💫Evil on earth✨ – 3 Likeഅടിപൊളി  

 

എന്റെ ഊഹം തെറ്റിയില്ല..നല്ല എണ്ണയിൽ കോരി എടുത്ത പഴംപൊരി വറീദേട്ടന്റെ പെണ്ണുപുള്ള തവിയിൽ കോരുന്നുണ്ട്..എത്രയൊക്കെ ഓർത്തു വച്ചാലും ഇവരുടെ പേര് ഞാൻ മറന്ന് പോകും…ഞാൻ വരുന്നത് കണ്ടേ അവരെന്നെ നോക്കി ചിരിച്ചു…തിരിച്ചു ഞാനും നല്ലൊരു ചിരി ചിരിച്ചു

 

“ചേച്ചി നല്ല മുഴുത്തത് നോക്കി ഒരു മൂന്നെണ്ണവും പഞ്ചസാര കൊറച്ചൊരു ചായയും എടുത്തോ…”

 

ഇവിടെ വന്നാലുള്ള എന്റെ സ്ഥിരം പതിവും പറഞ്ഞു ഞാൻ ആളൊഴിഞ്ഞ ടേബിളിൽ ഇരുന്നു

 

രണ്ട് മിനുട്ടുകൊണ്ട് നന്നായി അടിച്ചൊരു ചായയും എണ്ണ കുടിച്ചു തടി മാടന്മാരായാ മൂന്ന് പഴംപൊരി പൊരിയും മുൻപിലെത്തി..

 

കൂടെ കിട്ടിയ ടിഷു പേപ്പർ വച്ചു അവമാരുടെ എണ്ണ എല്ലാം ഞാൻ ഊറ്റി കളഞ്ഞു…പിന്നെ ഫോണിൽ ഓരോ റീലും കണ്ട് ആസ്വദിച്ചു കഴിക്കാൻ തുടങ്ങി…കൊറച്ചു കഴിഞ്ഞാണ് മുന്പിലെ കസേര ആരോ വലിക്കുന്ന ശബ്ദം കേട്ടത്..അതുവരെ ഫോണിൽ തലകുത്തി കെടന്ന ഞാൻ ആരാണെന്ന് നോക്കി..വേറാരുമല്ല അമ്മ ആണ്

 

പുള്ളികാരിക്ക് അറിയാം ഞാൻ ഹോസ്പിറ്റലിൽ വന്നാൽ എവടെ കാണൂന്ന്…എന്നെ തിരക്കി വന്നതാണ് കക്ഷി

 

കറുത്ത ഒരു കോട്ടൺ സാരിയും മുകളിൽ ഡോക്ടർമാരുടെ വൈറ്റ് കോട്ടും തലയിൽ കെട്ടി ക്ലിപ്പ് ചെയ്ത് വച്ച മുടിയും നല്ല വെളുത്ത വട്ട മുഖവും കഴുത്തിൽ ഒരു താലി മാലയും…കഴിഞ്ഞു…അമ്മേടെ ഒരുക്കം കഴിഞ്ഞു

 

“എന്താടാ നീ ഇങ്ങെനെ നോക്കണേ..?

 

എന്റെ നോട്ടം കണ്ട് ഒരു ചിരിയോടെ അമ്മ ചോദിച്ചു…അമ്മേടെ പേര് പറഞ്ഞില്ലാലോ…ജെസി…മറ്റേ സിനിമയിലെ ജെസി ഇല്ലേ..അതാണ്ട് അതുപോലെ ഒരെണ്ണം..കാർഡിയോളജിസ്റ്റ് ആണ്

 

”ചുമ്മാ…“

 

”hmm..“

 

ഒന്ന് മൂളിക്കൊണ്ട് എന്റെ പ്ലേറ്റിൽ ഇരുന്ന പഴംപൊരി എടുത്തു കഴിക്കാൻ തൊടങ്ങി

 

”എന്തോന്നാ ഡോക്ടറെ…ഞാൻ പറഞ്ഞു വാങ്ങിച്ചതാ അത്..“

 

ബാക്കി വന്ന ഒരു തടിയനെ എടുത്തോണ്ട് പോയ അമ്മേയെ നോക്കി ഞാൻ പറഞ്ഞു…വേറെന്ത് എടുത്താലും എനിക്ക് പ്രശ്നമില്ല..പക്ഷെ പഴംപൊരിയുടെ കാര്യത്തിൽ അത് ഞാൻ വിട്ട് കൊടുക്കില്ല..ഡോക്ടർക്കത് നന്നായി അറിയാ..എന്നെ വട്ട് കളിപ്പിക്കാൻ വേണ്ടി കാണിക്കുന്ന ഓരോ ഏർപ്പാടെ..

 

”വോ..എനിക്കൊന്നും വേണ്ട നിന്റെ പഴംപൊരി..“

 

അതും പറഞ്ഞു ബാക്കി പീസുകൂടെ പുള്ളിക്കാരി അകത്താക്കി…എന്ത് കഷ്ടമാന്നെന്ന് നോക്കണേ

 

”ചേച്ചി….ഒരെണ്ണം കൂടെ..“

 

ഞാൻ കിച്ചണിൽ നിന്ന ചേച്ചിയോട് വിളിച്ചു പറഞ്ഞു

 

”രണ്ടെണ്ണം എടുത്തോ ചേച്ചി..“

 

ഞാൻ പറഞ്ഞു തീർന്നതും അമ്മ വിളിച്ചു പറഞ്ഞു..ഇനിയെന്തിനാ രണ്ടെണ്ണം എന്ന് ഭാവത്തിൽ ഞാൻ അമ്മേയെ നോക്കി

 

”എടാ വിശന്നിട്ട് ആട..ഉച്ചക്ക് ഒരു എമർജൻസി കേസ് ഉണ്ടായിരുന്നു കഴിക്കാൻ വിട്ട് പോയി..“

 

”അപ്പൊ ഒന്നും കഴിച്ചില്ലേ..?

 

“ച്ചും..”

 

പിള്ളേരെപോലെ സൗണ്ട് ഇണ്ടാക്കി അമ്മ പറഞ്ഞു….അത് കണ്ട് ചിരി വന്നേലും ഞാൻ അത് പിടിച്ചു നിർത്തി

 

“എന്നിട്ടാണോ ഇത് കഴിക്കുന്നേ..ചോറ് പറയട്ടെ…”

 

“വേണ്ടെടാ..വീട്ടിൽ പോയിട്ട് കഴിക്കാ…ഇതോടെ കഴിഞ്ഞാ നമുക്ക് ഇറങ്ങാ..”

 

അപ്പോളേക്കും പഴംപൊരി എത്തി..അതും കഴിച്ചു ഞങ്ങൾ ഇറങ്ങി…ചെറിയച്ചൻ ആരെയും ഫോണിൽ വിളിച്ചു കാറിനു മുൻപിൽ നിൽപ്പൂണ്ടായിരുന്നു

 

ഞങ്ങൾ വരുന്നത് കണ്ട് പുള്ളി ഫോൺ വെച്ച് ഞങ്ങടെ അടുത്തേക്ക് വന്നു…

 

“ഞാൻ ഒന്ന് ഓഫീസ് വരെ പോകുവാ..നീ ഇവള്ടെ കൂടെ വീട്ടിൽ പൊയ്ക്കോ..”

 

“ഞാനും വരണോ..?

 

എന്തേലും സീരിയസ് കാര്യം ആയിരിക്കുമെന്ന് കരുതി ഞാൻ ചോദിച്ചു

 

ഞാൻ പോയിട്ട് വല്യ കാര്യമൊന്നുമില്ല എന്നാലും ഒരു ആൾ ബലത്തിന്…

 

”ഇല്ലെടാ ഇത് ഞാൻ നോക്കിക്കോളാം..ശെരി എന്ന..“

 

അതും പറഞ്ഞു പുള്ളി വണ്ടിയെടുത്തു പോയി…

 

”ആ പോക്ക് കണ്ടാൽ അറിയാ ആ മനുഷ്യനിന്ന് രാത്രി വൈകിയേ വരുമെന്ന്..“

 

ഒരു ചിരിയോടെ അമ്മ പറഞ്ഞു..അത് കേട്ട് ഞനും ചിരിച്ചു