” ഇങ്ങ് എടുക്ക് ഞാൻ സംസാരിക്കാം ”
എന്ന് പറഞ്ഞു കൊണ്ട് അവൻ ഫോൺ എന്റെ കയ്യിൽ നിന്നും വാങ്ങി.
” ഡാ ഞാൻ കാര്യം ഒക്കെ പറഞ്ഞിട്ടുണ്ട് …. നീ ഒന്ന് സമാദാനപെട് ജീവൻ പോണ കാര്യം ഒന്നും അല്ലല്ലോ ”
രോഹിത് എന്നെ സമാദാനപ്പെടുത്താൻ നോക്കി.
” ഇനി വൈകുന്നേരം വരെ എന്ത് ചെയ്യും…….. പടത്തിന് കേറിയാലോ ”
” നീ ഒന്ന് പോയെ നമ്മുക്ക് ഇവിടെ ഇരിക്കാം വണ്ടി ശെരിയാവുമ്പോൾ .. നമുക്ക് അവന്മാരുടെ അടുത്തേക്ക് പോകാം. അവരെ ഒന്ന് കാണുക എങ്കിലും ചെയ്യണം ”
” നീ വടേ ”
അവൻ എന്നെയും കൂട്ടി കിഴക്കേകോട്ട ബസിൽ കേറി. ഞങ്ങൾ ബസിൽ നിന്നും ഇറങ്ങുമ്പോൾ ശ്രുതിയും രേഷ്മയും അവിടെ ഉണ്ടായിരുന്നു. രേഷ്മ ഷാൾ ഒക്കെ അഴിച്ചു മാറ്റിയിട്ടുണ്ട്. പക്ഷെ ശ്രുതി അപ്പോഴും മുഖം മറച്ചു ആണ്‌ നിന്നിരുന്നത്. ഇവൾക്ക് ഇനി തലക്ക് അസുഖം വല്ലതും ഉണ്ടോ ഞാൻ എന്നോട് തന്നെ ചോദിച്ചു.
രോഹിത് അവരോട് ചെന്ന് സംസാരിച്ചു. ഞാൻ അവിടെ തന്നെ നിന്നതേ ഉള്ളു.
” ഡാ ഏത് പടത്തിനു കേറാം ”
ഞാൻ അവനെ പുച്ഛത്തോടെ ഒന്ന് നോക്കി.
” മുറിവേറ്റ ചിറകുകൾ കാണാം ”
ശ്രുതി പെട്ടെന്ന് പറഞ്ഞു.
” അതേതു പടം ”
രോഹിത് ചോദിച്ചു.
” ഇതിൽ അഭിനയിച്ച കുട്ടിക്കണ്‌ ഇത്തവണത്തെ സംസ്ഥാന അവാർഡ് കിട്ടിയത്…. മികച്ച ബാലതരം ”
അത് കേട്ട് ഞാൻ നെറ്റി ചുളിച്ചുകൊണ്ട് ചോദിച്ചു.
” ഡാ അവാർഡ് പടം വല്ലതും ആയിരിക്കും….. ഒന്നാമത് എന്റെ മൈന്റ് ശെരി അല്ല “
” അവാർഡ് പടം ഒന്നും അല്ല കോമഡി ആണ്‌… എന്റെ കൂട്ടുകാരികൾ കണ്ടതാ ”
ശ്രുതി പറഞ്ഞപ്പോൾ ഞാൻ പുച്ഛത്തോടെ പറഞ്ഞു.
” നിന്റെ കൂട്ടുകാരികൾ ചെയ്യാത്ത കാര്യങ്ങൾ ഒന്നും ഇല്ലല്ലോ ”
അത് കേട്ട് അവളും എന്നോട് തർക്കിച്ചു.
” ദേ ഇയാൾ ഉണ്ടങ്കിൽ ഞാൻ പടത്തിനു വരുന്നില്ല കേട്ടോ ”
” എനിക്കും പടം കാണണം എന്ന് നിർബദം ഒന്നും ഇല്ല ”
“മിണ്ടാതെ ഇരിക്കുന്നുണ്ടോ രണ്ടും ….. നിങ്ങൾ ഇവിടെ എങ്കിലും പൊക്കോ…. ഞങ്ങൾ പടം കാണാൻ തന്നെ തീരുമാനിച്ചു.”
ഒടുവിൽ എനിക്കും അവർക്കൊപ്പം പോകേണ്ടി വന്നു. ശ്രീ പദ്മനാഭയിൽ ആയിരുന്നു ശ്രുതി പറഞ്ഞ സിനിമ ഓടിയിരുന്നത്.
ഞങ്ങൾ നാലുപേരും നടന്ന് തിയേറ്ററിൽ എത്തുമ്പോൾ. എന്റെ ഫോൺ റിങ് ചെയ്‌തു. കിരൺ ആയിരുന്നു അത്. ഞാൻ കാൾ അറ്റൻഡ് ചെയ്‌തു
” ഡാ വണ്ടി റെഡി അയ ”
” ഇല്ലെടാ കുറച്ച് കഴിയും ”
“ഞങ്ങൾ വിതുരയിൽ എത്തി …. ഞങ്ങൾ ഇവിടെ വെയിറ്റ് ചെയ്യണോ ”
” വെണ്ട ഡാ നിങ്ങൾ വിട്ടോ….. വണ്ടി കിട്ടാൻ ലേറ്റ് ആകും…. നിങ്ങൾ എന്തായാലും ഒരു 6.30 വരെ എങ്കിലും അവിടെ കാണില്ലേ.. ഞാൻ അങ്ങോട്ട് വരാൻ നോക്കാം…. ഇനി അങ്ങോട്ട് വരാൻ പറ്റിയില്ലെങ്കിലും നിങ്ങൾ തിരിച്ചു വരുമ്പോൾ ഞാൻ നിങ്ങളെ വന്ന് കാണും…. നമുക്ക് ഒരുമിച്ച് തിരിച്ചു പോകാം ”
ഞാൻ ഉറച്ച ശബ്ദത്തിൽ അത് പറഞ്ഞു കാൾ കട്ട്‌ ചെയ്യുമ്പോൾ . രോഹിത് എന്നെ നോക്കി നിൽപ്പുണ്ടായിരുന്നു.
രോഹിത്ത് കൗണ്ടറിൽ നിന്നും നാല് ടിക്കറ്റ് വാങ്ങി വന്നു. ചെറിയ തിയേറ്റർ ആയിരുന്നു. രേഷ്മയും രോഹിത്തും പതിവ് തെറ്റിക്കാതെ കോർണർ സീറ്റ്‌ തന്നെ പിടിച്ചു. അത് കാരണം എനിക്ക് ശ്രുതിയുടെ അടുത്ത് ഇരിക്കേണ്ടി വന്നു. സിനിമ തുടങ്ങി. ഒരു തല്പര്യവും ഇല്ലാതെ ആണ്‌ കണ്ടതെങ്കിലും സിനിമ എന്നെ പിടിച്ചിരുത്തി. ആദ്യ പകുതി മുഴുവൻ കോമഡി ആയിരുന്നു. ക്ലാസ്സ്‌ റൂമിൽ നടക്കുന്നതും പിന്നെ പ്രധാനകഥാപാത്രം അയ പെൺകുട്ടിക്ക് പറ്റുന്ന അബദ്ധങ്ങളും. ചില സിനുകൾ എന്നെ പൊട്ടി ചിരിപ്പിച്ചു. ഞാൻ ചിരിക്കുന്നത് ശ്രുതി നോക്കി ഇരിക്കുന്നത് കണ്ടപ്പോൾ ഞാൻ ചിരി അടക്കാൻ നോക്കി. അവൾ അപ്പോൾ എന്നെ ഒരു നോട്ടം നോക്കി. സ്‌ക്രീനിൽ നിന്നും വരുന്ന വെളിച്ചത്തിൽ അവളുടെ കണ്ണുകൾ തിളങ്ങുന്നത് ഞാൻ കണ്ടു. അവൾ എന്നെ ഒന്ന് ആക്കി ചിരിച്ചു. പിന്നീട് ഞാൻ സിനിമ സീരിയസ് ആയി കാണാൻ തുടങ്ങി. ഇന്റർവെൽ ആയപ്പോൾ ശ്രുതി രോഹിതിനോട് എന്തോ പറഞ്ഞു. അവൻ അപ്പോൾ എന്റെ കയ്യിൽ കുറച്ച് ക്യാഷ് തന്നിട്ട് പറഞ്ഞു.
” ഡാ നീ എന്തെങ്കിലും കുടിക്കാൻ വാങ്ങി കൊണ്ട് വാ ”
” എനിക്ക് ഒന്നും വയ്യ ”
” ഡാ പ്ലീസ് ”
ശ്രുതി അവനോട് വെള്ളം വെടിക്കാൻ ആയിരിക്കും പറഞ്ഞിട്ടുണ്ടാവുക അത് കൊണ്ടാണ് ഞാൻ എതിർത്തത്. അപ്പോൾ ശ്രുതി പറഞ്ഞു.
” അങ്ങനെ ആരും കഷ്ട്ടപെടണ്ട…. ഞാൻ തന്നെ പൊക്കോളാം ”
ശ്രുതി എന്നെ മറികടന്ന് പുറത്തേക്ക് പോയി . ഞാൻ അവിടെ തന്നെ ഇരുന്നു. കുറച്ച് കയിഞ്ഞ് അവൾ മടങ്ങി വന്നു കയ്യിൽ രണ്ട് ഫ്രൂട്ടിയും പിന്നെ കപ്പ വറുത്തതും ഉണ്ടായിരുന്നു. അവൾ രോഹിത്തിന് ഒരു ഫ്രൂട്ടിയും കപ്പവാറുത്തതും കൊടുത്തപ്പോൾ അവൻ രേഷ്മയുടെ സൈഡിലേക്ക് തിരിഞ്ഞിരുന്നു. ശ്രുതി അവളുടെ സീറ്റിൽ ഇരുന്നു. ഫ്രൂട്ടിയുടെ ക്യാപ് തുറന്നു. അപ്പോൾ ഞാൻ പറഞ്ഞു.
” എങ്ങനെയാ ശളിന്റെ പുറത്തൂടെ കുടിക്കുമോ . ഏതോ വെള്ളം കുടിക്കാൻ ഹോൾ വല്ലതും ഇട്ടിട്ടുണ്ടോ ”
ഞാൻ അവളെ നോക്കി പുച്ഛിച്ചു കൊണ്ട് പറഞ്ഞപ്പോൾ അവൾ ഫ്രൂട്ടി സീറ്റിന് സൈഡിൽ വെച്ചുകൊണ്ട് ഷാൾ ഊരി മാറ്റി. ഇപ്പ്രാവശ്യം ഞെട്ടിയത് ഞാൻ ആയിരുന്നു. സ്‌ക്രീനിൽ ഏതോ ജുവാലറിയുടെ പരസ്യം ഓടികൊണ്ട് ഇരിക്കുക ആണ്‌. അതിൽ നിന്നും വരുന്ന വെളിച്ചത്തിൽ ഞാൻ അവളുടെ മുഖം കണ്ടു. മുൻപ് അവൾ കണ്ണാടി വെക്കാമായിരുന്നു എന്ന് തോന്നുന്നു. കണ്ണിന് ചുറ്റും ചെറിയ കറുപ്പ് പോലെ. പക്ഷെ അതൊന്നും അവളുടെ സൗന്ദര്യത്തിന് വിലങ്ങുതടി അല്ലായിരുന്നു. സ്ക്രീനിലെ മോഡലിനെ കൾ ഐശ്വര്യം ഉണ്ടായിരുന്നു അവളുടെ മുഖത്തിന്. ഞാൻ അവളുടെ മുഖത്ത് നിന്ന് കണ്ണ് എടുക്കാൻ ആവാതെ അവളെ തന്നെ നോക്കി ഇരുന്നു. അവൾ ഫ്രൂട്ടി കുടിക്കുന്നത് കണ്ടപ്പോൾ എനിക്കും വല്ലാതെ ദാഹം തോന്നി. അവൾ എന്റെ നേരെ തിരിഞ്ഞപ്പോൾ ഞാൻ എന്റെ നോട്ടം മാറ്റി. അപ്പോയെക്കും സിനിമ തുടങ്ങിയിരുന്നു.
ഞാൻ അവളെ നോക്കാതിരിക്കാൻ പാടുപെട്ടു. അതിന് സിനിമ എന്നെ സഹായിച്ചു. രണ്ടാം പകുതി ഇമോഷണൽ ആയിരുന്നു. ആ പെൺകുട്ടിയുടെ അമ്മയുടെ മരണശേഷം അനിയനെ വളർത്താൻ വേണ്ടി അമ്മചെയ്തിരുന്ന ജോലിക്ക് അവൾ പോകുന്നതും . അവളുടെ സ്വപ്‌നങ്ങൾ എല്ലാം മറന്ന് ജീവിക്കുന്ന അവൾക്ക് ജീവിതത്തിൽ പുതിയ ഒരു വെളിച്ചം വീശുന്നതും ആണ്‌ കഥ. എനിക്ക് എന്തോ ചില കാര്യങ്ങൾ റിലേറ്റ് ചെയ്യാൻ പറ്റി . ഞാൻ എന്തെങ്കിലും കുരുത്തക്കേടുകൾ ചെയ്യുമ്പോൾ അമ്മ . അച്ഛന്റെ മരണശേഷം എന്നെ വളർത്താൻ പെട്ട കഷ്ടപ്പാടുകൾ പറയുമായിരുന്നു. ഞാൻ അതെല്ലാം ഓർത്ത് കരഞ്ഞു പോയിരുന്നു. സിനിമ തീർന്നപ്പോൾ ഞാൻ പെട്ടെന്ന് തന്നെ പുറത്തേക്ക് ഇറങ്ങി. എന്റെ കണ്ണുനീർ മറ്റുള്ളവർ കാണാതെ തുടക്കാൻ ആയിരുന്നു അത്. എന്റെ പുറകെ ശ്രുതി ഇറങ്ങി വന്നിരുന്നു. ഞങ്ങൾ എല്ലാവരും തീയേറ്ററിന് പുറത്ത് എത്തിയപ്പോൾ. ശ്രുതി ചോദിച്ചു.
” സിനിമ എങ്ങനെ ഉണ്ടായിരുന്നു ”
