💫Evil on earth✨ – 3 Likeഅടിപൊളി  

“റോഡിന്റെ വീതി അളക്കണ്ട് വന്നു വണ്ടീൽ കേറടി…”

അല്പം ശബ്‍ദമുയർത്തി പറഞ്ഞപ്പോളേക്കും അവളോടി വന്നു ബാക്കിൽ കയറി…

ബാഗ് എടുത്തു മുൻപിലെ ടാങ്കിൽ ഞാൻ അഡ്ജസ്റ്റ് ചെയ്തു വച്ചു…

“പോകാം..”

പിറകേന്ന് മറുപടി ഒന്നുമില്ല പകരം ഒരു കൈ എടുത്തെന്റെ തോളിൽ വച്ചു…അത് തന്നെ ധാരാളം….

തിരിച്ചു ഞാൻ വണ്ടി പതിയെ ആണ് വിട്ടത്…ആദ്യത്തെ അത്ര കെട്ട് തലക്ക് ഇല്ലെങ്കിലും കൊറച്ചൊക്കെ ഉണ്ട് അതുകൊണ്ട് തന്നെ പതിയെ പോകുന്നത് ആണ് രണ്ട് പേർക്കും നല്ലതെന്ന് തോന്നി

ഇവളെയും കൊണ്ടു എവിടെ പോകുമെന്ന് അറിയില്ല…ഏതായാലും ടൗണിലേക്ക് ഞാൻ വണ്ടി വിട്ടു..ഏതേലും ആളൊഴിഞ്ഞ സ്ഥലത്തു പോയിരുന്നു ആലോചിക്കാം

കൊറച്ചങ്ങു മാറിയപോ  സൈഡിലായി ഒരു തട്ടുകട കണ്ടു…ഏതായാലും ഒരു ചായ വാങ്ങി കൊടുത്തേക്കാമെന്ന് കരുതി അതിനടുത്തായി ഞാൻ വണ്ടി നിർത്തി

വണ്ടി ഓഫ്‌ ചെയ്തിട്ടും പെണ്ണ് അതെ ഇരിപ്പ് തന്നെ ആണ്…

“നീ ഇറങ്…ഒരു ചായ കുടിച്ചിട്ട് പോകാം..”

ദേഷ്യപ്പെട്ടു പറഞ്ഞു അവളെ ഒന്ന് പേടിപ്പിക്കണമെന്ന് ഉണ്ടായിരുന്നു…പക്ഷെ ഈ ദേഷ്യമെന്ന സാധനം എനിക്ക് ജന്മനാ വരാത്ത ഒന്ന് ആയതു കൊണ്ടു ഞാൻ അതിനു ശ്രമിച്ചില്ല

ഏതായാലും പറഞ്ഞത് പോലെയാവൾ അനുസരിച്ചു…വണ്ടി സ്റ്റാൻഡിലീറ്റ് ഞാനും ഇറങ്ങി..ബാഗ് ഒന്ന് കൂടെ അഡ്ജസ്റ്റ് ചെയ്തു വച്ചിട്ട് ഞാൻ തട്ടുകട ലക്ഷ്യമാക്കി നടന്നു

രണ്ട് പയ്യന്മാർ ആണ് അവിടെ ഉണ്ടായിരുന്നത്…ഒരുത്തൻ ദോശ ചുടുന്നു മാറ്റവൻ അടുത്ത് നിന്ന് ദിവാസ്വപ്നം കാണുന്നു

ഞാൻ മുന്പിലയിട്ട ഒരു ബെഞ്ചിൽ പോയി ഇരുന്നു..പിറകെ തന്നെ അവളും വന്നു എൻറെയടുത്തായി ഇരുന്നു…

“ഡാ മോനെ രണ്ട് കട്ടൻ..”

സൗണ്ടിൽ കൊറച്ചു പക്വത ഓകെ വരുത്തിച്ചുകൊണ്ട് ഞാൻ പറഞ്ഞു…പേടിതൂറിയായ അവളറിയട്ടെ ഞാൻ കൊറച്ചു കലിപ്പൻ ആണെന്ന്..

നിമിഷ നേരം കൊണ്ടു തന്നെയാ പയ്യൻ രണ്ട് കട്ടൻ കൊണ്ടു വന്നു തന്നു..ഞാൻ രണ്ടും വാങ്ങിയിട്ട് അതിലൊന്നു അവൾക് കൊടുത്തു..ഒരു മടിയും കൂടാതെ അവളത് വാങ്ങി കുടിക്കാൻ തുടങ്ങി

അപ്പൊ ഇരുട്ടിനെ മാത്രം ആണ് പേടി..എന്നെ പേടിയില്ല….പേടിപ്പിച്ചാലോ…അല്ലെ വേണ്ട

ചൂട് ചായ അവൾ ഊതി ഊതി കുടിക്കുന്ന തിരക്കിൽ ആണ്…ഇടക്ക് ഒളികണ്ണിട്ട് എന്നെ നോക്കാനും മറക്കുന്നില്ല…

ഒള്ളത് പറയാലോ ഒരു സുന്ദരി തന്നെ ആണ് ഇവൾ…ഇളം ചുവപ്പ് ചുണ്ടുകൾ…ഗ്ലാസ്സിലേക്ക് ഊതി ഊതി കുടിക്കുന്നത് കാണാൻ തന്നെ വല്ലാത്തൊരു ചന്തം

നാണമോണ്ടോ ജോമോനെ പരസ്യമായിരുന്നു വായി നോക്കാൻ..ഞാൻ എന്നോട് തന്നെ ചോദിച്ചു…അവളെ ഞാൻ നോക്കുന്നത് അവൾ അറിയുന്നുണ്ട്…അത് അറിഞ്ഞത് കൊണ്ടാണോ എന്തോ അവളുടെ ചുണ്ടിലൊരു ചിരിയില്ലേ…ഒണ്ടോ…പണ്ടാരം സംശയമയാലോ

ഏതായാലും  ഞാൻ കൊറച്ചു ആറ്റിട്യൂട് ഓകെ ഇട്ട് ചായ കുടിക്കാൻ തീരുമാനിച്ചു…അവളുടെ അടുപ്പിലൂതുന്ന പോലുള്ള ഊത്ത് കണ്ട് ഒരു പുച്ഛചിരിയും ചിരിച്ചു ഞാൻ ചൂട് ചായ വായിലേക്ക് കമിഴ്ത്തി

മൈര് ഇത്രയും ചൂട് ഒണ്ടായിരുന്നോ…നാവ് പൊള്ളി കണ്ണിന്നു കണ്ണുനീർ വരാൻ തുടങ്ങി..അവളത് കാണാതിരിക്കാൻ വേണ്ടി വേഗം ഞാൻ ഗ്ലാസുമായി എണീറ്റ് ആ പയ്യന്മാരുടെ അടുത്തേക്ക് ചെന്ന്

“കഴിക്കാൻ എന്താടാ ഒള്ളത്..?

കണ്ണുനീർ തുടച്ചുകൊണ്ട് ഞാൻ ചോദിച്ചു…അത് മറ്റേ പയ്യൻ ശ്രദ്ധിച്ചെന്ന് തോനുന്നു

”പ്രാണികൾ ഉണ്ടല്ലെടാ ഇവിടെ..?

ഞാൻ വിഷയം മറ്റാനെന്നവണ്ണം അവനോട് ചോദിച്ചു

“അത് ചേട്ടാ ഈ ട്യൂബ് ലൈറ്റ്റിന്റെയാ…പയങ്കര ശല്യമാ…”

“എന്നപിന്നെ  ഇത് ഓഫ്‌ ആക്കി വെച്ചൂടെ..”

എടുത്ത വായിൽ പറഞ്ഞും പോയി…പിന്നെ ആണ് എന്താ പറഞ്ഞെന്ന് ഞാൻ ആലോചിച്ചത്…ഏതവനാട ഇതെന്ന ഭാവത്തിൽ അവനെന്നെ നോക്കി….ഞാൻ പിന്നെ അവനെ നോക്കാതെ മറ്റവനെ നോക്കി

“ചേട്ടാ കഴിക്കാൻ ദോശയുണ്ട് വടയുണ്ട് ചിക്കൻ ഫ്രൈ ഒണ്ട് മീൻകറിയും ഒണ്ട്..”

അവിടുത്തെ മെയിൻ ഐറ്റംസ് അവൻ പറഞ്ഞു..ഞാൻ രണ്ട് ദോശയും ഒരു ചിക്കൻ ഫ്രയും പറഞ്ഞു…പിന്നെ പിറകിലിരുന്ന് ചായയെ ഊതി ഉറക്കാൻ ശ്രമിക്കുന്ന ആദിയെ നോക്കി ചോദിച്ചു