കുറച്ചു നടന്നു കഴിഞ്ഞപ്പോൾ ഒരു ഇടവഴിയിൽ എത്തി. ആ ഇടവഴി അവസാനിക്കുന്നത് ഞങ്ങളുടെ വയലിൽ ആണ്. ആ വയൽ നിറയെ പച്ച വിരിച്ചു കിടക്കുകയാണ്. അവിടെ മുഴുവൻ നെൽ കൃഷിയാണ്. എല്ലാം പാട്ടത്തിന് കൊടുത്തതായിരിക്കും.
ആ വയലിന്റെ നടുവിലൂടെയുള്ള വരമ്പത്തു കൂടെ ഞങ്ങൾ നടന്നു.
ഞാൻ ആണ് മുന്നിൽ നടക്കുന്നത് എന്റെ പിറകിലായി ഗൽബിയും അവളുടെ പിന്നിലായി ആതുവും അവളുടെ പിന്നിലായി ഫരിയും ഫരിയുടെ പിന്നിലായി ഇന്ദുവും നടന്നു.
“വയലാണ് ചിലപ്പോൾ കാൽ തെന്നി വീഴും അതുകൊണ്ട് എന്റെ കൈയിൽ പിടിച്ചോ. ” ഞാൻ പിന്നിലേക്ക് നോക്കിയിട്ട് ഗൽബിയോട് പറഞ്ഞു.
അങ്ങനെ പറഞ്ഞുകൊണ്ട് ഞാൻ എന്റെ കൈ പിന്നിലേക്ക് നീട്ടി. ഗൽബി എന്റെ മുഖത്തേക്ക് നോക്കി. അവളുടെ ചുണ്ടിൽ മനോഹരമായ പുഞ്ചിരി വിരിഞ്ഞു. അവൾ എനിക്ക് നേരെ കൈ നീട്ടി. ഞാൻ അവളുടെ കയ്യിൽ പിടിച്ചു കൊണ്ട് മെല്ലെ നടന്നു.
ആദ്യം കണ്ട അന്ന് മുതൽ കാണുന്നതാണ് എന്റെ സുന്ദരിയുടെ ഈ ചിരി. ആരേയും മയക്കുന്ന പുഞ്ചിരി. ആ ചിരി കാണുമ്പോൾ തന്നെ അവളെ കെട്ടിപിടിച്ചു അവളുടെ ചുണ്ടിൽ ഉമ്മ വെക്കാൻ തോന്നും.
ആ വയൽ കഴിഞ്ഞാൽ നേരെ കയറുന്നത് വലിയൊരു പറമ്പിൽ ആണ്. അവിടെയാണ് അമ്പലം.
ഞാൻ ഗൽബിയുടെ കൈയും പിടിച്ചു നടക്കുന്നതിനിടയിൽ ആതു കേൾക്കാതെ മെല്ലെ അവളോട് ചോദിച്ചു.
“നടക്കാൻ ബുദ്ധിമുട്ട് ഉണ്ടോ..? ഇപ്പോഴും വേദനയുണ്ടോ…? എന്റെ സുന്ദരി പെണ്ണിനെ ഞാൻ എടുത്തു നടക്കണോ..?”
ഗൽബി മെല്ലെ പിന്നിലേക്ക് നോക്കിയ ശേഷം എന്റെ കൈയിൽ മുറുക്കെ പിടിച്ചു. എന്നിട്ട് പറഞ്ഞു.
“ഞാൻ പിടിച്ച കൈ എന്റെ സാറിന്റെ ആണ്. അങ്ങനെയുള്ളപ്പോൾ എനിക്ക് നടക്കാൻ ഒരു ബുദ്ധിമുട്ടും ഉണ്ടാകില്ല… ഈ കൈയിൽ ഞാൻ എപ്പോഴും സുരക്ഷിതയാണ്. ”
ഞങ്ങൾ നടന്നു അമ്പല പറമ്പിൽ എത്തി. പിന്നെ അമ്പലത്തിന്റെ മുന്നിലും. അമ്പലത്തിന്റെ മുന്നിൽ ഉള്ള ആൽ തറയിൽ ഞാൻ ഇരുന്നു. എന്റെ അടുത്ത് ഗൽബിയേയും പിടിച്ചു ഇരുത്തി.
“കിച്ചു ഏട്ടൻ അമ്പലത്തിൽ കയറുന്നില്ലേ…? ” ആതു ചോദിച്ചു.
“ഇല്ല നിങ്ങൾ പോയിട്ട് വാ. ”
ഞാൻ പറഞ്ഞു. അവിടെ ഒരുപാട് ആളുകൾ വന്നിട്ടുണ്ടായിരുന്നു.
“എന്നാൽ ചേച്ചി വാ. നമുക്കു അമ്പലത്തിന്റെ ഉള്ളിൽ കയറാം.” ആതു പറഞ്ഞു.
ആതു പറഞ്ഞത് കേട്ട് ഗൽബി എന്നെ നോക്കി. ഞാൻ അവളോട് പോയിക്കൊള്ളാൻ പറഞ്ഞു. ഗൽബി മെല്ലെ എഴുനേറ്റ് ആതുവിന്റെ കൂടെ അകത്തേക്ക് തൊഴാൻ പോയി. ഫരിയും ഇന്ദുവും വളരെ പതുക്കെയാണ് നടന്നു വരുന്നത്.
ഇന്ദുവിനെ കണ്ട ആരോ അവളോട് കുശാലം ചോദിക്കുന്നുണ്ട്. അവൾ എന്തോ പറഞ്ഞു ഫരിയെ പരിചയപെടുത്തി കൊടുക്കുന്നുണ്ട്. എന്ത് പറഞ്ഞിട്ടാണാവോ ..
ഞാൻ അവിടെ ഇരിക്കുന്നത് കണ്ട ഫരി വേഗം എന്റെ അടുത്തേക്ക് വന്നിട്ട് ചോദിച്ചു.
“സാർ എന്താ ഇവിടെ ഇരുന്നത്. ഗൽബിയും ആതുവും എവിടെ..? ”
“അവർ തൊഴാൻ ഉള്ളിലേക്ക് പോയി.” അങ്ങനെ പറഞ്ഞ ശേഷം എന്റെ ഷർട്ടിന്റെ പോക്കറ്റിൽ നിന്ന് അഞ്ഞൂറിന്റെ നോട്ട് എടുത്തു ഫരിക്ക് കൊടുത്തിട്ട് പറഞ്ഞു.
“എന്തെങ്കിലും കഴിപ്പിക്കാൻ ഉണ്ടങ്കിൽ കഴിപ്പിച്ചോ.. ”
“എന്ത് കഴിപ്പിക്കാൻ…? ” ഫരി എന്നോട് ചോദിച്ചു.
അവളുടെ വയറിൽ നോക്കിയിട്ട് മെല്ലെ ഞാൻ പറഞ്ഞു.
“എന്റെ ഈ സുന്ദരിയുടെ വയറ് വേഗം വീർക്കാൻ വേണ്ടിയിട്ട്. കൂടെ എന്റെ ഗൽബി കുട്ടിയുടെയും വയറു വേഗം വീർപ്പിക്കാൻ വേണ്ടി. നമുക്ക് നല്ല ഒരുപാട് കുഞ്ഞുങ്ങളെ കിട്ടാൻ വേണ്ടി.”..
ഞാൻ പറഞ്ഞത് കേട്ട് നാണത്തോട്ട് ഫരി ചുറ്റും നോക്കി. ഇന്ദുവിനെയാണ് ഫരി നോക്കിയത്. അപ്പോഴേക്കും ഇന്ദു അവിടെ എത്തിയതേ ഉള്ളൂ.
‘കിച്ചു ഉള്ളിൽ വരുന്നില്ലേ..?” ഇന്ദു എന്റെ അടുത്ത് എത്തിയ ഉടനെ എന്നോട് ചോദിച്ചു.
“ഇല്ല.” ഞാൻ പറഞ്ഞു.
“ഇവിടം വരെ വന്ന സ്ഥിതിക്ക് ഒന്ന് കയറി പ്രാർത്ഥിച്ചൂടെ..? ” ഇന്ദു വീണ്ടും എന്നോട് ചോദിച്ചു.