ചെറു ചിരിയുമായി, സൈറയുടെ തോളിൽ കൈ വച്ച് ആയി പറഞ്ഞു : ആമീ … ഹരി… അവനെ നീ ഇങ്ങനെ ട്രെയിൻ ചെയ്യിക്കാൻ ആണ് ഉദ്ദേശിക്കുന്നത് എങ്കിൽ നടക്കില്ല.. ഞാൻ പറഞ്ഞില്ല എന്ന് വേണ്ട.. അവൻ ഇട്ടിട്ട് പോവും….
“വേറെ എങ്ങിനെ.. എനിക്ക് അറിയില്ല ആയീ… ആയീ പറ… പല്ല് കടിച്ച് നിസ്സഹായ ആയ പോലെ സൈറ ചോദിച്ചു…
” അതിനല്ലേ ഞാൻ ഉള്ളത്….. പറഞ്ഞു തരാം… ധൃതി പിടിക്കല്ലേ … കേട്ടോ…..
ആയിയുടെ ചിരിച്ചു കൊണ്ടുള്ള, കോൺഫിഡൻസോടെ ഉള്ള മറുപടി.. സൈറ ചിരിച്ചു കൊണ്ട് ആയിയുടെ തോളിലേക്ക് ചായുമ്പോൾ ആണ്, ഫോണിൽ രേവതിയുടെ മെസ്സേജ്…
” ചേച്ചി… ഹരി വിളിച്ചു പറയുന്നു, നാളെ നാട്ടിലേക്ക് വരാണ് എന്ന്.. ഒരുവിധം പറഞ്ഞു നിർത്തിയിട്ടുണ്ട്”….
സൈറ കണ്ണ് തുറിച്ചു കൊണ്ട് മെസ്സേജ് ആയിയെ കാണിച്ചപ്പോൾ, ആയി പറഞ്ഞു : ഇപ്പോൾ എങ്ങിനെ ഉണ്ട്… ഞാൻ പറഞ്ഞില്ലേ……..
സൈറ തിരികെ ടൈപ്പ് ചെയ്തു : രേവതീ… ഇതൊക്കെ ഞാൻ ആദ്യമേ പറഞ്ഞതാണ്…. എനിക്ക് നിന്റെ.. നിന്റെ മാത്രം അല്ല നിങ്ങളുടെ എല്ലാരുടെയും സപ്പോർട് കൂടിയേ തീരു അവന്റെ കാര്യത്തിൽ…
” മ്മ്മ്മ്… ഞാൻ നോക്കിക്കൊണ്ട് ചേച്ചി……. രേവതിയുടെ തിരികെ ഉള്ള മറുപടി വന്നു..
ആ മെസേജ് നോക്കിയ ശേഷം മലയാളം വായിക്കാൻ അറിയാത്ത ആയിക്ക് അർത്ഥം പറഞ്ഞു കൊടുത്ത് സൈറയും ആയിയും മുഖത്തോട് മുഖം നോക്കി ചിരിച്ചു…..
ബാക്ക് സ്റ്റോറി… .
ഹരിയെ പിക്ക് ചെയ്യാൻ എന്ന പേരിൽ, സൈറ നാട്ടിലെത്തിയത്, രേവതിയെ മാത്രം അല്ല, അവന്റെ അച്ഛനെ കൂടെ കാണാൻ ആയിരുന്നു……
” ഹരിക്ക് കുറച്ച് മാത്രം അറിയാവുന്ന, നീ ഇത് വരെ കണ്ടിട്ടില്ലാത്ത ഒരു സൈറ ഉണ്ട്… ആ സൈറയെ ആയിരിക്കും ഹരിക്ക് അവിടെ ഫേസ് ചെയ്യേണ്ടി വരുക….
ഞാൻ കഷ്ടപ്പെടുത്തും, ഒരു സംശയവും വേണ്ട… നല്ല രീതിയിൽ തന്നെ കഷ്ടപ്പെടുത്തും.. പക്ഷെ അവന് ഒരു കുറവും ഉണ്ടാവില്ല അവിടെ, അത് എന്റെ വാക്കാണ്….
എനിക്ക് വേണ്ടത് നിങ്ങളുടെ സപ്പോർട് ആണ്… കാരണം അവന്റെ ബാക്ക് ബോൺ എന്ന് പറയുന്നത് നിങ്ങൾ ആണ്…. നിങ്ങൾ എന്നെ ബാക്ക് ചെയ്താൽ മാത്രമേ, എനിക്ക് ജയിക്കാൻ ആവൂ… ഐ പ്രോമിസ്… ഹരി.. അവൻ.. അവന് എത്താൻ പറ്റുന്ന ഉയരങ്ങളിൽ ഞാൻ എത്തിചിരിക്കും …
ഈ ഡയലോഗ്, സൈറ രേവതിയോട് അവളുടെ അമ്മയുടെയും അനിയത്തിയുടെയും മുന്നിൽ വച്ച് പറഞ്ഞത് ആണെങ്കിൽ, അൽപം മാറ്റി, അച്ഛന്റെ സമ്മതം വാങ്ങാൻ എന്ന രീതിയിൽ ആണ് സൈറ ഇത് പറഞ്ഞത്…..
ഹരിയുമായി നാട്ടിൽ നിന്ന് യാത്ര തിരിക്കുന്നതിനു മുൻപ്, ഹരിയുടെ വീട്ടുകാരുടെ പിന്തുണ ഉറപ്പാക്കി കഴിഞ്ഞിരുന്നു സൈറ….
……………………………………………………………..
വർക്ക് ഔട്ട് ഡ്രെസ്സും ഇട്ട് തന്റെ റൂമിൽ നിന്നും പുറത്തേക്ക് ഇറങ്ങി വന്ന സൈറ കാണുന്നത്, ഒരു ട്രാക്ക് പാന്റും കഴുത്തില്ലാത്ത ടി ഷർട്ടും ഇട്ട് സോഫയിൽ ഇരുന്ന് ഉറക്കം തൂങ്ങുന്ന ഹരിയെ ആണ്…അല്ലെങ്കിൽ അലാറം വച്ച് എഴുന്നേറ്റ് സൈറ പുറത്ത് ഇറങ്ങി വരാൻ വേണ്ടി കാത്തിരുന്ന ഹരി… സൈറ അത്ഭുതപ്പെട്ടപ്പോൾ ആയി സൈറയെ നോക്കി ചിരിച്ചു….
” ഹരീ….. ടാ ഹരീ…. പോവാം…. സൈറ കുറച്ചു ഉറക്കെ വിളിക്കേണ്ടി വന്നു പാതി മയക്കത്തിൽ ഉള്ള അവനെ എഴുന്നേൽപ്പിക്കാൻ…
” മോർണിങ് മാം “… ഹരി അടഞ്ഞു കൊണ്ടിരുന്ന കണ്ണുകൾ വിടർത്തി പിടിച്ചു പറഞ്ഞു…
ഇറങ്ങാൻ, അല്ലെങ്കിൽ ഫ്ലാറ്റ് വിട്ട് ഇറങ്ങാൻ നേരം, ഹരി മുഖം ചുളിച്ചു കൊണ്ട് സൈറയോട് പറഞ്ഞു : മാം.. ഫൈവ് മിനിട്സ്..
കാരണം പോലും പറയാതെ അവൻ ഓടിയത് കക്കൂസിലേക്ക് ആയിരുന്നു…
……………………………………………………………
ഹരിയുടെ ട്രെയിനിങ് ദിവസങ്ങൾ തുടങ്ങുകയായിരുന്നു… ആ ഫ്ലാറ്റിന് പുറത്ത്, ഇംഗ്ലീഷിൽ മാത്രം സംസാരം, മാർക്കറ്റിങ്ങിലെ അഡ്വാൻസ് ടാറ്റിക്ടസ്, അതിനെ പറ്റി ഉള്ള ബുക്കുകൾ, നോട്ടുകൾ, ഇരുപത്തി എട്ടാം വയസ്സിൽ ഹരി ഒരു സ്റ്റുഡന്റ് ആയി മാറുമ്പോൾ ടീച്ചർ അല്ലെങ്കിൽ പ്രൊഫസർ ആയി മാറുകയായിരുന്നു സൈറ അവന്റെ മുൻപിൽ………
അത് മാത്രം ആയിരുന്നില്ല, പുതിയ വില കൂടിയ ബ്രാൻഡഡ് എക്സിക്യൂട്ടീവ് വസ്ത്രങ്ങളും, ഒന്ന് രണ്ട് പെയർ കോട്ടും സൂട്ടും, വില കൂടിയ വാച്ചും, എല്ലാറ്റിനും പുറമെ കുറച്ചു മേക്കപ്പ് ജോബും കൂടെ ആയപ്പോൾ, ഹരി താൻ അറിയാതെ തന്നെ തന്റെ രൂപ മാറ്റം തുടങ്ങുകയായിരുന്നു… എല്ലാം സൈറയുടെ നിർദേശ പ്രകാരം, അവൾ മനസ്സിൽ കണ്ട് വച്ച പോലെ…..