കുറച്ച് നിമിഷം മറുപടി വന്നില്ല.
പിന്നെ സ്ക്രീനിൽ ടൈപ്പ് ചെയ്യുന്നു എന്നത് തെളിഞ്ഞു.
എയ്ഞ്ചൽ: ഞാൻ ആൾറെഡി ചാടിയത് പോലെയാണ് സാർ…
ആ വരി വായിച്ചപ്പോൾ മനു ഒരു നിമിഷം നിശ്ശബ്ദമായി.
മെഹർ അവന്റെ മുഖം നോക്കി.
“കണ്ടോ…” അവൾ വീണ്ടും പതുക്കെ പറഞ്ഞു.
“ഇത് തമാശയല്ല.”
മനു മറുപടി ടൈപ്പ് ചെയ്തു.
മനു: നിന്റെ പഠനത്തെ ഇത് വല്ലാതെ ബാധിക്കും.
മറുപടി ഉടൻ വന്നു.
എയ്ഞ്ചൽ: ഇത് എന്റെ ഉള്ളിൽ തോന്നി തുടങ്ങിയതിന് ശേഷമാണ് സാർ ഞാൻ ഫിസിക്സിന് ഫുൾ മാർക്ക് വാങ്ങിയത്.
ആ വരി വായിച്ചപ്പോൾ മനുവിന്റെ ചുണ്ടിൽ ഒരു ചെറിയ ചിരി വന്നു.
അത് കണ്ട മെഹറും ചെറുതായി പുഞ്ചിരിച്ചു.
“നല്ല മറുപടി,” മെഹർ പതുക്കെ പറഞ്ഞു.
മനു അവളെ ഒന്ന് നോക്കി, പിന്നെ ടൈപ്പ് ചെയ്തു.
മനു: ഓഹോ… അപ്പോൾ ലക്ഷ്മി സ്റ്റാറ്റസ് ഇട്ട് പ്രകടിപ്പിക്കുമ്പോൾ, നീ മാർക്ക് വാങ്ങിയാണ് പ്രകടിപ്പിക്കുന്നത്?
എയ്ഞ്ചലിന്റെ ഭാഗത്ത് നിന്ന് ഒരു സ്മൈലി മാത്രം വന്നു.
എയ്ഞ്ചൽ: 😊
ആ സ്മൈലി കണ്ടപ്പോൾ മെഹർ ഒന്ന് ചിരിച്ചു.
“പാവം…
പക്ഷേ പാവം മാത്രം അല്ല.”
മനു ഫോൺ നോക്കി തന്നെ ചോദിച്ചു.
മനു: ലക്ഷ്മിക്ക് അറിയോ ഇത്?
കുറച്ച് സമയം എടുത്താണ് മറുപടി വന്നത്.
എയ്ഞ്ചൽ: ഇല്ല.
മനു: ആർദ്രയ്ക്ക്?
എയ്ഞ്ചൽ: ഇല്ല സാർ… എനിക്കല്ലാതെ ഇത് വേറേ ആർക്കും അറിയില്ല.
മുറിയിൽ വീണ്ടും ഒരു ചെറിയ നിശ്ശബ്ദം വീണു.
മനു ആ വരി വായിച്ച് കുറച്ച് നേരം മിണ്ടാതെ ഇരുന്നു.
എയ്ഞ്ചലിന്റെ ശാന്തമായ മുഖം അവന്റെ മനസ്സിലേക്ക് വന്നു,
ക്ലാസ്സിൽ ഒന്നും പ്രകടിപ്പിക്കാതെ ഇരിക്കുന്ന, പക്ഷേ ഉള്ളിൽ ഇത്രയും ഒളിപ്പിച്ചിരിക്കുന്ന ഒരു പെൺകുട്ടി.
അവൻ ടൈപ്പ് ചെയ്തു.
മനു: നിങ്ങൾക്ക് ഇതൊക്കെ കുട്ടിക്കളിയാണ്, എയ്ഞ്ചൽ… പ്രായത്തിന്റെ അറിവില്ലായ്മയിൽ തോന്നുന്ന കാര്യങ്ങൾ.
ഈ പ്രാവശ്യം മറുപടി വേഗം വന്നു.
എയ്ഞ്ചൽ: സാർ ഇത് ലക്ഷ്മിയോട് പറഞ്ഞ ഡയലോഗ് അല്ലേ?
മനു ഒന്ന് ചിരിച്ചു.
മെഹർ അവന്റെ മുഖം നോക്കി.
“എന്താ?” അവൾ ചോദിച്ചു.
അവൻ ഫോൺ മെഹറിന് കാണിച്ചു.
മെഹർ അത് വായിച്ച് ചിരി അടക്കാൻ ശ്രമിച്ചു.
മനു വീണ്ടും ടൈപ്പ് ചെയ്തു.
മനു: നിങ്ങൾ മൂന്ന് പേരും എല്ലാ കാര്യങ്ങളും ഷെയർ ചെയ്യുമല്ലേ?
എയ്ഞ്ചൽ: അതെ സാർ…
അതിനുശേഷം ഒരു ചെറിയ ഇടവേള.
എയ്ഞ്ചൽ: പക്ഷേ ഇത് ഞാൻ ആരോടും പറഞ്ഞിട്ടില്ല.
മെഹർ മനുവിന്റെ തോളിലേക്ക് ഒന്ന് ചാരി, സ്ക്രീനിലേക്ക് നോക്കി നിന്നു.
“ഞാൻ ഒരു കാര്യം ചോദിക്കട്ടെ…?”
അവൾ പതുക്കെ ചോദിച്ചു.
മനു അവളെ നോക്കി.
“എന്ത്?”
മെഹർ മറുപടി പറയാതെ ഫോണിനായി കൈ നീട്ടി.
“ഞാൻ ചോദിക്കാം…”
മനു ഫോൺ അവളുടെ കൈയിൽ കൊടുത്തു.
മെഹർ കുറച്ച് നേരം ചിന്തിച്ചു. പിന്നെ ടൈപ്പ് ചെയ്തു.
മനു: ഇങ്ങനെ രണ്ടുപേർ കൂടെ ഒരാളെ തന്നെ നോക്കുന്നത് ശരിയാണോ, എയ്ഞ്ചൽ?
മെഹർ മെസ്സേജ് അയച്ചു.
മനു അവളെ നോക്കി.
“ഇത് ഇങ്ങനെ നീട്ടികൊണ്ട് പോകേണ്ട മെഹർ?”
“അവളുടെ മനസ്സിൽ എന്താണെന്ന് അറിയണം,” മെഹർ പതുക്കെ പറഞ്ഞു.
കുറച്ച് നിമിഷങ്ങൾ കഴിഞ്ഞ് മറുപടി വന്നു.
എയ്ഞ്ചൽ: ലക്ഷ്മിക്ക് സാറിനോടുള്ളത് വേറെ തരം ഇഷ്ടമല്ലേ …
മെഹർ ആ വരി വായിച്ചതോടെ അല്പം മുന്നോട്ട് ഇരുന്നു.
അവൾക്ക് താൽപര്യം കൂടിയിരുന്നു.
മനു: വേറെ തരം എന്നാൽ ?
ഈ തവണ മറുപടി വരാൻ കുറച്ച് സമയം എടുത്തു.
എയ്ഞ്ചൽ: അവൾക്ക് സാറിനോട് ഒരു വാശി ഉണ്ട്… ഒരു ആകർഷണം. സാർ അവളെ നോക്കണം, ശ്രദ്ധിക്കണം എന്നൊക്ക,….. പിന്നെ………..
മെഹർ മനുവിന്റെ മുഖത്തേക്ക് അത്ഭുതത്തോടെ നോക്കി.
മനു ഒന്നും പറഞ്ഞില്ല.
മെഹർ വീണ്ടും ടൈപ്പ് ചെയ്തു.
മനു: അത് കിട്ടിയാലേ അവൾ ഇത് നിർത്തുകയുള്ളോ ?
Next part yevide. Waiting aaan