അർജുൻ : എല്ലാം നിനക്ക് തമാശയാ അല്ലേ അമ്മു
അമ്മു :തമാശയൊന്നും അല്ല എനിക്ക് എന്തെങ്കിലും പറ്റിയാൽ ഞാൻ അജൂനെയും ജീവിക്കാൻ സമ്മതിക്കില്ല എന്റെ കൂടെ കൊണ്ട് പോകും…
ഇത് കേട്ട അർജുൻ പതിയെ ചിരിച്ചു
അമ്മു : ഓഹ് ചിരിച്ചല്ലോ ഇതാ കഴിക്ക്
ഇത്രയും പറഞ്ഞു അമ്മു പ്ലേറ്റ് അർജുന് നൽകി
അമ്മു : നമുക്ക് അജൂന്റെ വീട്ടിലേക്ക് പോകേണ്ടി വരും അല്ലേ
അർജുൻ : ഉം പോയില്ലെങ്കിൽ അവര് വന്നു പിടിച്ചോണ്ട് പോകും
അമ്മു : മാവിന്റെ കാര്യമാ… പുതിയ പൂവൊക്കെ വന്നു നിക്കുവാ
അർജുൻ : അതൊക്കെ അവിടെ നിക്കും ഞാൻ ഇടക്ക് വന്നു നോക്കികൊള്ളാം
********************************
2 മാസങ്ങൾക്ക് ശേഷം
“അമ്മു….😡”
സ്റ്റെയറുകൾ കയറാൻ പോയ അമ്മുവിനെ അർജുൻ പിടിച്ചു നിർത്തി
അമ്മു : എന്താ അജു
അർജുൻ : എന്താന്നോ നീ ഇത് എങ്ങോട്ടാ ഈ കയറി പോകുന്നെ
“അത് പിന്നെ ഞാൻ ശ്രുതിയേച്ചിയെ ഒന്ന് വിളിക്കാൻ ”
അർജുൻ : ഇവിടെ നിന്ന് വിളിച്ചാൽ എന്താ ചേച്ചി വിളികേൾക്കില്ലേ
“എന്താ അവിടെ ”
പെട്ടെന്നാണ് ദേവി അങ്ങോട്ടേക്ക് വന്നത്
അർജുൻ : അമ്മ ഇത് കണ്ടില്ലേ
ദേവി : എന്ത് കണ്ടില്ലേന്ന് അല്ല നീ ഇത് എപ്പോൾ വന്നു
അർജുൻ : ഇപ്പോൾ വന്നത് കൊണ്ടാണല്ലോ ഇത് കാണാൻ പറ്റിയത്
ദേവി : എന്താടാ ഉണ്ടായേ
അമ്മു : ഒന്നുമില്ല അമ്മേ ഞാൻ ശ്രുതിയേച്ചിയെ നോക്കാൻ ഒന്ന് മുകളിൽ പോകാൻ പോയി അതിനാ
അർജുൻ : ഇതെന്താ നിസാരമാണോ നിന്നോട് മുകളിലൊന്നും കയറരുതെന്ന് പറഞ്ഞിട്ടുള്ളതല്ലേ നിനക്ക് എന്തെങ്കിലും ശ്രദ്ധ ഉണ്ടോ അമ്മു
ദേവി : എന്താ മോളെ ഇത് മുകളിൽ കയറാതിരിക്കാനല്ലേ താഴെ റൂമൊക്കെ സെറ്റാക്കി തന്നത്…
അമ്മു : ഇപ്പോൾ അധികം മാസമൊന്നും ആയില്ലല്ലോ അമ്മേ… റൂമിൽ തന്നെ ഇരുന്ന് ബോർ അടിച്ചു നിങ്ങളാരും എന്നെ കൊണ്ട് ഒരു ജോലിയും ചെയ്യിക്കുന്നുമില്ല… ചെറിയ ചെറിയ വ്യായാമവും ജോലിയുമൊക്കെ വേണമെന്ന് ഡോക്ടർ തന്നെയാ പറഞ്ഞെ അതുകൊണ്ടാ
അർജുൻ : എന്ന് കരുതി ഇതിന്റെ മുകളിൽ വലിഞ്ഞു കയറണോ
ദേവി : മതി മതി… ഇനി അവള് കേറില്ല ഞാൻ നോക്കികൊള്ളാം
ഇത് കേട്ട അമ്മു റൂമിലേക്ക് പോയി
ദേവി : എന്തിനാടാ അവളോട് ദേഷ്യപെടുന്നെ ഒന്ന് മയത്തിൽ പറഞ്ഞാൽ പോരെ
അർജുൻ : ആര് ദേഷ്യപ്പെട്ടു ഞാൻ ഉള്ള കാര്യമല്ലേ പറഞ്ഞത്
ദേവി : അവൾക്ക് വിഷമമായിട്ടുണ്ട് പോയി സമാധാനിപ്പിക്ക്
ഇത് കേട്ട അർജുൻ റൂമിലേക്ക് കയറിയ ശേഷം വാതിൽ പൂട്ടി
അമ്മു : എന്നെ എന്തെങ്കിലും പറഞ്ഞില്ലെങ്കിൽ അജൂന് ഇപ്പോൾ ഉറക്കം വരില്ല അല്ലേ
അർജുൻ : ഇങ്ങനെ ഓരോന്ന് കാണിച്ചാൽ പിന്നെ എങ്ങനെ പറയാതിരിക്കുന്നെ… ഒന്നാതെ എല്ലാം കൊണ്ടും പ്രശ്നമാ അതിന്റെ ഇടയിലാ…
അമ്മു : അജൂന്റെ ഈ പേടിയാ ആദ്യം മാറേണ്ടത് എന്ത് കുഴപ്പം ഒരു കുഴപ്പവുമില്ല ഡോക്ടർ പറഞ്ഞല്ലോ ആള് നല്ല ആരോഗ്യത്തോടെയാ ഇരിക്കുന്നതെന്ന്
അർജുൻ : ഞാൻ നിന്റെ കാര്യമാ അമ്മു പറയുന്നെ
അമ്മു : എനിക്ക് എന്ത് കുഴപ്പം മുൻപത്തെക്കാളും നന്നായിയാ ഇരിക്കുന്നെ
അർജുൻ : അത് കാണാനും ഉണ്ട്…
അമ്മു : ഈ അജൂനെ കൊണ്ട് തോറ്റല്ലോ… അല്ല ഇപ്പോൾ എന്താ വന്നേ കമ്പനിയിൽ പോയില്ലേ
അർജുൻ : ഇല്ല ഇത് തരാൻ വന്നതാ
ഇത്രയും പറഞ്ഞു അർജുൻ കയ്യിൽ ഉണ്ടയായിരുന്ന ബാഗിനുള്ളിൽ നിന്നും ഒരു പച്ച മാങ്ങ കയ്യിൽ എടുത്തു
അമ്മു : ഹായ് മാങ്ങ….
അമ്മു വേഗം അത് കയ്യിൽ വാങ്ങി
അമ്മു : ഇതെന്താ ഒന്നേ വാങ്ങിയുള്ളോ
അർജുൻ : ഇത് വാങ്ങിയതല്ല
അമ്മു : പിന്നെ
അർജുൻ : നമ്മുടെ മാവിൽ കായ്ച്ചതാ
അമ്മു : സത്യം…. പോ അജു വെറുതെ പറയല്ലേ
അർജുൻ : സത്യമാടി ഒന്ന് രണ്ടെണ്ണം കൂടി നിൽപ്പുണ്ട്