അമ്മു : എന്റെ അജു…
അമ്മു പതിയെ അവന്റെ മുതുക് തടകാൻ തുടങ്ങി
“ബ്ലാ…”
“എന്താ അജു ഇത് ”
“നിനക്ക് സന്തോഷമായല്ലോ അല്ലേ മനുഷ്യനെ കൊണ്ടു പോയി കൊന്നിട്ട് ”
അപ്പോഴേക്കും ബാക്കിയുള്ളവരും അവിടേക്ക് എത്തി
ശേഖരൻ : ഇവന് എന്താ പറ്റിയെ
അമൽ : ഒന്നുമില്ല അച്ഛാ ആദ്യമായി റെയ്ഡിൽ കയറിയതിന്റെയാ
സാന്ദ്ര : കിടന്നു കാറിവിളിച്ചു ചേട്ടൻ എല്ലാവരെയും നാണം കെടുത്തി അമ്മേ
ദേവി : കീറി വിളിച്ചോ
അർജുൻ : ജീവൻ പോകുമ്പോൾ പിന്നെ എന്താ ചെയ്യേണ്ടേ കുറച്ച് കൂടി കഴിഞ്ഞെങ്കിൽ ഞാൻ ചത്തേനെ
അതുൽ : വാ നമുക്ക് വെള്ളത്തിൽ ഇറങ്ങാം
സാന്ദ്ര : അതെ വാ
അവർ പതിയെ മുന്നോട്ട് നടന്നു
അമ്മു : അജൂ… എന്തോ പോലെ…..
പെട്ടെന്നാണ് അമ്മു ബോധം കെട്ട് താഴേക്കു വീണത്
“അമ്മു… അമ്മു ”
അർജുൻ വേഗം തന്നെ അവളെ തട്ടി വിളിച്ചു അടുത്തു നിന്ന കുറച്ച് പേർ കൂടി അവിടെ കൂടി
അർജുൻ : വെള്ളം… അമ്മേ വെള്ളമിങ്ങെടുക്ക്
അർജുൻ പതിയെ വെള്ളം അമ്മുവിന്റെ മുഖത്ത് തളിച്ചു
അമ്മു പതിയെ കണ്ണ് തുറന്നു
അർജുൻ : അമ്മു… അമ്മു
അമ്മു : എന്താ പറ്റിയെ
അർജുൻ : എന്താ പറ്റിയേന്നൊ ഓരോന്നിൽ വലിഞ്ഞു കയറുമ്പോൾ ആലോചിക്കണമായിരുന്നു മനുഷ്യനെ പേടിപ്പിക്കാനായിട്ട്
“ഒന്ന് നീങ്ങിയെ ഞാൻ ഡോക്ടറാ ഞാൻ ഒന്ന് നോക്കട്ടെ ”
ഇത്രയും പറഞ്ഞു അവിടെ നിന്ന ഒരു ലേഡി അമ്മുവിന്റെ അടുത്തേക്കെത്തി അവളെ പരിശോധിക്കാൻ തുടങ്ങി
അർജുൻ : കുറച്ച് മുൻപ് ഒരു റൈഡിൽ കയറി ഇരുന്നു അതിന്റെയാണെന്നാ ഡോക്ടർ തോന്നുന്നെ
ഡോക്ടർ : നിക്ക് ഞാൻ ഒന്ന് നോക്കട്ടെ
അല്പനേരത്തിനുള്ളിൽ ഡോക്ടർ അമ്മുവിനെ പരിശോധിച്ചു കഴിഞ്ഞു
അർജുൻ : എന്താ ഡോക്ടർ എന്തെങ്കിലും പ്രശ്നം ഉണ്ടോ
ഡോക്ടർ : പിന്നെ ഇല്ലാതെ പ്രെഗ്നന്റ് ആയ കുട്ടിയെയും കൊണ്ടാണോ റൈഡിൽ കയറുന്നെ
അർജുൻ : പ്രെഗ്നന്റ്.. ഡോക്ടർ എന്താ പറഞ്ഞെ😳
എല്ലാവരുടെയും മുഖത്ത് സന്തോഷവും അതിശയവും വിടർന്നു
ഡോക്ടർ : അപ്പോൾ ആർക്കും അറിയില്ലായിരുന്നൊ… എന്നാൽ കോൺഗ്രാറ്റ്സ് ഐ തിങ്ക് ഷീ ഈസ് പ്രെഗ്നന്റ്.. ഒരു ഹോസ്പിറ്റലിൽ പോയി കൺഫോം ചെയ്തോളും
ഇത് കേട്ട അമ്മുവിന്റെ കണ്ണുകൾ നിറഞ്ഞു ഒപ്പം അർജുന്റെയും
ദേവി വേഗം അമ്മുവിനെ കെട്ടിപിടിച്ചു
ശേഖരൻ : അമലേ വേഗം പോയി വണ്ടി എടുക്ക് ഞങ്ങൾ ദാ വരുന്നു
അമൽ : ശെരി അച്ഛാ
അല്പനേരത്തിനുള്ളിൽ അവർ കാറിൽ
അർജുൻ പതിയെ അമ്മുവിന്റെ കയ്യിൽ പിടുത്തമിട്ടു
അമ്മു : അജു….
അമ്മുവിന്റെ കണ്ണുകൾ അപ്പോഴും നിറഞ്ഞിരുന്നു
അർജുൻ പതിയെ അമ്മുവിനെ തന്റെ തോളിൽ ചാരി കിടത്തി
കുറച്ച് മണിക്കൂറുകൾക്ക് ശേഷം ഹെൽത്ത് പോയിന്റ് ഹോസ്പിറ്റൽ…
റൂമിൽ നിന്ന് പുറത്തേക്ക് വന്ന dr. ശ്രീവിദ്യയുടെ അടുത്തേക്ക് അർജുനും വീട്ടുകാരും ഓടിയെത്തി
അർജുൻ : ഡോക്ടർ അമ്മു…
ശ്രീ വിദ്യ : നിങ്ങളുടെ സംശയം ശെരിയാണ് അമ്മു പ്രെഗ്നന്റ് ആണ്
ഇത് കേട്ട എല്ലാവരുടെയും മുഖം സന്തോഷം കൊണ്ടു വിടർന്നു അമൽ പതിയെ അർജുന്റെ തോളിൽ തട്ടി അമ്മു റൂമിൽ ഉണ്ട് പോയി കണ്ടോളു അർജുൻ മാത്രം എന്റെ കൂടെ ക്യാബിനിലേക്ക് വരു ഇത്രയും പറഞ്ഞു ശ്രീ വിദ്യ ക്യാബിനിലേക്ക് പോയി
അർജുൻ : നിങ്ങൾ അവളുടെ അടുത്തേക്ക് പൊക്കൊ ഞാൻ അങ്കിളിനെയും ആന്റിയേയും വിളിച്ചു പറഞ്ഞ ശേഷം ഡോക്ടറെയും കണ്ടിട്ടു വരാം
ഇത്രയും പറഞ്ഞു അർജുൻ ക്യാബിനിലേക്ക് പോയി
ഡോക്ടറെ കണ്ട് അല്പനേരത്തിന് ശേഷം അർജുൻ റൂമിലേക്ക് എത്തി അപ്പോൾ അവൻ കണ്ടത് അമ്മുവിന് ചുറ്റുമിരുന്നു അവളോട് ഓരോന്ന് ചോദിക്കുന്ന വീട്ടുകാരെയാണ്
ശേഖരൻ : നീ വന്നോ ഡോക്ടർ എന്ത് പറഞ്ഞു