ആ വരി വായിച്ചതോടെ മെഹർ ചെറുതായി ചിരിച്ചു.
“ഇവളും മോശമല്ലല്ലോ…”
മനുവിന്റെ മുഖത്തും ചിരി.
“അവൾ ശാന്തയായതുകൊണ്ട് ഒന്നും അറിയില്ലെന്ന് കരുതണ്ട.”
“അതെ. ശാന്തമായ വെള്ളത്തിലാണ് ആഴം കൂടുതൽ.”
മെഹർ വീണ്ടും ടൈപ്പ് ചെയ്തു.
മനു: അത് നടക്കില്ലെന്ന് ഞാൻ പറഞ്ഞതല്ലേ.
എയ്ഞ്ചൽ: പറഞ്ഞിട്ടുണ്ട്. പക്ഷേ അവൾ അത്ര പെട്ടെന്ന് നിർത്തില്ല സാർ.
“ഇനി എന്ത്?” മനു ചോദിച്ചു.
“ഒരു കാര്യം പറയട്ടെ.” മെഹർ മനുവിനെ നോക്കി ചോദിച്ചു
“അധികമാകരുത്.” മനു പറഞ്ഞു
“ഞാൻ നോക്കാം.”
മനു: ഒരാളുടെ മനസ് മാറ്റാൻ ഇങ്ങനെ ഗ്ലാമർ ഫോട്ടോ ഇടുന്നത് മാത്രം മതിയാകില്ലെന്ന് കൂട്ടുകാരിയോട് പറയണം.
അയച്ചു.
എയ്ഞ്ചലിന്റെ മറുപടി ഉടനെ വന്നു.
എയ്ഞ്ചൽ: പിന്നെ എന്താ ചെയ്യണ്ടേ സാർ?
മെഹർ ഒരു നിമിഷം ചിരി അടക്കി മനുവിനെ നോക്കി.
“കേട്ടോ? ഇതാ ചോദ്യം.”
മനുവും ചിരിച്ചു.
“ഇത് ലക്ഷ്മിക്കുവേണ്ടിയുള്ള ചോദ്യം ആണോ, അതോ ഇതിന്റെ ഉത്തരം എയ്ഞ്ചലിനും ആവശ്യമുണ്ടോ …”
“ഹേയ് എയ്ഞ്ചലിന് അങ്ങിനെ ഒന്നും ഇല്ലാ.”
എനിക്ക് അങ്ങിനെ തോന്നുന്നില്ല…. മെഹർ പറഞ്ഞു
മെഹർ ഫോൺ പിടിച്ച് ചുണ്ടിൽ കുസൃതിയോടെ ടൈപ്പ് ചെയ്തു.
മനു: അതും ഞാൻ പറഞ്ഞു തരണോ?
മനു ചിരിച്ചു കൊണ്ട് തലകുനിച്ചു.
“നീ ശരിക്കും കുഴപ്പത്തിലാക്കും.”
“പക്ഷേ മനുവിനും ഇത് ഇഷ്ടമാകുന്നില്ലേ”
“അത് വേറെ കാര്യം.” അവൻ ചിരിയോടെ പറഞ്ഞു
മറുപടി വന്നു.
എയ്ഞ്ചൽ: സാർ പറഞ്ഞാൽ അവളോട് പറയാം.
മെഹർ ആ വരി വായിച്ച് അല്പം ഗൗരവമായി.
“ഒന്ന് എറിഞ്ഞു നോക്കട്ടെ .”
“എന്ത് ചോദിക്കാനാണ്?”
“ലക്ഷ്മിക്ക് വേണ്ടി മാത്രമാണോ എന്ന് നോക്കാം.”
മെഹർ കുറച്ച് നേരം ചിന്തിച്ചു.
പിന്നെ ടൈപ്പ് ചെയ്തു.
മനു: ലക്ഷ്മിക്ക് വേണ്ടി മാത്രമാണോ ഇത്ര ചോദിക്കുന്നത്… അതോ……..?
മനു അവളെ നോക്കി.
“അവൾ എന്ത് മറുപടി പറയും എന്ന് നോക്കാം.”
അവൾ അയച്ചു.
ഈ പ്രാവശ്യം മറുപടി വരാൻ കുറച്ച് സമയം എടുത്തു.
സ്ക്രീനിൽ കുറച്ച് നേരം “ടൈപ്പിംഗ്…” തെളിഞ്ഞു മങ്ങി.
പിന്നെ മെസ്സേജ് വന്നു.
എയ്ഞ്ചൽ: ലക്ഷ്മിക്ക് വേണ്ടി തന്നെയാണ് ചോദിച്ചത് സാർ…
അതിനുശേഷവും അവളുടെ ടൈപ്പിംഗ് എന്ന് കാണിച്ചു.
അപ്പോൾ തന്നെ അടുത്ത മെസ്സേജ് വന്നു
എയ്ഞ്ചൽ: പിന്നെ ഉത്തരം അറിഞ്ഞാൽ എനിക്കും ഉപകാരമാകും…
ആ വരി കണ്ടതോടെ മെഹറിന്റെ കണ്ണുകൾ അല്പം വലുതായി.
മനു ഫോൺ നോക്കി ഇരുന്നു. അവന്റെ ചുണ്ടിൽ ചിരിയുണ്ടായിരുന്നു, പക്ഷേ ആ ചിരിയിൽ ചെറിയൊരു ഞെട്ടലും കലർന്നിരുന്നു.
എയ്ഞ്ചൽ ഇങ്ങനെ പറയുമെന്ന് അവൻ കരുതിയിരുന്നില്ല …
“കണ്ടോ…” മെഹർ പതുക്കെ പറഞ്ഞു.
“ഞാൻ പറഞ്ഞില്ലേ… എയ്ഞ്ചൽ വെറും മെസഞ്ചർ അല്ല.”
മനു ഒന്നും പറഞ്ഞില്ല.
മെഹർ ഫോൺ തിരികെ കൈയിൽ എടുത്തു.
“ഞാൻ ചോദിക്കട്ടെ?”
“ഇനി എന്താ ചോദിക്കാൻ പോകുന്നത്?”
“അവൾ എത്രത്തോളം പറയുമെന്ന് നോക്കട്ടെ.”
മെഹർ ടൈപ്പ് ചെയ്തു.
മനു: അതെന്താ എയ്ഞ്ചൽ…?
മറുപടി വരാൻ കുറച്ച് സമയം എടുത്തു.
എയ്ഞ്ചൽ: പക്ഷേ സാറിനോട് സംസാരിക്കുമ്പോൾ… സാർ എന്നെ ശ്രദ്ധിക്കുമ്പോൾ… എനിക്കും എന്തോ വല്ലാത്ത സന്തോഷം തോന്നാറുണ്ട്.
മെഹർ പതുക്കെ ശ്വാസം വിട്ടു.
“പാവം…” അവൾ പറഞ്ഞു.
“അത് നേരേ പറയാൻ പോലും പേടിയാണ്.”
മനു കുറച്ചു നേരം ഫോണിലെ ആ മെസ്സേജിലേക്ക് തന്നെ നോക്കി നിന്നു.
പിന്നെ മെഹറിന്റെ കൈയിൽ നിന്ന് ഫോൺ പതുക്കെ വാങ്ങി.
“ഇത് ഞാൻ തന്നെ മറുപടി പറയാം…” അവൻ പറഞ്ഞു.
മെഹർ ഒന്നും പറഞ്ഞില്ല.
അവൾ അവന്റെ വിരലുകൾ സ്ക്രീനിൽ നീങ്ങുന്നത് നോക്കി ഇരുന്നു.
മനു: എയ്ഞ്ചൽ… നീയും ചുമ്മാ ഇതിലേക്ക് എടുത്ത് ചാടരുത്.
Next part yevide. Waiting aaan