” ഹലോ അമ്മേ ”
” ഡാ മോനെ നീ ഇറങ്ങിയോ ”
” ദ ഇപ്പോൾ ഇറങ്ങും….. അമ്മക്ക് അവിടെ കാര്യങ്ങൾ എല്ലാം ഒക്കെ അല്ലെ. ”
” എന്റെ കാര്യം ഞാൻ നോക്കിക്കോളാം….. നീ സൂക്ഷിച്ചു പോവാൻ നോക്ക്…… പിന്നെ ‘
” എന്താ അമ്മേ ”
” ഞാൻ വിളിച്ചത് ഒരു കാര്യം പറയാൻ ആണ്….. എന്റെ കൂടെ വർക്ക് ചെയ്യുന്ന ആളിന്റെ മോളും ഇന്ന് എക്സാം എഴുതുന്നുണ്ട്….. അവൾക്കും നിന്റെ സെന്റർ ആണ് നീ അവളെ കൂടെ കൊണ്ടുപോകുമോ…. അവൾ ഒറ്റക്ക് ആണ്….. അറിയാത്ത സ്ഥാലം അല്ലെ “
” ആരാ അമ്മേ അത് ”
” നിനക്ക് അറിയില്ല….. അവൾ തിരുവനന്തപുരത്ത് ട്രെയിനിൽ വരും നീ അവളെ അവിടെ ചെന്ന് പിക് ചെയ്യണം ”
” എനിക്ക് അറിയാത്ത
പെണ്ണിനെ ഞാൻ എങ്ങനെ കണ്ട് പിടിക്കാനാണ്. മാത്രം മല്ല ഞാൻ സിറ്റിയിൽ കേറാതെ ആണ് പോകാൻ ഉദ്ദേശിക്കുന്നത്… പിന്നെ പരിജയം ഇല്ലാത്ത പെണ്ണിന്റെ കൂടെ ഞാൻ എങ്ങനെയാ പോകുന്നത് ”
” അത് അവൾ പറയേണ്ടേ ഡയലോഗ് അല്ലെ മോനെ…. ഡാ അവളുടെ നമ്പർ ഞാൻ നിനക്ക് അയച്ചു തരാം നീ അവളെ വിളിച്ച് എന്താ എന്ന് വെച്ചാൽ തീരുമാനിക്ക്… അവളെ കൂടെ കുട്ടിയില്ലെങ്കിലും നീ ഒന്ന് ശ്രെദ്ധിചോളണേ ”
” ആ ശെരി അമ്മേ ഞാൻ ഒന്ന് വിളിച്ച് നോക്കട്ടെ ”
ഞാൻ ഫോൺ കട്ട് ചെയ്ത് അമ്മ തന്ന നമ്പറിൽ വിളിച്ചു. എൻഗേജ് ട്യൂൺ ആണ് കേട്ടത് . ഞാൻ ഫോൺ പോക്കറ്റിൽ ഇറ്റ് വീട് ലോക്ക് ചെയ്യാൻ ഔരുങ്ങിയപ്പോൾ എന്റെ ഫോൺ റിങ് ചെയ്തു.
നേരത്തെ ഞാൻ അങ്ങോട്ട് വിളിച്ച നമ്പർ ആയിരുന്നു അത്. ഞാൻ കാൾ അറ്റൻഡ് ചെയ്തു.
” ഹലോ വരുൺ അല്ലെ… ഞാൻ ശ്രുതി ”
” ഹാ താൻ എങ്ങനെ പോകൻ ആണ് പ്ലാൻ ”
” ഞാൻ ഇപ്പോൾ ട്രെയിനിൽ ആണ്… ഇപ്പോൾ വർക്കല കഴിഞ്ഞു ”
” അയ്യേ…… വർക്കല കഴിഞ്ഞല്ലോ….. താൻ കാഴക്കൂട്ടത്തോ മറ്റോ ഇറങ്ങ് … എനിക്ക് തിരുവനന്തപുരത്ത് വരാൻ പറ്റില്ല ”
” ആ ഞാൻ കാഴക്കൂട്ടത്ത് ഇറങ്ങാം ”
ഞാൻ ഫോൺ കട്ട് ചെയ്തു. ബുള്ളറ്റ് സ്റ്റാർട്ട് ചെയ്തു.
കാഴക്കൂട്ടം റെയിൽവേ സ്റ്റേഷന് മുന്നിൽ അന്ന് ഞാൻ രോഹിതിന്റെ കൂടെ കണ്ട ശ്രുതി നിൽപ്പുണ്ടായിരുന്നു. ഇവൾ എന്താ ഇവിടെ ഞാൻ മനസ്സിൽ പറഞ്ഞു. അവളും എന്നെ കണ്ട് മുഖം വെട്ടിച്ചു.
ഞാൻ ഫോൺ എടുത്ത് അമ്മ തന്ന നമ്പറിൽ വിളിച്ചു. ഫോൺ റിങ് ചെയ്യുന്നുണ്ട് പക്ഷെ അറ്റൻഡ് ചെയ്യുന്നില്ല. ഞാൻ നോക്കുമ്പോൾ മറ്റേ മാറ്റവളുടെ കയ്യിൽ ഇരിക്കുന്ന ഫോൺ റിങ് ചെയ്യുന്നു.
” പുല്ല് ഇവളുടെ പേരും ശ്രുതി എന്നാണല്ലോ …. ഇനി ഇവൾ ആയിരിക്കുമോ അമ്മ പറഞ്ഞ പെണ്ണ് ”
ഞാൻ സ്വയം പറഞ്ഞു കൊണ്ട് അവളെ നോക്കി. അവൾ എന്നെ കണ്ട് മുഖം വെട്ടിച്ചു മുന്നോട്ട് നടന്നു. ഞാൻ വീണ്ടും ആ നമ്പറിൽ വിളിച്ചു കൊണ്ടിരുന്നു. അവൾ ഫോൺ കട്ട് ചെയ്തപ്പോൾ. ഞാൻ അവളെ തന്നെയാണ് വിളിക്കുന്നത് എന്ന് എനിക്ക് മനസിലായി. ഞാൻ എന്ത് ചെയ്യണം എന്നറിയാതെ നിന്നു. അവൾ അപ്പോൾ അവിടെ വന്ന ഒരു ബസ്സിൽ കയറി. അമ്മ പറഞ്ഞത് അല്ലെ ഇവളെ നോക്കണം എന്ന് . ഞാൻ അവൾ കയറിയ ബസ്സിന്റെ പുറകെ വണ്ടി വിട്ടു. ബസ് ശ്രീകാര്യത്ത് എത്തുമ്പോൾ അവിടെ വലിയ ബ്ലോക്ക് ആയിരുന്നു. വണ്ടികൾ അവിടെ നിന്ന് ഡൈവേർട്ട് ചെയ്തു വിടുന്നുണ്ടായിരുന്നു. അവൾ കയറിയ ബസ്സിൽ നിന്നും ആളുകൾ വെളിയിൽ ഇറങ്ങി നിൽപ്പുണ്ടായിരുന്നു. ഞാൻ അവളുടെ അടുത്ത് വണ്ടി നിർത്തി കൊണ്ട് പറഞ്ഞു.
” ഈ ബ്ലോക്ക് ഇപ്പോയെന്നും കഴിയില്ല .. നീ കേറൂ…… വാശി കാണിക്കാതെ എക്സമിനു സമയത്ത് എത്തണ്ടേ…….. ”
ഞാൻ അവളോട് കുറെ നേരം സംസാരിച്ചതിന്റെ ഫലമായി അവൾ എന്റെ ബൈക്കിന് പിന്നിൽ കയറി. അവളുടെ ബാഗ് ഞങ്ങൾക്കിടയിൽ ഒരു മതിൽ ആയി ഇരുന്നു. ഞാൻ അവിടെ നിന്ന് ഉൾവഴിയിൽ കൂടെ നാലഞ്ചിറ വന്ന് കേറി.
” തന്റെ അമ്മക്ക് തന്നെ കുറിച്ച് നുറുനാവ് ആണല്ലോ പക്ഷെ.. നിന്റെ കയ്യിൽ ഇരുപ്പ് അതുപോലെ അല്ലല്ലോ ”
അവൾ ബൈക്കിനു പുറകിൽ ഇരുന്ന് എന്നോട് പറഞ്ഞു.
” ഞാൻ എന്ത് ചെയ്തന്ന ”
” താൻ അന്ന് എന്തക്കയ പറഞ്ഞത് ”
” ഇപ്പോൾ അത് സംസാരിച്ചാൽ നമ്മൾ തമ്മിൽ വീണ്ടും തെറ്റും നിന്നെ എക്സാം എഴുതിക്കാം എന്ന് ഞാൻ അമ്മയോട് പറഞ്ഞിട്ടുണ്ട് ”