💫Evil on earth✨ – 3അടിപൊളി  

എന്റെ ഉള്ളിലുള്ള കാര്യം ഞാൻ തറപ്പിച്ചു പറഞ്ഞു

അത് കേട്ടത് കൊണ്ടാണെന്നു തോന്നുന്നു ഉറങ്ങി കിടന്ന ആദിയുടെ ചുണ്ടിൽ ഒരു ചെറി ചിരി…അതോ ഇനി ഉറക്കത്തിൽ ചിരിച്ചതാണോ…

“അങ്ങനെ ആണേൽ നിനക്ക് കൊള്ളാം…ബാക്കി നാളെ പറയാം…നേരം വൈകി നീ പോയി കിടക്കാൻ നോക്ക്..”

അമ്മ പറഞ്ഞു..അപ്പൊ ആദിയോ…ഞാൻ എന്നെക്കാൻ മടിച്ചുകൊണ്ടവിടെ ഇരുന്നു

“എന്താടാ പോണില്ലേ…?

”അല്ല ഇവളോ…“

തല ചൊറിഞ്ഞു കൊണ്ടുഞാൻ പറഞ്ഞു

”അയ്യെടാ…പൊന്ന് മോൻ ഒറ്റക്ക് പോയി കിടന്നാൽ മതി..ഇവൾക്കെ ഞാൻ വേറെ മുറി കൊടുത്തോളം…കേറി പോടാ അകത്തു..“

ആദിയെ ഉണർത്താതെ അല്ല ശബ്ദമുയർത്തിയമ്മ പറഞ്ഞു..അത് കേട്ടതെ ഞാനോടി സ്റ്റെപ്പ് കയറിയിരുന്നു

അമ്മക്കറിയില്ലല്ലോ മടിയിൽ കിടക്കുന്നയാ കുരുപ്പ് ഉറക്കം അഭിനയിച്ചു എന്നെ ചീത്ത വിളിക്കുന്നത് കേട്ട് ചിരിച്ചുകൊണ്ട് കിടക്കുവാണെന്ന്…

റൂമിലെത്തിയ പാടെ ഡ്രസ്സ്‌ പോലും മാറാതെ ഞാൻ കിടക്കയിലേക്ക് വീണു….ഒരു രാത്രികൊണ്ട് എന്റെ ജീവിതം മാറിയത് പോലെ….ഇനി ഇതിന്റെ വാലു പിടിച്ചു ബാക്കിയെന്തൊക്കെ വരാനുണ്ടാവും ദൈവമേ എന്ന് ഓർത്തുകൊണ്ട് ഞാൻ കണ്ണുകളടച്ചു ഉറക്കത്തിലേക്ക് വീണു….

——————————–

ഫ്ലാറ്റിൽ നിന്നിറങ്ങിയ ദേവും അമാൻഡയും പാർക്കിങ്ങിലായി നിർത്തിയിട്ട അവന്റെ കാറിനടുത്തേക്ക് നടന്നു….വലിയ ട്രാവൽ ബാഗ് തൂക്കി തനിക്ക് മുൻപേ നടക്കുന്ന അമാൻഡയെ അവൻ നോക്കി

ഒരു ലൈറ്റ് ബ്ലൂ ജീൻസും വൈറ്റ് കളർ ബെനുയനും അതിന് മുകളിലായി ചെറിയ പിള്ളേരുടെ പോലുള്ളയൊരു ബ്ലാക്ക് ഓവർ കോട്ടും..അതായിരുന്നവളുടെ വേഷം….അരയോളം പോന്ന മുടി പിൻ ചെയ്തു കോഴിവാലുപോലെ പിറകിലേക്ക് പൊക്കി കെട്ടിയിട്ടുണ്ട്….വേറൊന്നും തന്നെ ഇല്ല അവളുടെ ദേഹത്തു…ലിപ്സ്റ്റിക്ക് പോലും എഴുതിയിട്ടില്ല…എങ്കിലുമാ ചുണ്ടുകളുടെ നിറത്തെപറ്റി ഓർക്കുമ്പോൾ വല്ലാത്തൊരു ഫീലിംഗ് അവന് തോന്നി….അവൻ സ്വയം ആലോചിച്ചു….ഒരുപാട് പെണ്ണുങ്ങൾ പിറകെ നടന്നിട്ടുണ്ടെങ്കിലും ആദ്യമായാണ് ഇങ്ങനൊരനുഭവം തോന്നുന്നത്….

ബാഗ് ഡിക്കിയിൽ വച്ചു തിരിഞ്ഞ അമാൻഡ കാണുന്നത് തന്നെ നോക്കി എന്തോ ആലോചനയിൽ മുഴുകി നിൽക്കുന്ന ദേവിനെയാണ്…..ട്രാക്ക് പാന്റും തന്റെ ഒരു യൂണിസെക്സ് ബനിയനുമണിഞ്ഞു നിൽക്കുന്ന അവനെ അവൾ നോക്കി….വെളുത്ത ശരീരം..എന്നാൽ അധികമായി മസിലുകളോ തടിയോ ഇല്ല…അവന്റെ അല്പം നീണ്ട മുഖത്തിന് ചേർന്നവണ്ണം ഡ്രിം ചെയ്തൊതുക്കിയ താടിയും മീശയും…നെറ്റിയിലേക്ക് അലസമായി വീണു കിടക്കുന്ന നീളൻ മുടി….എല്ലാത്തിനുമുപരി അവനെ മറ്റുള്ളവരിൽ നിന്നും വ്യത്യസ്ത്തനാക്കുന്ന ഇളം നീല കണ്ണുകൾ

തന്റെ നാട്ടിൽ ഒരുപാട് പേർക്ക് ഇതേ നിറത്തിലുള്ള കൃഷ്ണമണികൾ കണ്ടു പരിചിതമായ അമാൻഡക്ക് പക്ഷെ ദേവിന്റെ കണ്ണുകൾ വെത്യാസ്ത്തമായിരുന്നു…മാറ്റാർക്കുമില്ലാത്ത ഒരാകർഷണം അവക്കുള്ളതായി അവൾക്ക് തോന്നി

“ദേവ് കീ താ…!

തന്റെ ചിന്തകളെ മാറ്റി നിർത്തിയവൾ അവനോട് വണ്ടിയുടെ ചാവി ആവശ്യപ്പെട്ടു…ദേവ് പോക്കറ്റിൽ നിന്നുമവന്റെ കീ എടുത്ത് അവൾക്ക് നേരെ എറിഞ്ഞു….വളരെ നിഷ്പ്രയാസം അത് ക്യാച്ച് ചെയ്തുകൊണ്ടവൾ ഡ്രൈവിംഗ് സീറ്റിലേക്ക് കയറി…പിറകെ വന്ന ദേവ് ഫ്രണ്ട് സീറ്റിലും കയറി…

വളരെ വലിയ ശബ്ദത്തോടെയാ കാർ പാർക്കിങ്ങിൽ നിന്നും മെയിൻ റോഡിലേക്കിറങ്ങി…നേരമിരുട്ടി തുടങ്ങിയ തെരുവുവീഥികളിലെ തിരക്കിലേക്കാ കാർ ഊളിയിട്ടു പോയി…….

—————————————–

പുലർച്ചെ 3 മണിയോടെ അവരുടെ കാർ കേരളാ ബോർഡർ കടന്നു….അമാൻഡ തന്നെ ആയിരുന്നു ഡ്രൈവ് ചെയ്തിരുന്നത്….പിറകിലേക്ക് നീക്കിയിട്ട സീറ്റിൽ ചാരികിടന്നുറങ്ങുന്ന ദേവിനെയവൾ ഇടയ്ക്കു ശ്രദ്ധിക്കുന്നുണ്ടായിരുന്നു

ഒരു ദിവസം കൊണ്ടു ആരുമില്ലാതിരുന്ന തനിക്ക് യാതൊരു പരിചയവുമില്ലാത്ത ദേവ് സ്വന്തമായിരിക്കുന്നു….മുൻപെങ്ങും ആരോടും തോന്നാത്തയൊരു ആത്മബന്ധം അവനോട് തോന്നിയത് എങ്ങനെയാണെന്ന് എത്രയാലോചിച്ചിട്ടും അവൾക്ക് മനസിലായില്ല…പക്ഷെ എല്ലാം നല്ലതിന് വേണ്ടിയാണെന്നവളുടെ മനസ്സ് പറയുന്നുണ്ടായിരുന്നു

——-ദേവ്——–

പാതിമയക്കത്തിലായിരുന്ന അവന്റെ ചെവിയിൽ ലെനസിന്റെ ശബ്ദമെത്തി

“മമ്…”

പകരം ഒന്ന് മൂളുകമാത്രം ചെയ്തവൻ അതെ കിടപ്പ് തുടർന്നു

——അമാൻഡയുടെ പേരിലുള്ള എല്ലാ കേസ് ഫയലുകളും ഡിലീറ്റ് ചെയ്തിട്ടുണ്ട്….അവളുടേതായി ഒരു പേരോ ഫോട്ടോയോ അവരുടെ സെർവറിൽ അവശേഷിക്കുന്നില്ല—–

തന്നെയെല്പിച്ച പണി പൂർത്തിയാക്കിയ ലെനസ് അവനോട് പറഞ്ഞു

“Thanks ലെനസ്….ഒരു help കൂടി വേണം…വീട്ടിലേക്കുള്ള ലൊക്കേഷൻ ഒന്ന് സെറ്റ് ചെയ്തു കൊടുക്കാമോ…”

—–sure——

പെട്ടന്ന് കാറിന്റെ ഡാഷ് ബോർഡിലുള്ള സ്ക്രീൻ ഓണായി ഗൂഗിൾ മാപ്പിലുള്ള ദേവിന്റെ വീടിന്റെ ലൊക്കേഷൻ ഓട്ടോമാറ്റിക് ആയി മാർക്ക് ചെയ്യപ്പെട്ടു…

സ്ക്രീനിൽ എല്ലാം തനിയെ മാർക്ക് ആവുന്നത് കണ്ട അമാൻഡ അതെങ്ങനെയെന്ന് മനസിലാവാതെ ദേവിനെ നോക്കി…പാതിമയക്കത്തിൽ ആയിരുന്നെങ്കിലും ദേവ് കാണുന്നുണ്ടായിരുന്നു അമാൻഡയുടെ മുഖത്തെ ഭാവങ്ങൾ

“അത് കേരളാ ബോർഡ് കഴിഞ്ഞാൽ ഓട്ടോമാറ്റിക് ആയി സെറ്റ് ആവുന്നതാ അമാൻഡ…ഞാൻ വീട്ടിലേക്ക് അല്ലാതെ വേറെയെവിടെക്കും സാധാരണ പോകാറില്ല അതാ അങ്ങനെ സെറ്റ് ചെയ്തത്…!

അമാൻഡയെ നോക്കി ദേവ് പറഞ്ഞു…അവളുടെ മുഖത്തെ സംശയഭാവങ്ങൾ മാറി അതൊരു പുഞ്ചിരിയായി

”നീ ഉറങ്ങിയില്ലേ ദേവ്…?

ഗിയറിനു മുകളിലെ കയ്യെടുത്തവന്റെ മുടിയിൽ തലോടികൊണ്ടവൾ ചോദിച്ചു

“ഇല്ലാഹ്…”

തന്നെ തലോടുന്നയവളുടെ കൈ പിടിച്ചതിൽ ചുംബിച്ചുകൊണ്ടുവൻ പറഞ്ഞു…അവന്റെയാ പ്രവർത്തിയിൽ അമാൻഡ ചിരിച്ചു

“നീ ഉറങ്ങിക്കോ…3 hour കൊണ്ടു നമ്മൾ സ്ഥലത്തെത്തും…സ്ക്രീൻ നോക്കിക്കൊണ്ടവൾ പറഞ്ഞു

”അമാൻഡ പിന്നൊരു കാര്യം പറയാൻ ഉണ്ടായിരുന്നു..!

സീറ്റ് നേരയാക്കികൊണ്ട് ദേവ് പറഞ്ഞു…എന്താണെന്നുള്ള ഭാവത്തിൽ അവളവനെ നോക്കി

“അല്ലെ വേണ്ട പിന്നെ പറയാ..സർപ്രൈസ് ആയിക്കോട്ടെ..”

ചിരിയിടെയവൻ പറഞ്ഞു…അത് കണ്ട അമാൻഡ കുശുമ്പു പിടിച്ച മുഖഭാവത്തോടെ മുൻപിലേക്ക് നോക്കിയിരുന്നു

ദേവ് അവൻറെ കയ്യുയർത്തി അവളുടെ കവിളിൽ പതിയെ പിടിച്ചു വലിച്ചു

“സർപ്രൈസ് ആടി പെണ്ണെ..so നല്ല നേരവും കാലവും നോക്കി പറയാ…ആദ്യം നിനക്ക് നല്ലൊരു പേരിടണം..”

അവൻ പറയുന്നത് കെട്ടവളവനെ സംശയത്തോടെ നോക്കി

“പേരിടാനോ…എന്റെ പേര് കൊള്ളില്ലേ അപ്പൊ..?

”അങ്ങനെ അല്ലേടി..നിനക്ക് ചേരുന്ന പേര് തന്നെയാ അമാൻഡ എന്നത്..പക്ഷെ വിളിക്കാൻ കൊറച്ചു കൂടെ എളുപ്പത്തിന് ഒരു നിക്ക് നെയിം കൂടെ ഇടുന്ന കാര്യമാ ഞാൻ പറഞ്ഞെ…“

”ഓ…നിക്ക് നെയിം…അല്ല ദേവ് നിനക്ക് ഉണ്ടോ ഈ നിക്ക് നെയിം..?

“പിന്നല്ലാണ്ട്….പക്ഷെ അമ്മ മാത്രമേ ആ പേര് വിളിക്കാറുള്ളു..”

+3

0