💫Evil on earth✨ – 3 Likeഅടിപൊളി  

 

”അങ്കിളു പേടിക്കണ്ട..കൊറച്ചു കഴിയുമ്പോ അവൻ എണീറ്റ് വന്നോളും..നമ്മളിത് എത്ര കണ്ടതാ…ഞാൻ പോട്ടെ അമ്മേനെ അമ്പലത്തിൽ കൊണ്ട് വിടാൻ ഉള്ളതാ..“

 

അതും പറഞ്ഞു നന്ദു പോയി…ബെഡിൽ കിടന്നുറങ്ങുന്ന ജോമോനെ നോക്കി അയാളും തിരിച്ചിറങ്ങി പോയി

 

അയാൾ മുറി വിട്ടതും മയങ്ങി കിടന്നിരുന്ന ജോ ഞെട്ടിപിടഞ്ഞെണീറ്റു കിതപ്പോടെയവൻ  ചുറ്റിനും നോക്കി

അവനാകെ വിയർത്തു കുളിച്ചു പരവശനായിരുന്നു

 

“ഇത്..ഇതെന്റെ റൂമല്ലേ…?

 

സ്വയം ചോദിച്ചു കൊണ്ടവൻ ചുറ്റിനും നൊക്കി…ബെഡിൽ നിന്നെണീറ്റ് നിക്കാൻ ശ്രമിച്ച അവൻ തളർന്നു നിലത്തു വീണു

 

കൈകാലുകൾ അനക്കാൻ ശ്രമിച്ച അവനു അതിനു സാധിക്കാതെ വന്നു

 

”ദൈവമേ ഞാൻ തളർന്നു പോയോ..?

 

പേടികൊണ്ടവന്റെ കണ്ണ് നിറഞ്ഞു…തല പൊട്ടി പിളരുന്ന വേദന..കൈയിലെക്ക് നോക്കിയ അവൻ ഒരുനിമിഷം കരയാൻ പോലുമാകാതെ കിടന്നവിടെ

 

കൈയിലെ ഞരമ്പുകൾ കടും നീല നിറത്തിൽ തെളിഞ്ഞു കിടക്കുന്നു..അവയിലൂടെ രക്തം ഇരച്ചു പായുന്നതവന് അറിയാൻ സാധിക്കുന്നുണ്ട് പക്ഷെ കൈ അനക്കാൻ സാധിക്കുന്നില്ല..

 

“ചെറിയച്ചാ…”

 

അവൻ കിടന്നിടത്തു തന്നെ കിടന്നു വിളിച്ചുകൂവി..പക്ഷെ ശബ്ദം പുറത്ത് വരുന്നില്ല…അവൻ ഒന്നൂടെ ശ്രമിച്ചു നൊക്കി

 

“ചെറിയച്ച…”

 

ഇത്തവണ ശബ്ദം വന്നു..പക്ഷെ ആരും മുറിയിലേക്ക് വന്നില്ല…പെട്ടെന്നവന് തന്റെ ശരീരം തണുക്കുന്നത് പോലെ തോന്നി

 

“ഈശ്വര ഞാൻ ചാവാൻ പോകുവാണോ..?

 

പേടിയോടെയവൻ എണീറ്റ് നിക്കാൻ ശ്രമിച്ചു..ഇത്തവണ കൈയും കാലും അവനെ അനുസരിച്ചു..

 

എണീറ്റ് നിന്നത്തെ അവൻ കൈയിലെ ഞരമ്പുകൾ പരിശോധിച്ച്

 

”കൊഴമപമില്ലലോ…“

 

അവയെല്ലാം പഴയതുപോലെ ആയിരുന്നു…രണ്ടടി മുന്നിലേക്കാവൻ നടന്നു നൊക്കി…നടക്കാൻ സാധിക്കുന്നുണ്ട്

 

പെട്ടന്ന് റൂമിലേക്ക് അവന്റെ ചെറിയച്ഛൻ കടന്നു വന്നു

 

”ആഹ് നീ എണീറ്റോ…നന്ദു ഇപ്പൊ ഇറങ്ങിയതേ ഉള്ളു..“

 

അപ്പോളും ജോമോൻ പ്രേതത്തെ കണ്ടവനെ പോലെ ചുറ്റിനും നൊക്കി നില്കുവായിരുന്നു..കുറച്ചു മുൻപത്തെ സംഭവങ്ങൾ അവനെ അത്രയധികം പേടിപ്പിച്ചിരുന്നു

 

”നിനക്ക് എന്ത് പറ്റി ജോ..?

 

ചെറിയച്ചൻ അവന്റെ നിൽപ്പും ഭാവവും കണ്ട് ചോദിച്ചു

 

“ഏഹ്..?

 

”നിനക്ക് എന്ത് പറ്റിന്ന്..?

 

എന്ത് പറയണമെന്നറിയാതെ അവൻ ആശയകുഴപ്പത്തിലായി

 

“അത് പിന്നെ ഞാൻ…എനിക്കൊന്നു തലകറങ്ങി..”

 

ഒരുവിധമാവൻ പറഞ്ഞൊപ്പിച്ചു

 

“അത് കുടിച്ചതിന്റെയാവും നീ ഫ്രഷ് ആയി വാ ഞാൻ കാപ്പി എടുകാം..”

 

അതും പറഞ്ഞയാൾ തിരിച്ചു നടന്നു

 

കുടിച്ച കള്ളിന്റെ കെട്ട് വിട്ടതും ജോ ഫ്രഷ് ആകുവാനായി ബാത്‌റൂമിലേക്ക് കയറി

 

“എന്നാലുമളിയാ..എന്ത് സാധനമാ നിങ്ങളാ കുപ്പിയിലാക്കി തന്നത്…”

 

തനിയെ പറഞ്ഞുകൊണ്ടേവൻ ബാത്‌റൂമിൽ കയറി മുഖം കഴുകി…മുന്പിലെ കണ്ണാടിയിൽ നോക്കി നെറ്റിയുടെ സൈടിലേയുള്ള ചെറിയ പാടിൽ വിരലോടിച്ചു…ആ സമയം അവന്റെ മുഖത്തൊരു ചിരി ഉണ്ടായിരുന്നു..

 

“കൊറച്ചൂടെ താടി ഒണ്ടായിരുന്നേൽ മുറിച്ചു കളയായിരുന്നു..”

 

ബ്രഷ് എടുത്തവൻ പല്ല് തേക്കാൻ തുടങ്ങി

 

അപ്പോളാണവൻ ഇന്നലത്തെ കാര്യങ്ങൾ ഓർത്തത്…

 

“ഇന്നലെ…ഇന്നലെ റോട്ടിൽ കെടന്ന ഞാൻ എങ്ങനെ ഇവിടെ..?

 

സംശയത്തീടെയവൻ കണ്ണാടിയിൽ നോക്കി..ചെറിയച്ചൻ പറഞ്ഞ വാക്കുകൾ ഓർത്തുനോക്കി

 

”നന്ദു ഇപ്പൊ ഇറങ്ങിയതേ ഉള്ളു…!

 

“oh..അവനാവും ഇവിടെ കൊണ്ടിട്ടത്..”

 

ഫ്രഷായി ഇറങ്ങിയ ജോ കസേരയിൽ കിടന്ന തോർത്തുകൊണ്ട് മുഖം തുടച്ചപ്പോളാണ് ഇന്നലെ വാങ്ങി വണ്ടിയിൽ വച്ച കുപ്പിയുടെ കാര്യം ഓർമ്മ വന്നത്

 

അവനോടി പുറത്തേക്കിറങ്ങി

 

മുറ്റത് ചാരി വെച്ച തൻറെ ബൈക്ക് കണ്ടവൻ അതിനടുത്തേക്ക് ചെന്നു

 

“ദൈവമേ നന്ദുവത് കൊണ്ടുപോയിട്ടോണ്ടാവല്ലേ…”

 

ടാങ്കിനു മുകളിലെ അറയിൽ പരിശീദിച്ചുകൊണ്ടവൻ പറഞ്ഞു