” മര്യാദയ്ക്ക് എന്നെ കൂട്ടിക്കോ… ഇല്ലെങ്കിൽ ഇത് ഞാൻ ഇപ്പൊ താഴെ എറിഞ്ഞ് പൊട്ടിക്കും… “
അവളെന്റെ ഫോണ് കയ്യിലിട്ട് കറക്കി പറഞ്ഞു…എന്തേലും തിരിച്ച് പറയാൻ ഒരുങ്ങിയ എന്നെ അതിന് സമ്മതിക്കാതെ അവൾ തുടർന്നു…
” ഇന്നലെ ഞാൻ വല്ലാതെ പേടിച്ച് പോയി…എന്തേലും പറ്റിയിരുന്നെങ്കിലോ…അതാ എനിക്ക് ദേഷ്യം വന്നേ…അതാ ഞാൻ മിണ്ടാത്തതും മെസേജിന് റിപ്ലൈ തരാത്തതും… ”
അവളെന്റെ മുഖത്ത് നിന്ന് കണ്ണെടുക്കാതെ തന്നെ പറഞ്ഞു…അവളുടെ കുട്ടികളുടെ പോലുള്ള ഈ ചേഷ്ടകൾ കണ്ട് എനിക്ക് വല്ലാത്തൊരു ഇഷ്ടം തോന്നുന്നുണ്ട്…പക്ഷെ ഞാൻ അത് പുറത്ത് കാണിക്കാതെ അവളെ നോക്കി പറഞ്ഞു…
” എൻ്റെ ഫോണിങ്ങ് താ… ”
” ഇല്ല തരില്ല…എന്നെ കൊണ്ടോവാന്ന് വാക്ക് താ…എന്നാ തരാം… ”
അവൾ അമ്പിനും വില്ലിനും അടങ്ങില്ല എന്ന് രീതിയിൽ വാശി പിടിച്ചു…
” എന്നോട് വരാൻ ഇഷ്ട്ടമില്ലാത്തവരെ കൂട്ടി പോകുന്നതിൽ എനിക്ക് ബുദ്ധിമുട്ടുണ്ട്… ”
” വരാൻ ഇഷ്ട്ടമല്ലെങ്കിൽ ഞാൻ കെടന്നിങ്ങനെ തുള്ളുവോ പൊട്ടകണ്ണാ… മര്യാദയ്ക്ക് എന്നെ കൂട്ടാന്ന് പറ… ”
അവളുടെ വായിൽ നിന്നു വന്നാ ആ വാക്കുകൾ മാത്രം മതിയായിരുന്നു എനിക്ക്…എൻ്റുള്ളിൽ ലോക്ഡൗണിൽ ഒരായിരം ബെവ്ക്കോ ഔട്ട്ലെറ്റുകൾ തുറന്നാൽ ഉണ്ടാവുന്ന അവസ്ഥയായിരുന്നു… അത്രയ്ക്ക് സന്തോഷം…
” ആ… കൂട്ടാം… ”
ഞാൻ അവളെ നോക്കി സമ്മതം മൂളി…പക്ഷെ അവൾക്കത് മതിയായിരുന്നില്ല…
” ആഹാ… അത് പോരാ…സത്യം ഇട് മോനെ… ”
അവളെന്റെ മുന്നിലേക്ക് ഒരു കൈപ്പത്തി നീട്ടി…ഞാൻ ചിരിയോടെ എൻ്റെ കൈയ്യും അതിൻ മേലെ വച്ചു…അവളുടെ എൻ്റേയും കൈകൾ തമ്മിൽ ഒന്നായപ്പോൾ എൻ്റുള്ളിലേക്ക് ഒരു വ്യതുതി പ്രവാഹം പോലെ എന്തോ കടന്നു പോയത് പോലെ എനിക്ക് തോന്നി… വല്ലാത്തൊരനുഭൂതി….
” സത്യം….പോരെ…എനി എൻ്റെ ഫോണിങ്ങ് താ… ”
ഞാൻ എൻ്റെ കൈപിൻവലിച്ച് ഫോണിന് വേണ്ടി നീട്ടി…അതോടെ ചിരിച്ചുകൊണ്ട് അവളെന്റെ കൈയിലേക്ക് ഫോണ് വെച്ചു…
” അപ്പൊ ശരി നാളെ രാവിലെ 6 മണിക്ക് പോവാം…എന്നെ കൂട്ടാൻ വരണം… ”
അവൾ കാര്യം വിവരിക്കാൻ എന്നോണം തുടങ്ങി
” 6 മണിക്കോ…നോ…നന്തിംങ് ഡൂയിങ്ങ്… ”
ഞാൻ അവൾ പറഞ്ഞ സമയം കേട്ട് അന്തംവിട്ടു…ആറുമണിയേ…എൻ്റെ ശരീരത്തിലെ ഒരു രോമം പോലും അപ്പൊ എണീക്കില്ല…അപ്പോഴാ 6 മണിക്ക് കുളിച്ചമ്പലത്തില്…നടന്നത് തന്നെ…
” പിന്നെ അമ്പലത്തിൽ നട്ടുച്ചയ്കാണോ പോകുവാ മിസ്റ്റർ… ”
അവളെന്റെ മുടക്ക് കണ്ട് ഒടക്കാൻ ഉള്ള തയ്യാറെടുപ്പിലായിരുന്നു….
” അതിനെന്തിനാ 6 മണി…നമ്മുക്ക് ഒരു 9 – 10 അങ്ങനെ പോവാം… ”
ഞാൻ എൻ്റെ പദ്ധതി മുന്നോട്ട് വച്ചു…
” ഇല്ല…ഇല്ല…6 മണിക്ക് തന്നെ പോകണം…അപ്പോഴെ ആ ക്ലൈമെറ്റ് ആസ്വദിച്ച് പോകാൻ പറ്റൂ… ”
അവൾ ഞാൻ എന്ത് പറഞ്ഞാലും 6 മണി അല്ലാതൊരു സമയത്ത് പോകില്ലാ എന്ന രീതിയിൽ വാശിപിടിച്ചു…ഒരു മാതിരി അവളെ രാവിലെ 6-ന് പെറ്റിട്ട പോലെ…
” എടോ താൻ എന്ത് പറഞ്ഞിട്ടും കാര്യമില്ല…ഞാൻ എഴുന്നേൽക്കില്ല… ”
ഞാൻ എൻ്റെ അവസ്ഥ അവൾക്കു മുന്നിൽ തുറന്നു കാട്ടി…
” ആഹാ…എനിക്ക് സത്യം ചെയ്യ്ത് തന്നിട്ട് പറ്റിക്കുന്നോ…എന്നാ കാണിച്ച് തരാം…നാളെ ഇയാൾക്ക് കോളേജില്ലേ… ”
അവൾ എന്നെ നോക്കി ഒരു പ്രത്യേക ഭാവത്തിൽ ചിരിച്ചു…
” ആ ഉണ്ടെങ്കിൽ… ”
ഞാൻ സംശയഭാവത്തിൽ അവളെ നോക്കി…
” ആ…എന്നാൽ എനിക്കൊന്നവിടെ വരണം…ഒരു കുട്ടിയെ കാണാനുണ്ട്…ഇന്നലെ അവളുടെ മുന്നിൽ ഒരു നാടകം കളിക്കേണ്ടി വന്നു…അതിന് മാപ്പ് പറഞ്ഞ് ആ കാല് കഴുകണം…എന്നിട്ടാ കാല് കഴുകിയ വെള്ളം അവിടുള്ള ഒരുത്തൻ്റെ മോന്തയ്ക്ക് ഒഴിക്കണം… ”
അവളൊരു ആക്കിയ ചിരിയോടെ എന്നെ നോക്കി പറഞ്ഞതും ഞാൻ ഒന്ന് ഞെട്ടി…ഇവളാരുടെ കാര്യമാണെന്ന് പറയുന്നതെന്ന് മനസ്സിലാക്കാൻ ബുദ്ധിമുട്ടില്ലല്ലോ…ഈ ശവം ആണെങ്കിൽ പറഞ്ഞാ പറഞ്ഞത് പോലെ ചെയ്യും… അങ്ങനെ നടന്നാൽ ആ പീറ ആതിരയുടെ മുന്നിൽ നടകം കളിച്ചത് പോലെ ആവില്ലേ…
” എൻ്റമ്മോ….6 മണി ഫിക്സ്സ്…അങ്ങൊട്ടുമില്ല ഇങ്ങോട്ടുമില്ല… ”
ഞാൻ പെട്ടന്ന് കാര്യങ്ങൾ ആ അവസ്ഥ ഓർത്തപ്പോൾ ചാടി കേറി പറഞ്ഞു…