💫Evil on earth✨ – 3 Likeഅടിപൊളി  

 

”ഹലോ ജോമോനല്ലേ..?

 

അല്പം കട്ടിയുള്ള ശബ്‍ദത്തിൽ ഒരു പെണ്ണ് എന്നോട് ചോദിച്ചു

 

“yes …ജോമാനാണ്…”

 

നാടക നടന്മാർ പറയുന്നൊരു ടോണിൽ ഞാൻ പറഞ്ഞു..പിന്നെ ആണ് മനസിലായെ അത് ഞാനല്ല ഉള്ളിൽ കിടക്കുന്ന മദ്യം ആണെന്ന്…ശ്ശേ…എന്റെ തന്നെ കവിളിൽ അടിച്ചുകൊണ്ട് ഞാൻ പറഞ്ഞു

 

“അതെ ജോമോനാണ്..ഇതാരാ..”

 

“എടാ ഞാൻ നീതുവാണ്…”

 

“ആഹ് നീതുവോ..പറയെടി എന്തൊക്കെ ഇണ്ട്…”

 

ദൈവമേ ഇതേത് നീതു..വിരലുകടിച്ചുകൊണ്ട് ഞാൻ ആലോചിച്ചു

 

“എടാ ആദിയുടെ വീട്ടിൽ പ്രശ്നമാടാ…നാളെ അവളുടെ കല്യാണമാണ്..നീ എന്തെങ്കിലും ഒന്ന് ചെയ്യണം..”

 

ദൈവമേ ഇപ്പോ കല്യാണത്തിന് വിളിച്ച ഞാൻ എന്ത് ചെയ്യും..എനിക്ക് പിറകിൽ തറയിൽ കിടന്നുരുളുന്ന നന്ദുവിനെ നോക്കി…പറ്റില്ല ഇവനേം കൊണ്ടൊന്നും കല്യാണവീട്ടിൽ പോകാൻ ഒക്കത്തില്ല

 

“നീതു ഞാൻ എന്ത് ചെയ്യാനാ..?

 

എന്റെ അവസ്ഥ ഓർത്തു ഞാൻ ചോദിച്ചു

 

”നിനക്കിവളെ ഇഷ്ടമല്ലേ..ഞാൻ അവളോട് പറഞ്ഞു നിന്റെ കാര്യങ്ങൾ..അവൾക്കും വല്യ എതിർപ്പില്ല..നീ ഇപ്പൊ വന്നിവളെ കൂട്ടികൊണ്ട് പോകണം..ഇനിയും വൈകിയാൽ ഇവളെ ആരും ജീവനോടെ കാണില്ല അതാ അവസ്ഥ..“

 

എല്ലാം കേട്ട് ഞാൻ ഇടിവെട്ടിയവനെ പാമ്പ് കടിച്ചത് പോലെ മരവിച്ചു നിന്നു..കുടിച്ചത് മുഴുവൻ ഒറ്റ നിമിഷം കൊണ്ട് ഇതിലെയോ പോയി

 

”എന്താന്ന്..?

 

കേട്ടത് എന്താണെന്നു ഒറപ്പിക്കാൻ വേണ്ടി ഞാൻ ഒന്നുകൂടെ ചോദിച്ചു…മുൻപത്തെ മറുപടി തന്നെ വീണ്ടും കിട്ടി

 

“നീതു ഞാൻ ഇപ്പൊ എങ്ങനെ..”

 

എന്ത് പറയണമെന്നറിയാതെ ഞാൻ കുഴങ്ങി

 

“നീ ഞാൻ പറയുന്നത് കേൾക്ക് ജോമോനെ..ഇപ്പൊ സമയം പതിനൊന്നു കഴിഞ്ഞു ഒരു മണിക്കൂറിനുള്ളിൽ ഞാൻ ഇവളെ വീടിന്റെ മതിലിനരിക് വരെ എത്തിക്കാ…നീ അവളെയും കൂട്ടി എവിടെക്കെങ്കിലും ഒന്ന് മാറണം…ലൊക്കേഷൻ ഞാൻ വാട്സ്ആപ്പ് ചെയ്യാ..മറക്കല്ലേ ഒരു മണിക്കൂറിനുള്ളിൽ എത്തണം..പീ പീ പീ..”

 

“അത് ഞാൻ…!

 

എന്തെങ്കിലും പറയും മുൻപേ കാൾ കട്ട്‌ ആയി..ദൈവമേ ഞാൻ എന്താക്കും..നിലത്തു കിടന്ന് വട്ടം വരക്കുന്ന നന്ദുവിനെ ഞാൻ തട്ടി വിളിച്ചു..എവിടുന്ന്…ആര് കേൾക്കാൻ

 

”നന്ദു…മോനെ..ഒന്ന് എണീറ്റട…പണി കിട്ടിയെടാ…“

 

”ഞാൻ ഇന്ന് ലീവാ അമ്മേ..“

 

അതും പറഞ്ഞവനെന്റെ കൈ തട്ടി മാറ്റി വീണ്ടും കിടന്നു..ഞാൻ ബാക്കി രണ്ടെണ്ണത്തിനെ നോക്കി..അതുങ്ങൾ ഇവനെക്കാൾ തറആയാണ് കിടക്കുന്നെ

 

ഞാൻ എന്ത് ചെയ്യും….

 

//ടിങ് ടിങ്//

 

ഫോണിൽ ഒരു നോട്ടിഫിക്കേഷൻ വന്നു..എടുത്തു നോക്കിയപ്പോ ഏതോ ഒരു നമ്പറിൽ നിന്നും ഒരു whatsapp ലൊക്കേഷൻ…!

 

അത് കൂടെ കണ്ടപ്പോ എന്റെ കണ്ട്രോൾ പോകാൻ തുടങ്ങി..ടെൻഷൻ കാരണം കൈയും കാലും വിറക്കുന്നത് പോലെ

 

ഞാൻ അവളെ കൊണ്ട് വന്നില്ലെങ്കിൽ അവളെ നാളെയരും ജീവനോടെ കാണില്ലെന്നല്ലേ പറഞ്ഞെ..ഭീഷണി ആണോ അത്…ഏയ്യ്…അപ്പൊ സത്യം ആയിരിക്കോ

 

ഞാൻ വേഗം ബാക്കി ഉള്ള മദ്യം എടുത്തു കുപ്പിയോടെ വായിലേക്ക് കമിഴ്ത്തി

 

ഹോ മൈര് വെള്ളം ചേർത്തില്ല…നെഞ്ചും കൂട് കത്തിപ്പോയി…!

 

കാലിയായ കുപ്പി തറയിലേക്ക് എറിഞ്ഞു പൊട്ടിച്ചു….ആ ശബ്ദം കേട്ട് ആണെന്ന് തോന്നുന്നു നിലത്തു കിടന്ന അനസ് എണീറ്റു നിന്നു…ഞാൻ അവനെ നോക്കി..അവൻ എന്നെയും നോക്കി

 

പതിയെ അവൻ എന്റെ അടുത്തേക്ക് വന്നു…ഒരുത്തനെങ്കിലും ബോധം ഇണ്ടല്ലോ ഭാഗ്യം ഞാൻ വേഗം എണീറ്റ് അവനെ പിടിച്ചു

 

“എന്താടാ ജോ പ്രശ്നം..?

 

”അളിയാ ഒരു പ്രശ്നം ഒണ്ട്…ഞാൻ തമാശക്ക് തുടങ്ങി വച്ചതാ..ഇപ്പൊ അത് സീരിയസ് ആയി..നീ വാ നമുക്ക് അവളുടെ വീട്ടിൽ പോയി കാര്യങ്ങൾ പറഞ്ഞു മനസിലാക്കാം…നീ നടക്കു ഞാൻ താക്കോൽ എടുകാം…“

 

അതും പറഞ്ഞു ഞാനവനെ പുറത്തേക്ക് പറഞ്ഞയച്ചു..ഇനി വണ്ടീടെ ചാവി തപ്പണം..മുടിയാനായിട്ട് അത് കാണുന്നുമല്ല…

 

”ജോ നീ ടെൻഷൻ ആവല്ലേ..സമാധാനമായി ആലോചിക്ക്…“