ഞാൻ നേരത്തെ വെട്ടി കൊണ്ട് വന്ന കമ്പ് എടുത്തു ഗൽബിയുടെ കൈയിൽ കൊടുത്തു എന്നിട്ട് പറഞ്ഞു.
” നടക്കുമ്പോൾ ഇതിൽ പിടിച്ചു നടന്നോ.. പിന്നെ മോൾക്ക് ഈ ഡ്രസ്സ് ചേരുമോ എന്ന് അറിയില്ല. എങ്കിലും മോള് കുളിച്ചു ഈ ഡ്രെസ്സ് ഉടുത്തു നോക്ക്. പറ്റിയില്ലെങ്കിൽ നമുക്ക് വേറെ വാങ്ങാം.”
ഫരി കാറിൽ നിന്ന് ഇറങ്ങുമ്പോൾ കാറിൽ വെച്ച പുതിയ ഡ്രെസ്സിന്റെ കവറുകൾ ഞാൻ എടുത്തു ഗൽബിയുടെ കൈയിൽ കൊടുത്തിട്ട് പറഞ്ഞു.
പിന്നെ കാറിന്റെ ഡിക്കിയിൽ നിന്ന് എമർജൻസി എടുത്തു ഓൺ ചെയ്തു ഫരിയുടെ കൈയിൽ കൊടുത്തു. കൂടെ എന്റെ ടാർക്കിയും. എന്നിട്ട് ഫരിയോട് പറഞ്ഞു.
“അവിടെ പേടിക്കാൻ ഒന്നും ഇല്ല. ഞാൻ പോയി കുളിച്ചു വന്നേ ഉള്ളൂ. നല്ല വെള്ളവും ആണ്. ദീദിയും മോളും വേഗം പോയി കുളിച്ചു വാ. ഈ ക്ഷീണം എല്ലാം മാറട്ടെ. ഞാൻ ഇവിടെ തന്നെ കാണും.”
ഫരി എന്നെ നോക്കിയിട്ട് ഗൽബിയേയും പിടിച്ചു കൊണ്ട് മെല്ലെ നടന്നു. കുറച്ചു നടന്നപ്പോൾ ഗൽബി തിരിഞ്ഞു എന്നെ നോക്കി ചിരിച്ചു. ഒരു കൊച്ചു മാലാഖയുടെ മനോഹരമായ പുഞ്ചിരി.
എന്നും കണിയായി കാണാൻ കൊതിക്കുന്ന തരത്തിൽ ഉള്ള ഐശ്വര്യം നിറഞ്ഞ പുഞ്ചിരി. കുട്ടി ഗൽബിയുടെ പുഞ്ചിരി.
അവർ പോയ ശേഷം ഞാൻ കാറിൽ ഇരുന്ന് എന്റെ കൈയിലെ മുറിവിൽ മരുന്ന് വെച്ച് കാറിൽ കിടന്നു.
ഗൽബിയും ഫരിയും മെല്ലെ നടന്നു അരുവിയുടെ കരയിൽ എത്തിയ ശേഷം. ഞാൻ വാങ്ങി കൊണ്ട് വന്ന പുതിയ ഡ്രസ്സ് എടുത്തു നോക്കി. ആ ഡ്രെസ്സിൽ നോക്കിയിട്ട് ഗൽബി ചോദിച്ചു .
“അമ്മീ. പുതിയ പാവാടയും ബ്ലൗസും. അമ്മിക്ക് എന്താ സാർ വാങ്ങിയത്. സാരിയാണോ…?”
ഫരി കവർ തുറന്ന് നോക്കിയിട്ട് പറഞ്ഞു.
“അതേ മോളെ. അമ്മിക്ക് സാരിയാ സാർ വാങ്ങിയത്. ”
“അമ്മീ. സാർ എന്തിനാ ഇതൊക്കെ വാങ്ങിയത്..? നമ്മൾ ഇതൊന്നും വാങ്ങാൻ സാറിനോട് പറഞ്ഞില്ലല്ലോ..?” ”
ഗൽബി ഫരിയോട് വീണ്ടും ചോദിച്ചു.
“അതിനിപ്പോൾ അമ്മി എന്താ മോളെ പറയുക. സാർ ഒരു നല്ല മനുഷ്യൻ ആണ് . അത് മാത്രമല്ല! സാർ നമ്മളെ ഇന്നലെ അങ്ങനെയൊക്കെ കണ്ടതല്ലേ..?
അതുകൊണ്ട് കൂടെ ആയിരിക്കും സാർ ഇതൊക്കെ വാങ്ങി വന്നത്..” ഫരി പറഞ്ഞു.
“ആ സാർ ഒരു പാവം ആണെന്ന് തോനുന്നു അല്ലേ അമ്മീ..? ” ഗൽബി വീണ്ടും ചോദിച്ചു.
“അതേ മോളെ. സാർ ഒരു പാവം ആണെന്ന അമ്മിക്കും തോന്നുന്നത്.. ആ പാവം സാർ നമ്മൾക്ക് വേണ്ടി എന്തൊക്കെയാ ചെയ്തു തന്നത്. .സാർ വന്നില്ലായിരുന്നു എങ്കിൽ. ആ പാമ്പും പുലിയും എല്ലാം അമ്മിയേയും മോളേയും കടിച്ചു കീറി കൊന്നേനെ.. സാറാ നമ്മളെ രക്ഷിച്ചത് . അതുകൊണ്ട് നമ്മുടെ ജീവിതകാലം മുഴുവൻ നമ്മൾ സാറിനോട് നന്ദി ഉള്ളവരായിരിക്കണം. ” ഫരി പറഞ്ഞു.
ഗൽബി മെല്ലെ അവിടെയുള്ള പാറകെട്ടിൽ ഇരുന്നു. എന്നിട്ട് ആ കമ്പിൽ പിടിച്ചു വെള്ളത്തിലേക്ക് നോക്കിയിരുന്നു. അത് കണ്ടു ഫരി പറഞ്ഞു.
“മോളെ വേഗം കുളിക്ക്. സാർ നമ്മളെ അവിടെ കാത്തിരിക്കുന്നുണ്ട്. ”
“എനിക്ക് കാലൊക്കെ വേദനിക്കുന്നു അമ്മീ..” ഗൽബി പറഞ്ഞു.
“സാരമില്ല മോളെ. നമുക്ക് പോയിട്ട് വൈദ്യരെ കാണാം. മോള് ഏതായാലും കൈയും കാലും എല്ലാം ഒന്ന് കഴുകിയിട്ട് ആ ഡ്രസ്സ് മാറി ഉടുക്ക്. അപ്പോഴേക്കും അമ്മി ഒന്ന് കുളിക്കട്ടെ..”
അങ്ങനെ പറഞ്ഞു കൊണ്ട് ഫരി വെള്ളത്തിലേക്ക് ഇറങ്ങി.
“സാർ … സാർ.. എഴുനേൽക്ക് സമയം ഒരുപാട് ആയി. നമുക്ക് പോകേണ്ടേ.. ? ”
ഞാൻ നല്ല ഉറക്കം ആയിരുന്നു. അതുകൊണ്ട് തന്നെ ആരോ വിളിക്കുന്നത് കേട്ട് ഞാൻ ഞെട്ടി എഴുനേറ്റു ചുറ്റും നോക്കി.
ഗൽബിയാണ് വിളിച്ചത്. കൂടെ ആതുവും ഉണ്ട്. രണ്ടു പേരും പാവാടയും ബ്ലൗസും ആണ് ഉടുത്തത്. .
ഓഹ്. ഞാൻ വീട്ടിൽ ആണ് ഉള്ളത് എന്ന കാര്യം അപ്പോഴാണ് എനിക്ക് ഓർമ്മ വന്നത്. ഞാൻ പഴയ കാര്യങ്ങൾ ഓരോന്ന് ഓർത്ത് കിടന്നു കൊണ്ട് മെല്ലെ ഉറങ്ങി പോയിരുന്നു.