അങ്ങനെ പറഞ്ഞിട്ട് ഞാൻ കാറിൽ നിന്നും വെള്ളം എടുത്തു പുറത്ത് ഇറങ്ങി. ദീദി കാറിന്റെ ഡോർ തുറക്കാൻ അറിയാതെ അവിടെ തന്നെ ഇരുന്നുകൊണ്ട് എന്നെ വിളിച്ചു. എന്നിട്ട് ചോദിച്ചു..
“സാർ. ഇത് എങ്ങനെയാ തുറക്കുക. ”
അത് കേട്ട് ചിരിച്ചുകൊണ്ട്
ഞാൻ പോയി ഡോർ തുറന്ന് കൊടുത്തു. കാറിന്റെ പിന്നിലെ ഡോറും ഞാൻ തുറന്നുകൊടുത്തു . ദീദി കാറിന്റെ മുന്നിലെ സീറ്റിൽ നിന്ന് ഇറങ്ങി പിന്നിൽ കയറി ഗൽബിയെ വിളിച്ചു. ഞാൻ കാറിന്റെ പിന്നിലെ മറ്റേ ഭാഗത്തെ ഡോർ തുറന്ന് ഗൽബിയുടെ മുഖത്തു വെള്ളം കുടഞ്ഞു.
ഗൽബി മെല്ലെ കണ്ണ് തുറന്ന് നോക്കി. അവളുടെ ആദ്യ നോട്ടം എന്റെ മുഖത്ത് തന്നെ ആയിരുന്നു. ഫരി ഗൽബിയുടെ മുഖത്തെ വെള്ളം മെല്ലെ കൈകൊണ്ട് തുടച്ചു കൊടുത്തു.
അപ്പോൾ ഗൽബി വേദന കൊണ്ട് “അമ്മീ” എന്ന് വിളിച്ചു.
“ഇല്ല. മോൾക്ക് ഒന്നും ഇല്ല. മോൾക്ക് ഒന്നും പറ്റിയിട്ടില്ല. അമ്മിയേയും മോളേയും സാറാ വീണ്ടും രക്ഷിച്ചത്. ” ഫരി പറഞ്ഞു.
അങ്ങനെ പറഞ്ഞ ശേഷം ഫരി ഗൽബിയെ പിടിച്ചു എഴുനേൽപ്പിച്ചു ഇരുത്തി. അവളുടെ ആ കീറിപ്പറിഞ്ഞ ബ്ലൗസ് കണ്ടു എനിക്ക് എന്തോപോലെ തോന്നി. അപ്പോഴാണ് ഞാൻ ഇന്നലെ അവർക്ക് വേണ്ടി വാങ്ങിയ ഡ്രെസ്സും ഭക്ഷണവും എനിക്ക് ഓർമ്മ വന്നത്.
അത് കാറിന്റെ ഫാറ്റ് ഫോമിൽ വീണു കിടക്കുകയായിരുന്നു. ഞാൻ അത് എടുത്തു ഫരിക്ക് നേരെ നീട്ടി.
ഫരിയും ഗൽബിയും എന്നേയും ആ കവറിലേക്കും നോക്കി. ഞാൻ പറഞ്ഞു.
“ഇന്നലെ രാത്രിയിൽ ഇത് തരാൻ വേണ്ടിയാണ് ഞാൻ വന്നത്. ഇന്നാ ഇത് നിങ്ങൾക്ക് ഉള്ളതാണ്. ”
അങ്ങനെ പറഞ്ഞ ശേഷം ഞാൻ ആ കവർ ഗൽബിയുടെ മടിയിൽ വെച്ചു. ഗൽബി എന്റെ മുഖത്തു നോക്കി. അപ്പോൾ ഞാൻ വീണ്ടും പറഞ്ഞു.
“അവിടെ കുറച്ചു മാറി ഒരു അരുവിയുണ്ട് . അവിടെ പോകാൻ ഉള്ള വഴിയൊക്കെ ഞാൻ വെട്ടി തെളിച്ചു വെച്ചിട്ടുണ്ട്. രണ്ടാളും പോയി ഒന്ന് കുളിച്ചു ഈ വേഷം ഒക്കെ മാറ്. എന്നിട്ട് അത് എടുത്തു കഴിക്ക്. അതിന് ശേഷം നമുക്ക് തിരിച്ചു പോകാം. പോകുന്നവഴിയിൽ നല്ല ഹോസ്പിറ്റൽ ഉണ്ടെങ്കിൽ മോളെ അവിടെ കാണിക്കാം. ”
ഞാൻ പറഞ്ഞപ്പോൾ ഫരി ഗൽബിയുടെ കൈയിലും മറ്റും പിടിച്ചു നോക്കി. ഗൽബിയുടെ കൈയിലും ചെറിയ മുറിവുകൾ കണ്ടു . അത് കണ്ട് ഫരി കരഞ്ഞു.
ഗൽബി അവളുടെ പാവാട കാൽ മുട്ട് വരെ മെല്ലെ ഉയർത്തി. കാറിലെ വെളിച്ചത്തിൽ അവളുടെ കാലുകൾ കണ്ടു. . നല്ല വെളുത്ത കാലുകൾ. പക്ഷെ ആ കാലിലും ചോരക്കറ കാണാം . അവളുടെ രണ്ടു കാൽ മുട്ടിലും നന്നായി മുറിഞ്ഞിട്ടുണ്ട് .
“അത് സാരമാക്കേണ്ട. ഇത്തിരി വേദന സഹിച്ചാലും. പാമ്പും പുലിയും മോളെ ഒന്നും ചെയ്തില്ലല്ലോ..? ഇനി ഒരു പാമ്പും പുലിയും മോളെ ഒന്നും ചെയ്യില്ല.”
ഞാൻ ഗൽബിയെ നോക്കി ചെറുതായി ചിരിച്ചുകൊണ്ട് പറഞ്ഞു.
അങ്ങനെ പറഞ്ഞ ശേഷം ഞാൻ അവൾക്ക് നേരെ കൈ നീട്ടി. ഫരി ഗൽബിയുടെ മടിയിൽ നിന്ന് കവർ എടുത്തു മാറ്റി.
ഞാൻ നീട്ടിയ എന്റെ കൈയിൽ പിടിച്ചുകൊണ്ട് ഗൽബി മെല്ലെ കാറിന്റെ പുറത്തേക്ക് ഇറങ്ങി.
പക്ഷെ അപ്പോഴേക്കും അവൾ എന്റെ മേലെ വീണു. ഞാൻ അവളെ താങ്ങി പിടിച്ചു നേരെ നിർത്തി. എന്നിട്ട് ചോദിച്ചു.
“എന്താ മോളുടെ പേര് പറഞ്ഞത്..?”
ഗൽബി ചെറു ചിരിയോടെ പറഞ്ഞു.
“ഗൽബി.”
“ആഹാ! നല്ല പേരാണല്ലോ മോളുടേത്. മോളെ പോലെ തന്നെ നല്ല സുന്ദരി പേര്.. ”
ഞാൻ പറഞ്ഞത് കേട്ട് ഗൽബി എന്നെ നോക്കിയിട്ട് ചിരിച്ചു. അപ്പോൾ ഞാൻ വീണ്ടും ചോദിച്ചു.
“. ഗൽബി കുട്ടി. ഇപ്പോൾ കുളിക്കുന്നോ.. കുളിക്കുന്നെങ്കിൽ ഗൽബി കുട്ടി മെല്ലെ നടന്നു പോയി ആ അരുവിയിൽ ഇറങ്ങി ഒന്ന് കുളിച്ച് ഈ വേഷം ഒക്കെ മാറിയിട്ട് വാ. നമുക്ക് തിരിച്ചു പോകേണ്ടേ….?”
അവൾ എന്നെ നോക്കി വീണ്ടും ചിരിച്ചു.
ഒരു ചിരിക്കൂടുക്ക തന്നെ. ഒരു കൊച്ചു സുന്ദരി കുട്ടി.
അപ്പോഴേക്കും ഫരിയും കാറിൽ നിന്നും ഇറങ്ങി വന്നു ഗൽബിയെ പിടിച്ചു.