മകളുടെ ആ നാണവും ഭാവവും കണ്ടതും ഉമ്മയുടെ സംശയം കൗതുകമായി മാറി. ഉമ്മ കട്ടിലിലേക്ക് വന്ന് അവളുടെ അരികിലിരുന്നു. “സത്യം പറ പെണ്ണേ… ആരാ നിനക്ക് ആരും കാണാതെ ഇത്രയും വലിയൊരു പൊന്നരഞ്ഞാണം വാങ്ങിത്തന്നത്?”
ജസ്ന നാണത്തോടെ തലതാഴ്ത്തി, വിരലുകൾ പിണച്ചുകൊണ്ട് വളരെ പതിഞ്ഞ സ്വരത്തിൽ മന്ത്രിച്ചു:
“അത്… വേറെ ആര് തരാനാ ഉമ്മാ? എന്റെ ആൾ തന്നെ വാങ്ങിത്തന്നതാ!”
അവൾ മനഃപൂർവ്വം തന്നെ ‘ഷാഹിദ് ഇക്ക’ എന്ന പേര് പറഞ്ഞില്ല; പകരം ‘എന്റെ ആൾ’ എന്ന് മാത്രമാണ് പറഞ്ഞത്! അവളുടെ ഹൃദയത്തിൽ ‘എന്റെ ആൾ’ എന്നത് അപ്പോളേക്കും രോഹിതേട്ടൻ മാത്രമായിരുന്നല്ലോ!
“എനിക്ക് സർപ്രൈസ് ആയിട്ട് തന്നതാ ഉമ്മാ,” ജസ്ന കവിളിൽ വിരിഞ്ഞ കള്ളച്ചിരിയോടെ തുടർന്നു. “തറവാട്ടിൽ വെച്ച് ഉമ്മയോ സഫയോ ആരും അറിയരുതെന്നും, ഇത് ആരും കാണാതെ എപ്പോഴും എന്റെ അരക്കെട്ടിൽ തന്നെ കിടക്കണമെന്നും ഒറ്റ വാശിയാ അയാൾക്ക്! ഇതൊക്കെ പുറത്തുപറഞ്ഞാൽ എനിക്ക് നാണമാകില്ലേ എന്ന് കരുതിയാ ഞാൻ ഉമ്മയോടും പറയാതിരുന്നത്…”
ആ മറുപടി കേട്ടതും പാവം ഉമ്മയുടെ മുഖം ആയിരം സൂര്യന്മാരെപ്പോലെ വെട്ടിത്തിളങ്ങി!
തന്റെ മരുമകൻ ഷാഹിദ് കാനഡയിലേക്ക് പോകുന്നതിന്
മുൻപോ അല്ലെങ്കിൽ രഹസ്യമായോ മകൾക്ക് വേണ്ടി ലക്ഷങ്ങൾ മുടക്കി വാങ്ങിക്കൊടുത്ത പ്രണയസമ്മാനമാണ് അതെന്ന് ഉമ്മ പൂർണ്ണമായും വിശ്വസിച്ചു!
“മാഷാ അല്ലാഹ്! കണ്ടോ ചെക്കന്റെയൊരു സ്നേഹം!” ഉമ്മ സന്തോഷം കൊണ്ട് ജസ്നയുടെ താടിയിൽ പിടിച്ചു കൊഞ്ചിച്ചു. “പുറമെ വലിയ ഗൗരവക്കാരനാണെങ്കിലും എന്റെ മോൾക്ക് വേണ്ടി ആരും കാണാതെ അഞ്ചു പവന്റെ അരഞ്ഞാണമൊക്കെ വാങ്ങിത്തന്നിരിക്കുന്നു! നിങ്ങളുടെ ഈ മുഹബ്ബത്ത് എന്നും ഇതുപോലെ നിലനിർത്തട്ടെ മോളേ! ആട്ടെ… ഇതിന്റെ കൂടെ വേറെ വല്ലതും തന്നിട്ടുണ്ടോ കള്ളൻ?”
“ഇല്ല ഉമ്മാ… ഇത് മാത്രമേയുള്ളൂ!” ജസ്ന കാലിലെ വജ്രപ്പാദസരങ്ങൾ ചുരിദാറിനുള്ളിലേക്ക് ഒതുക്കിവെച്ചുകൊണ്ട് ചിരിച്ചു. ഉമ്മയുടെ കണ്ണിൽ പൊടിയിട്ടതിന്റെ ആശ്വാസവും, ഉമ്മ പോലുമറിയാതെ രോഹിത് ഏട്ടന്റെ സമ്മാനത്തിന് ഉമ്മയുടെ തന്നെ അനുഗ്രഹം വാങ്ങിയെടുത്തതിന്റെ ആ രഹസ്യ ലഹരിയും അവളെ കുളിരണിയിച്ചു!
പെട്ടി പാക്കിംഗ് എല്ലാം കഴിഞ്ഞ് അവസാനം ഉമ്മ അടുക്കളയിൽ പോയി വായു കടക്കാത്ത ഒരു സ്റ്റീൽ ടിൻ നിറയെ അന്ന് ഉച്ചയ്ക്ക് വറുത്തെടുത്ത നല്ല ചൂട് ഉന്നക്കായയും നെയ്യപ്പവും കൊണ്ടുവന്ന് ജസ്നയുടെ ഹാൻഡ്ബാഗിലേക്ക് വെച്ചുകൊടുത്തു.
“മോളേ… ഇത് നിന്റെ ബാഗിൽ തന്നെ ഇരിക്കട്ടെ. നാളെ രാവിലെ ബാംഗ്ലൂർ എയർപോർട്ടിൽ നിന്നെ കൂട്ടാൻ വരുന്ന ആ റാഹില മാഡത്തിന് ഇത് കൊടുക്കണം ട്ടോ.
കൊണ്ടോട്ടിക്കാരിയാണെങ്കിലും ബാംഗ്ലൂരിൽ നിൽക്കുന്ന കുട്ടിയല്ലേ, നമ്മുടെ മലപ്പുറത്തെ പലഹാരം കിട്ടിയാൽ അവർക്ക് വലിയ സന്തോഷമാകും!” ഉമ്മ പറഞ്ഞു.
“ശരി ഉമ്മാ… ഞാൻ എന്തായാലും കൊടുത്തോളാം,” ജസ്ന ചുണ്ടിലൂറിയ ആ കുസൃതിച്ചിരി കടിച്ചമർത്തിക്കൊണ്ട് തലയാട്ടി.
കരിഞ്ഞ ഉന്നക്കായയുടെ പേരും പറഞ്ഞ് തന്നെ കളിയാക്കിയിരുന്ന രോഹിത് ഏട്ടന്റെ ചുണ്ടുകളിലേക്കാണ് നാളെ ഈ ഉന്നക്കായകൾ പോകാൻ
പോകുന്നതെന്ന സത്യം അവളുടെ ഉള്ളിൽ മധുരമുള്ളൊരു തരിപ്പുണർത്തി!
അന്ന് രാത്രി ഒൻപതരയായപ്പോഴേക്കും താഴെ ഉപ്പയും ഉമ്മയും ഉറങ്ങാൻ കിടന്നിരുന്നു.
നാളെ രാവിലെ ആറുമണിക്ക് എയർപോർട്ടിലേക്ക് ഇറങ്ങേണ്ടതുകൊണ്ട് ജസ്ന നേരത്തെ തന്നെ മുകളിലത്തെ മുറിയിൽ കയറി വാതിലടച്ചു. ഇളം നീല നിറത്തിലുള്ള, കഴുത്ത് വരെ മൂടിയ അയഞ്ഞ ഒരു ഫുൾ-സ്ലീവ് കോട്ടൺ നൈറ്റിയും തലയിലൂടെ ഒരു ഷാളുമിട്ട് അവൾ കട്ടിലിലിരുന്നു.
രാവിലെ പതിനൊന്നു മണിയായിട്ടുണ്ടാകും ഇപ്പോൾ കാനഡയിൽ. രോഹിത് ഏട്ടനെ കാണാൻ പോകുന്നതിന് മുൻപ് ഷാഹിദിനെ ഒന്ന് വിളിച്ച് അവന്റെ മനസ്സ് നിറയ്ക്കേണ്ടത് തന്റെ കടമയാണെന്ന് അവൾക്കറിയാമായിരുന്നു. അവൾ വാട്ട്സ്ആപ്പിൽ ഷാഹിദിനെ വീഡിയോ കോൾ വിളിച്ചു.

ജസ്നയെ സ്വന്തമാക്കാൻ ഇത്രയും റിസ്ക് എടുക്കുന്ന രോഹിതും തന്റെ മനസ്സിനും ശരീരത്തിനും ഇനിയുള്ള ഏക അവകാശി രോഹിത് ആണെന്നു നിശ്ചയിച്ചുറപ്പിച്ച ജസ്നയും ഒന്നാകുമ്പോൾ ആ ബന്ധത്തിന്റെ ആധികാരികത ഉറപ്പിച്ചുകൊണ്ട് ജസ്നയെന്ന ഹൂറിയുടെ കണ്ഠത്തിൽ രോഹിത് അണിയിച്ച താലി കൂടി ഉണ്ടായിരുന്നെങ്കിൽ…
പൊന്നു ബ്രോ, മികച്ച കുടുംബ പശ്ചാത്തലത്തിലും അച്ചടക്കത്തിലും വളർന്നുവന്ന ജസ്ന രോഹിതുമായി അടുക്കുന്നത് കാമം മൂലമല്ല, അയാളുടെ ക്വാളിറ്റിയും കെയറിങ്ങും ഒക്കെ കണ്ട് ആകൃഷ്ടയായിട്ടാണ്. അങ്ങനെയുള്ള ഒരു പെൺകുട്ടിയെ നാളെകളിൽ മാർക്കിനെപ്പോലുള്ള സായിപ്പന്മാർക്കും പായ വിരിക്കുന്ന അവസ്ഥയിൽ എത്തിക്കരുതെന്നൊരു അപേക്ഷയുണ്ട്.
അതുപോലെ എയർപോർട്ടിൽ വെച്ച്കോ ഴിക്കോട്ടുകാരൻ പയ്യനെ ജസ്നയുടെ ഐഡന്റിറ്റി വെളിപ്പെടും മട്ടിൽ തുറന്നു കാണിക്കേണ്ടായിരുന്നു. നാളെകളിൽ അവളുടെ രഹസ്യബന്ധം സമൂഹം തിരിച്ചറിയാൻ അതൊരു കാരണമായേക്കാനുള്ള സാദ്ധ്യത ഇല്ലാതില്ലല്ലോ. ജസ്നയെ സംബന്ധിച്ച രഹസ്യങ്ങൾ അവളിലും അവളുടെ പുരുഷന്മാരായ ഷാഹിദിലും രോഹിതിലും മാത്രം ഒതുങ്ങുന്നതായിരിക്കും കൂടുതൽ നന്ന്.