“നിനക്ക് സമ്മതമെങ്കിൽ എന്റെ ആയുസ്സ് മുഴുവൻ ഞാൻ നിന്നെ എടുത്തോണ്ട് നടക്കാൻ തയ്യാറാണ്.” വീണ്ടും എങ്ങാനും ബിരിയാണി കിട്ടിയാലോ എന്ന് കരുതി ഡയലോഗ് എടുത്തിട്ടു. അവളുടെ കണ്ണുകളിലേയ്ക്ക് നോക്കിയാണ് ഇത് പറഞ്ഞത്. ചിരിച്ചു കൊണ്ടിരുന്ന അവൾ പെട്ടന്ന് കണ്ണിമ വെട്ടാതെ എന്നെ നോക്കി. ഒരു രണ്ടു സെക്കന്റ്. അത്ര മാത്രം. അവൾ “നീ ഭയങ്കര ക്യൂട്ട് ആണ്” എന്ന് പറഞ്ഞു കൊണ്ട് മുൻപിലേക്ക് നടന്നു. പക്ഷെ എന്റെ കയ്യിലെ പിടുത്തം അവൾ വിട്ടിരുന്നില്ല. അത് എന്നെ തെല്ലൊന്നുമല്ല സന്തോഷിപ്പിച്ചത്.
“നമുക്ക് എന്നാൽ ഒരു കാപ്പി കുടിച്ചാലോ? ഇവിടുള്ളവർക്ക് ഭക്ഷണം കഴിഞ്ഞു ഒരു കാപ്പി കുടി ഉള്ളതല്ലേ. എനിക്ക് പഴ്സണലി വല്യ താല്പര്യമില്ല, പക്ഷെ നിനക്കു താൽപര്യമുണ്ടെങ്കിൽ ഒരു കാപ്പിയാവാം.”
“എനിക്കും ഇഷ്ടമല്ല ഭക്ഷണം കഴിച്ചിട്ട് കാപ്പി കുടിക്കുന്നത്. എന്തിനാ കഴിച്ച ഫുഡിന്റെ ടേസ്റ്റ് വെറുതെ നാവിൽ നിന്ന് കളയുന്നത്?”
ഞാൻ അത്ഭുതത്തോടെ അവളെ നോക്കി.
“എന്താ നീ ഇങ്ങനെ നോക്കുന്നത്?” കയ്യിലെ പിടി വിടാതെ എന്നാൽ ഒരു സ്റ്റെപ് അകലയെക്ക് മാറി നിന്ന് കൊണ്ട് അവൾ ചോദിച്ചു.
“ഹേയ് ഒന്നുമില്ല. ഞാൻ എന്റെ ഓഫീസിലെ ഫ്രണ്ട്സിനോട് പറയുന്ന അതെ ഡയലോഗ്, അത് കേട്ടത് കൊണ്ട് നോക്കിയതാണ്. നമ്മൾ തമ്മിൽ ഒരുപാട് പൊരുത്തങ്ങൾ ഉള്ള പോലെ. അല്ലെ?”
“കാണും.”
“അപ്പൊ പിന്നെ ഇനി എന്താ പരുപാടി? തിരിച്ചു പോവ്വാണോ?” അവളെ അടുത്തേയ്ക്ക് വലിച്ചു കൊണ്ട് ചോദിച്ചു.
“അയ്യോ സമയം പോയതറിഞ്ഞില്ല എനിക്ക് ഒന്നരയാവുമ്പോ തിരിച്ചു ഓഫീസിൽ ചെല്ലണം. നമുക്ക് തിരിച്ചു പോയാലോ?”
“ശരി, എന്ന പോവാം.” ഞങ്ങൾ മുൻപോട്ടു നടന്നു. അങ്ങനെ നടന്ന വഴിക്കാണ് അവൾ എന്റെ കയ്യിൽ പിടിച്ചിരിക്കുകയായിരുന്നു എന്ന കാര്യം അവൾ മനസ്സിലാക്കിയത് എന്ന് തോന്നുന്നു. പെട്ടന്ന് കൈ വിട്ടു കൊണ്ട് അവൾ ചോദിച്ചു. “ഓഹ് സോറി, ഞാൻ ഇത്രയും നേരം നിന്റെ കൈ പിടിച്ചു കൊണ്ട് നടന്നത് അറിഞ്ഞില്ല. ഒന്നും തോന്നരുതേ”
“കമ്മോൺ, നീ ഒരിക്കലും വിടരുതേ എന്നായിരുന്നു എന്റെ പ്രാർത്ഥന”
“ജിത്തൂ… വേണ്ട… നീ ലിമിറ്റ് കടക്കുന്നു.” ഒരു വിരൽ ചൂണ്ടി താക്കീതു പോലെ എന്നാൽ ചിരിച്ചു കൊണ്ട് അവൾ പറഞ്ഞു.
“ഞാൻ എന്തെങ്കിലും തെറ്റായി പറഞ്ഞെങ്കിൽ എന്നോട് ക്ഷമിക്ക്. എന്റെ മനസ്സിൽ തോന്നിയതാ ഞാൻ പറഞ്ഞത്. എനിക്ക് മനസ്സിൽ ഒന്ന് വെച്ച് കൊണ്ട് വേറെ രീതിയിൽ പെരുമാറാൻ അറിയില്ല.” അവളുടെ കണ്ണുകളിൽ നോക്കി അങ്ങനെ പറഞ്ഞപ്പോ അവളുടെ കണ്ണിൽ മിന്നിമറഞ്ഞ ആ തിളക്കത്തിന്റെ അർത്ഥമെന്താ? അറിയില്ല… ഞാൻ വീണ്ടും മുൻപിലേക്ക് നടന്നു. പിന്നെ എന്ത് കൊണ്ടോ തിരിച്ചു ഓഫീസിൽ ചെന്നത് വരെ ഞങ്ങൾ ഒന്നും മിണ്ടിയില്ല. ഓഫീസിലെ ലിഫ്റ്റിൽ കേറി 12 ഫ്ലോർ കുത്തി. ലിഫ്റ്റ് പതിയെ മുകളിലേയ്ക്ക് ചലിച്ചു.
“ഇന്നത്തെ നിന്റെ ടൈം ഞാൻ വേസ്റ്റ് ചെയ്തില്ല എന്ന് കരുതുന്നു.” അവളുടെ അടുത്തേയ്ക്ക് നീങ്ങി നിന്ന് കൊണ്ട് ഞാൻ പറഞ്ഞു.
“ഒരിക്കലുമില്ല, ഞാൻ നിന്റെ കൂടെ ശരിക്കും എന്ജോയ് ചെയ്തു. നിനക്ക് ഇന്ന് വൈകുന്നേരം എന്താ പ്ലാൻ? ഇന്ന് വെള്ളിയാഴ്ച അല്ലെ? പുറത്തു പോവുന്നുണ്ടോ?”
ഞാൻ ഇതെന്താ കേട്ടെ? ഇവൾ എന്നോട് ഇങ്ങോട്ടു ചോദിക്കുന്നു. ഇനി എന്ത് പരുപാടി ഉണ്ടെങ്കിലും ഇന്നത് മാറ്റി വെച്ചിരിക്കുന്നു.
“നിനക്ക് വേണ്ടി എപ്പഴും എനിക്ക് സമയമുണ്ട്. ഞാൻ എപ്പോഴാ നിന്നെ പിക്ക് ചെയ്യേണ്ടത്?”
“എന്നാൽ നമുക്ക് വൈകുന്നേരം ഒരുമിച്ചു ഓഫീസിൽ നിന്നിറങ്ങിയാലോ? എന്നെ വീട്ടിൽ കൊണ്ടാക്കിയിട്ടു നീ ഒന്ന് ഫ്രഷ് ആയി വരുമ്പോഴേക്കും ഞാൻ റെഡി ആയിട്ട് നിൽക്കാം. എന്ത് പറയുന്നു?”
“ഷുവർ… നമുക്ക് ഒരുമിച്ചിറങ്ങാം. ഞാൻ ഒരു 5:30യ്ക്ക് ഇറങ്ങും. അന്നേരം പോയാലോ?”
“ഓക്കേ എന്നാൽ നമുക്ക് വീണ്ടും ഈ ലിഫ്റ്റിൽ വെച്ച് കാണാം എന്താ?”
“ഓക്കേ… എന്നാൽ ശരി, ബൈ നല്ല ഒരു ആഫ്റ്റർനൂൺ നിനക്ക് വിഷ് ചെയ്യുന്നു.”
“താങ്ക്യൂ… നിനക്കും” എന്നും പറഞ്ഞു കൊണ്ട് ഹഗ് ചെയ്തു. ഇവിടെ പരിചയക്കാര് തമ്മിൽ കാണുമ്പോഴും ബൈ പറയുമ്പോഴും ഹഗ് ചെയ്ത് കവിളിൽ കവിൾ ചേർത്ത് ഉമ്മ കൊടുക്കുന്നത് നോർമൽ ആണ്. അപരിചിതത്വത്തിൽ നിന്നും പരിചിതത്വത്തിലേയ്ക്ക് മാറിയതിന്റെ സിമ്പൽ.
ഞങ്ങൾ വീണ്ടും എതിർ ദിശയിലേക്ക് നടന്നു നീങ്ങി. ഞാൻ വീണ്ടും അവളെ തിരിഞ്ഞു നോക്കി. അവൾ എന്നെയും. കൈ പകുതി പൊക്കി ഒരു ചെറിയ റ്റാറ്റാ രീതിയിൽ വീശി കാണിച്ചു. അവൾ എനിക്കും… ഏതായാലും ഇന്നത്തെ ലഞ്ച് ശരിക്കും ആസ്വദിച്ചു. എന്റെ മനസ്സിലുള്ള ഇഷ്ടം ഒരു തരത്തിൽ അല്ലെങ്കിൽ മറ്റൊരുതരത്തിൽ അവൾ മനസ്സിലാക്കിയിട്ടുണ്ട് ഉറപ്പ്. ഇന്ന് വൈകിട്ടത്തെ കാര്യം എന്തായി തീരുമോ. ഏതായാലും കാത്തിരിക്കാം.
“നീ എന്താ ചെയ്യണേ?” പെട്ടന്ന് ഇൻസ്റ്റന്റ് മെസ്സഞ്ചറിൽ ഒരു സന്ദേശം. അവളാണ്. ഒരു സ്മൈലി ഇട്ടു കൊണ്ട് തിരിച്ചു ടൈപ്പ് ചെയ്തു.
“ഒരു പ്രൊജക്റ്റ് റിപ്പോർട്ട് എഴുതിക്കൊണ്ടിരിക്കുന്നു. നീയോ?”
“എനിക്ക് പ്രത്യേകിച്ച് പണിയൊന്നുമില്ല. ഇന്ന് കുറച്ചു ഫ്രീയാണ്. താങ്ക്യൂ ജിത്തു ഇന്നത്തെ ലഞ്ച് ടൈം ഞാൻ ശരിക്കും എന്ജോയ് ചെയ്തു. നിന്റെ ഫ്രണ്ട്ഷിപ്പ് ഞാൻ ആഗ്രഹിക്കുന്നു.”
“ശരിക്കും. നിന്റെ ഈ മെസ്സേജ് എനിക്ക് ഒരുപാട് സന്തോഷം തരുന്നു. നിന്റെ സാമീപ്യം ഞാൻ ഹൃദയം കൊണ്ട് ആഗ്രഹിക്കുന്നു.”
“നിന്നെ ഞാൻ ശല്യം ചെയ്യുന്നില്ല. നിന്റെ പണി നടക്കട്ടെ. നമുക്ക് വൈകുന്നേരം ലിഫ്റ്റിൽ കാണാം. ബൈ”
“ഓക്കേ ഡിയർ ബൈ” ഞാൻ വീണ്ടും എന്റെ പണികളിലേയ്ക്ക് തിരിഞ്ഞു. അവളുടെ കൂടെ ഈവെനിംഗ് സ്പെൻഡ്‌ ചെയ്യാം എന്നുള്ളത് കൊണ്ടാണെന്ന് തോന്നുന്നു. പണികൾ എല്ലാം ചെയ്യാൻ നല്ല സ്പീഡ്. 5.25 ആയപ്പോ ഞാൻ പതിയെ സിസ്റ്റം ഒക്കെ ഓഫ് ആക്കി ബാഗുമെടുത്തു ലിഫ്റ്റിന്റെ അരികിലേക്ക് ചെന്ന്. മിഷേൽ അവിടെ എന്നെ നോക്കി നിൽക്കുന്നുണ്ടായിരുന്നു.
“ഹേയ്… നീ നേരത്തെ തന്നെ ഇവിടെ എത്തിയോ?”
“അത്ര നേരത്തെ അല്ല, ഒരു രണ്ടു മിനിറ്റ്. അത്രേ ഒള്ളു.” അവൾ ലിഫ്റ്റ് കുത്തികൊണ്ട് പറഞ്ഞു.
ലിഫ്റ്റിൽ കേറി -2 കുത്തി ലിഫ്റ്റ് നേരെ അണ്ടർഗ്രൗണ്ട് പാർക്കിങ്ങിൽ എത്തി. എന്റെ വണ്ടിയുടെ അടുത്തേയ്ക്ക് നീങ്ങി.
“അല്ല നിന്റെ വണ്ടി അപ്പൊ എന്ത് ചെയ്യും?” ഞാൻ അവളോട് ചോദിച്ചു.
“എന്റെ ഒരു കുഞ്ഞു സ്കൂട്ടർ ആണ്. അതിവിടെ ഇരുന്നോളും. ഞാൻ തിങ്കളാഴ്ച വരുമ്പോ എടുത്തോളാം. വീക്കെൻഡിൽ എനിക്ക് സ്കൂട്ടറിന്റെ ആവശ്യമില്ല. ഇനി അഥവാ എന്തെങ്കിലുമുണ്ടെങ്കിൽ നിന്നെ വിളിച്ചാൽ പോരെ? നീ എന്നെ ഡ്രോപ്പ് ചെയ്യില്ലേ?” എന്റെ കണ്ണിൽ നോക്കിക്കൊണ്ടു അവൾ ചോദിച്ചു.
