അതുകൊണ്ട് തന്നെ അവൻ അവളെ വളരെ സൂക്ഷ്മമായി, എന്നാൽ മറ്റാർക്കും പെട്ടെന്ന് മനസ്സിലാകാത്ത രീതിയിൽ നിരീക്ഷിച്ചു. വലിയൊരു ഷാൾ
ഒന്നാകെ സൽവാറിന് മുന്നിലൂടെ മറച്ചിട്ടിരിക്കുന്നത് കാരണം ശരീരഘടന മനസ്സിലാക്കി എടുക്കാൻ ഷാഹിദിന് അത്ര പെട്ടന്ന് സാധിച്ചില്ല.
എന്നിരുന്നാലും അവൻ പ്രതീക്ഷിച്ചതിലും നല്ല ഉയരവും അതിനൊത്ത ശരീരവടിവും അവൾക്കുണ്ടായിരുന്നു. അയഞ്ഞ വസ്ത്രങ്ങൾ കൊണ്ട് ശരീരം പൂർണ്ണമായും മൂടിയതാണെങ്കിലും, അവൾ നടന്നു വരുമ്പോൾ ആ ഇളം മെറൂൺ ചുരിദാറിനുള്ളിലെ അവളുടെ ഒതുങ്ങിയ അരക്കെട്ടിന്റെയും ആകാരവടിവിന്റെയും വളരെ നേർത്ത സൂചന ഷാഹിദിന്റെ സൂക്ഷ്മ നിരീക്ഷണത്തിലൂടെ അവൻ മനസ്സിലാക്കി എടുക്കാൻ ശ്രമിച്ചു.
ഒരു തരി പോലും മേക്കപ്പില്ലാത്ത, വളരെ നാച്ചുറൽ ആയ ആ വെളുത്ത മുഖം. തിളക്കമുള്ള, കരിമഷിയെഴുതിയ വലിയ കണ്ണുകൾ. ലിപ്സ്റ്റിക് പോലും ഇട്ടിട്ടില്ലെങ്കിലും നല്ല ചുവന്ന സ്ട്രോബറി പോലെയുള്ള മാതളച്ചാർ കലർന്ന ചുണ്ടുകളും ആ തിളങ്ങുന്ന കവിളുകളും എല്ലാം ഷാഹിദ് കുറഞ്ഞ സമയം കൊണ്ട് തന്നെ
മനസ്സിലേക്ക് ഒപ്പിയെടുത്തു. അവൾ കുനിഞ്ഞ് ഓരോരുത്തർക്കായി ചായ കൊടുക്കുമ്പോൾ, മൈലാഞ്ചിയിട്ട ആ മൃദുവായ വിരലുകളും, അവളുടെ മുഖത്തെ ആ നേർത്ത, നാണം കലർന്ന പുഞ്ചിരിയും ഷാഹിദിന്റെ ഹൃദയത്തിൽ കൃത്യമായി പതിഞ്ഞു.
അവൾ നടക്കുമ്പോൾ ഉണ്ടായിരുന്ന ആ ചെറിയ കിലുക്കവും ഷാഹിദിന് വല്ലാത്ത ഇമ്പമുള്ളതായി അനുഭവപ്പെട്ടു. കാഴ്ചയിൽ ഇത്രയും നിഷ്കളങ്കയായ, ഇത്രയും സുന്ദരിയായ ഒരു പെൺകുട്ടിയെ സ്വന്തമാക്കാൻ കഴിയുന്നത് തന്റെ ജീവിതത്തിലെ വലിയൊരു ഭാഗ്യമായിരിക്കുമെന്ന് അവന് തോന്നി.
ഷാഹിദിന് മുന്നിൽ വന്ന് ചായ നീട്ടുമ്പോൾ അവളുടെ കൈകൾ ചെറുതായി വിറയ്ക്കുന്നുണ്ടായിരുന്നു. അവൾ പതിയെ കണ്ണുകൾ ഉയർത്തി അവനെ ഒന്നു നോക്കി.
പരസ്പരം കണ്ണുകൾ ഉടക്കിയ ആ ചെറിയ നിമിഷം, ഷാഹിദിന്റെ ഉള്ളിൽ ഒരു കൊടുംകാറ്റ് വീശിയടിച്ചു. അവൻ ചായ വാങ്ങുമ്പോൾ അവൻ്റെ കൈ കൊണ്ട്
അവളുടെ വിരലുകളിൽ ചെറുതായി സ്പർശിക്കണം എന്ന് അവന് മനസ്സിലുണ്ടായിരുന്നെങ്കിലും, ആ സമയം അത് പ്രാവർത്തികമാക്കാൻ അവനെക്കൊണ്ട് സാധിച്ചില്ല.
“കുട്ടികൾക്ക് പരസ്പരം എന്തെങ്കിലും സംസാരിക്കാൻ ഉണ്ടെങ്കിൽ സംസാരിക്കാം. അകത്തെ റൂമിലേക്ക് പോയ്ക്കോളൂ,” ബഷീർക്കയുടെ ശബ്ദമാണ് ഷാഹിദിനെ ചിന്തകളിൽ നിന്നുണർത്തിയത്.
ജസ്ന മുൻപേ നടന്നു. പുറകെ ഷാഹിദും. ഉള്ളിലെ ഒരു ചെറിയ മുറിയിൽ അവൾ തലകുനിച്ച് നിന്നു. ഷാഹിദ് വാതിലിനരികിൽ മാറിനിന്നു. റൂമിൽ അവർ രണ്ട് പേരും മാത്രം.
അവൾ വല്ലാതെ നാണിക്കുന്നുണ്ടായിരുന്നു. അവളുടെ ഹൃദയമിടിപ്പ് അവന് അവിടെ നിന്നാൽ കേൾക്കാമായിരുന്നു. ആ നിശബ്ദത മാറ്റാൻ ഷാഹിദ് തന്നെ ആദ്യം സംസാരിച്ചു.
“നല്ല ടെൻഷൻ ഉണ്ടെന്നു തോന്നുന്നല്ലോ. ആദ്യമായിട്ടുള്ള പെണ്ണുകാണൽ ആണോ?” ഷാഹിദ് ചിരിച്ചുകൊണ്ട് ചോദിച്ചു.
ആ ചോദ്യം കേട്ട് അവളുടെ ചുണ്ടിലൊരു ചെറിയ ചിരി വിടർന്നു. അവൾ പതിയെ തലയുയർത്തി, “ഉം…” എന്ന് മാത്രം വളരെ നേർത്ത ശബ്ദത്തിൽ മൂളി.
ആ മൂളലിലെ മധുരം പോലും അവനെ വല്ലാതെ ആകർഷിച്ചു.
“പഠിത്തം ഒക്കെ ഇപ്പോ എവിടെയെത്തി? എന്താ ഇപ്പോഴത്തെ പ്ലാൻ?” അവൻ വളരെ സ്വാഭാവികമായി ചോദിച്ചു.
“ഡിഗ്രി സെക്കൻഡ് ഇയർ (second year) ആണ് ഇപ്പോ… ഒരു വർഷം കൂടെ കോഴ്സ് ഉണ്ടാവും,” അവൾ പതിയെ പറഞ്ഞു. അവളുടെ ശബ്ദം കേൾക്കാൻ നല്ല ഇമ്പമുള്ളതായിരുന്നു.
“ഓഹോ, അപ്പൊ ഡിഗ്രി കഴിഞ്ഞിട്ട് എന്താ പരിപാടി? തുടർന്ന് പഠിക്കാനാണോ, അതോ ജോലിക്ക് പോവാനാണോ താല്പര്യം?” ഷാഹിദ് അവളുടെ ആഗ്രഹങ്ങൾ അറിയാൻ ശ്രമിച്ചു.
ജസ്ന ഒന്ന് മടിച്ചു നിന്നിട്ട്, വളരെ ബഹുമാനത്തോടെ പറഞ്ഞു, “അത്… കോഴ്സ് കഴിഞ്ഞാൽ പിന്നെ എന്തെങ്കിലും ചെറിയ ജോലിക്ക്
പോവണം ന്ന് ഉണ്ടായിരുന്നു.
വീട്ടില് വെറുതെ ഇരിക്കുന്നതിനേക്കാൾ നല്ലതല്ലേ അത്. ഒരു രണ്ടു മൂന്നു വർഷം ജോലി ചെയ്യണം ന്ന് ആഗ്രഹമുണ്ട്. പിന്നെ എനിക്ക് വലിയ കരിയർ സ്വപ്നങ്ങളൊന്നുമില്ല.