💫Evil on earth✨ – 3അടിപൊളി  

ഇന്നത്തേക്ക് ഇത് മതിയാകും…

pee peeee peeee

പുറത്തു നിന്ന് കാറിന്റെ ഹോണടി ശബ്ദം കേട്ടു..ഇനിയും നിന്നാൽ ശെരിയാവില്ല

ഞാൻ വേഗം റൂം പൂട്ടി വെളിയിലെറങ്ങി

മുൻവശത്തെ വാതിലും പൂട്ടി ലോക്ക് ചെയ്തു ഇറങ്ങിയപ്പോളേക്കും ചെറിയച്ചൻ പോർച്ചിൽ നിന്നും കാറെടുത്തു  മുൻവശത്തേക്ക് വന്നു

ഇങ്ങേരു കാറിന് മാച്ച് ആയ ഡ്രസ്സ്‌ ആണോ ഇടാറുള്ളെ..വെള്ള ജുബ്ബയും മുണ്ടുമുടുത്ത വൈറ്റ് കളർ ബെൻസിൽ ഇരിക്കുന്ന ചെറിയച്ഛനെ ഞാൻ നോക്കി

സാധാരണ പെണ്ണുങ്ങൾ ആണ് ഡ്രെസ്സിനു മാച്ച് ആയ കമ്മലും വളയുമൊക്കെ ധരിക്കാർ..എന്തേലും ആവട്ടെ എന്ന് കരുതി ഞാൻ കാറിൽ കയറി

“എവിടെക്കാ പോണേ..?

സീറ്റ്‌ ബെൽറ്റ്‌ ഇട്ടുകൊണ്ട് ഞാൻ ചോദിച്ചു

പക്ഷെ ഉത്തരം ഒന്നും പറയാതെ കാറിന്റെ മ്യൂസിക് പ്ലയെറിൽ തപ്പി കളിക്കുന്ന തിരക്കിലാണ് ചെറിയച്ചൻ

ഇത് ഇപ്പോളൊന്നും തീരില്ലെന്ന് മനസിലായ ഞാൻ മ്യൂസിക് പ്ലയെർ ഓൺ ചെയ്തു FM മോഡിൽ ഇട്ടു

ഇല്ലെങ്കിൽ അങ്ങേരിത് പറിച്ചെടുക്കുമെന്ന് തോന്നി..ഞാൻ പാട്ട് ഇട്ടതും എന്നെയൊന്നു നോക്കി ചിരിച്ചുകൊണ്ട് ചെറിയച്ചൻ വണ്ടി മുൻപോട്ടെടുത്തു

”ആഹ് നീയെന്താ ചോദിച്ചേ..?

ഡ്രൈവിംഗ് ശ്രദ്ധിക്കുന്നതിനിടയിൽ എന്നോട് ചോദിച്ചു

“എവിടേക്കാ രാവിലെ തന്നെ പോണെന്നു..ഞാൻ ഒന്നും കഴിച്ചിട്ടില്ല നല്ല വിശപ്പുണ്ട്..”

രാവിലെ എന്നല്ല ഇന്നലെ രാത്രിയും ഒന്നും കഴിച്ചില്ല അതോണ്ട് തന്നെ വയറു കിടന്ന് കത്തുന്നത് ശെരികുമറിയാനുണ്ട്

എന്റെ ചോദ്യം കേട്ടിട്ട് ആണെന്ന് തോന്നുന്നു പുള്ളിക്കാരൻ ചിരിക്കുന്നുണ്ട്..ചിരിക്കാൻ മാത്രം എന്താണേനെന്നുള്ള ഭാവത്തിൽ ഞാൻ ചെറിയച്ഛനെ നോക്കി അപ്പൊ അങ്ങേര് വാച്ചിലേക്ക് നോക്കി പിന്നേം ഡ്രൈവിംങ്ങിൽ ശ്രദ്ധിച്ചു

ഞാൻ ഫോൺ എടുത്തു സമയം നോക്കി

“”“രണ്ട് മണിയോ..”“”

വലിയ ശബ്ദത്തിൽ ഞാൻ ചോദിച്ചു…അല്ല പറഞ്ഞു പോയി…ഇത്ര നേരം ഞാൻ കെടന്ന് ഉറങ്ങിയോ..വെറുതെ അല്ല ഇത്ര വിശപ്പ്

“ആഹ് രണ്ട് മണി തന്നെ..ഞാനും നന്ദുവും കൂടെ രാവിലെ മുതൽ വിളിക്കാൻ തുടങ്ങുയത നിന്നെ…എവിടെ എണീക്കാൻ ആര് കേൾക്കാൻ…അവളെറിയണ്ട നിന്റെയീ കളിയൊന്നും…”

എന്നെ കുറ്റപ്പെടുത്തുന്നത് പോലെ ചെറിയച്ചൻ പറഞ്ഞു..ദേഷ്യം കൊണ്ടൊന്നുമല്ല അമ്മക്കും ചെറിയച്ഛനും വേറെയാരേക്കാളും ഇഷ്ടം എന്നെയാണ് അതുകൊണ്ട് തന്നെ ഞാൻ എന്തേലും തലതെറിച്ച പരുപാടി ചെയ്താൽ ആദ്യം ചീത്ത കേൾക്കുന്നത് ഇങ്ങേർക്കാണ് അമ്മയുടെ അടുത്ത് നിന്ന്..അതിന് ശേഷമേ എന്റടുത്തു വരൂ..പക്ഷെ എന്നോട് ദേഷ്യപ്പെടില്ല ഉപദേശം മാത്രം..ചെലപ്പോ ദേഷ്യപ്പെട്ടലൊന്നും ഞാൻ നന്നാവുമെന്ന് തോന്നുന്നില്ലായിരിക്കും

ഓരോന്ന് ആലോചിച്ചും കൂട്ടിയും ഇരുന്നപ്പോലേക്കും ടൗണിലെ തന്നെ വലിയൊരു ഹോട്ടലിലേക്ക് ചെറിയച്ചൻ കാറ് കയറ്റി

മുൻപിൽ തന്നെ വലിയൊരു ഫ്ലെക്സും ഒണ്ട് ഏതോ പെണ്ണിന്റേം ചെറുക്കന്റെയും മാര്യേജ് ഫങ്ക്ഷന് ആണ്..അപ്പൊ ഇന്നത്തെ പ്രഭാതഭക്ഷണവും ഉച്ചക്കത്തെ ഭക്ഷണവും ഇവിടുന്ന് തിന്നാം

പാർക്കിംഗ് ഏരിയയിൽ കാർ നിർത്തിയതും ഞാൻ ഡോറു തുറന്നിറങ്ങി ഓടി…സത്യം പറഞ്ഞ വിശന്നിട്ട്  കണ്ണ് കാണാൻ പറ്റാത്ത അവസ്ഥ ആയിരുന്നു

പാർക്കിംഗ് ഫ്ലോറിൽ തന്നെ ഉള്ള ലിഫ്റ്റ് പിടിച്ചു ഏറ്റവും മുകളിലെ ഹാളിലേക്ക് ഉള്ള ബട്ടൻ അമർത്തി…കൊറേ പേര് വരുന്ന പരുപാടി ആയിണ്ട് എല്ലാവർക്കുമുള്ള ഫുഡ്‌ അടി സൗകര്യം അവിടെ തന്നെ ആയിരിക്കും..എന്റെ ഊഹം തെറ്റിയില്ല ലിഫ്റ്റിന്റെ ഡോർ തുറന്നതേ നല്ല മനം മയക്കുന്ന മണം മൂക്കിലേക്ക് അടിച്ചു കയറി

“”ബീഫിന്റെ മണമല്ലേ അത്…ബിരിയാണി ആവണേ..“

വലിയ ആൾ കൂട്ടം ഒന്നുമില്ലേലും അത്യാവശ്യം ആളുകൾ ഉണ്ടായിരുന്നു ഹാളിൽ..അങ്ങ് അറ്റത്തായുള്ള  സ്റ്റേജിൽ പെണ്ണും ചെക്കനും അവരുടെ ഫാമിലിയും നിൽപ്പുണ്ട്..എല്ലാരും ഫോട്ടോയ്ക്ക് പോസ് ചെയ്യുവാണ്..പക്ഷെ എന്റെ ആവശ്യം അതല്ലല്ലോ

പന്തം കണ്ട പെരുചാഴിയെപ്പോലെ ഞാൻ ആളുകൾക്കിടയിലൂടെ നടന്നു..ഒടുവിൽ ഞാൻ കണ്ടെത്തി എന്റെ യുദ്ധഭൂമി

ഹാളിന്റെ ഒരു സൈഡിലായി ബൊഫെ സെറ്റപ്പ്…പിന്നൊന്നും നോകീല അവിടേക്ക് വെച്ചു പിടിച്ചു…രാവിലെ എണീക്കാഞ്ഞത് നന്നായി എന്ന് അപ്പൊ തോന്നി…അത്ര മാത്രം ഐറ്റങ്ങൾ ഉണ്ടായിരുന്നു അവിടെ..ഒരുമൂലെന്ന് പെറുക്കി പെറുക്കി ഞാൻ അവിടെയുള്ള എല്ലാം സാധങ്ങളും ഒരു പ്ലേറ്റിൽ ആക്കി..വിശപ്പ് കാരണം ഭ്രാന്ത്‌ പിടിച്ച അവസ്ഥയിൽ ആയോണ്ട് എന്നെക്കാൾ മുൻപേ വന്നവരെയൊക്കെ തട്ടി മാറ്റിയാണ് ഞാൻ എല്ലാം എടുക്കുന്നത്

എവിടുന്ന് വരുന്നെടാ ഇവനൊക്കെയാന്ന് ഭാവത്തിൽ ആണ് അവിടെ നിന്ന ആന്റിമാർ എന്നെ നോക്കിയത്..അതൊന്നും ശ്രദ്ധിക്കാൻ ഉള്ള മാനസികാവസ്ഥയിൽ അല്ലായിരുന്നു ഞാൻ..ചിക്കൻ മുതൽ മുയലുവരെ  പ്ലേറ്റിൽ ആയ സ്ഥിതിക് ഞാൻ കളമൊഴിഞ്ഞു

ഇനി സേഫ് ആയിട്ടൊരു സ്ഥലം കണ്ട് പിടിക്ണം…നോക്കുമ്പോ വേറൊരു സൈഡിൽ ഒരു ചെറിയ റൗണ്ട് ടേബിലും ചുറ്റിനും കൊറച്ചു കസേരകളും..അതിലെങ്ങും ഒറ്റ മനുഷ്യനുമില്ല…ഏറു കിട്ടിയ പൂച്ചയെപ്പോലെ ഞാൻ അവിടേക്കോടി എന്റെ യുദ്ധഭൂമി കയ്യെറി..പിന്നെ സകല ഫുഡ്‌ വ്ലോഗർമാരെയും  മനസ്സിൽ ദ്യാനിച്ചു കഴിക്കാൻ തുടങ്ങി…സത്യം പറയാലോ എല്ലാത്തിനും ഒടുക്കത്തെ രുചി ആയിരുന്നു വിശന്ന് വന്നൊണ്ട് ആവും

കൊറച്ചു കഴിഞ്ഞപ്പോളേക്കും ചെറിയച്ഛനും എത്തി ഒരു പ്ലേറ്റുമായി

“ഫോട്ടോ എടുക്കാൻ പോയില്ലേ..?

കഴിക്കുന്നതിനിടയിലായി ഞാൻ ചോദിച്ചു..വാ നിറയെ ബിരിയാണി ആണ് ഞാൻ ചോദിച്ചത് അങ്ങേർക്ക് മനസ്സിലായോ എന്തോ

”ആദ്യം വല്ലതും കഴിക്കട്ടെ എന്നിട്ട് എടുക്കാ..“

നോക്കുമ്പോ മൂപ്പരും നല്ല ഫുഡ്‌ അടി ആണ് രാവിലെ അമ്മ ഉപുമാവ് ആണെന്ന് തോന്നുന്നു ഉണ്ടാക്കിയത് അല്ലെങ്കിൽ ഇങ്ങനെ കഴിക്കൂല..എനിക്കും ചെറിയച്ഛനും അമ്മയുണ്ടാകുന്ന ഉപുമാവ് കാണുന്നത് ചെകുത്താൻ കുരിശ് കാണുന്നതിന് സമമായിരുന്നു

ആദ്യത്തെ റൗണ്ട് കഴിഞ്ഞു രണ്ടാമതും പോയി ഞാൻ ഫുഡ്‌ എടുത്തു കൊണ്ട് വന്നു..ഒള്ളത് പറഞ്ഞാ ആ ചിക്കൻ കൊണ്ടുണ്ടാക്കിയ ഐറ്റംസ് മുഴുവൻ എനിക്ക് ഇഷ്ടപ്പെട്ടിരുന്നു

മെയിൻ പരുപാടി ഒക്കെ കഴിഞ്ഞ സ്ഥിതിക്ക് കൊറച്ചു ഐസ്ക്രീം കൂടി കഴിക്കാമെന്ന് കരുതി ഐസ്ക്രീംമും ജ്യൂസും കൊടുക്കുന്ന ഏരിയയിലേക്ക് ചെന്ന്..ഒരുപാട് ഐറ്റംസ് ഉണ്ടേലും ഞാൻ ഒരു ബട്ടർസ്കോച്ച് എടുത്തു

ക്യാമറമാന്മാർ ഓരോന്ന് പറഞ്ഞു വട്ട് കളിപ്പിക്കുന്ന ചെക്കനെയും പെണ്ണിനേയും നോക്കി ഐസ് ക്രീം തിന്നുകൊണ്ട് ഇരിക്കുമ്പോ ആണ് എന്റെ പുറത്തൊരു കൈ വന്നു വീണത്..വീണതെന്ന് പറഞ്ഞാൽ കൈ വീശിയൊരു അടി ആയിരുന്നത്..പൊള്ളി പോയി പുറം

+3

0