പക്ഷേ ആ ഷാളിൻ്റെ ഉള്ളിൽ രണ്ടു ഉണ്ട കണ്ണുകൾ ഞങ്ങളെ ശ്രദ്ധിക്കുന്നത് ഞങ്ങൽ കണ്ടില്ല….
അവിടുന്ന് സൂക്ഷിച്ചു ഇറങ്ങി….അടുത്ത കുന്നും ഇറങ്ങി അടുത്തത് കേറിയപ്പോൾ പെണ്ണ് കുഴഞ്ഞു…..നടക്കാനും നല്ല പാടും ഉണ്ട്…..പിന്നെ ഓരോ കുന്നും കുറച്ചു നേരം റസ്റ്റൊക്കെ എടുത്തു ടോപ്പിൽ എത്തിയപ്പോൾ ഒരു സമയം ആയി…..ഇതിൻ്റെ ഇടക്ക് ഞങ്ങൾ വീണ്ടും കുറച്ചു സെൽഫീസ് എടുത്തു…..പിന്നെ ഓരോ കുന്നിലും വല്യ ഉരുളൻ പാറയുടെ ഇടക്ക് ഇരിക്കുന്ന കമിതാക്കളുടെ എണ്ണവും കൂടിയിട്ടുണ്ട്….ഏറ്റവും മുകളിൽ തിരക്കും നല്ല രീതിക്ക് കൂടിയിട്ടുണ്ട്….. ഒഴുകി നടക്കുന്ന കോട മഞ്ഞ് പുതച്ച അന്തിരീക്ഷത്തിൽ കുട്ടികളും വീട്ടുകാരുമായി വന്ന കുടുംബങ്ങൾ….മഞ്ഞിൻ പുകയെ തട്ടി കളിക്കുന്ന കുട്ടികൾ …അവരുടെ സന്തോഷം കണ്ട് മനസ്സ് നിറയുന്ന
മാതാപിതാക്കൾ…..സ്വന്തം പാതിയുടെ കൈകളിൽ കൈ കോർത്ത് പിടിചു പ്രകർതിയുടെ സൗന്ദര്യം ആസ്വദിക്കുന്ന കമിതാകളും….ദമ്പതിമാറും….പല രീതിയിൽ നിന്നും ഫോട്ടോ എടുത്തും കളി തമാശകൾ പറഞ്ഞു ചിരിച്ചും കളിച്ചും കൂട്ടം കൂടി നടക്കുന്ന ട്രിപേഴ്സ്….ഈ സ്ഥലം ഒരു സ്വർഗ്ഗം തന്നെയാണ്…..എല്ലാരുടെയും മുഖത്ത് സന്തോഷം മാത്രം ….
പാർക്കിങ്ങിൽ നിന്നും വണ്ടിയെടുത്ത് ഞങ്ങൾ ഈ സ്വർഗത്തിന് തൽക്കാലത്തേക്ക് വിട പറഞ്ഞു….
ഇറക്കം തുടങ്ങിയപ്പോൾ എൻജിൻ കിൽ ചെയ്തു ന്യൂട്രൽ ഇട്ട് താഴോട്ട് നീങ്ങി…..ആളുകൾ തകർത്തു മേളിലൊട്ട് കേറുന്നുണ്ട്….ഞായറാഴ്ച്ച ആയൊണ്ട് അതിൻ്റെ തിരക്കും ഉണ്ട്….ചെക്ക്പോസ്റ്റ് കഴിഞ്ഞു ഹെയർ പിന്നുകൾ താഴോട്ട് നീങ്ങി തുടങ്ങി….സൈഡിൽ ആളുകൾ വണ്ടി നിർത്തി ഫോട്ടോ ഒക്കെ എടുപ്പും പ്രകൃതിയുടെ മനോഹാരിത ആസ്വദിക്കുകയും ആണ്…..കുറച്ചും കൂടി മുമ്പോട്ടു പോയപ്പോൾ വഴി അരുകത്ത്‌ കച്ചവടകാരെ കാണാൻ തുടങ്ങി…… ബൈക്കിലും സൈക്കിളിലും പേപ്പർ കപ്പിൽ നിറയെ മുറിച്ച മാങ്ങയും പൈനാപ്പിളും ഉപ്പും മുളകും ഇട്ടത്…..പിന്നെ പലയിനം തേയില കാപ്പി പൊടി കച്ചവടക്കാർ…… സൈഡിൽ ഒരു ഷെഡ് കെട്ടി ഉണ്ടാക്കിയ ചായ കടകൾ….
ഞാൻ അല്പം കൂടി മുമ്പോട്ടു പോയിട്ട് ഒരു ഷെഡിൻ്റെ സൈഡിൽ വണ്ടി ഒതുക്കി….. ജാനിയോട് കൂടെ വരാൻ കണ്ണ് കൊണ്ട് കാണിച്ചിട്ട് സൈഡിലുള്ള പൈപ്പ് ലക്ഷ്യമാക്കി നീങ്ങി…..കൈ നല്ലോണം കഴുകി ജാനിയും ആയിട്ട് ഞങ്ങൾ ഷീറ്റ് ഇട്ട് ഉണ്ടാക്കിയ പീഡികയിലോട്ട് കേറി…..
“””രാമേട്ട രണ്ടു സ്പെഷ്യൽ ചായ…..രണ്ടു സെറ്റ് ബ്രഡ് ഓംലെറ്റ്…..”””” ഞാൻ വിളിച്ചു പറഞ്ഞു…..അപ്പോഴാണ് പുള്ളി എന്നെ കണ്ടത്….
“””ആഹാ…. ഇതാര്….കണ്ടിട്ട് കുറച്ചായല്ലോ…..മറ്റെ കൂട്ടുകാരൻ എന്തിയെ…..ഇതാരാ പുതിയ ആള്….””” രാമേട്ടൻ നിർത്താതെ ചോദിച്ചു കൊണ്ടിരുന്നു.
“”””രാമേട്ട കുറച്ച് ബിസി ആയി പോയി….അതാണ് കുറച്ച് നാളായി ഇങ്ങോട്ടെന്നും വരാഞ്ഞെ…..പിന്നെ ഈ പ്രാവിശ്യം അവനെ കൂട്ടിയില്ല…..പിന്നെ ഇത് ആരാണെന്ന് എനിക്ക് അറിയില്ല…..ചേട്ടാ വിശക്കുന്നു വല്ലതും തിന്നാൻ മേടിച്ചു തരുമോ എന്ന് ചോദിച്ചു വന്നതാ…..”””” ഞാൻ ചിരിച്ചോണ്ട് പറഞ്ഞു ….
ജാനിയെ നോക്കിയപ്പോൾ എന്നെ കൊല്ലാനുള്ള ദേഷ്യത്തിൽ കണ്ണും ഉരുട്ടി പേടിപ്പിച്ചൊണ്ടിരിക്കുവാ……അല്ല കിട്ടി അപ്പോൽ തന്നെ നല്ലൊരു നുള്ള് എൻ്റെ ഇടുപ്പിൽ….അവിടുന്ന് ഒരു കഷണം അടർന്നു പോയെന്ന് തോന്നുന്നു….
“”””ആ…”””” ഞാൻ അറിയാതെ വിളിച്ചു പോയി.
രാമേട്ടൻ ഞങ്ങളുടെ ആക്ഷൻ ഒക്കെ കണ്ട് ചിരിച്ചൊണ്ടിരിക്കുവാ…..വേറെ കഴിക്കാൻ വന്നവരോക്കെ ഞങ്ങളെ നോക്കി ചിരിക്കുന്നുണ്ട്….
എല്ലാരും കണ്ടെന്ന് മനസ്സിലായപ്പോൾ പെണ്ണ് പാൽ പല്ലുകൾ കാട്ടി ഇളിച്ചു കാട്ടി…..
“”””രാമേട്ട ഇത് എൻ്റെ ഭാര്യ…. ജാനകി…..ജാനകി ഇത് നമ്മടെ രാമേട്ടൻ….ഇവിടെ വരുമ്പോൾ ഇതാണ് ഞങ്ങളുടെ സ്ഥിരം ഭക്ഷണ ശാല…..””””
“””” രാമേട്ട നല്ല വിശപ്പ് ഒന്ന് പെട്ടന്ന് തരാമോ….”””” ഞാൻ ഇടുപ്പ് തിരുമി കൊണ്ട് പറഞ്ഞു.
“”””അതിനെന്താ…..ഒരു 5 മിനിറ്റ്….ഇപ്പൊൾ തരാം…..””””.പറഞ്ഞുകൊണ്ട് രാമേട്ടൻ ഉള്ളിലോട്ടു പോയി.
“””എന്തിനാടി പിശാഷേ എന്നെ നുള്ളിയെ…..നിക്ക് നല്ലോണം നൊന്തു…..”””” ഞാൻ രാമേട്ടൻ പോയ ഉടനെ പെണ്ണിനെ നോക്കി കണ്ണുരുട്ടി കൊണ്ട് ചോദിച്ചു.
“”””അത് നീ അങ്ങനെ പറഞ്ഞൊണ്ടല്ലെ….””””
“”””അതിന് ഇങ്ങനെ ആണോ നുള്ളുന്നെ…..മനുഷ്യൻ്റെ ജീവൻ പോയി……നാറി….””””
“””കാര്യമായി പോയി….””””
“””നിനക്ക് ഞാനും കാണിച്ചു തരാടി…..”””
“””ആഹ് കാണാം…..””””
“”””കാണാം….”””” ഇതും പറഞ്ഞു നോക്കിയപ്പോൾ എല്ലാരും ഞങ്ങളെ തന്നെ നോക്കി ഇരിക്കുന്നു….ഞാനൊരു വളിച്ച ചിരിയങ്ങ് പാസ്സ് ആക്കി കൊടുത്തു….
“”””ഈ….”””””
പിന്നെ ഫോൺ എടുത്തു അതും തോണ്ടി കൊണ്ടിരുന്നു……ഇടക്ക് പെണ്ണിനേയും ചേർത്ത് നിർത്തി 2,3 സെൽഫിയും എടുത്തു…..
“”””ഇന്നാ മക്കളെ…..ഇത് കഴിക്ക് അപ്പോഴേക്കും ഞാൻ ചായ എടുക്കാം….”””” രാമേട്ടൻ രണ്ടു പ്ലേറ്റ് ബെഞ്ചിൽ വെച്ചിട്ട് ഇതും പറഞ്ഞു അകത്തോട്ടു പോയി.
പരന്ന സ്റ്റീൽ പ്ലേറ്റിൽ വാഴയില ഇട്ടിട്ട് അതിൻ്റെ പുറത്ത് ബ്രഡ് ഓംലെറ്റ്…… ഉള്ളിയും മുളകും തക്കാളിയും കുറച്ച് മല്ലിയിലയും മുട്ടയും അല്പം മുളക് പൊടിയും മഞ്ഞൾ പൊടിയും ഉപ്പും ഇട്ട് നല്ലോണം അടിച്ചു പതപ്പിച്ചു ചൂട് കല്ലിൽ ഒഴിച്ചിട്ട് അതിൻ്റെ പുറത്ത് നല്ലോണം ബ്രഡ് നെയ്യിൽ മൊരിച്ചത് ഇട്ട് തിരിച്ചും മറിച്ചും ഇട്ട് നന്നായി വേവിക്കും….അവസാനം രണ്ടു ബ്രഡിൻ്റെ നടക്കു ഈ ഓംലെറ്റ് ആകും…….നാടൻ സാൻഡ്‌വിച്ച്….അതിൻ്റെ മണം മുക്കിൽ അടിച്ചപ്പോൾ തന്നെ വായ്യിൽ വെള്ളം ഊറാൻ തുടങ്ങി…… ജാനിയെ നോക്കിയപ്പോൾ പെണ്ണ് അവിടെ തീറ്റയും തുടങ്ങി കഴിഞ്ഞു…..
ഞാൻ ഇനി ആരെ നോക്കി ഇരിക്കാനാ….ഞാനും എടുത്ത് കഴിച്ചു തുടങ്ങി…..ആദ്യത്തെ സെറ്റ് കഴിഞ്ഞപ്പോൾ തന്നെ ചായ എത്തി…..ഏലക്കയും വാനിലയും ഇട്ട് നല്ലോണം പതപ്പിച്ച സൂപ്പർ ചായ…..
എല്ലാം കഴിഞ്ഞപ്പോൾ വയറു വീർത്തു……പെണ്ണിനെ നോക്കിയപ്പോൾ അവൾക്കും മതി…..പിന്നെ കൈ കഴുകി ഫ്രണ്ടിൽ വന്നു…..
“””രാമേട്ട പിന്നെ കച്ചോടം ഒക്കെ എങ്ങനെ….ചേച്ചിക്കും പിള്ളേർക്കും ഒക്കെ സുഖമല്ലേ.”””” ഞാൻ പൈസ കൊടുത്തുകൊണ്ട് ചോദിച്ചു.
“”””ഓ ഇങ്ങനെ പോകുന്നു കുഞ്ഞേ……ഇന്ന് ഞായറാഴ്ച്ച ആയൊണ്ടു തിരക്കുണ്ട്…..പിന്നെ തട്ടിയും മുട്ടിയും ഇങ്ങനെ പോകുന്നു …..അവളും പിള്ളേരും സുഖമായിട്ട് കഴിയുന്നു….””” രാമേട്ടൻ ഒരു നെടുവീർപ്പ് ഇട്ടുകൊണ്ട് പറഞ്ഞു.
“”””ആഹ….എല്ലാം ശരിയാവും രാമേട്ട…. എങ്കി ഞങ്ങൾ ഇറങ്ങട്ടെ…. ഇനിയങ്ങുവരെ എത്താനുള്ളതാണ്….”””” ഇതും പറഞ്ഞു ഞങ്ങൾ വിട പറഞ്ഞു തിരഞ്ഞു.
“”””ഞിങ്ങളെ രണ്ടുപേരെയും കാണാൻ നല്ല ചേർച്ച….എന്നും ഈ കളിയും ചിരിയും നിലനിൽക്കട്ടെ….”””” രാമേട്ടൻ ഞങ്ങളെ നോക്കി പറഞ്ഞു.
