💫Evil on earth✨ – 3 Likeഅടിപൊളി  

 

”എന്ന നമുക്ക് പുറത്തൂന്ന് കഴിച്ചാലോ ..?

 

ഞാൻ അമ്മയോട് ചോദിച്ചു..ചെറിയച്ചൻ ഇനി കഴിച്ചിട്ടേ വരൂ രാത്രി

 

“എന്ന അങ്ങനെ അവട്ടെ..”

 

“എന്ന കീ താ..?

 

ഞാൻ അമ്മയോട് ചോദിച്ചു..അതിന് പുള്ളിക്കാരി എന്നെ സംശയത്തോടെ ഒന്ന് നോക്കി

 

”അത് വേണോ..?

 

“അഹ് താന്നെ..ഞാൻ മെല്ലെയെ ഓടിക്കൂ..”

 

ഇക്കാര്യത്തിൽ എന്നെ അത്ര വിശ്വാസമില്ലാഞ്ഞിട്ടും പുള്ളിക്കാരി എനിക്ക് കീ തന്നു…കഴിഞ്ഞ വെഡിങ് അനുവീഴ്സറിക്ക് ചെറിയച്ചൻ വാങ്ങി കൊടുത്ത ഒരു പുത്തൻ മിനി കൂപ്പർ പാർക്കിങ്ങിൽ കിടപ്പുണ്ട്…ഫസ്റ്റ് ഡ്രൈവിങ്ങിൽ തന്നെ വണ്ടി എനിക്ക് അങ്ങ് നന്നായി ബോധിച്ചിരുന്നു….അന്ന് അമ്മയും കൂടെ ഉണ്ടായിരുന്നു..ഓപ്പൺ ആയിട്ടൊരു റോഡ് കിട്ടിയപ്പോ ഞാൻ വെറുതെ ഒന്ന് സ്പീഡിൽ ടെസ്റ്റ്‌ നടത്തി..അന്നത്തോടെ എനിക്ക് അമ്മ വണ്ടി തരാതെയും ആയി ഞാൻ പറഞ്ഞു വെച്ച വണ്ടി വാങ്ങേണ്ടെന്നും പറഞ്ഞു…എന്ത് മനുഷ്യത്തി ആല്ലേ

 

ഡോർ തുറന്ന് ഞാൻ അകത്തു കേറി സ്റ്റിയറിങ്ങ് വീലിലൂടെ ഒന്ന് കയൊടിച്ചു

 

അപ്പോളേക്കും അമ്മയും കയറി…ഞാൻ വണ്ടി മെല്ലെ പാർക്കിങ്ങിനിൽ നിന്ന് പുറത്തേക്കിറക്കി…ഇടക്കിടെ വിശാലമായ റോഡുകൾ കിട്ടിയെങ്കിലും സ്പീഡ് കൂട്ടിയില്ല…പകരം അമ്മയെ നോക്കി ചിരിച്ചു..എന്റെ ചിരിയുടെ അർത്ഥം പുള്ളികാരിക്ക് നന്നായി അറിയാം

 

“നീ നോക്കി ചിരികുവൊന്നും വേണ്ട…നിനക്ക് ഉത്തരവാദിത്തബോധം ആയെന്ന് തോന്നിയതിന് ശേഷമേ ഞാൻ അച്ഛനോട് പറയത്തൊള്ളൂ വണ്ടിയുടെ കാര്യം..”

 

അമ്മ തറപ്പിച്ചു പറഞ്ഞു..എന്നിരുന്നാലും ഞാനൊന്ന് ശ്രമിച്ചു നോക്കാമെന്ന് കരുതി

 

“എന്നാലുമമ്മേ..ഞാൻ നന്നായിക്കോളും…ഇപ്പൊ ഡെയിലി ഓഫീസിൽപോവുന്നില്ലേ ഞാൻ..”

 

വളരെയധികം നിഷ്കളങ്കതവാരി എറിഞ്ഞുകൊണ്ട് ഞാൻ പറഞ്ഞു..

 

“ഉവ്വ..നീയെന്താ കരുതിയെ ഓഫീസിൽ പോയി നീ കാണിക്കുന്ന വേലത്തരങ്ങൾ ഞാൻ അറിയില്ലെന്നോ…അല്ലേലും അവിടെ പോയി ഫോണിൽ കളിച്ചിരിക്കുന്ന നിനക്ക് എന്തിനാടാ ചെറക്കഒന്നര കോടിരൂപേടെ കാർ..”

 

എന്റെ വാക്കുകളെ പുച്ഛിച്ചുകൊണ്ടമ്മ പറഞ്ഞു

 

“ഒന്നരകോടിയോ..ദേ ഡോക്ടറേ കാറിന്റെ കമ്പനിപോലും ഇത്രയും വില കൂട്ടിട്ടില്ല…”

 

“കൂട്ടിയാലുംഇല്ലേലും നമ്മടെ നാട്ടിൽ നിന്റെ പേർഷ്യനെ ഇറക്കാണേൽ അത്രയും പൈസ കൊടുക്കണ്ടേ..?

 

അമ്മ കെറുവിച്ചുകൊണ്ട് പറഞ്ഞു..പറഞ്ഞത് സത്യം ആണ് ഈ തല്ലിപ്പൊളി റോഡിന്അടക്കുന്ന tax ഒണ്ടേൽ ഒരു കാറ് കൂടെ വാങ്ങാം

 

”പേർഷ്യനല്ല തള്ളേ പോർഷേ..!

 

“ആ അത് തന്നെ…തല്ക്കാലം  മോൻ ആ സ്വപ്നം മാറ്റി വെക്ക്…കളയണ്ട എനിക്കൊന്നു ആലോചിക്കണം..”

 

മതി..ഇത്ര കേട്ടാൽ മതി…വാങ്ങി തരില്ല എന്ന് പറഞ്ഞതിൽ നിന്ന് ആലോചിക്കാം എന്ന് പറയിപ്പിച്ചില്ലേ…ഇത് നിന്റെ വിജയമാടാ ജോമോനെ..ഹീയാ

 

ഇരച്ചു കേറിയ സന്തോഷം കാരണം ആക്‌സിലേറ്ററിൽ അറിയാതെ കാൽ അമർത്തി ചവിട്ടി…60 ഇൽ കിടന്ന നമ്പർ കണ്ണ് ചിമ്മും മുൻപേ 90 ഇൽ എത്തിയിരുന്നു

 

സാധാരണഇങ്ങനൊരു അവസ്ഥയിൽ അമ്മയുടെ വായിലിരിക്കുന്നത് മുഴുവൻ കേൾക്കേണ്ടത് ആണ് പക്ഷെ ഇന്ന് പതിവിനും വിപരീതമായി പുള്ളിക്കാരി ചിരിച്ചുകൊണ്ടിരിക്കുന്നു..എന്റെ സന്തോഷം കണ്ടാവണം

 

ഓരോന്ന് ആലോചിച്ചും പറഞ്ഞും ഞാൻ നല്ലൊരു റെസ്റ്റോറന്റ് നോക്കി വണ്ടി കയറ്റി

 

ഉച്ചക്ക് നല്ലപോലെ തിന്നത്  കൊണ്ട് ഞാൻ ലൈറ്റ് ആയിട്ടാണ് പറഞ്ഞത്..അമ്മയും അത് തന്നെ പറയാൻ പോയപ്പോൾ നിർബന്ധിച്ചൊരു ബിരിയാണി പറഞ്ഞു

 

പാവം ഉച്ചക്കും ഒന്നും കഴിക്കാത്തത…ഹോസ്പിറ്റലിലെഓരോ വിശേഷങ്ങളും പറഞ്ഞു ഞങ്ങൾ ഭക്ഷണം കഴിച്ചിറങ്ങി

 

ബിൽ എല്ലാം പുള്ളിക്കാരി ആണ് പേ ചെയ്തത്..അത് പണ്ട് മുതൽക്കേ അങ്ങനെആണ് അമ്മയുടെ കൂടെ എവടെ പോയാലും നമ്മുടെ കയ്യീന്ന് അഞ്ചു പൈസ എടുക്കാൻ സമ്മതിക്കില്ല

 

നേരമിരുട്ടും മുൻപേ ഞങ്ങൾ വീട്ടിലെത്തി..അവിടേം ഇവടേം ആയി കൊറച്ചു നേരം കുറ്റിയടിച്ചു നിന്ന ഞാൻ ഒടുക്കം ബോറടിച്ചിട്ട് റൂമിലേക്ക് കേറി