ഈ കുരിപ്പ് മനുഷ്യനെ നാണം കെടുത്തും… 😤
“അപ്പോ നീ എന്താ പോവാഞ്ഞേ… ”
ചേച്ചിയുടെ അടുത്ത ചോദ്യം അരുണിനോടായി…
“ഏഹ്.. ഞാനോ… ഞാൻ.. ഞാൻ വിചാരിച്ചു.. നേരത്തെ പറഞ്ഞ കഥയുടെ ബാക്കി പറഞ്ഞു തരാം എന്ന്…”
ഉഫ് നാച്ചുറൽ ആക്ടിങ്…. ഇവാനാണ് ശെരിക്കും മൂവി ഫീൽഡ് ചേരുന്നത്.. അമ്മാതിരി അഭിനയമല്ലേ…
“ആണോ… എന്ന വേഗം വാ….”
അവന്റെ ഡയലോഗിൽ ചേച്ചിയും ഫ്ലാറ്റ്…
ഈ നേരത്തെ പറഞ്ഞ കഥ ഇല്ലേ… അത് അരുൺ കേസ് തെളിയിച്ചിട്ടുള്ള കഥയാണ് ട്ടോ… ഒരു നാല്പത് ശതമാനം സത്യവും പിന്നേ ബാക്കി അറുപതു ശതമാനം വെള്ളവും ചേർത്തൊരു കഥ…
ചേച്ചിക്ക് പിന്നേ…. ത്രില്ലിങ് ആയിട്ടുള്ള എന്ത് കണ്ടാലും കേട്ടാലും പുള്ളിക്കാരി ഓൺ ആവും…
പാവം ചേച്ചി…
ഞങ്ങൾ നാലുപേരും… ആ ആൽ തറയിൽ പോയി ഇരുന്നു….
ഇരുന്നതും അരുൺ അവന്റെ തള്ള് തുടങ്ങി…ചേച്ചിയും കല്ല്യാണിയും അവന്റെ തള്ള് കേട്ട് അങ്ങനെ ഇരിക്കാണ്…
മൈര് ഇതൊക്കെ എങ്ങനെ കേട്ടിരിക്കുന്നു ആവോ…
എനിക്ക് വലിയ താൽപ്പര്യമില്ലാത്തോണ്ട്… ഞാൻ പതിയെ തല ചായ്ച്ചു കിടന്നു…
നല്ല തണുത്ത കാറ്റും ശുദ്ധമായ വായുവും… ഹോ.. സ്വർഗം….
“ഒന്ന് തള്ളാണ്ടേ പോയെടാ ഇവിടുന്ന്… ”
കണ്ണടച്ചു കിടക്കുമ്പോൾ ആണ് സൈഡിൽ നിന്നും ആ രണ്ടു ചെക്കന്മാരുടെ ശബ്ദം കേൾക്കുന്നത്.. അരുണിന്റെ തള്ളിനെക്കാളും നല്ലത് ഇത് തന്നെ… എന്റെ ശ്രദ്ധ ഞാൻ അങ്ങോട്ട് കൊടുത്തു….
“എടാ.. സത്യായിട്ടും…. ”
“എടാ ഈ പ്രേതോം പിശാഷും ഓക്കേ അന്ധവിശ്വാസങ്ങൾ ആണ്… അങ്ങനെ ഒന്നുമില്ല…. ”
“അല്ല മോനെ… ഈ പ്രേതം എന്നൊക്കെ പറയുന്നത് ശരിക്കുമുള്ളതാണ്.. ഞാൻ കണ്ടതല്ലേ കുറച്ച് ദിവസം മുന്നേ ഒരു ചേച്ചീനെ പ്രേതം പിടിക്കുന്നത്… ”
“അതൊക്കെ നിനക്ക് തോന്നിതാവും… ”
“അല്ലടാ… മറ്റേ കാട്ടുകൂടെ പോകുന്ന വഴി ഒരു വീടില്ലേ അവിടുന്ന് കണ്ടതാ ഒരു ചേച്ചിനെ പ്രേതം പിടിക്കുന്നത്…. ”
😳
അവരുടെ സംസാരം കേട്ടപ്പോൾ മനസ്സിൽ ഒരു കൊള്ളിയാൻ മിന്നി.. ഇനി ഇവർ പറയുന്നത് നന്ദു ചേച്ചിടെ കാര്യമാവോ…
ഞാൻ ഒരു ഞെട്ടലിൽ കിടന്നിടത്തു നിന്നും എഴുന്നേറ്റു…..
“എന്താടാ… ”
ചേച്ചിയാണ്… എന്റെ പെട്ടന്നുള്ള വെപ്രാളം കണ്ടിട്ട് ചോദിച്ചതാവും… പക്ഷെ അതിനൊന്നും മറുപടി കൊടുക്കാൻ എനിക്ക് നേരമോ ക്ഷമയോ ഉണ്ടായിരുന്നില്ല…
“ഡാ…. ”
ഞാൻ ആ ചെറുക്കന്മാരെ വിളിച്ചു… പെട്ടന്നുള്ള വിളിയായത്കൊണ്ട് ശബ്ദം കുറക്കാൻ ഒന്നും പറ്റിയില്ല…
എന്റെ വിളികെട്ടിട്ടാവണം… ചെക്കന്മാരുടെ മുഖത്ത് ഒരു വിറയൽ കാണാം…
“ഇങ്ങോട്ട് വന്നേ…”
അവരോട് ഞാൻ കൈ കാണിച്ച് വരാൻ പറഞ്ഞു…
മടിച്ചു മടിച്ചാണെങ്കിലും അവർ എന്റടുത്തു എത്തി…
“നീ പറഞ്ഞ പ്രേതത്തിന്റെ കഥ ഇല്ലേ അതിന്റെ ബാക്കി പറഞ്ഞേ….”
അതിൽ ആ പറഞ്ഞുകൊണ്ടിരിക്കുന്നവനെ ചൂണ്ടി ഞാൻ പറഞ്ഞു…
അവർ വല്ലാതെ പേടിച്ചിട്ടുണ്ടായിരുന്നു…
“നിനക്ക് എന്താ സിദ്ധു… വയ്യേ…വെറുതെ ആ കുട്ടികളെ പേടിപ്പിക്കാൻ നോക്കുന്നേ…. നിങ്ങൾ പൊക്കോ മക്കളെ… ഇവന് പ്രാന്ത..”
ദേവു ചേച്ചി ആ കുട്ടികളോടായി പറഞ്ഞു…
അവർ തിരിച്ചു പോവാൻ നിന്നതും….എന്റെ അടുത്ത വിളിയുമെത്തി…
“ഡാ… നിന്നോട് ഞാനാ ഇവിടേ വരാൻ പറഞ്ഞത്… ”
ആ കുട്ടികൾ ആകെ ഒരു ധര്മസങ്കടത്തിൽ ആണ്… ഇങ്ങനെപോയാൽ ഒന്നും നടക്കില്ല എന്ന് എനിക്ക് മനസ്സിലായി കാരണം ചെക്കന്മാർ ശരിക്കും പേടിക്കുന്നുണ്ട്…
കുറച്ച് മയപ്പെടാം….
“ഡാ.. മോനെ നീ പറഞ്ഞ ആ കഥയുടെ ബാക്കി ഒന്ന് പറഞ്ഞതാടാ…പറഞ്ഞു തന്നാൽ ദേ രണ്ടാൾക്കും ഞാൻ ഇത് തരാം.. ”
പോക്കറ്റിൽ നിന്നും രണ്ട് അഞ്ഞൂറിന്റെ നോട്ടെടുത്തു അവരോടായി പറഞ്ഞു…
സംഗതി എന്തായാലും ഏറ്റു…
“ഏത് മുതലാ.. വേണ്ടേ… ”