ഞങ്ങൾ വീട്ടിലേക്കു നടന്നു. ഇത്തവണ ഇന്ദു മുന്നിൽ നടന്നു. ചൂട് പായസം ആയിരുന്നു അവളുടെ കൈയിൽ ഉണ്ടായിരുന്നത്. അതിനേക്കാൾ ഏറെ അവളുടെ ഉള്ളിലും ചൂട് കാണും. അവൾ പറയാൻ വന്നത് ഞാൻ കേൾക്കാൻ നിൽക്കാത്തത് കൊണ്ട് ഉള്ള ചൂട് .
വയലും കഴിഞ്ഞു ഞങ്ങൾ നടന്നു..
“ആതു. ഇന്നലെ പോയ പോലെ നമുക്ക് പൂ പറിക്കാൻ പോയാലോ…?” പോകുന്ന വഴിയിൽ ഗൽബി ചോദിച്ചു.
“ആ. ഇനി പൂ പറിക്കാൻ ഒന്നും പോകാൻ നിൽക്കേണ്ട. പോയിട്ട് വെറുതെ എവിടെയേലും തട്ടി വീഴാൻ അല്ലേ. അതൊന്നും വേണ്ട. ” ഫരി പറഞ്ഞു.
“ഈ. അമ്മിക്ക് എന്താ….. ഇന്നലെ ഞാൻ വീണെന്ന് കരുതി . എന്നും വീഴാൻ പോകുന്നോ…? ” ഗൽബി ചോദിച്ചു.
പക്ഷെ ആരും ഒന്നും പറഞ്ഞില്ല. വീട്ടിൽ എത്തിയ ഉടനെ ആരും കേൾക്കാതെ ഞാൻ ഗൽബിയോട് ചോദിച്ചു.
“എന്റെ പെണ്ണിന്റെ വേദനയൊക്കെ പോയോ..? ഇപ്പോൾ നടക്കാൻ വേദന ഇല്ലേ..?”
“വേദന കുറവുണ്ട്. അമ്മി ഇവിടെ ചൂട് വെച്ച് തന്നു. ” ഗൽബി അവളുടെ തുടയിടുക്കിൽ തൊട്ട് കൊണ്ട് പറഞ്ഞു.
എന്നിട്ട് വീണ്ടും പറഞ്ഞു.
“നമുക്ക് പൂ പറിക്കാൻ പോയാലോ സാറേ . . പാവം ആതു എത്ര സന്തോഷത്തോടെ ആയിരുന്നു ഇന്നലെ പൂ പറിക്കാൻ പോയത്. എന്നിട്ടും ഞാൻ കാരണം ആ പാവം വെറുതെ.! അതുകൊണ്ട് ആതുവിന്റെ ആ സങ്കടം തീർക്കാൻ വേണ്ടി നമുക്ക് പോയാലോ…? ”
ഞാൻ ചിരിച്ചു കൊണ്ട് പറഞ്ഞു.
“പോ പോയി ആതുനെ വിളിച്ചിട്ട് വാ നമുക്ക് പോകാം..”
അത് കേട്ട് ഗൽബി സന്തോഷത്തോടെ ആതുവിനെ വിളിക്കാൻ പോയി. ആ സമയം ഞാൻ ഫോൺ എടുത്തു ചില കോളുകൾ വിളിച്ചു.
“കിച്ചു. ഇപ്പോൾ പൂ പറിക്കാൻ പോകണോ…? കിച്ചൂന് വിശക്കുന്നില്ലേ..? പിന്നെ! ഇന്നലെ കിച്ചു കുറേ പൂ വാങ്ങിയതല്ലേ അത് പോരെ..?” ഇന്ദു എന്റെ അടുത്ത് വന്നിട്ട് ചോദിച്ചു.
“ഏയ്! അത് സാരമില്ല. ഞങ്ങൾ പോയിട്ട് വേഗം വരാം. നിങ്ങൾ ഭക്ഷണം കഴിച്ചോ.”
ഞാൻ പറഞ്ഞു. അതിന് ശേഷം ഫോൺ വിളിച്ചുകൊണ്ട് ഞാൻ മെല്ലെ നടന്നു എന്റെ പിറകിലായി ആതുവും ഗൽബിയും നടന്നു. ഇരുവരും വലിയ സന്തോഷത്തിൽ ആയിരുന്നു.
ഞങ്ങൾ നടന്നു ആ കുന്നിൻ ചെരുവിൽ എത്തി. അവിടെ കുറച്ചു കുട്ടികൾ പൂ പറിക്കുന്നുണ്ടായിരുന്നു. അതിൽ ഒരാൾ ഞങ്ങളെ നോക്കിയിട്ട് പറഞ്ഞു..
“എടി… ഇന്നലെ മൂക്ക് കുത്തി വീണ നമ്മുടെ ആലിയ ഭട്ടും ആതുവും വരുന്ന. കൂടെ ഉള്ളത് ആതുവിന്റെ കിച്ചു ഏട്ടൻ ആണെന്ന് തോന്നുന്നു. ”
അവർ പറയുന്നത് കേട്ട് ഞാൻ ചിരിച്ചു. ആലിയ ഭട്ടോ…!!!? എന്റെ ഗൽബിയോ..? അപ്പോൾ എന്റെ ഫരിയെ കണ്ടാൽ ഇവർ എന്ത് പറയും. ബാഹുബലിയിലെ ദേവസേനയായ അനുഷ്ക ഷെട്ടിയോ….?
“കിച്ചു ഏട്ടാ. അവർ ചേച്ചിയെ പറയുന്നത് കേട്ടില്ലേ..? വല്ലാത്ത കൂട്ടങ്ങൾ തന്നെ.”
ആതു പറയുന്നത് കേട്ട് ഞാൻ ചിരിച്ചു. ആതുവും ഗൽബിയും പൂ പറിക്കാൻ തുടങ്ങി. ഞാൻ അത് നോക്കി നിന്നു. കുറച്ചു കഴിഞ്ഞു ഞാൻ ഗൽബിയെ എന്റെ അടുത്ത് വിളിച്ചിട്ട് പറഞ്ഞു.
“ഇവരൊക്കെ ആതുവിന്റെ കൂട്ടുകാർ അല്ലേ…? എല്ലാവരേയും വൈകുന്നേരം വീട്ടിലേക്ക് ക്ഷണിക്ക്.”
“എന്തിനാ.. എല്ലാവരേയും വീട്ടിലേക്ക് ക്ഷണിക്കുന്നത്…?” ഗൽബി ചോദിച്ചു.
“അതോ എന്റെ ഈ സുന്ദരി കുട്ടി ആലിയ ഭട്ട് ആണെങ്കിൽ എന്റെ സുന്ദരിയായ ഫരിയെ കണ്ടാൽ ഇവർ എന്ത് പറയും എന്ന് അറിയാലോ…? ”
ഞാൻ പറഞ്ഞു. അത് കേട്ട് ഗൽബി എന്നെ തന്നെ നോക്കി. ഞാൻ വീണ്ടും പറഞ്ഞു.
“എന്റെ സുന്ദരി പെണ്ണേ. നീയല്ലേ പറഞ്ഞത് ആതുവിന്റെ പിറന്നാൾ ആഘോഷിക്കണം എന്ന്. നമുക്ക് അത് ആഘോഷിക്കാം. ആതു അറിയേണ്ട. അവൾ അറിയാതെ എന്റെ ഗൽബി കുട്ടി എല്ലാവരേയും ക്ഷണിക്ക്.”
ഗൽബി സന്തോഷത്തോടെ എല്ലാവരേയും വീട്ടിലേക്ക് ക്ഷണിച്ചു. അവർ പൂ പറിച്ചുകൊണ്ട് കുന്നിന്റെ മറ്റൊരു ചെരുവിൽ എത്തി. ഞാനും ഗൽബിയും ആതുവും മാത്രം അവിടെയായി. ആതു സന്തോഷത്തോടെ പൂ പറിച്ചുകൊണ്ടേയിരുന്നു.