മറ്റൊരു കവറിലായി ഫർസാൻ മുഹമ്മദ് എന്ന പേരിലുള്ള ബ്രിട്ടീഷ് ഡ്രൈവിംഗ് ലൈസൻസ് പാസ്പോർട്ട്, Narada ID Card കുറച്ചു UK പൗണ്ട്, ഫർസാൻ മുഹമ്മദ് എന്ന പാകിസ്താനി ഒറിജിൻ uk ബിസിനസ്സ്മാനിൻെറ ചരിതം അടങ്ങിയ ചെറിയ നോട്ട്. ഈ ദൗത്യം കഴിഞ്ഞു ഒരു മടങ്ങി പോക്കുണ്ടെങ്കിൽ പോകാനുള്ള ഐഡന്റിറ്റി.
പോയ്സൺ യുസഫ് ഷായെ കുറിച്ചും Rawat എന്ന സ്ഥലത്തെ കുറിച്ചും ഒന്നു കൂടി ഒന്ന് പഠിച്ചു. മുൻപ് ബോർഡർ ക്രോസ്സ് ചെന്നതിന് മൂന്നു മാസം മുൻപ് തന്നെ ഇതൊക്കെ പഠിച്ചിട്ടുള്ളതാണ്. ഇതിനു പുറമെ ഇസ്ലാമബാദ്, ലഹോർ എന്നീ പട്ടണങ്ങളിലുള്ള RAW സേഫ് ഹൗസ് അഡ്രസുകളും അറിയാം.
ബോർഡർ cross ചെയുന്ന സമയത്തുണ്ടായിരുന്ന id കാർഡ് അതിൽ നിക്ഷേപിച്ച ശേഷം. യുസഫ് ഷാ എന്ന ഡ്രൈവിംഗ് ലൈസൻസ് കാർഡും, കുറച്ചധികം പണം പിന്നെ ബ്രെറ്റ റിവോൾവർ അരയിൽ തിരുകി. അതിൻ്റെ തിരലടങ്ങിയ കുറച്ചു കാട്രിഡ്ജ് എടുത്തു കവറിലിട്ട് ശേഷം പെട്ടി അടച്ചു അലമാരയുടെ പിറകിലായി ഒളിപ്പിച്ചു വെച്ചു ശേഷം വാതിൽ പൂട്ടി അവിടന്ന് ഇറങ്ങി ആദ്യ സ്ഥലത്തേക്ക് പോയി. മുൻപിലെ വഴിയിലൂടെ പോകുന്നതിന് പകരം പിന്നിലൂടെയാണ് പോയത്. റൂമിൽ എത്തിയ ശേഷം റിവോൾവർ എടുത്ത് സൂക്ഷിച്ചു വെച്ചു പിന്നെ എന്തൊക്കയാണ് ഇനി ചെയ്യേണ്ടത് എന്ന് ആലോചിച്ചു കിടന്നു.
*****
സിറ്റി പോലീസ് കമ്മിഷണറുടെ ഓഫീസ്. ഉച്ച സമയം.
“മാഡം സി.ഐ ഭദ്രൻ വന്നിട്ടുണ്ട്. ”
“കയറി വരാൻ പറ. എന്നിട്ട് ആ ഡോർ ക്ലോസ് ചെയ്തേരേ “
ഭദ്രൻ വന്ന് സല്യൂട്ട് അടിച്ചു.
“താൻ ഇരിക്ക്. “
“മാഡം ഇതാ അന്വേഷണ റിപ്പോർട്ട്.”
“Unoffical ആയിട്ട് അന്വേഷിക്കാൻ പറഞ്ഞിട്ട്. ഇത് എന്താ റിപ്പോർട്ട് ഒക്കെ?”
“മാഡം വായിച്ചു നോക്ക്.”
“ഭദ്രൻ എപ്പോഴാണ് തിരിച്ചെത്തിയത്?”
“ശനിയാഴ്ച്ച രാവിലെ തന്നെ എത്തി മാഡം. പിന്നെ സ്റ്റേഷൻ പരിധിയിൽ ഒരു സൂയിസൈഡ് കേസ് ഉണ്ടായിരുന്നു. അത് കാരണമാണ് ശനിയാഴ്ച്ച വരാൻ പറ്റാതിരുന്നത്. “
ലെന റിപ്പോർട്ട് തുറന്നു നോക്കി. രണ്ടേ രണ്ടു പേജ് മാത്രം. ലെന വായിക്കുവാൻ ആരംഭിച്ചു.
“ഇത് പ്രകാരം ആ അർജ്ജുവും രാഹുലും അവിടെ പഠിച്ചതാണെല്ലോ. യൂണിവേഴ്സിറ്റി റെക്കോർഡ്സിലും ഉണ്ട് അല്ലേ. ?”
“യെസ് മാഡം.
“പോരാത്തതിന് HOD & Project guide confirm ചെയ്തു. “
“യെസ് മാഡം.”
അപ്പോഴാണ് ലെന ആ ഫയലിൽ ഒരു സ്റ്റിക്ക് നോട്ട് ശ്രദ്ധയിൽ പെട്ടത്.
നേരിട്ട് സംസാരിക്കണം. ഇവിടെ വേണ്ട.
ലെന സ്റ്റിക്ക് നോട്ട് എടുത്തു അവരുടെ പോക്കറ്റിലേക്ക് വെച്ചു. എന്നിട്ട് റിപ്പോർട്ട് എടുത്തു മേശവലിപ്പിൽ വെച്ചു.
“താൻ ലഞ്ച് കഴിച്ചതാണോ?”
“ഇല്ല മാഡം.”
“എങ്കിൽ വാ. നമുക്ക് പുറത്തു പോയി കഴിക്കാം.”
“മാഡം ഞാൻ എൻ്റെ ജീപ്പിൽ പിന്നാലെ വന്നോളാം. അതാകുമ്പോൾ അവിടന്ന് എനിക്ക് നേരെ സ്റ്റേഷനിൽ പോകാമെല്ലോ.”
കമ്മിഷണർ അടുത്ത് തന്നെയുള്ള നല്ല ഒരു ഹോട്ടലിലേക്ക് പോയ. പിന്നാലെ ഭദ്രൻ അയാളുടെ ജീപ്പുമായി ചെന്നു. ഇരുവരും തിരക്കുകളിൽ നിന്ന് മാറി പ്രൈവസി കിട്ടുന്ന ഒരു മേശയിൽ ഇരുന്ന ശേഷം ലഞ്ച് ഓർഡർ ചെയ്തു.
“ഭദ്രാ ഇനി താൻ പറ ആ റിപ്പോർട്ടിൽ ഇല്ലാത്തത് എന്താണ്?”
“മാഡം ഞാൻ റിപ്പോർട്ടിൽ പറഞ്ഞത് തന്നെയാണ് അവിടെ അന്വേഷിച്ചപ്പോൾ അറിഞ്ഞത്. അവർ പഠിച്ചു എന്ന് തെളിയിക്കാൻ മാർക്ക് ലിസ്റ്റ് അടക്കം എല്ലാം യൂണിവേഴ്സിറ്റി ഡാറ്റാബേസിൽ ഉണ്ട്. “
“അപ്പോൾ സർട്ടിഫിക്കറ്റ് ഒക്കെ ഒർജിനൽ ആണോ?”
“അതെ. പിന്നെ ഡിപ്പാർട്മെൻ്റെ HOD യും കൺഫേം ചെയ്തു. പിന്നെ അവരുടെ പ്രൊജക്റ്റ് ഗൈഡും one Uday Kumar . “
“ഇതൊക്കെ റിപ്പോർട്ടിൽ ഉണ്ടല്ലോ.”
“ YES. പക്ഷേ അതിൽ ഒരു വ്യത്യാസം മാത്രം.അവരുടെ പ്രൊജക്റ്റ് ഗൈഡ് എന്ന് പറഞ്ഞു പരിചയപ്പെട്ട ഉദയ് കുമാർ എന്ന ആൾ തന്നെ fake ആണ്. അവിടെ എന്നെ വഴി തെറ്റിക്കാൻ വേണ്ടി അന്ന് മാത്രം വന്ന ഒരാൾ.”
What the hell? Why such a coverup and Who?
അതിനുള്ള ഉത്തരമൊന്നുമില്ല മാഡം. പക്ഷേ ഞാൻ മുഴുവൻ പറഞ്ഞില്ല.