അത്തായം കഴിച്ച ശേഷം ഞാൻ നാളെത്തെ യാത്രക്ക് ഉള്ള തയ്യാറെടുപ്പിൽ ആയിരുന്നു. അതിനിടക്ക് ആണ് ഫോൺ വൈബ്രേറ്റ് ചെയുന്നത് ഞാൻ ശ്രെദ്ധിക്കുന്നത്. സ്ക്രീനിൽ തെളിഞ്ഞ പേര് ശ്രുതി എന്നായിരുന്നു . ഞാൻ ഫോൺ അതുപോലെ തന്നെ വെച്ച് വീണ്ടും ബാഗ് പാക്ക് ചെയ്തു. ആവശ്യമായ സാധനങ്ങൾ എല്ലാം ബാഗിൽ വെച്ചിട്ടുണ്ടോ എന്ന് ഒന്നുകൂടെ പരിശോദിച്ച ശേഷം ഞാൻ ലൈറ്റ് ഓഫ് ചെയ്തു ബെഡിലേക്ക് കിടന്നു. അപ്പോഴും ഫോൺ വൈബ്രേറ്റ് ചെയ്‌തുകൊണ്ടിരിക്കുക ആയിരുന്നു. “ശേ!””
ഞാൻ ഫോൺ എടുത്ത് നോക്കി. സ്ക്രിനിൽ അമ്മ എന്നാണ് തെളിയുന്നത്. ഞാൻ അപ്പോൾ തന്നെ കാൾ അറ്റന്റ് ചെയ്തു.
” ഹലോ ”
” നീ എന്താ നേരത്തെ കിടന്നോ”
” ഇല്ലമേ ഞാൻ കുളിക്കുക ആയിരുന്നു….. ”
“ആ പിന്നെ ശ്രുതിക്ക് നിന്നോട് എന്തോ സംസാരിക്കണം എന്ന് ഞാൻ അവളേൽ ഫോൺ കൊടുക്കാം ”
” അമ്മേ വേ… ”
” ഹലോ ”
” നീ എന്താ കാണിക്കുന്നത് അമ്മയെ ഇതിൽ ഇടപെടുത്തരുത് ”
” ഡാ എനിക്ക് നിന്നെ ഒന്ന് കാണണം ”
” എന്തിനു നമ്മൾ എല്ലാം പറഞ്ഞ് അവസാനിപ്പിച്ചത് അല്ലെ….. അമ്മ അടുത്തുണ്ടോ ”
” ഇല്ല ഞാൻ ഇങ്ങോട്ട് മറി……. ഡാ ഞാൻ പറയുന്നത് നീ ഒന്ന് കേൾക്ക്…… നീ ഉദ്ദേശിക്കുന്ന കാര്യം സംസാരിക്കാൻ അല്ല ഞാൻ കാണണം എന്ന് പറയുന്നത് ”
” പിന്നെ എന്ത് കാര്യം ”
” രേഷ്മയുടെ കാര്യം ആണ് ”
” രേഷ്മ!!!! രേഷ്മയുടെ എന്ത് കാര്യം ”
” അത് നേരിട്ട് പറയേണ്ട കാര്യം ആണ്…. എനിക്ക് നിന്നെ ഒന്ന് കാണണം. ”
” മ്മ്മ് മ്മ്മ്……നീ നാളെ രാവിലെ ആശ്രമം മൈദാനത്തിന് സൈഡിൽ ഉള്ള വെയ്റ്റിംഗ് ഏരിയലേക്ക് വാ…. ഞാൻ അവിടെ വരാം “
” കൊല്ലത്തോ…… അതെന്താ അവിടെ ”
” ഞാൻ നാളെ അതുവഴി പോകുന്നുണ്ട് നിനക്ക് കാണണം എങ്കിൽ അങ്ങോട്ട് വാ ”
ഞാൻ കാൾ കട്ട്‌ ചെയ്തു കട്ടിലിലേക്ക് കിടന്നു.
പിറ്റേന്ന് രാവിലെ ബാഗും മറ്റും വണ്ടിക്ക് പുറകിൽ വെച്ചുകെട്ടി. വീട് പൂട്ടി ഇറങ്ങുമ്പോൾ ഞാനും അമ്മയും ആയി അവിടെ കഴിഞ്ഞ നാളുകൾ എന്റെ മനസിലേക്ക് വന്നു. എന്റെ കണ്ണുകൾ നിറയുന്നുണ്ടായിരുന്നു. കണ്ണുകൾ തുടച്ചു കൊണ്ട് എന്റെ റോയൽ എൻഫീൽഡ് ക്ലാസ്സിക് 500 ബൈക്കിലേക്ക് കയറി. വണ്ടി സ്റ്റാർട്ട്‌ ചെയ്യാൻ തുടങ്ങുമ്പോൾ ശ്രുതി യുടെ കാൾ വന്നു.
” ഡി ഞാൻ ഇതാ ഇറങ്ങി ഒരു അരമണിക്കൂർ ”
കാൾ കട്ട്‌ ചെയ്ത് ഞാൻ വണ്ടി സ്റ്റാർട്ട്‌ ചെയ്ത് യാത്ര തുടങ്ങി.
വണ്ടിയുടെ കൂടു കൂടു ശബ്ദത്തിനോടൊപ്പം ഞാൻ പഴയ കാര്യങ്ങൾ ആലോചിച്ചു.
എന്റെ പേര് വരുൺ . അച്ഛനെ കണ്ട ഓർമപോലും എനിക്ക് ഇല്ല. അമ്മയാണ് എന്നെ വളർത്തിയത്. അമ്മയുടെ പേര് വീണ. അമ്മയും അച്ഛനും പ്രണയ വിവാഹം ആയിരുന്നു. അതുകൊണ്ട് തന്നെ മറ്റ് ബന്ധുക്കൾ ആരും ഇല്ലായിരുന്നു. അച്ഛൻ മരിച്ച ശേഷം അമ്മ എന്നെ ഒരു കുറവും വരുത്താതെ ആണ് വളർത്തിയത്. അതുകൊണ്ട് തന്നെ അമ്മയുടെ അമിതമായ കേയറിയിങ് എന്റെ എല്ലാ കാര്യത്തിലും ഉണ്ടായിരുന്നു. എനിക്ക് എന്തെകിലും പറ്റുമോ എന്ന ഭയം കാരണം എന്നെ ഒറ്റക്ക് പുറത്ത് പോലും വിട്ടിരുന്നില്ല. +2 വരെ എന്നെ സ്കൂളിൽ കൊണ്ട് വിട്ടിരുന്നത് പോലും അമ്മയായിരുന്നു. പിന്നീട് എനിക്ക് അഡ്മിഷൻ കിട്ടിയ വീട്ടിൽ നിന്ന് 10 കിലോമീറ്റർ അകലെ ആയത് കൊണ്ട് അമ്മക്ക് എന്നെ കോളേജിൽ ആക്കി ജോലിക്ക് പോകാൻ ബുദ്ധിമുട്ട് ഉണ്ടായിരുന്നു അത് കൊണ്ട് മാത്രമാണ് അമ്മ അത് ഉപേക്ഷിച്ചത് അല്ലെങ്കിൽ . അമ്മ എന്റെ കൂടെ ദിവസവും കോളേജിലും വന്നേനെ. എന്നാലും അമ്മയുടെ വക ഡെയിലി ക്ലാസ്സ്‌ ഉണ്ടായിരിക്കും എങ്ങനെ റോഡ് മുറിച്ചു കടക്കാം. എങ്ങനെ ബസ്സിൽ കയറണം. തുടങ്ങി നിരവധി ഉപദേശങ്ങൾ. ഡിഗ്രിയുടെ റിസൾട്ട്‌ വന്നതിന്റെ പിറ്റേന്ന് അമ്മ എന്നോട് റെഡി ആവൻ പറഞ്ഞു. ഞാൻ എവിടേക്ക് ആണെന്നോ എന്തിനാണെന്നോ ചോദിക്കാതെ അമ്മയുടെ കൂടെ പോയി. അമ്മ ആറ്റിങ്ങലിൽ ഉള്ള ആർ.ഇ ഷോറൂമിലേക്ക് ആണ് എന്നെയും കൊണ്ട് പോയത്.
ഞങ്ങൾ അവിടെ ചെല്ലുമ്പോൾ ഷോറൂമിലെ സെയിൽസ് മാനേജർ അമ്മയെ കണ്ട് ചിരിച്ചു കൊണ്ട് ഞങ്ങളെ സ്വികാരിച്ചു.
” മാഡം കുറച്ച് നേരം ഒന്ന് വെയിറ്റ് ചെയ്യണം …. ഇന്നല്ലേ ഈവെനിംഗ് ആണ് വണ്ടി എത്തിയത് ….. പാർട്സ് എല്ലാം ഫിറ്റ്‌ ചെയ്തു. കുറച്ച് ഫോര്മാലിറ്റിസ് കൂടി ഉണ്ട്‌ ”
” നിങ്ങൾ എന്നോട് ഇന്നലെ വരാൻ അല്ലെ പറഞ്ഞത്.. പിന്നെ വിളിച്ചു പറഞ്ഞു ഇന്ന് വരാൻ…. ഇപ്പോൾ വെയിറ്റ് ചെയ്യാൻ പറയുന്നോ ”
” സോറി മാഡം സോറി ”
അമ്മയോട് കൊറേ സോറിയും പറഞ്ഞു അയാൾ പോയപ്പോൾ ഞാൻ അമ്മയോട് ചോദിച്ചു.
” എന്താ അമ്മേ ഇത്‌ …… അമ്മ എന്തിനാ ചൂട് ആവുന്നത് ”
” പിന്നെ അവൻ ഒരു ഉറപ്പും ഇല്ലാതെ വെറുതെ മനുഷ്യനെ മെനകെടുപ്പിക്കുന്നത് എന്തിനാ……………. നീ കുറെ നാൾ ആയില്ലേ ഒരു ബൈക്ക് വേണമെന്ന് പറയുന്നു….. അത് റിസൾട്ട്‌ വരുന്നതിന് മുൻപ് തന്നെ വാങ്ങി തരണം എന്നുണ്ടായിരുന്നു….. ഇപ്പോൾ തരുമ്പോൾ നീ വിചാരിക്കും നീ ഡിഗ്രി നല്ല പേർസൻറ്റെജിൽ പാസ്സായത് കൊണ്ട് വാങ്ങി തരുന്നത് ആകും എന്ന്….. ഇപ്പോയാടാ ക്യാഷ് സെറ്റ് ആയത്. ”
” അത് കുഴപ്പംമില്ലമേ എനിക്ക് അറിയാവുന്നതല്ലേ നമ്മുടെ കാര്യങ്ങൾ ”
ആ സമയത്ത് ഇപ്പോഴത്തെ പോലെ ചവറുപോലെ ബുള്ളെറ്റ് എല്ലാവരുടെകയ്യിലും ഇല്ലായിരുന്നു. വിന്റെജ് ബുള്ളറ്റുകൾ മാത്രം വളരെ കുറച്ചു പേരുടെകയ്യിൽ ഉണ്ടായിരുന്ന സമയം . സെൽഫ് സ്റ്റാർട്ടും മറ്റുമായി ബുള്ളെറ്റ് വീണ്ടും നിറത്ത് കിഴടക്കി തുടങ്ങുന്നതേ ഉണ്ടായിരുന്നുള്ളു.
ഷോറൂമിൽ നിന്ന് തിരിച്ചു അമ്മയെയും കൊണ്ട് കൂടു കൂടു ശബ്ദത്തിന്റെ അഗമ്പടിയോടെ ബുള്ളറ്റിൽ വരുമ്പോൾ എനിക്ക് ലോകം കിഴടക്കിയ സന്തോഷം ആയിരുന്നു.
അന്ന് ഞാൻ ഫേസ്ബുക്കിൽ എന്റെ പ്രൊഫൈൽ പിക് മാറ്റി. അമ്മയും ഞാനും ഞങ്ങളുടെ ബുള്ളറ്റിൽ ഇരിക്കുന്ന ഫോട്ടോ ആയിരുന്നു അത്. ഫോട്ടോക്ക് താഴെ ഒരുപാട് കമന്റ്കൾ വന്നു. കോളേജിലെ എന്റെ കുട്ടുകാർ ആയിരുന്നു.
“അളിയാ നിനക്ക് ഷോകേസിൽ വെക്കാൻ ആണോ അത് “
” നീ ബുള്ളെറ്റ് എടുത്ത. ഞാൻ വിചാരിച്ചു നീ വല്ല ആക്ടിവ ആയിരിക്കും എടുക്കുന്നത് എന്ന് ”
ഞാൻ അതൊന്നും കാര്യമാക്കിയില്ല. കാരണം ഞാൻ ഇതുപോലെ മുമ്പും കെട്ടിട്ടുള്ളതാ. ഞാൻ കോളേജിൽ പഠിക്കുന്ന സമയത്ത് പോലും അവമ്മാരോടൊപ്പം കറങ്ങാൻ ഒന്നും പോയിട്ടില്ല.
പക്ഷേ അന്ന് ഫേസ്ബുക്ക്‌ ഗ്രുപ്പിൽ കയറി ഞാൻ അവരെ വെല്ലുവിളിച്ചു. ഇനി നിങ്ങൾ എങ്ങോട്ടെങ്കിലും ട്രിപ്പ് പോണെങ്കിൽ പറയണം . അന്ന് എന്റെ ചിലവ് ആയിരിക്കും എന്നൊക്കെ.
പക്ഷെ പിന്നീട് അവർ വിളിച്ചപ്പോൾ ഒന്നും പല കാരണങ്ങളാൽ എനിക്ക് അവരോടൊപ്പം പോകാൻ പറ്റിയില്ല.
കുറച്ചു നാളുകൾക്ക് ശേഷം വാട്സാപ്പിൽ പുതിയ ഗ്രുപ്പിൽ ഞാൻ ആഡ് ആയി. ഞാൻ അതിൽ കയറി നോക്കി.