അവൻ ആ പൈസ പോക്കറ്റിൽ ഇട്ടുകൊണ്ട് ചോദ്യഭാവേന ചോദിച്ചു…
“ആദ്യം മുതൽ പറഞ്ഞോ…. ”
ഞാൻ അവരോടായി പറഞ്ഞു… ചേച്ചിയും കല്ലുവും അരുണും ഓക്കേ ഇവിടേ എന്താ നടക്കുന്നേ എന്ന് മട്ടിൽ നോക്കിയിരിക്കുകയാണ്… അതോടൊപ്പം ചെക്കൻ പറയാൻ പോകുന്ന കഥക്കായി കാതോർക്കുകയും ചെയ്തു…
“ഞാനും ഏട്ടനും…. ഉത്സവത്തിന് പോയതായിരുന്നു അന്ന്… ഉത്സവം കഴിഞ്ഞ് അന്നദാനം നടത്തിയ ഇടം ഓക്കേ വൃത്തിയാക്കി ഇറങ്ങുമ്പോഴേക്കും സമയം ഒരുപാട് വൈകി…. ചേട്ടൻ എന്നോട് കാട്ടിലൂടെ ഉള്ള എളുപ്പവഴി പോവാം എന്ന് പറഞ്ഞു…. ഞാൻ വേണ്ട എന്ന് പറഞ്ഞെങ്കിലും നടന്നില്ല… അങ്ങനെ പാടം കഴിഞ്ഞ് കാട്ടിലൂടെ പോകുമ്പോൾ… ആ ഒഴിഞ്ഞു കിടക്കുന്ന വീട് ഇല്ലേ.. അവിടേ എത്തിയപ്പോൾ ചേട്ടന് ഒരു കാൾ വന്നു….. ചേട്ടൻ കുറച്ച് മാറി നിന്നു ഓരോന്ന് പറയാനും ഉമ്മവെക്കാനും ഓക്കേ തുടങ്ങി ഞാൻ ആണെങ്കിൽ അവിടേ അതൊക്കെ കണ്ട് അങ്ങനെ നിന്നു… ചേട്ടന്റെ ഫോൺ വിളിയും കഴിഞ്ഞ് ഞങ്ങൾ പോവാൻ തുനിഞ്ഞതും ഒരു ചേച്ചി കരയുന്ന ശബ്ദം കേട്ടു… ഞാനും ഏട്ടനും ഒരുപോലെ ഞെട്ടി…. ഞങ്ങൾ ചുറ്റും നോക്കി ഒന്നും കണ്ടില്ല… പിന്നേയും പോവാൻ തുടങ്ങിയത് ആ ശബ്ദം പിന്നെയും കേട്ടു… പക്ഷേ ആ ശബ്ദം വന്നത്… ആ ആളില്ലാത്ത വീട്ടിൽ നിന്നാണ് എന്ന് മനസ്സിലായി….ഞാനും ചേട്ടനും അങ്ങോട്ട് നോക്കി… അപ്പോൾ ഒരു ചേച്ചി ആ വീടിന്റെ വാതിലും തുറന്നു ഓടി വരുന്നത് കണ്ടു….ഓടിവന്ന ചേച്ചി പെട്ടന്ന് വീണു.. വീണിടത്തു നിന്നും ചേച്ചി ഇഴഞ്ഞു പോവാൻ തുടങ്ങി… ഇടക്ക് ഇടക്ക് ചേച്ചി ആ വാതിലിന്റെ ഉള്ളിലേക്ക് നോക്കുന്നത് കണ്ടു….ഞാൻ ചേട്ടനോട് പറഞ്ഞു വാ പോയി രക്ഷിക്കാം എന്ന്.. ചേട്ടനും വാ എന്ന് പറഞ്ഞു ആ വീട്ടിലേക്ക് പോവാൻ നിന്നതും….”
അവൻ അതു പറഞ്ഞതും നിർത്തി… അവൻ വളരെ നന്നായി വിയർക്കുന്നുണ്ട്… വിറക്കുന്നുണ്ട് അവന്റെ കണ്ണുകളിൽ ഞാൻ ഒരു വല്ലാത്ത ഒരു തരം പേടി കണ്ടു…ഏതോ ഒരു തരം മാന്ത്രിക ലോകത്ത് എത്തിയത് പോലേ…
“നിന്നതും… ”
ദേവു ചേച്ചി അവനേ കുലുക്കി പിന്നേയും ചോദിച്ചു….ആ കുലുക്കലിൽ സ്വബോധം വീണ്ടെടുത്ത അവൻ വെപ്രാളം പിടിച്ചു ചുറ്റും ഒന്ന് നോക്കി…
ശേഷം ഞങ്ങളുടെ എല്ലാവരുടെയും മുഖത്തേക്ക് മാറി മാറി നോക്കി വീണ്ടും പറയാൻ തുടങ്ങി…
“ഞങ്ങൾ ആ ചേച്ചിയുടെ അടുത്തേക്ക് പോവാൻ നിന്നതും…. ഒരു രൂപം ആ വീട്ടിനുള്ളിൽ നിന്നും പുറത്തേക്ക് വന്നു….. ആ രൂപത്തെ കണ്ടതും ചേട്ടൻ എന്റെ വായ പൊത്തി മിണ്ടരുത് എന്ന് ആംഗ്യം കാട്ടി… ആ ചേച്ചി വളരെ ഉച്ചത്തിൽ നിലവിളിക്കുന്നുണ്ട്… ചേച്ചി എഴുന്നേറ്റ് വീണ്ടും ഓടാൻ തുനിഞ്ഞതും ആ രൂപം ചേച്ചിടെ മുടിയിൽ പിടിച്ചു… ശേഷം ചേച്ചിടെ കഴുത്തു പിടിച്ചു പൊക്കി… ചേച്ചിയുടെ ശബ്ദവും അനക്കവും പതിയെ പതിയെ നിലക്കുന്നത് പോലേ തോന്നി… ഞാനും ഏട്ടനും പേടികൊണ്ട് വല്ലാതെ വിറക്കുന്നുണ്ടായിരുന്നു…. ഒട്ടും അങ്ങാതെ ഞങ്ങൾ രണ്ടു പേരും അവിടേ അതൊക്കെ കണ്ട് അങ്ങനെ നിന്നു….. ആ രൂപം ചേച്ചിയേ പിടിച്ചു വീടിനുള്ളിലേക്ക് കയറാൻ തുടങ്ങുമ്പോൾ ആണ് ആരോ ടോർച് അടിക്കുന്നത് കണ്ടത്. അങ്ങോട്ട് നോക്കുമ്പോൾ രണ്ട് പേർ നടന്നു വരുന്നു…. അവർ വരുന്നത് നോക്കി എനിക്ക് പെട്ടന്നാണ് ആ ചേച്ചിയുടെ കാര്യം ഓർമവന്നത്
ശേഷം ആ വീട്ടിലേക്ക് നോക്കിയപ്പോൾ ചേച്ചി മുറ്റത്തു കിടക്കുന്നു….പക്ഷേ ആ വാതിൽ എല്ലാം അടഞ്ഞിരുന്നു…..വന്ന രണ്ടുപേർ കുറച്ചു നേരം ചുറ്റും നോക്കിയിട്ട് ആ വീട്ടിലോട്ട് പോയി… ഞങ്ങൾ അനങ്ങാതെ നിന്നു…. ആ രണ്ടു പേർ മുറ്റത്തു കിടക്കുന്ന ചേച്ചിയേ കണ്ടതും ചേച്ചിയുടെ അടുത്തേക്ക് പോയി.. ചേച്ചിയേ രക്ഷിക്കാൻ വന്നവർ ആയിരിക്കണം എന്ന് ഞാൻ വിചാരിച്ചു….അതിന് ശേഷം ഞങ്ങൾ അവിടെ നിന്നില്ല എന്നേ കൂട്ടി ചേട്ടൻ വേഗം വീട്ടിലോട്ട്.. പോയി….”
എല്ലാം കേട്ടു കഴിഞ്ഞതും വല്ലാത്ത ഒരു മരവിപ്പിൽ ആയിരുന്നു ഞാൻ…. ദേവുചേച്ചിയെ നോക്കിയപ്പോൾ ആ കണ്ണുകൾ നിറയുന്നത് ഞാൻ കണ്ടു…