💫Evil on Earth 3✨

[ Author : Jomon ] [ Previous Part ] [ www.kambi.pw ]

അഴലിന്റെ ആഴങ്ങളിൽ…അവൾ മാഞ്ഞു പോയി….!

ഓടിച്ചുകൊണ്ടിരുന്ന വണ്ടി ഫോണിന്റെ വൈബ്രേഷൻ കാരണം ഒന്നു കയ്യീന്ന് പാളി..

“മായല്ലേ മയല്ലേ..!

റോഡരികിലായി ബൈക്ക് നിർത്തി അരയിൽ തിരുകിയിരുന്ന ഫോണെടുത്തു

സ്‌ക്രീനിൽ നന്ദു എന്ന പേര് കണ്ട് ഫോൺ എടുത്തു ചെവിൽ വച്ചപ്പോ തന്നെ കേൾക്കാമായിരുന്നു അപ്പുറത്തെ സൈഡിൽ നിന്ന് നാടൻ പാട്ടിന്റെ വരികളും പട്ടി ഓരിയിടുന്ന ശബ്ദവും

”എന്താടാ..?

നാവു കുഴഞ്ഞുകൊണ്ട് ഞാൻ ചോദിച്ചു

നോക്കണ്ട ഞാൻ രണ്ടെണ്ണം അടിച്ചിട്ട് ഇറങ്ങിയത് ആയിരുന്നു..തലക്ക് പിടിച്ചില്ലെങ്കിലും കയ്യിക്കും കാലിനും വേണ്ടുവോളം പിടിച്ചിട്ടൊണ്ട്..നന്ദുവിന്റെ അളിയൻ കൊടുത്ത ചെറിയൊരു കുപ്പി സാധനം..കമ്പനി ഒന്നുമില്ല..own പ്രൊഡക്ട് ആണെന്ന പറഞ്ഞെ

“അളിയാ…ആ..നീ എവിടെത്തി..കിട്ടിയോ അവളെ..?

നാറീടെ നാവ് കുഴഞ്ഞിട്ട് മര്യാദക്ക് സംസാരിക്കാൻ പോലും പറ്റണില്ല..എനിക്ക് മാത്രം എന്താണാവോ തലക്ക് പിടിക്കാത്തത്

”കിട്ടി..കിട്ടി..ഞാൻ വന്നോണ്ടിരിക്ക ഒരു അഞ്ചു മിനിറ്റ്..“

അതും പറഞ്ഞു ഞാൻ ഫോൺ കട്ട്‌ ചെയ്തു വീണ്ടും അരയിൽ തിരുകി..മുണ്ടൊന്ന്  വലിച്ചു മുറുകി ബൈക്കും സ്റ്റാർട്ട്‌ ചെയ്തു മുൻപോട്ടെടുത്തു

നമ്മളെവിടാ പറഞ്ഞു നിർത്തിയെ..? ആ നന്ദുവിന്റെ അളിയൻ…അങ്ങേരു പണി പോയി വീട്ടിൽ മൂഞ്ചികുത്തി ഇരുന്നപ്പോൾ തൊടങ്ങിയ വാറ്റാ..പെങ്ങളെയും കൂട്ടി വീട്ടിൽ വന്നപ്പോ ഒരു കുപ്പി ഇവനും കൊടുത്തു…നല്ലൊരു ശെനിയാഴ്ച്ച ആയോണ്ട് അതും വീശി നാളെ മുഴുവൻ കിടന്നുറങ്ങാമെന്ന പ്ലാനിൽ ഞാനും നന്ദുവും അമലും അനസും കൂടി ആ കുപ്പി തീർത്തു..അടിച്ചപാടെ അവന്മാരെല്ലാം നക്ഷത്രം എണ്ണാനും പാട്ടുപാടാനും തൊടങ്ങി..എനിക്കാണേൽ ഒന്നും ആയിട്ടുമില്ല..അങ്ങനെ പിന്നേം ഷെയർ ഇട്ട് ബ്ലാക്കിൽ ഒരു ജവാനും വാങ്ങി പോണ വഴിയാണ് ഞാൻ….പിന്നെയെ  ഇതൊന്നും ഞാൻ അടിച്ചതിന്റെ പൊറത് പറയുവാണെന്ന് കരുതല്ലേ…പറയുന്നേ എന്തിനാണെന്ന് ചോയ്ച്ച എനിക്കും അറിയാൻ മേല..

പെട്ടന്ന് വണ്ടിയൊന്ന് കയ്യിൽ നിന്ന് പാളിപ്പോയി….എങ്ങനെയൊക്കെയോ അതവിടെ അടുത്തുള്ള പോസ്റ്റിന്റെ സൈഡിലായി ചവിട്ടി നിർത്തി…

കണ്ണിൽ ഇരുട്ട് കയറുന്നത് പോലെ..അല്ല കയറുന്നുണ്ട്..ഹൃദയമിടിപ്പ് കൂടി…ഭഗവാനെ കുപ്പി താഴെ പോയിട്ടോണ്ടാവല്ലേ…

അടഞ്ഞു പോയ കണ്ണ് വലിച്ചുതുറന്ന് ഞാൻ ടാങ്കിന്റെ മേളിൽ പരതി…ഒണ്ട്..കുപ്പി അവിടൊണ്ട്..

ഞാൻ വണ്ടി സ്റ്റാൻഡിൽ ഇട്ട് പുറത്തിറങ്ങി

പെട്ടന്ന് എന്റെ കണ്ണ് മങാൻ

തുടങ്ങി..ബോധം  പോകുമെന്ന് തോന്നിയ ഞാൻ കൈ കുത്തി റോട്ടിലിരുന്നു..പറ്റുന്നില്ല കെടന്ന് പോയി അവിടെ…അടഞ്ഞു തുടങ്ങിയ കണ്ണിനു മുൻപിൽ അവ്യക്തമായി ഞാൻ കണ്ടു

എന്നെ നോക്കി തിളങ്ങുന്ന ചന്ത്രൻ…അല്ല അതൊരു നക്ഷത്രമാ…ഇത്രവലുപമുള്ള നക്ഷത്രമോ..?

എന്നെയാരോ  വലിച്ചുകൊണ്ട് പോകുന്ന പോലൊരു തോന്നൽ…നന്ദുവിന്റളിയാ…നിങ്ങൾ മുത്താണ്…പൊളി സാധനം….

പതിയെ പതിയെ എന്റെ ബോധം പോയി..

——————————-

“ടാ എണീക്ക്…ഡാ ജോമോനെ…”

ബോധമില്ലാതെ കിടന്നുറങ്ങുന്ന ജോമോനെ കുലുക്കി വിളിക്കുകയാണ് നന്ദു..

“ഇവൻ എണീക്കുന്ന ലക്ഷണമൊന്നുമില്ല അങ്കിളെ..”

ഒരുപാട് നേരത്തെ ശ്രമം പരാജയപ്പെട്ട നന്ദു ബെഡിൽ നിന്നെണീറ്റ് കൊണ്ട് പറഞ്ഞു

“ഇവൻ അതിനുമാത്രം ഏത് ബ്രാൻഡടാ അടിച്ചേ..?

ഒരു ഗ്ലാസ്‌ ചായയുമായി ആന്റണി റൂമിലേക്ക് കയറി വന്നു

അയാൾ നീട്ടിയ ചായ വാങ്ങിക്കൊണ്ടു നന്ദു പറഞ്ഞു

”അഹ് എനിക്ക് അറിയാൻ പാടില്ല..അളിയൻ തന്നൊരു ചാത്തൻ കുപ്പി ഉണ്ടാർന്ന്..പക്ഷെ ഇവൻ നോർമൽ ആയിരുന്നു…“

സംശയത്തോടെ നന്ദു പറഞ്ഞു..കുടിച്ച ഗ്ലാസ്‌ തിരിച്ചു നൽകികൊണ്ട് അവൻ പുറത്തേക്കിറങ്ങി

”അങ്കിളു പേടിക്കണ്ട..കൊറച്ചു കഴിയുമ്പോ അവൻ എണീറ്റ് വന്നോളും..നമ്മളിത് എത്ര കണ്ടതാ…ഞാൻ പോട്ടെ അമ്മേനെ അമ്പലത്തിൽ കൊണ്ട് വിടാൻ ഉള്ളതാ..“

അതും പറഞ്ഞു നന്ദു പോയി…ബെഡിൽ കിടന്നുറങ്ങുന്ന ജോമോനെ നോക്കി അയാളും തിരിച്ചിറങ്ങി പോയി

അയാൾ മുറി വിട്ടതും മയങ്ങി കിടന്നിരുന്ന ജോ ഞെട്ടിപിടഞ്ഞെണീറ്റു കിതപ്പോടെയവൻ  ചുറ്റിനും നോക്കി

അവനാകെ വിയർത്തു കുളിച്ചു പരവശനായിരുന്നു

“ഇത്..ഇതെന്റെ റൂമല്ലേ…?

സ്വയം ചോദിച്ചു കൊണ്ടവൻ ചുറ്റിനും നൊക്കി…ബെഡിൽ നിന്നെണീറ്റ് നിക്കാൻ ശ്രമിച്ച അവൻ തളർന്നു നിലത്തു വീണു

കൈകാലുകൾ അനക്കാൻ ശ്രമിച്ച അവനു അതിനു സാധിക്കാതെ വന്നു

”ദൈവമേ ഞാൻ തളർന്നു പോയോ..?

പേടികൊണ്ടവന്റെ കണ്ണ് നിറഞ്ഞു…തല പൊട്ടി പിളരുന്ന വേദന..കൈയിലെക്ക് നോക്കിയ അവൻ ഒരുനിമിഷം കരയാൻ പോലുമാകാതെ കിടന്നവിടെ

കൈയിലെ ഞരമ്പുകൾ കടും നീല നിറത്തിൽ തെളിഞ്ഞു കിടക്കുന്നു..അവയിലൂടെ രക്തം ഇരച്ചു പായുന്നതവന് അറിയാൻ സാധിക്കുന്നുണ്ട് പക്ഷെ കൈ അനക്കാൻ സാധിക്കുന്നില്ല..

“ചെറിയച്ചാ…”

അവൻ കിടന്നിടത്തു തന്നെ കിടന്നു വിളിച്ചുകൂവി..പക്ഷെ ശബ്ദം പുറത്ത് വരുന്നില്ല…അവൻ ഒന്നൂടെ ശ്രമിച്ചു നൊക്കി

“ചെറിയച്ച…”

ഇത്തവണ ശബ്ദം വന്നു..പക്ഷെ ആരും മുറിയിലേക്ക് വന്നില്ല…പെട്ടെന്നവന് തന്റെ ശരീരം തണുക്കുന്നത് പോലെ തോന്നി

“ഈശ്വര ഞാൻ ചാവാൻ പോകുവാണോ..?

പേടിയോടെയവൻ എണീറ്റ് നിക്കാൻ ശ്രമിച്ചു..ഇത്തവണ കൈയും കാലും അവനെ അനുസരിച്ചു..

എണീറ്റ് നിന്നത്തെ അവൻ കൈയിലെ ഞരമ്പുകൾ പരിശോധിച്ച്

”കൊഴമപമില്ലലോ…“

അവയെല്ലാം പഴയതുപോലെ ആയിരുന്നു…രണ്ടടി മുന്നിലേക്കാവൻ നടന്നു നൊക്കി…നടക്കാൻ സാധിക്കുന്നുണ്ട്

പെട്ടന്ന് റൂമിലേക്ക് അവന്റെ ചെറിയച്ഛൻ കടന്നു വന്നു

”ആഹ് നീ എണീറ്റോ…നന്ദു ഇപ്പൊ ഇറങ്ങിയതേ ഉള്ളു..“

അപ്പോളും ജോമോൻ പ്രേതത്തെ കണ്ടവനെ പോലെ ചുറ്റിനും നൊക്കി നില്കുവായിരുന്നു..കുറച്ചു മുൻപത്തെ സംഭവങ്ങൾ അവനെ അത്രയധികം പേടിപ്പിച്ചിരുന്നു

”നിനക്ക് എന്ത് പറ്റി ജോ..?

ചെറിയച്ചൻ അവന്റെ നിൽപ്പും ഭാവവും കണ്ട് ചോദിച്ചു

“ഏഹ്..?

”നിനക്ക് എന്ത് പറ്റിന്ന്..?

എന്ത് പറയണമെന്നറിയാതെ അവൻ ആശയകുഴപ്പത്തിലായി

“അത് പിന്നെ ഞാൻ…എനിക്കൊന്നു തലകറങ്ങി..”

ഒരുവിധമാവൻ പറഞ്ഞൊപ്പിച്ചു

“അത് കുടിച്ചതിന്റെയാവും നീ ഫ്രഷ് ആയി വാ ഞാൻ കാപ്പി എടുകാം..”