പാമ്പും കോണിയും 7

Pambum Koniyum Part 7 | Author : Sreeraj

[ Previous Part ] [ www.kambi.pw ]

ഹരിയും സൈറയും മാറി മാറി ഓടിച്ച്, സൈറയുടെ കാർ ഒരു വലിയ ഫ്ലാറ്റ് സാമൂച്ചയത്തിന്റെ പാർക്കിങ്ങിലേക്ക് ചെന്ന് നിന്നു….

തന്റെ ബാഗും, സൈറയുടെ ബാഗും എല്ലാം ചുമന്നു കൊണ്ട് ഹരി സൈറക്ക് പിന്നാലെ നടന്നു ലിഫ്റ്റിൽ കയറി….

” ആയീ……….എന്ന് നീട്ടി വിളിച്ചു കൊണ്ട്, ഹരി ബാഗ് എല്ലാം നിലത്തിട്ട് ഓടി ചെന്ന് ആയിയെ കെട്ടിപിടിച്ചു…..

ഒന്നര മാസത്തിനിപ്പുറം, അവനെ കണ്ടപ്പോൾ, ആയിക്ക് സന്തോഷം അടക്കി പിടിക്കാൻ ആയില്ല, അവൻ മാത്രം അല്ല സുരഭിയും അവനെ കെട്ടിപിടിച്ചു കൊണ്ട് നെറ്റിയിൽ ഉമ്മ വച്ചു. ഇരുവരുടെയും ആഹ്ലാദ പ്രകടനം അല്ലെങ്കിൽ റിയൂണിയൻ കണ്ട്, ഇഷ്ടപ്പെടാത്ത പോലെ നിൽക്കുന്ന സൈറയെ മുഖവിലക്ക് എടുത്തില്ല സുരഭി…………..

സൈറ ആ വലിയ ഫ്ലാറ്റിൽ ഉള്ള ഒരു മുറിയിലേക്ക് നടന്ന് പോയതും ഹരി സംശയത്തോടെ പറഞ്ഞു : കാർ ബാംഗ്ലൂർ ടച്ച് ആയതും, മാഡത്തിന് എന്തോ മാറ്റം.. വല്ല ഭൂതവും കയറിയ പോലെ… മുഖമൊക്കെ ഒരുമാതിരി സീരിയസ് ആയി…….

“അതികം വൈകാതെ എല്ലാം നിനക്ക് മനസ്സിലായിക്കോളും… ആയി മനസ്സിൽ പറഞ്ഞു കൊണ്ട് ഹരിയെ നോക്കി ചിരിച്ചു..

” വാ റൂം കാണിച്ചു തരാം.. എന്നിട്ട് ഫ്രഷ് ആയി വാ, എന്നിട്ട് കഴിക്കാം… ആയി മുന്നിൽ നടന്നപ്പോൾ, ഹരി പിന്നാലെ നടന്നു..

തന്റെ റൂം ആണ് ഇത് എന്ന് പറഞ്ഞു ആയി ചൂണ്ടി കാണിച്ച മുറിയിൽ കയറിയ അത്ഭുതപ്പെട്ടു………

ആവശ്യത്തിന് അധികം വലിപ്പം ഉള്ള, അലങ്കരിച്ച മുറി… മൂന്ന് പേർക്ക് സുഖമായി കിടക്കാൻ കഴിയുന്ന ബെഡ്.. ആ ബെഡിന് ഇടത് വശം ആയി ഒരു സ്റ്റഡി ടേബിൾ സെറ്റപ്പ്, ടേബിളിൽ ഒരു ആപ്പിൾ ലാപ്ടോപ്, ഓക്സ്ഫോർഡ് ഡിക്ഷണറിയേക്കാൾ കട്ടിയുള്ള നാലഞ്ചു പുസ്തകങ്ങളും…….

ഹരി നേരെ നടന്നത് ബെഡിന് വലത് വശത്തുള്ള ടേബിളിലേക്ക് ആണ്.. ആ ബെഡിൽ മൂന്ന് ചിത്രങ്ങൾ അടങ്ങിയ ഒരു ഫോട്ടോ സെറ്റ് ഉണ്ടായിരുന്നു… താൻ രേവതിയെ താലി ചാർത്തിയ അന്ന് സ്വന്തം ആക്കിയ നിമിഷം, താനും രേവതിയും ആദിയും കൂടെ കഴിഞ്ഞ വർഷം എടുത്ത ചിത്രം, മൂന്നാമത്തെ ആദി തനിയെ, ചിരിച്ചു ഇരിക്കുന്ന ചിത്രം… ഹരി ആ ഫ്രെയിം എടുത്ത് ചിരിയോടെ നോക്കി നിന്നു…..

പൊതുവെ ശാന്തമായ, നിശബ്ദത നിറഞ്ഞ ആ ഫ്ലാറ്റിൽ അന്ന് കല പില ആയിരുന്നു. ഹരിയുടെ തമാശ നിറഞ്ഞ സംസാരവും, ആയിയുടെ പൊട്ടിച്ചിരിയും ആ ഫ്ലാറ്റിൽ മുഴങ്ങിയപ്പോൾ, ഒന്നും മിണ്ടാതെ, സംസാരിക്കാതെ അതിൽ ഒന്നും ശ്രദ്ധ കൊടുക്കാതെ ആണ് സൈറ ഇരുന്നിരുന്നത്….

പക്ഷെ, ഹരി കൈ കൊണ്ട് കുഴച്ച് ഉരുട്ടി, ഭക്ഷണം കഴിക്കുന്നത് കൂടെ കണ്ടപ്പോൾ, സൈറ തന്റെ സ്പൂണും ഫോർക്കും പ്ലേറ്റിലെക്ക്‌ വച്ച്, ടിഷ്യു പേപ്പർ എടുത്ത്, ചുണ്ടും ചിറിയും ഒന്ന് തുടച്ചു പറഞ്ഞു : ഹരീ.. ലിസൺ, ഡയനിങ് സമയത്ത്, പാലിക്കേണ്ട ചില മര്യാദകൾ ഉണ്ട്…. അതായത്, സംസാരം കുറക്കുക , അതേ പോലെ സ്പൂൺ ആൻഡ് ഫോർക് യൂസ് ചെയ്ത് കഴിക്കുക..

വായിൽ ഉരുട്ടി കയറ്റിയ ചോറുരുള അവൻ വിഴുങ്ങി കണ്ണ് തുറിച്ചു കൊണ്ട് സൈറയെ നോക്കി…..

സൈറയെ മുഖം വീർപ്പിച്ചു ദേഷ്യത്തോടെ നോക്കി ആയി പറഞ്ഞു : ഓ പിന്നെ…. നീ കഴിക്കടാ.. അവളുടെ ഒരു സ്പൂണും ഫോർക്കും… അതൊക്ക അങ്ങ് ഓഫീസിൽ… ഞാൻ എത്ര കഷ്ടപ്പെട്ട് ആണ് ഉണ്ടാക്കിയത് അറിയുമോ…..

അതും പോരാഞ്ഞിട്ട്, എന്തോ വാശിയിൽ എന്ന പോലെ, കുറച്ചു കൂടെ ചോറും, ചിക്കൻ കറിയും ഹരിയുടെ പ്ലേറ്റിലേക്ക് ഹരി തടഞ്ഞിട്ടും ഒഴിച്ച് കൊടുത്ത് ആയി പറഞ്ഞു : ഇതും കൂടി കഴിച്ചേക്കണം… രേവതിയിൽ നിന്ന് പഠിച്ചതാ ഞാൻ.. നിനക്ക് വേണ്ടി.. വഴുത്തു അരച്ച ചിക്കൻ കറി..

” വഴുത്ത അല്ല ആയീ.. വറുത്ത…. ഹരി പൊട്ടി ചിരിച്ചു…..

ഇതൊന്നും കണ്ട് ദഹിക്കാൻ ആവാത്ത പോലെ സൈറ ഭക്ഷണം പാതി വച്ച് ദേഷ്യത്തോടെ ഇരുവരെയും നോക്കി എഴുന്നേറ്റ് പോയി……..

സൈറ പോകുന്നത് നോക്കിയ ഹരി അതിശയത്തോടെ ആയിക്ക്‌ നേരെ തിരിഞ് ചോദിച്ചു ” മാഡത്തിന്.. മാഡത്തിന് എന്താ പറ്റിയെ… ഹരി സംശയത്തോടെ ആയിയോട് ചോദിച്ചു..