മെഹർ കുറച്ച് നേരം ഒന്നും മിണ്ടാതെ ഫോട്ടോ നോക്കി നിന്നു.
“ഇവൾ…?”
ലക്ഷ്മിയെ വെട്ടിക്കാൻ നോക്കിയതാണോ ഇത്…
മെഹറിന്റെ മനസ്സിൽ ഒരുമിച്ച് പല വികാരങ്ങൾ ഉയർന്നു.
ലക്ഷ്മി തീ പോലെ മുന്നിൽ നിൽക്കുമ്പോൾ, എയ്ഞ്ചൽ പതിയെ അകത്തേക്ക് കടക്കുന്നവളാണ് എന്ന് മെഹർ കരുതിയിരുന്നു.
പക്ഷേ ഇപ്പോൾ മനസ്സിലായി എയ്ഞ്ചലും നിശ്ശബ്ദമായി മാത്രം നിൽക്കുന്നവളല്ല.
അവൾക്കും സ്വന്തം രീതിയിൽ മനുവിലേക്ക് എത്താനുള്ള ധൈര്യം വളരുകയാണ്.
മെഹർ ഉടനെ മനുവിനെ വിളിച്ചു.
രണ്ടാമത്തെ റിങ്ങിൽ മനു ഫോൺ എടുത്തു.
“ഹലോ…”
“ഇത് എന്താണ് മനു?”
മെഹറിന്റെ ശബ്ദത്തിൽ ഉറക്കമില്ല. നേരെ ചോദ്യം.
മനു കുറച്ച് നിശ്ശബ്ദമായി.
“കണ്ടോ?”
“കണ്ടോ എന്നോ?”
അവൾ അല്പം ശ്വാസം വിട്ടു.
“കണ്ണ് തള്ളി പോയി.”
മനു ഒന്നും പറഞ്ഞില്ല.
“ഇത് എപ്പോഴാണ് അയച്ചത് അവൾ?”
“ഇന്നലെ രാത്രി…”
“നീ ചോദിച്ചോ?”
അവൻ മടിച്ചു.
“അങ്ങനെ… സംസാരത്തിനിടയിൽ…”
“മനു…”
ആ വിളിയിൽ എന്താണ് മെഹറിന്റെ ഫീലിംഗ് എന്ന് മനസിലായില്ല.
“മെഹർ, ഞാൻ എല്ലാം പറയാം.”
“ഫോണിൽ പറഞ്ഞാൽ ശരിയാകില്ല.”
മനു പതുക്കെ പറഞ്ഞു.
“സ്കൂളിൽ വരുമ്പോൾ നേരിട്ട് പറയാം. എല്ലാം.”
മെഹർ കുറച്ച് നിമിഷം മിണ്ടാതെ നിന്നു.
“നേരിട്ട് പറയണം. എല്ലാം .”
“ഒളിപ്പിക്കില്ല.”
“എയ്ഞ്ചലിനെ കുറിച്ചും… ഇന്നലെ രാത്രി നിങ്ങൾ എന്തൊക്കെ സംസാരിച്ചു എന്നും… എല്ലാം.”
“ഹ്മ്മ്.”
“മനു…” ഷി ഈസ് ഹോട്ട്….. ലൈക് ലക്ഷ്മി……
മേ ബി മോർ ധാൻ ലക്ഷ്മി……. മനു തിരിച്ചു പറഞ്ഞു
ഹ്മ്മ്…… മെഹർ പറഞ്ഞു
“സ്കൂളിൽ കാണാം. നേരിട്ട് സംസാരിക്കാം.”
കാൾ കട്ട് ആയി.
മെഹർ ഫോൺ കൈയിൽ പിടിച്ച് കുറച്ച് നേരം ഇരുന്നു.
ആ ഫോട്ടോ വീണ്ടും നോക്കി.
ഇവൾ ലക്ഷ്മിയെ തോൽപ്പിക്കും….. അവൾ മനസ്സിൽ പറഞ്ഞു
ആ ദിവസം മനുവും മെഹറും പതിവ് പോലെ നേരത്തെ സ്കൂളിൽ എത്തി.
സ്പെഷ്യൽ ക്ലാസ് ആയിരുന്നത് കൊണ്ട് തന്നെ നന്നേ കുറവായിരുന്നു.
വരാന്തകളിൽ കുട്ടികളുടെ ശബ്ദം ഒക്കെ ഇനിയും ദൂരെയായിരുന്നു.
സ്റ്റാഫ് റൂമിന്റെ ജനലിലൂടെ കയറുന്ന വെളിച്ചം മേശകളിലും പഴയ ഫയലുകളിലും പതിഞ്ഞു കിടന്നു.
മെഹർ അകത്ത് കയറിയപ്പോൾ തന്നെ മനുവിന്റെ മുഖം അവൾ ശ്രദ്ധിച്ചു.
അവൻ എന്തോ പറയാൻ കാത്തിരിക്കുന്ന പോലെ.
“എന്താ?”
അവൾ ആകാംഷയോടെ കസേരയിൽ ഇരുന്നുകൊണ്ട് ചോദിച്ചു.
മനു മറുപടി പറഞ്ഞില്ല.
അവൻ തന്റെ ഫോൺ എടുത്ത് അവളുടെ നേരെ നീട്ടി.
“നോക്ക്… എയ്ഞ്ചലുമായുള്ള ചാറ്റ്.”
മെഹർ അവനെ ഒരു നിമിഷം നോക്കി.
പിന്നെ ഫോൺ കൈയിൽ എടുത്തു.
അവൾ പതുക്കെ ചാറ്റ് വായിക്കാൻ തുടങ്ങി.
ആദ്യ മെസ്സേജുകളിൽ അവളുടെ മുഖത്ത് ചെറിയൊരു പുഞ്ചിരി.
എയ്ഞ്ചലിന്റെ മടിയും, നാണവും,
അതിനിടയിൽ പെട്ടെന്ന് വരുന്ന തുറന്നുപറച്ചിലും വായിച്ചപ്പോൾ മെഹറിന്റെ ചുണ്ടിൽ നാണം കലർന്നൊരു ചിരി വിരിഞ്ഞു.
“ഇവൾ ഇങ്ങനെ സംസാരിക്കുമെന്നു ഞാൻ കരുതിയില്ല…”
ആ ചാറ്റിംഗ് വായിച്ചുകൊണ്ടിരിക്കേ തന്നെ മെഹർ പതുക്കെ പറഞ്ഞു.
മനു മിണ്ടാതെ ഇരുന്നു.
അവൾ വീണ്ടും വായിച്ചു.
ഫോട്ടോ അയച്ച ഭാഗത്ത് എത്തിയപ്പോൾ ഒന്ന് നിർത്തി.
ആ ഫോട്ടോ വീണ്ടും തുറന്ന് കുറച്ച് നേരം നോക്കി.
“ലക്ഷ്മിയെ പോലെ അല്ല…”
അവൾ പറഞ്ഞു.
“പക്ഷേ വേറൊരു ഭംഗി ഉണ്ട്. ശാന്തമായി നിൽക്കുന്നവൾ പെട്ടെന്ന് ഇങ്ങനെ ഒരു ഫോട്ടോ അയച്ചാൽ… ആരെയും ഞെട്ടിക്കും.”
മനു അവളെ നോക്കി.
മെഹർ വീണ്ടും ചാറ്റിലേക്ക് തിരിഞ്ഞു.
എയ്ഞ്ചൽ തന്റെ മനസ്സിലുള്ളത് പതിയെ തുറന്ന് പറഞ്ഞ ഭാഗങ്ങൾ വായിക്കുമ്പോൾ, അവളുടെ മുഖത്തിലെ കുസൃതി കുറച്ച് മാഞ്ഞു. അവിടെ ഗൗരവം വന്നു.
“അപ്പോൾ അവൾ അത് തുറന്നു പറഞ്ഞു അല്ലേ…”
മെഹർ ഫോൺ താഴ്ത്തി ചോദിച്ചു.
Next part yevide. Waiting aaan