💫Evil on earth✨ – 3 Likeഅടിപൊളി  

“രണ്ട് പേരോടുമല്ല…നിന്നോട് മാത്രം ചെല്ലാനാ പറഞ്ഞെ…”

ചമ്മി പണ്ടാരമടങ്ങിയ ഞാൻ അതിന്റെ യാതൊരു ലക്ഷങ്ങളും മുഖത്തു കാണിക്കാതെ ആദിയെ തിരിച്ചു ബെഞ്ചിൽ ഇരുത്തി..പിന്നെ പോലീസുകാരനെ കാണിക്കാൻ എന്നവണ്ണം അവളുടെ കവിളിൽ എന്റെ കൈ വച്ചു തഴുകികൊണ്ട് ഞാൻ പറഞ്ഞു

“പേടിക്കണ്ടട്ടോ…എല്ലാം ശെരിയാവും..ഞാൻ പോയി അയാളെ കണ്ടിട്ട് വരാം..”

എന്റെ വാക്കുകൾ കേട്ടെന്നവണ്ണം അവൾ തലകുലുക്കി…അത് കണ്ട ഞാൻ ഒരു നിറഞ്ഞ ചിരിയവൾക്ക് നൽകി പിന്നെ അല്പം പുച്ഛത്തോടെ അടുത്തു നിക്കുന്ന പോലീസുകാരനെ നോക്കി S.I യുടെ മുറി ലക്ഷ്യമാക്കി നടന്നു

വല്ലാത്തൊരു ധൈര്യവും ഊർജവും എന്നിൽ വന്നു നിറയുന്നത് പോലെ..അതുകൊണ്ട് തന്നെ സ്വന്തം വീട്ടിലെന്നപ്പോലെ കൂളായി ചെന്നു വാതിൽ തുറന്നു കേറിയതും കണ്ടത് S.I യുടെ മുൻപിൽ ഇരിക്കുന്ന അമ്മയെയും ചെറിയച്ഛനെയും….ഇറങ്ങി ഓടിയാലോ എന്ന് ഞാൻ വിചാരിച്ചു പക്ഷെ S.I നിറഞ്ഞ ചിരിയോടെ എന്നെ അവിടേക്ക് ക്ഷണിച്ചു

“കേറി വാടോ…ആന്റണിസാറിന്റെ മോനാണെന്ന് നേരത്തെ പറയാൻ പാടില്ലായിരുന്നോ നിനക്ക്..?

വളരെ casual ആയിട്ട് S.I പറഞ്ഞു

ചെറിയച്ഛന്റെ മുഖത്തൊരു ചിരിയാണേൽ അമ്മയുടെ മുഖം കടന്നലു കുത്തിയത് പോലുണ്ട്…അത് കണ്ട ഞാൻ അറിയാതെ നെഞ്ചിൽ കൈ വെച്ചു പോയി

”എന്റെ പോർഷേ..!

“അഹ് അവിടെ തന്നെ നിൽക്കാതെ ഇവിടെ വന്നിരി ജോമോനെ..”

S.I വീണ്ടും എന്നെ വിളിച്ചു..പിന്നെ അങ്ങേരെ അധികം മുഷിപ്പിക്കാൻ നിൽക്കാതെ ഞാൻ വന്ന് ചെറിയച്ഛന്റെ അടുത്തുള്ള കസേരയിൽ ഇരുന്നു…നേരു പറഞ്ഞാൽ ഇരിപ്പുറക്കുന്നില്ല…എങ്കിലുമിരുന്നു

“അപ്പൊ ആന്റണി സാറെ അവിടുത്തെ പെണ്ണ് പറഞ്ഞത് വെച്ചു നോക്കുമ്പോൾ ഇവരു രണ്ടുപേരും കൊറച്ചു കാലമായി സ്നേഹത്തിൽ ആണെന്ന അറിയാൻ സാധിച്ചേ…ഒരു സാധു കുടുംബമാണ് പക്ഷെ അവളുമായി ഇപ്പോ കല്യാണമുറപ്പിച്ചേക്കണേ പയ്യൻ എന്ന് പറയുന്നത് കൊറച്ചു പിടിപാടൊക്കെയുള്ള കുടുംബത്തിലെയാ പോരാത്തതിന് തന്ത ആണേൽ ഒരു മുൻ MLA യും..”

SI തനിക്ക് അറിയാവുന്ന കാര്യങ്ങൾ പറഞ്ഞു..ഞാൻ തന്നെ ഇതൊക്കെ ആദ്യമായി കേൾക്കുകയായിരുന്നു..ഞാൻ അമ്മയെ നോക്കി…അവിടെ പഴയ അതെ ഭാവം..ചെറിയച്ഛൻ ആണേൽ ഇതൊന്നും ഒരു വിഷയമേ അല്ല എന്ന ഭാവത്തിൽ ഇരിക്കുന്നു..മുഖത്തൊരു പുച്ഛഭാവം ഉണ്ട്..അങ്ങനെ ആണേൽ ഇപ്പൊ ഒരു മാസ്സ് ഡയലോഗിനുള്ള വകുപ്പുണ്ട് അല്ലെങ്കിൽ SI ഇന്ന് എയറിൽ കയറും…ഇങ്ങേരുടെയേ സ്ഥായീ ഭാവം എനിക്ക് പണ്ടേ ശീലമുള്ളത് കൊണ്ടാണ് ഇപ്പോ ഈ അസ്ഥാനത്തുള്ള പ്രവചനം ഞാൻ നടത്തിയത്

“മുൻ MLA അല്ലെ ജേക്കബ്ബേ….അല്ലേലും ഇപ്പോളത്തെ MLA ആണെന്ന് പറഞ്ഞാലും എനിക്കൊരു ചുക്കുമില്ല….പിന്നെ ആണോ എന്റെ ചെക്കന്..”

എന്നെയൊന്നു നോക്കിക്കൊണ്ട് ചെറിയച്ചൻ പറഞ്ഞു….അങ്ങേരെന്നെ സപ്പോർട്ട് ചെയ്തു പറഞ്ഞത് ആണെന്നാണ് SI വിചാരിച്ചിരിക്കുന്നത്…ഈ മുറി വിട്ടാൽ അങ്ങേരെന്നെ ഊക്കി കൊല്ലുമെന്ന് അയാൾക്ക് അറിയില്ലല്ലോ…ഞാൻ ഒന്നും മിണ്ടാതെ കേട്ടിരുന്നു

“അതെനിക്കറിയാം…എന്നാലും പറയാനുള്ള കാര്യം പറയണമല്ലോ…കേസ് ഒന്നും ആക്കിയിട്ടില്ല….നിങ്ങളോട് കൂടെ ഒന്ന് സംസാരിച്ചിട്ട് തീരുമാനിക്കാമെന്ന് കരുതി..”

SI കസേരയിൽ ചാരിയിരുന്നുകൊണ്ട് പറഞ്ഞു…

“ഇതിലിനി സംസാരിക്കാൻ ഒന്നുമില്ല സാറെ…അവനിഷ്ടപ്പെട്ട പെണ്ണിനെ വിളിച്ചുകൊണ്ടു വന്നു..അവൾക്കും എതിർപ്പില്ല….പിള്ളേരെ ഞങ്ങൾ വീട്ടിലേക്ക് കൊണ്ടുപോകും..”

അതുവരെ മിണ്ടാതിരുന്ന അമ്മ പെട്ടെന്ന് ചാടികേറി പറഞ്ഞു…ആള് പതിവിലുമധികം ടെൻഷനിൽ ആണെന്ന് ആ പെരുമാറ്റത്തിൽ നിന്നെനിക്കു മനസിലായി…ഞാൻ ആണല്ലോ കാരണക്കാരൻ എന്ന ബോധ്യം എനിക്കുള്ളതിനാൽ ഞാൻ തല കുനിച്ചിരുന്നു…

പിന്നെ അധികം ചോദ്യവും പറച്ചിലുമൊന്നും ഉണ്ടായില്ല…രണ്ട് ദിവസത്തിനുള്ളിൽ ഒന്നുകൂടെ ഇവിടെ വരേണ്ടി വരുമെന്ന് പറഞ്ഞിട്ടയാൾ ഞങ്ങളോട് പൊയ്ക്കൊള്ളാൻ പറഞ്ഞു

കേട്ട പാതി കേൾക്കാത്ത പാതി അമ്മ എണീറ്റു പോയി..ചെറിയച്ചൻ പിന്നെ എണീറ്റു SI ക്ക് കൈ കൊടുത്തു വീട്ടുകാര്യങ്ങൾ ഓകെ അന്വേഷിച്ചു..ഞാൻ അതെ ഇരിപ്പ് തുടർന്നു