽ കയറിയ…..””””
ഞാൻ അതിനു മറുപടിയായി നല്ലോണം ഒന്നു ഇളിച്ച് കാട്ടിക്കൊണ്ട് ബൈക്കിൽ നിന്നും ഇറങ്ങി ഒന്നൂടെ പോക്കറ്റ് എല്ലാം തപ്പി…..
ഇല്ല എടുത്തില്ല…..ചാവി മാത്രമല്ല…. വല്ലോടവും പോയി ഞണ്ണിയിരുന്നേൾ അവിടെ കൊടുക്കാൻ പൈസയും എടുത്തില്ല….. രാത്രി ഹോട്ടലിലെ മാവ് ആട്ടിയും പാത്രവും കഴുകുന്ന എൻ്റെയും പെണ്ണിൻ്റെയും കാര്യം ഓർത്തപ്പോൾ എനിക്ക് ചിരി വന്നു.
എൻ്റെ ചിരി കണ്ടപ്പോൾ എന്താ കാര്യം എന്ന് മനസ്സിലാകാതെ പെണ്ണ് എന്നെ നോക്കി കൊണ്ട് കാര്യം തിരക്കി…..ഞാനൊന്നും ഇല്ലെന്ന് ചുമൽ അനക്കി കാട്ടികൊണ്ട് താക്കോലും പൈസയും റൂമിൽ ആണെന്നും അത് ഞാൻ പോയി എടുത്തിട്ട് വരാമെന്നും പറഞ്ഞു.