പിന്നെ നീ ഒരു പരമ ചെറ്റ ആയത്കൊണ്ട് നീ എന്ത്‌ ചെയ്യും എന്നെനിക്ക് ഊഹിക്കാവുന്നതേ ഉണ്ടായിരുന്നുള്ളു. അതുകൊണ്ടാണ് ഞങ്ങളുടെ ആൾക്കാരോട് തന്നെ മിഴിയെ അവിടെ നിന്ന് മാറ്റാൻ ഞാൻ പറഞ്ഞത്. നീ അവളെ തേടി പോകും എന്നെനിക്ക് തോന്നി. അത് തന്നെ സംഭവിച്ചു. സൗരവിന്റെ ടീം അവിടെ എത്തുന്നതിന് മുന്നേ തന്നെ ഞങ്ങളുടെ ആളുകൾ മിഴിയെ അവിടെ നിന്നും തൂക്കി ബോണസ് ആയിട്ട് പൂജയെയും കിട്ടി.
അപ്പോഴേക്കും നീ ഞങ്ങൾ കണ്ട്രോൾ ചെയ്യുന്ന ഏരിയയിൽ എത്തിയിരുന്നു. നീ ഇവിടെ എത്തിയാൽ പിന്നെ നിനക്ക് പുറം ലോകവുമായി ഒരു കോൺടാക്റ്റും ഉണ്ടാവരുത് എന്ന് ഞങ്ങൾക്ക് നിർബന്ധം ആയിരുന്നു. കാരണം അങ്ങനെ നീ ഇവിടെ ഉണ്ടെന്നൊക്കെ വേറെ ആരെങ്കിലും അറിഞ്ഞാൽ അവർ നിന്റെ മണം പിടിച്ചു വരും. നിന്റെ കഥ ഇതോടെ തീരണം.
നീ ശ്രദ്ധിച്ചോ എന്നറിയില്ല നാസിക്ക് കടന്നപ്പോഴേക്കും നിങ്ങളുടെ എല്ലാം ഫോണിന്റെ റേഞ്ച് പോയിരുന്നു. ഇവിടെ എത്തിയ ശേഷവും നിങ്ങൾക്ക് റേഞ്ച് ഇല്ലായിരുന്നു. അത്കൊണ്ടാണ് സൗരവിന് മിഴിയെ കിട്ടാഞ്ഞ വിവരവും അവരെ ഞങ്ങളുടെ ആളുകൾ തട്ടി കൊക്കയിൽ ഇട്ട കാര്യവും ഒന്നും നീ അറിയാഞ്ഞത്. കാരണം മറ്റൊന്നും അല്ല നാസിക്ക് മുതൽ നിന്റെ വണ്ടിയുടെ തൊട്ട് പുറകിലും മുന്നിലുമായി ഞങ്ങളുടെ ഒരു കാറും ഒരു ലോറിയും പിന്നെ രണ്ട് ബൈക്കും ഉണ്ടായിരുന്നു.
അവരുടെ കയ്യിൽ ഒക്കെ മൊബൈൽ ജാമറും ഉണ്ടായിരുന്നു. അതുകൊണ്ടാണ് നിനക്ക് റേഞ്ച് പോയത്. ഇവിടെ വന്നിട്ടും അത് തന്നെ അവസ്ഥ. കാരണം ഇവിടെ ഉള്ള ആളുകൾ ഒക്കെ നിനക്ക് എതിരാണ്. നീയും നിന്റെ ആളുകളും സഞ്ചരിച്ച സ്ഥലങ്ങളിൽ ഒക്കെ ഒരു നിശ്ചിത അകലത്തിൽ ഞങ്ങളുടെ ആളുകളും ഉണ്ടായിരുന്നു ഈ ജാമറും കൊണ്ട്.
ഇപ്പൊ നിനക്ക് ഈ കഥയുടെ ക്ലൈമാക്സ്‌ ഏകദേശം മനസ്സിലായി എന്ന് തോന്നുന്നു. പക്ഷേ ശെരിക്കും ഇതല്ല ക്ലൈമാക്സ്‌. ക്ലൈമാക്സ്‌ നിനക്ക് ഞങ്ങൾ കാണിച്ച് തരാം. കൊറച്ചൂടെ വെയിറ്റ് ചെയ്യണം. പിന്നെ ഒരു കാര്യത്തിൽ എനിക്ക് നിന്നോട് നന്ദി ഉണ്ട്. ഇവരെ രണ്ട് പേരെയും ഇനി എന്ന് കാണും ഇനി കാണുവോ എന്നൊക്കെ ഉള്ള ആശയക്കുഴപ്പത്തിൽ ആയിരുന്നു ഞാൻ. നിന്റെ ഒരു ഇടപെടൽ മൂലം അത് വളരെ പെട്ടന്ന് ആയി.” ഹരി മിഴിയേയും പൂജയെയും നോക്കി ചിരിച്ചുകൊണ്ട് പറഞ്ഞു.
അവർ അപ്പോഴും കഥ ഒന്നും മനസിലാവാതെ നിന്ന് ആട്ടം കാണുകയായിരുന്നു. തങ്ങളെ റൂമിൽ നിന്നും തട്ടിക്കൊണ്ടു വന്നവർ ഒരു ലോറിയിൽ ആണ് ഇങ്ങോട്ട് കടത്തിക്കൊണ്ട് വന്നത്. വരുന്ന വഴി തന്നെ അവർ ഇതിനെപറ്റി ഒക്കെ ഒരു ഏകദേശ രൂപം തന്നിരുന്നു. എന്നാൽ നേരിട്ട് കാണുമ്പോൾ ഉള്ള അവസ്ഥ ഇത്ര ഭീകരം ആണെന്ന് അവർ കരുതിയില്ല.
അപ്പോഴേക്കും അസ്ലന്റെ കൂട്ടാളികൾ പലരും ഉണർന്നിരുന്നു എന്നാൽ അവരെക്കൊണ്ട് കുറച്ച് സമയത്തേക്ക് ഒന്നിനും പറ്റില്ല കാരണം അത്ര കൂടിയ ഡോസ് ആയിരുന്നു ഇൻജെക്റ്റ് ചെയ്തത്. മഹീന്തറും ചോട്ടുവും വിജയ് ഉം കൂടി അവരെയെല്ലാം കയ്യും കാലും കെട്ടിപ്പൂട്ടി ഇട്ടു.
അസ്ലൻ ഒന്ന് ചലിക്കാൻ പോലും ആവാതെ തനിക്ക് ചുറ്റും നടക്കുന്നത് ഒന്നും അറിയാതെ ശില പോലെ നിന്നു. രക്ഷപെടാൻ ഉള്ള സർവ്വ പഴുതും ഇവർ അടച്ചു. ഇവർ പറഞ്ഞത് പോലെ ഇനിയൊരു തിരിച്ചുപോക്ക് ഉണ്ടാവില്ല. ആകാശത്തോളം ഉയർന്നു പറന്നാലും ഒരുനാൾ നമ്മൾ തിരിച്ചു മണ്ണിൽ തന്നെ വരും.
“സ്വപ്നം കണ്ട് നിക്കാതെ നടക്കെട അങ്ങോട്ട്.” ചോട്ടു അസ്ലന്റെ മുതുകിൽ തള്ളി മുന്നോട്ട് നടത്തി. അവന്റെ കൂട്ടാളികളെയും കൂടെ നടത്തി, കൂടെ തന്നെ ബാക്കി എല്ലാവരും നടന്നു പുറത്തേക്ക്. പുറത്തേക്ക് ഇറങ്ങിയ അസ്ലനും കൂട്ടരും പുറത്തെ ജനത്തിരക്ക് കണ്ട് സ്തംഭിച്ചു പോയി.
“കണ്ടോ… ഇവരൊക്കെയാണ് ഞങ്ങളുടെ കൂടെ തന്നെ നിന്നെ കുടുക്കാനായി നിന്നത്. ഇതിൽ നീ നിന്റെ വണ്ടിടെ ഓയിൽ മാറ്റാൻ കൊടുത്ത വർക്ഷോപ്കാരൻ മുതൽ നീ സിഗരറ്റ് വളിച്ച പെട്ടിക്കടയിലെ ചേട്ടൻ വരെ ഉണ്ട്. നിന്റെ പണം മുഴുവൻ ഇട്ട് തൂക്കിയാലും ഇവരുടെ സ്നേഹത്തിന്റെ തട്ട് താണ് തന്നെ ഇരിക്കും.
ആഹ് പിന്നൊരു കാര്യം പറയാൻ വിട്ടുപോയി… നീ ഓയിൽ ചേഞ്ച്‌ ചെയ്യാൻ കൊടുത്ത വണ്ടി അത് അവർ ഒരു നട്ട് പോലും ബാക്കി വെക്കാതെ പൊളിച്ചിട്ടുണ്ട്. ക്രഷറിൽ ഇട്ട് ഞെരിച്ചുടച്ചു സെറ്റ് ആക്കിയിട്ടുണ്ട്. ചാകാൻ പോണ നിനക്ക് എന്തിനാണ് ഇനി വണ്ടി.നടക്ക്… ഇനി നിന്റെ ഒടുക്കത്തെ ക്ലൈമാക്സ്‌ കൂടെ കാണിച്ചു തരാം ഞങ്ങൾ.” അസ്ലനെ കണ്ടതും ജനം രോഷം കൊണ്ടെങ്കിലും ഒച്ചവെച്ചു ബാക്കി ഉള്ളവരെ ഒക്കെ അറിയിക്കരുത് എന്ന് നേരത്തെ പറഞ്ഞിരുന്നത് കൊണ്ട് എല്ലാരും സംയമനം പാലിച്ചു.
അപ്പോഴും തങ്ങളെ വീണ്ടും ഇത് എങ്ങോട്ടാണ് കൊണ്ടുപോകുന്നത് എന്നറിയാതെ അസ്ലനും കൂട്ടരും വളഞ്ഞു.
ഒടുവിൽ അവർ നടന്ന് നടന്ന് അസ്ലൻ വിജയ് യെ കണ്ടുമുട്ടിയ സ്ഥലത്ത് എത്തി. ആ ജെസിബി അപ്പോഴും അവിടെ കിടപ്പുണ്ട് അതിന്റെ ഡ്രൈവർ അതിൽ ചാരി നിന്നുകൊണ്ട് തങ്ങളെ ഉറ്റു നോക്കുന്നത് അസ്ലൻ കണ്ടു. അവന് എന്തോ ഒരു പന്തികേട് തോന്നി.
“അപ്പൊ അസ്ലൻ… അതാണ് നിന്റെ കഥ… ഇവിടെയാണ് നിന്റെ ജീവിതം അവസാനിക്കുന്നത്. നീ രാവിലെ കണ്ടില്ലേ വിജയ് ഇവിടെ നിന്ന് ഈ കുഴി വീട്ടിക്കുന്നത്. വേസ്റ്റ് ഇടാൻ ആണെന്നല്ലേ പറഞ്ഞത്? ശെരിയാണ് ഒരുകണക്കിന് വേസ്റ്റ് തന്നെ ആണ് നീ… നീ ഇന്ന് രാവിലെ കണ്ടത് നിന്നെ മൂടാൻ ഞങ്ങൾ വെട്ടിയ കുഴി തന്നെ ആയിരുന്നു. ഇതാണ് നിനക്ക് ഞങ്ങൾ ഒരുക്കിയ ക്ലൈമാക്സ്‌… കേട്ടോഡാ…” ഹരി അസ്ലന്റെ മുഖത്തിന്‌ നേരെ നിന്ന് ചീറി.
“പക്ഷേ നീയൊന്നും അത്ര പെട്ടെന്ന് അങ്ങനെ മരിക്കാൻ പാടില്ല അത്കൊണ്ട് ദേ ഇത് പിടിച്ചോ ഈ ജാനകിയുടെ സമ്മാനം…” ജാനകി ഒരു സർജിക്കൽ ബ്ലേഡ് അസ്ലന്റെ രണ്ട് കൈ തണ്ടയിലും ആഞ്ഞു വീശി… രക്തം അവളുടെ മുഖത്തേക്ക് ചീറ്റി തെറിച്ചു. അസ്ലൻ നടന്നത് വിശ്വസിക്കാൻ ആവാതെ ജാനകിയെ നോക്കി.
ജാനകി അവന്റെ മുഖത്തു നോക്കി ഒന്ന് ചരിച്ചു ശേഷം അവന്റെ നെഞ്ചിൽ ആഞ്ഞു ചവിട്ടി. അസ്ലൻ ഒരു ആർത്ത നാദത്തോടെ ആ കുഴിയിലേക്ക് വീണു. അവിടെ നിന്ന് അവൻ മുകളിലേക്ക് കയറാൻ ശ്രമിക്കും തോറും അവന്റെ കയ്യിൽ നിന്ന് ചോര ഒലിച്ചുകൊണ്ടേ ഇരുന്നു. ഇതെല്ലാം കണ്ട് നിന്ന അവന്റെ കൂട്ടാളികൾ മരണത്തെ മുന്നിൽ കണ്ട് നിന്ന് വിറച്ചു.
അവർക്കും ജാനകി കരുതി വെച്ചത് അതെ ശിക്ഷ തന്നെ ആയിരുന്നു. അവളെ കൂടാതെ ആ കൂട്ടത്തിൽ ഉണ്ടായിരുന്ന മറ്റു പെൺകുട്ടികളും മുന്നിലേക്ക് വന്ന് ആ സർജിക്കൽ ബ്ലേഡ് വെച്ച് അവരെ തലങ്ങും വിലങ്ങും വെട്ടി മുറിച്ചു ശേഷം ആ കുഴിയിലേക്ക് തള്ളിയിട്ടു. മരണ ഭയം കൊണ്ടുള്ള അവരുടെ കരച്ചിൽ ഒരു നേർത്ത തേങ്ങലായി മാറുന്ന വരെ അവർ കാത്തിരുന്നു.
