” ഡാ ഒരു റൗണ്ട് നീ ഫീസ് അടച്ചിട്ടു വരുമ്പോയേക്കും ഞങ്ങൾ ഇങ്ങ് വരും…… പിന്നെ അത് ശ്രുതി ഇവളുടെ കൂട്ടുകാരിയാ അവളെ ഒന്ന് കൂടെ നിർത്തു കേട്ട ”
അവൻ ബൈക്കിൽ കേറിക്കൊണ്ട് പറഞ്ഞു. ഞാൻ അവളെ തിരിഞ്ഞു നോക്കുമ്പോൾ അവൻ വണ്ടി സ്റ്റാർട്ട് ചെയ്തിരുന്നു.
” ഡാ….ഡാ…. ഡാ ”
ഞാൻ വിളിച്ചെങ്കിലും അവൻ അവളെയും കൊണ്ട് പോയിരുന്നു.
എനിക്ക് വല്ലാതെ ദേഷ്യം വന്നു. കാരണം ഇന്ന് പൊന്മുടിയിൽ സമയത്ത് എത്തേണ്ടത് എന്റെ അഭിമാനപ്രശ്നം ആയിരുന്നു. ഞാൻ എന്തക്കയോ പിറു പിറുത്തുകൊണ്ട് ബിൽഡിങ്ങിന് ഉള്ളിലേക്ക് നടന്നു.
” ഒന്ന് കൂൾ അവ് മാഷേ ……. അവർ ഇപ്പോൾ വരും ”
ആ പെൺകുട്ടി എന്നോട് സംസാരിച്ചുകൊണ്ട് എന്റെ പുറകെ നടന്നു.
ഞാൻ തിരിഞ്ഞു അവളെ നോക്കി. മുഖം വെള്ള ഷാൾ കൊണ്ട് മുഖം മറച്ചിരുന്ന അവളെ നോക്കി ഞാൻ ചോദിച്ചു.
” നീ എന്താ ഈ മൂടി പൊതച്ചു നടക്കുന്നത് ”
” വെയിൽ കൊള്ളാതിരിക്കാൻ ”
” ഹാ ബെസ്റ്റ് …… നല്ല ചൂട് ഇല്ലേ ഇനി എങ്കിലും ഇത് മാറ്റിക്കൂടെ ”
ഞാൻ ഒരു പുച്ഛഭാവത്തിൽ അവളോട് ചോദിച്ചു. അവൾ എന്നോട് ഒന്നും മിണ്ടിയില്ല. പക്ഷെ എന്നോട് ഉള്ള വാശിക്ക് ആണെന്ന് തോന്നുന്നു ബിൽഡിങ്ന് ഉള്ളിൽ കയറിയിട്ടും അവൾ ഷാൾ ഊരിമാറ്റിയില്ല. ഞങ്ങൾ ഫ്രണ്ട്സ്ൽ എത്തുമ്പോൾ അവിടെ നല്ല തിരക്ക് ഉണ്ടായിരുന്നു. കോളേജ് പിള്ളേരും . കറന്റ് ബില്ല് ടെലിഫോൺ ബില്ല് തുടങ്ങിയ ആവിശ്യങ്ങൾക്ക് ആയി മുതിർന്നവരും അവിടെ ഉണ്ടായിരുന്നു. പല കൗണ്ടറുകളിലും ആളില്ലാത്തതിനാൽ ഇപ്പോൾ അവിടെ മൂന്ന് കൗണ്ടർ മാത്രമേ ഉള്ളു.
” മൈര് ”
എന്റെ മൈന്റ്വോയിസ് അൽപ്പം ഉച്ചത്തിൽ ആയിരുന്നു. എന്റെ കൂടെ ഉണ്ടായിരുന്ന ശ്രുതി അത് കെട്ടു. അവൾ കൈ മുഖത്തിനു നേരെ കൊണ്ട് വന്ന് ചെറുതായി ചിരിച്ചു. ഞാൻ അവളെ തുറിച്ചു നോക്കി കൊണ്ട് ഒരു വരിക്ക് പിന്നിൽ ചെന്ന് നിന്നു. ഓച്ച് ഇഴയുന്നത് പോലെ വരി മുന്നിലോട്ട് പോയി. എന്റെ ക്ഷമ നശിച്ചു തുടങ്ങിയിരുന്നു.
അപ്പോൾ അവിടെ ഒഴിഞ്ഞു കിടന്ന ഒരു കൗന്ററിൽ ആള് വന്നിരുന്നു. അപ്പോൾ അവിടെ ക്യു നിന്നിരുന്ന ആളുകൾ പുതിയ കൗൺട്ടറിലേക്ക് തള്ളി കേറി.
” ഹേയ് ഹേയ് എങ്ങോട്ടാ ഈ തള്ളി കേറുന്നത്. സ്ത്രീകൾ മാത്രം ഈ വരിയിൽ നിന്നാൽ മതി ”
കൗണ്ടറിൽ ഇരുന്ന ആൾ പറഞ്ഞത് കേട്ട് അങ്ങോട്ട് ഓടിയ ആളുകൾ തിരിച്ചു വന്നു. ചിലർ അവർ മുൻപ് നിന്ന സ്ഥാലം സ്വന്തമാക്കാൻ വഴക്ക് കൂടി. അപ്പോൾ ശ്രുതി പുതിയ ക്യുയിൽ കയറി നിന്നുകൊണ്ട് എന്നെ കൈ കാട്ടി വിളിച്ചു. ഞാൻ എന്ത് എന്ന് അർഥത്തിൽ അവളെ നോക്കി. അവൾ വീണ്ടും എന്നെ വിളിച്ചു . ഞാൻ മനസില്ല മനസോടെ വരിയിൽ നിന്ന് മറി അവളുടെ അടുത്തേക്ക് ചെന്നു.
” ആ ക്യാഷ് ഇങ് താ…….. രജിസ്റ്റർ നമ്പർ പറഞ്ഞേ…. ഏതാ സെമെസ്റ്റർ ”
അവൾ ചോദിച്ചു കൊണ്ടിരുന്നു. ഞാൻ ക്യാഷ് അവളുടെ കയ്യിൽ കെടുത്തും. പിന്നെ ഫോണിൽ കിരൺ അയച്ച അവന്റെ രജിസ്റ്റർ നമ്പറും മറ്റ് വിവരങ്ങളും ഞാൻ അവൾക്ക് പറഞ്ഞു കൊടുത്തു. അകതെ ചൂടിൽ നിന്ന് രക്ഷപെടാൻ ഞാൻ പുറത്തേക്ക് വന്നു നിന്നു. കുറച്ച് കഴിഞ്ഞു ശ്രുതിയും പുറത്തേക്ക് വന്നു. ഫീസ് അടച്ച ചെല്ലാൻ എന്റെ കയ്യിൽ തന്നുകൊണ്ട് പറഞ്ഞു.
” ഇത്രയേ ഉള്ളു കാര്യം……. ഇതിനാണോ ഇത്രയും കിടന്ന് ടെൻഷൻ അടിച്ചത്. ”
അവൾ എന്നെ പുച്ഛിച്ചു കൊണ്ട് പറഞ്ഞു. ഞാൻ അവളെ ശ്രെദ്ധിക്കാതെ ഫോൺ എടുത്ത് കിരണിനെ വിളിച്ചു.
” ഹലോ ”
” ഹലോ ഡാ ഫീസ് അടച്ചു നിങ്ങൾ എവിടെയാ ”
” ഡാ താ വരുന്നു ”
ഫോൺ വെച്ച് പതിനഞ്ച് മിനിറ്റ് ആയിട്ടും അവരെ കാണാത്തത് കൊണ്ട് ഞാൻ അവനെ വീണ്ടും വിളിച്ചു.
” ഡാ എവിടെടെ ”
” ഡാ വരുന്നു ”
‘” നീ ഇപ്പോൾ എവിടെയാ സത്യം പറയണം ”
” ഡാ ഞങ്ങൾ ശംഗുമുഖത്തുആണ് ”
” ഈ നട്ടുച്ചക്ക് അവിടെ എന്ത് എടുക്കുവാ ”
” ഡാ ഈ നട്ടുച്ചക്ക് വണ്ടി ഓടിച്ചു പൊന്മുടിയിൽ പോകുന്നതിലും ഭേദം ആണ്….. ഡാ കുറച്ചു കഴിഞ്ഞു പോകാം അവിടെ വൈകിട്ട് ചെല്ലുന്നതല്ലേ രസം ”
” പോടാ അവമ്മാരോട് എന്ത് പറയും …. നീ ഇപ്പം ഇവിടെ വരണം കോപ്പേ ”