റിയയുടെ ഒച്ചകേട്ട സാം പതിയെ പതിയെ തന്റെ കണ്ണുതുറന്നു
“ടാ ആ പാന്റ് ഒന്നെടുത്തിട് നാണമില്ലാത്തവൻ ”
ബെഡിൽ നഗ്നനായി ഇരിക്കുന്ന സാമിനോടായി റിയ പറഞ്ഞു
“ഉം നല്ല ക്ഷീണം റിയാ ”
“അത് കാണും അമ്മാതിരി പ്രകടനമല്ലേ ഇന്നലെ കാഴ്ചവെച്ചത് ”
ഇത് കേട്ട സാം പതിയെ ചിരിച്ചു
ശേഷം റിയയെ ഒന്നു കൂടി നോക്കി
“നീ ഇതിനിടയിൽ കുളിയൊക്കെ പാസാക്കിയോ ”
“എന്താ ഒരു നോട്ടം കണ്ണ് ഞാൻ കുത്തി പൊട്ടിക്കും പോയി പല്ല് തേച്ചു റെഡിയായിക്കെ ”
ഇത് കേട്ട സാം ബെഡിനു താഴെ കിടന്ന പാന്റ് ഇട്ട ശേഷം റിയയുടെ അടുത്തേക്ക് എത്തി
“പിന്നെ ഹോസ്പിറ്റലിൽ നിന്ന് വിളിച്ചിരുന്നു നിനക്ക് സുഖമില്ലാ എന്നാ ഞാൻ പറഞ്ഞത് ”
“ഉം അത് നന്നായി ”
ഇത്രയും പറഞ്ഞു സാം റിയയെ കെട്ടിപിടിച്ചു
“വിട് സാമേ എനിക്ക് കുറേ ജോലിയുള്ളതാ ”
“ജോലിയൊക്കെ പിന്നെ ചെയ്യാലോ ”
“പോയി പല്ല് തേക്കടാ നാറുന്നു ”
“റിയാ നമുക്കൊരു ടൂർ പോയാലോ ”
“ടൂറോ ”
“ഉം നീയും ഞാനും മാത്രം കുറച്ചു ദിവസം അടിച്ചു പൊളിക്കാം ”
“അപ്പൊ നിനക്ക് ഡ്യൂട്ടിക്ക് പോകണ്ടേ ”
“കുറച്ച് ദിവസം ലീവ് എടുക്കാം ”
“അവർ ലീവ് തന്നില്ലെങ്കിലോ ”
“തന്നില്ലെങ്കിൽ അവിടത്തെ പണി ഞാൻ അങ്ങ് നിർത്തും എനിക്ക് നീയല്ലേ ഏറ്റവും വലുത് ”
ഇത് കേട്ട റിയ പതിയെ ചിരിച്ചു
“സത്യമാണോടാ ഈ പറയുന്നേ അതോ ഇനി ഉറക്ക ചടവ് മാറുമ്പോൾ മാറ്റി പറയോ ”
“ഇല്ലെടി ഉറപ്പായും പോകാം ”
“എപ്പോ പോകും ”
“ഇന്ന് തന്നെ പോകാം എന്താ സന്തോഷമായോ ”
ഇത്രയും പറഞ്ഞു സാം റിയയുടെ നെറ്റിയിൽ നെറ്റി മുട്ടിച്ചു ശേഷം പതിയെ അവളുടെ മൂക്കിൽ തന്റെ മൂക്ക് ഉരസുവാൻ തുടങ്ങി
പെട്ടെന്നാണ് സാമിന്റെ ഫോൺ റിങ് ചെയ്യാൻ തുടങ്ങിയത്
“ഹോ തുലച്ചു ഏതവനാണാവോ ഈ നേരത്ത് ”
സാം പതിയെ ഫോണിൽ നോക്കി
“ജൂണോ ”
“എനിക്കറിയായിരുന്നു ഇവൻ തന്നെ യായിരിക്കുമെന്ന് “
“ഹലോ ”
സാം പതിയെ ഫോൺ എടുത്തു
“ഹലോ അളിയാ ഞാനാ ”
“മനസ്സിലായി എന്താ ”
“അത് പിന്നെ നിന്റെ ചേച്ചിക്ക് നിന്നെ ഒന്ന് കാണണോന്ന് ”
“ഉം ഞാൻ അറിഞ്ഞു സമയം കിട്ടുമ്പോൾ ഞാൻ അങ്ങ് വന്നോളാം ”
“ഹേയ് അത് പറ്റില്ല അവൾക്ക് ഇപ്പോ നിന്നെ കണ്ടേപറ്റൂന്ന് പിന്നെ അമ്മയ്ക്കും നിന്നെ കാണണോന്ന് പറഞ്ഞു അപ്പൊ ഞാൻ കരുതി ഇവരെയെല്ലാം കൊണ്ട് അങ്ങോട്ടേക്ക് ഒന്ന് വന്നു കളയാന്ന് ”
“ഇങ്ങോട്ടേക്കോ അളിയാ പൈസ വല്ലതും വേണമെങ്കിൽ ഞാൻ അയച്ചു തരാം ”
” പൈസയുടെ കാര്യമൊക്കെ നമുക്ക് അവിടെ വച്ച് സംസാരിക്കാം ഇപ്പോ നീ ഞങ്ങൾക്ക് കഴിക്കാൻ എന്തെങ്കിലും സ്പെഷ്യലായി ഉണ്ടാക്കി വെക്ക് ഞങ്ങൾ ഉച്ചക്കങ്ങെത്തും പിന്നെ നീ ഒരു നാല് ദിവസം ലീവ് എടുത്തോ ”
“നാല് ദിവസോ എന്തിന് ”
“ടാ ലിസിക്ക് വീട്ടിലിരുന്ന് മടുത്തെന്ന് അപ്പോൾ ഞാൻ കരുതി നമുക്കെല്ലാവർക്കും കൂടി ഒരു ടൂർ അങ്ങ് പോകാമെന്ന് സ്ഥലമൊക്കെ നമുക്ക് വന്നിട്ട് ഫിക്സ് ചെയ്യാം ”
“ജൂണോ അത് ”
“പേടിക്കണ്ടടാ പകുതി പൈസ ഞാൻ ഇട്ടോളാം ഇത് കേൾക്കുമ്പോൾ റിയക്കും സന്തോഷമാകും അപ്പൊ ഞാൻ വെക്കുവാണെ ”
“ജൂണോ നിക്ക് ടാ ജൂണോ കോപ്പ് അവൻ വെച്ച് ”
“എന്തടാ സാമേ എന്താ പ്രശ്നം ”
“അത് പിന്നെ റിയാ നമുക്ക് ടൂർ മറ്റൊരു ദിവസമാക്കിയാലോ അല്ലെങ്കിൽ വേണ്ട നമുക്കിതൊരു ഫാമിലി ടൂർ ആക്കാം ”
“എന്തൊക്കെയാടാ പറയുന്നെ ”
“അത് റിയാ ചേച്ചിയും ജൂണോയുമൊക്കെ ഇങ്ങോട്ട് വരുന്നുണ്ട് അവര് ഒരു മൂന്നാല് ദിവസം ഇവിടെ കാണും ”
ഇത് കേട്ട റിയ പതിയെ പുറകിലോട്ട് നീങ്ങാൻ തുടങ്ങി
“എന്താ റിയാ ”
എന്നാൽ സാം പറയുന്നത് കേൾക്കാതെ റിയ പതിയെ മേശപുറത്തിരുന്ന ഫ്ലവർ പൊട്ട് കയ്യിലേക്കെടുത്തു
“അതിപ്പോ എന്തിനാ എടുത്തെ മോളെ വേണ്ടാ ”
“കൊല്ലൂടാ നിന്നെ ”
റിയ അലറി
അടുത്ത നിമിഷം സാം റൂമിനു പുറത്തേക്കോടി ഒപ്പം റിയയും
റിയയും ജൂണോയും ഒക്കെയുള്ളടുത്തോളം സാമിന്റെ പ്രശ്നങ്ങൾ തുടർന്നുക്കൊണ്ടേയിരിക്കും പ്രശ്നങ്ങൾ ഇല്ലാതെ എന്ത് ജീവിതം അല്ലെ തല്ക്കാലം നിർത്താം സാം ഇനി അവന്റെ ജീവിതം നന്നായി ജീവിക്കും എന്ന് കരുതാം