💫Evil on earth✨ – 3 Likeഅടിപൊളി  

“നിനക്ക് എന്തെങ്കിലും വേണോ കഴിക്കാൻ..”

വേണ്ടെന്ന ഭാവത്തിൽ അവൾ തലയാട്ടി..പിന്നെയും ഇരുന്ന് ഊതാൻ തുടങ്ങി…ഈ അടുപ്പിലൂതിയെകൊണ്ട്

“ഒരു രണ്ട് ദോശയയും ചിക്കൻ ഫ്രയും അവിടെ കൊടുത്തേക്ക്..”

എനിക്ക് തന്ന പ്ലെയ്റ്റ് വാങ്ങുമ്പോൾ ഞാൻ പറഞ്ഞു

പിന്നെ വാങ്ങിയ പ്ലെയ്റ്റും കൊണ്ടു അവളുടെ അടുത്തായി വന്നിരുന്നു കഴിക്കാൻ തുടങ്ങി …ഞാൻ വിചാരിച്ചത് പോലെ തന്നെ…അവള് നോക്കുന്നുണ്ട് ഇടക്….വിശന്നിരിക്കുവാ എന്നിട്ടും മടിയും കെട്ടി പിടിച്ചു ഇരിക്കുവാ പെണ്ണ്…ഹും…നമ്മളേത്ര സ്റ്റോറി വായിച്ചതാ

അതികം വൈകാതെ തന്നെ ചെക്കൻ ഒരു പ്ലെയ്റ്റ് ദോശ കൊണ്ടുവന്നവൾക്ക് കൊടുത്തു…പക്ഷെ വാങ്ങുന്നതിന് പകരം അവളെന്നെ നോക്കി

ഇനിയും ഇട്ട് വട്ട് കളിപ്പിക്കണ്ടെന്നോർത്തു ഞാൻ വാങ്ങിക്കോളാൻ പറഞ്ഞു…കേട്ട പാതി കേക്കാത്ത പാതി അവളെ പ്ലെയ്റ്റ് വാങ്ങി യുദ്ധം തുടങ്ങി

തീറ്റയെന്ന് പറഞ്ഞ അമ്മാതിരി തീറ്റ…ഇവളെനിക്ക് ഒരു ഭീഷണി ആവും

ഭക്ഷണവും കഴിച്ചു പൈസയും കൊടുത്തു ഞാൻ ബൈക്കിനടുത്തു വന്നു നിന്നു…അപ്പോളേക്കും കയ്യും കഴുകി അവളും വന്നു

ഇനി ഒള്ള കാര്യം നീട്ടി വലിച്ചു കൊണ്ടുപോകാൻ എനിക്ക് താല്പര്യം ഇല്ലാത്തത് കൊണ്ടു നടന്നത് മുഴുവൻ അവളോട് പറയാമെന്നു കരുതി…എനിക്ക് തോന്നുന്നത് അത് തന്നെ ആവും ശെരിയെന്നാണ്…അല്ലാണ്ട് എപ്പോഴും ക്‌ളീഷേ ആയാൽ എനിക്കും ബോറടിക്കും ബാക്കി ഉള്ളവർക്കും ബോറടിക്കും

ഏതായാലും ഒരു കാര്യം ഉറപ്പാ…ആദ്യത്തെ ആ അടിയിൽ തന്നെ എനിക്ക് ഇവളെ ഇഷ്ടപ്പെട്ടു എന്നത്….ആദ്യത്തെ അടി…അടി

അപ്പൊ ഇവളാണോ എന്നെ അടിച്ചത്….അടികിട്ടിയ കവിളിൽ ഞാനൊന്ന് കൈ വെച്ചു….എന്റെ ഈ പ്രവർത്തിയും സംശയത്തോടെയുള്ള നോട്ടവും കണ്ടാവണം അത്ര നേരം എന്റെ മുഖത്തു നോക്കി നിന്നവൾ പെട്ടന്ന് നിലത്തു നോക്കി മണ്ണ് ടെസ്റ്റ്‌ ചെയ്യാൻ തുടങ്ങി

ഏതായാലും കിട്ടാൻ ഉള്ളത് കിട്ടി..ഒരു പ്രത്യേക നിമിഷത്തിൽ എന്റെ കയ്യീന്ന് പോയെന്നുള്ളത് സത്യമാ….അതുകൊണ്ട് മാത്രം ഞാൻ ഷെമിച്ചു..എനിക്ക് പിന്നീയീ അനാവശ്യ ഈഗോയും ദേഷ്യവും ഇല്ലാത്തോണ്ട് പ്രശ്നമില്ല

“ആദി..”

ഞാൻ മെല്ലെ വിളിച്ചു..എന്തോ എന്നൊരു ഭാവത്തോടെയവൾ എന്നെ മുഖമുയർത്തി നോക്കി

“ആദി എന്ന തന്നെ അല്ലെ പേര്..?

എന്തേലും ഒന്ന് തുടക്കമിടാൻ വേണ്ടി ഞാൻ ചോദിച്ചു…ഡയറക്റ്റ് ആയി കാര്യം പറയാനൊരു മടി

”ആദിലക്ഷ്മി…!

ഒറ്റവാക്കിൽ ഉത്തരം തന്നു…പേർ പിന്നെ വേറെങ്ങനെ പറയാനാ അല്ലെ

“ഞാൻ ജോമോൻ..ജോ എന്ന എല്ലാരും വിളിക്കും..താനും അങ്ങനെ തന്നെ വിളിച്ചോ..”

“മമ്..”

“അത് പിന്നെ ഞാൻ ഒരു കാര്യം പറയാൻ വേണ്ടി ആണ് ഇവിടെ നിർത്തിയത്…ചുറ്റി വളഞ്ഞു സംസാരിക്കാനൊന്നും എനിക്ക് അറിയത്തില്ല അതുകൊണ്ട് നേരിട്ടങ്ങു പറയാം….”

“പറഞ്ഞോളൂ…”

“എല്ലാം ഒരു തെറ്റിദ്ധാരണയുടെ പുറത്തു ആയിരുന്നു സംഭവിച്ചത്…നീതു പറയുംബോൾ ഒന്നുമല്ല കാര്യങ്ങൾ..ഞാൻ തന്നെ ഇതിന് മുൻപ് കണ്ടിട്ട് കൂടിയില്ല…”

ഇത്രയൊക്കെ ഞാൻ പറഞ്ഞിട്ടും അവൾക്ക് വല്യ ഭാവവ്യത്യാസമൊന്നുമില്ല..പക്ഷെ കണ്ണ് നിറഞ്ഞിട്ടുണ്ട്…അത് കണ്ടപ്പോ എന്തോ ഒരു വിഷമം പോലെ …

“എനിക്ക് അറിയാമായിരുന്നു…!

പെട്ടന്ന് അവൾ പറഞ്ഞു….

”എന്ത് അറിയാമായിരുന്നെന്ന്..?

ഞാനൊരു സംശയത്തോടെ അവളോട് ചോദിച്ചു…

“ഏട്ടനെന്നെ ഇതിന് മുൻപ് കണ്ടിട്ടില്ലെന്ന്…!

”ഏഹ്..അതെങ്ങനെ…?

മനസ്സിൽ തോന്നിയ സംശയം ഞാൻ അവളോട് ചോദിച്ചു..ഇവളിനി വല്ല മന്ത്രവാദിനിയും ആവോ ഭാവി കണ്ടു പറയാൻ

“അത് ഏട്ടന്റെ നോട്ടവും പെരുമാറ്റവും കണ്ടപ്പോൾ എനിക്ക് തോന്നിയത…”

നിറഞ്ഞ കണ്ണുകൾ തൊടച്ചുകൊണ്ട് മുഖത്തൊരു ചിരി വരുത്താൻ ശ്രമിച്ചവൾ പറഞ്ഞു..പക്ഷെ ആ ശ്രമം എവിടെയൊക്കെയോ പാളിയതായി എനിക്കും തോന്നി അവൾക്കും തോന്നി…മുള പൊട്ടിവന്ന കരച്ചിൽ ഞാൻ കാണാതിരിക്കാനായി പെട്ടെന്നവൾ തിരിഞ്ഞു നിന്നു

“എടൊ താൻ വിഷമിക്കല്ലേ…കല്യാണം എന്തായാലും മുടങ്ങും..അതോർത്തു ടെൻഷൻ വേണ്ട..”

ഞാൻ അവളെ സമാധാനിപ്പിക്കാനായി ശ്രമിച്ചു…എന്റെ ഊമ്പിയ ഡയലോഗ് കേട്ടിട്ട് ആവണമെന്ന് തോന്നുന്നു അവളുടെ ഏങ്ങലടിയുടെ ആക്കം കൂടിയതല്ലാതെ കുറഞ്ഞില്ല