ജാതകം ചേരുമ്പോൾ 12
Jaathakam Cherumbol Part 12 | Author : Kaavalkkaran
[ Previous Part ] [ www.kambi.pw ]
കഴിഞ്ഞ പാർട്ടിന് കിട്ടിയ സപ്പോർട്ടിന് ഒരുപാട് നന്ദി… ഒരുക്കലും വിചാരിച്ചില്ല ഇത്രത്തോളം ലൈക്ക് ഓക്കേ കിട്ടുമായിരുന്നു എന്ന്… എന്തായാലും വളരെയധികം സന്ദോഷം…
പിന്നേ നിങ്ങളുടെ എല്ലാ കമന്റും ഞാൻ കാണുന്നുണ്ട്… എല്ലാതും പല പല തവണ വായിക്കുന്നുമുണ്ട്… പക്ഷേ റിപ്ലൈ തരാത്തത് ജാഡകൊണ്ടൊന്നുമല്ല… ഒന്നാമത് മോഡറേഷൻ കിട്ടും പിന്നേ എനിക്ക് വല്ലാത്ത ആഗ്രഹമാണ് ഞാൻ റിപ്ലൈ കൊടുക്കാതെ കമ്മെന്റുകളുടെ എണ്ണം കൂടണം എന്ന്…
അത്യാഗ്രഹം ആണ് എന്ന് അറിയാം പക്ഷേ അത് കാണുമ്പോഴേക്കയാണ് തുടർന്നും എഴുതാൻ ഉള്ള സ്പാര്ക് ഓക്കേ കിട്ടുന്നത്… നിങ്ങൾ എല്ലാവരും നിങ്ങളുടെ അഭിപ്രായങ്ങൾ പറയുന്നത് തുടരും എന്ന് വിശ്വസിക്കുന്നു..
പിന്നേ ഞാൻ എഴുതിയതിൽ വച്ച് കുറച്ച് ബുദ്ധിമുട്ട് തോന്നിയ പാർട്ട് ആണ് ഇത്. എത്രത്തോളം നന്നായി എന്നറിയില്ല… എന്തായാലും വായിച്ചു കഴിഞ്ഞു നിങ്ങളുടെ അഭിപ്രായങ്ങൾ പങ്കു വക്കു…
തുടർന്നു വായിക്കു…
ഞാൻ മിസ്സ്ഡ് കാൾസിലേക്ക് വെറുതെ ഒന്ന് നോക്കി….
നന്ദു ചേച്ചിയുടെ ഒരു മിസ്സ്ഡ് കാൾ ഉണ്ട്…
മനസ്സിൽ ഭയത്തിന്റെ ഒരു പെരുമ്പറ തന്നെ മുഴങ്ങി….
ചുറ്റും എന്ത് നടക്കുന്നു എന്ന് പോലും മനസ്സിലാവുന്നില്ല മനസ്സിന് വല്ലാത്ത ഒരു മരവിപ്പ്
“എന്താടാ എന്ത് പറ്റി… നന്ദു ചേച്ചിക്ക് എന്താ പറ്റിയേ.. ”
ഒരു തരം മരവിപ്പിൽ നിൽക്കുന്ന എന്നേ കല്ല്യാണി പിടിച്ചു കുലുക്കി ചോദിച്ചു…
സത്യം പറഞ്ഞാൽ അപ്പോഴാണ് എനിക്ക് സ്വബോധം വീണ്ടെടുക്കാൻ പറ്റിയത്..
“എന്താണ് വെച്ചാൽ വേഗം എടുത്തു പാക്ക് ചെയ്യ് ”
അത്രയും പറഞ്ഞുകൊണ്ട് ഞാൻ ബാഗ് എല്ലാം പാക്ക് ചെയ്യാൻ തുടങ്ങി….
കല്ല്യാണിയും സമയം കളയാൻ നിന്നില്ല..
എല്ലാതും പൂട്ടി കെട്ടി ഞാനും കല്ല്യാണിയും ഒട്ടും സമയം കളയാതെ യാത്ര തുടങ്ങി…
അപ്പാർട്മെന്റിന്റെ കീ ഞാൻ പൂട്ടി പുറത്ത് തന്നെ വച്ചു
ഞങ്ങൾ ഇറങ്ങുമ്പോൾ സമയം ഏകദേശം പുലർച്ചെ രണ്ട് കഴിഞ്ഞിരുന്നു…
ഏകദേശം പകുതി ദൂരം കഴിഞ്ഞിരിക്കുന്നു…
കല്ല്യാണി പലരേയും വിളിക്കാൻ ശ്രമിക്കുന്നുണ്ടെങ്കിലും… ആരും എടുക്കുന്നില്ല…
അതൊക്കെ കാണുമ്പോൾ ടെൻഷൻ കൂടുക എന്നല്ലാതെ കുറയുന്നില്ല….
ആരെങ്കിലും ഒന്ന് എടുത്തിരുന്നെങ്കിൽ….
ഞാൻ കാർ ഓടിക്കുന്ന രീതിയും എന്റെ പരിഭ്രമവും കണ്ടിട്ടാവണം….അവൾ വല്ലാതെ പേടിക്കുന്നുണ്ട് ഒപ്പം എന്നേ ആശ്വസിപ്പിക്കാനും ശ്രമിക്കുന്നുണ്ട്….
പക്ഷേ അതൊന്നും കേൾക്കാനോ കാണാനോ ഉള്ള മാനസികാവസ്ഥയിൽ ആയിരുന്നില്ല ഞാൻ.
ഓരോന്ന് ആലോചിച്ചു മനസിന്റെ താളം തെറ്റൽ കൂടിയപ്പോൾ ആണ്
എന്റെ ഫോൺ റിങ് ചെയ്യുന്ന ശബ്ദം കേട്ടത്….
ശബ്ദം കേട്ടതും ഞാൻ കല്ല്യാണിയേ നോക്കി…
കാര്യം മനസ്സിലായ അവൾ ഫോൺ വേഗം തന്നെ എടുത്തു സ്പീക്കറിൽ ഇട്ടു..
“ഹലോ.. ”
ദേവൂചേച്ചിയാണ്….
പക്ഷേ ആ ശബ്ദത്തിൽ ഒരു എങ്ങൽ ഉണ്ടായിരുന്നു…
ചേച്ചി കരഞ്ഞിട്ടുണ്ട് എന്ന് ആ ശബ്ദത്തിൽ നിന്നും വ്യക്തമായി…അത്കൊണ്ട് തന്നെ ഉള്ളിലെ പേടി ആളി കത്താൻ തുടങ്ങി…ശ്വാസം എടുക്കാൻ പറ്റുന്നില്ല കൈ കാലുകൾ വിറക്കുന്നുണ്ട്….
എനിക്ക് ഓർമ്മവച്ച കാലം മുതലേ ചേച്ചി ഒരുതവണ കരഞ്ഞിട്ടേ ഞാൻ കണ്ടിട്ടുള്ളൂ. അതും ഞാൻ ഏഴാംക്ലാസിൽ പഠിക്കുമ്പോൾ എനിക്ക് ഒരു ആക്സിഡന്റ് പറ്റിയതുകൊണ്ട് മാത്രം. അതിന് മുമ്പോ ശേഷമോ ചേച്ചി കരഞ്ഞതായിട്ട് എനിക്ക് ഓർമ്മയില്ല
നന്ദു ചേച്ചിക്കൊന്നും പറ്റിക്കാണല്ലേ…..
എനിക്ക് ചേച്ചിയോട് സംസാരിക്കണമെന്നും നന്ദു ചേച്ചിയേ കുറിച്ച് ചോദിക്കണമെന്നും ഉണ്ട് പക്ഷേ നാവനങ്ങുന്നില്ല..