“എന്തു സ്വപ്നം?” ജിജ്ഞാസയോടെ ഞാൻ തിരക്കി.
“ഞാൻ മൂടിയിരുന്ന കമ്പിളി നീ വലിച്ചു താഴ്ത്തി. എന്നിട്ട് കുറച്ചു മുന്നേ ചെയ്തത് പോലെ എന്റെ കവിളിൽ നി കുത്തി നോക്കി.” അഞ്ചന ചേച്ചി എന്റെ മുഖത്ത് സൂക്ഷ്മമായി നിരീക്ഷിച്ചു കൊണ്ടാണ് അത്രയും പറഞ്ഞത്.
അതുകേട്ട് ഞാനൊന്ന് വിരണ്ടു. എന്നിട്ട് കള്ളനെ പോലെ തല താഴ്ത്തി.
“അത് ചേച്ചി… ഞാൻ അറിയാതെ… ചേച്ചിയെ കണ്ടപ്പോ… ഞാൻ.. പിന്നെ—”
പെട്ടന്നുയർന്ന അഞ്ചന ചേച്ചിയുടെ പൊട്ടിച്ചിരി എന്നെ ഞെട്ടിച്ചു. ഞാൻ ചേച്ചിയെ മിഴിച്ചു നോക്കി.
“പേടിച്ചു പോയോ? അത് സാരമില്ല.” അത്രയും പറഞ്ഞിട്ട് എന്റെ കവിളിൽ ചേച്ചി വിരൽ കൊണ്ട് മെല്ലെ കുത്തി, ഞാൻ ചെയ്തത് പോലെ.
ഞാൻ ശ്വാസം പിടിച്ചു നില്‍ക്കുകയായിരുന്നു. ചേച്ചിയുടെ വിരൽ എന്റെ കവിളിൽ തൊട്ടതും ചെറുതായി ഞാൻ വിറച്ചു. ചേച്ചി പെട്ടന്ന് കൈ മാറ്റി.
എന്റെ നിരാശ ഒളിപ്പിച്ചു കൊണ്ട് ഞാൻ പുതിയ സിം എടുത്ത് അവള്‍ക്ക് കൊടുത്തു.
“ചേട്ടൻ വാങ്ങി തന്നു വിട്ടതാണോ?” എന്റെ കൈയിൽ നിന്നും സിം വാങ്ങി കൊണ്ട് ചേച്ചി ചോദിച്ചു.
ഞാൻ വാങ്ങിയെന്ന് പറഞ്ഞതും ചേച്ചിയുടെ മുഖം വാടി.
ചേച്ചി വരുന്ന കാര്യം അറിഞ്ഞിട്ടും ഒരു സിം പോലും അയാൾ മുന്‍കൂട്ടി വാങ്ങി വച്ചില്ല എന്ന പരിഭവം ആയിരിക്കും.
“ചേച്ചി, നമുക്ക് ഫുഡ് ഓഡർ ചെയ്താലോ?” ചേച്ചിയുടെ ചിന്ത മാറ്റാൻ ഞാൻ ചോദിച്ചു. “അതോ ഹോട്ടലിൽ പോയി കഴിക്കണോ?”
ഉടനെ ചേച്ചിയുടെ ആ പുഞ്ചിരി പിന്നെയും ചുണ്ടില്‍ പ്രത്യക്ഷപ്പെട്ടു.
“പുറത്തു പോയി കഴിക്കാം, വിക്രം. എനിക്ക് ശുദ്ധ വായു ശ്വസിക്കാം, പിന്നേ ഇവിടെയൊക്കെ നോക്കി കാണാലോ” അത്രയും പറഞ്ഞ ശേഷം എന്തോ ഓര്‍ത്ത പോലെ ചേച്ചിയുടെ മുഖം മാറി, “പക്ഷേ വിക്രം, ചേട്ടൻ കാശൊന്നും തരാതെയ പോയത്..!”
ചില കാര്യങ്ങളില്‍ പ്രഷോബ് ചേട്ടനെ എനിക്ക് ഇഷ്ട്ടമില്ലെങ്കിലും ഇപ്പോൾ അയാളെ കുറ്റക്കാരനാക്കാൻ മനസ് വന്നില്ല.
“ചേച്ചി ഉറങ്ങി കിടന്നത് കൊണ്ട് പ്രഷോബ് ചേട്ടൻ കാശ് എന്നെ ഏല്പിച്ചിട്ട പോയത്.” അർദ്ധസത്യം ഞാൻ പറഞ്ഞു.
കാശ് കൊടുക്കാന്‍ നേരിട്ട് പറഞ്ഞില്ല എങ്കിലും, ചേച്ചിയുടെ എല്ലാ കാര്യവും നോക്കാൻ പറഞ്ഞിരുന്നു. അപ്പോ ചേച്ചിക്ക് കാശ് വേണമെങ്കിൽ അത് ചേച്ചിയുടെ ആവശ്യമായി തന്നെ കരുതണം.
അതുകേട്ട് ചേച്ചി എന്റെ മുഖത്തേക്ക് സംശയത്തോടെ നോക്കി.
“സത്യമാണ് ചേച്ചി, ചേട്ടൻ എന്നെ ഏല്പിച്ചിരുന്നു.” ഞാൻ വേഗം എന്റെ പേഴ്സിൽ നിന്നും 500 ദിർഹംസ് എടുത്തു നീട്ടി.
പക്ഷേ അപ്പോഴും അവൾ എന്നെ സംശയത്തോടെ നോക്കുകയായിരുന്നു.
“വേണമെങ്കിൽ ചേട്ടനോട് വിളിച്ചു ചോദിക്ക്.” അതും പറഞ്ഞ്‌ എന്റെ ഫോൺ ഞാൻ നീട്ടി.
ഉടനെ തലയാട്ടി കൊണ്ട് അവൾ കാശ് വാങ്ങി.
“അപ്പോ ചേച്ചിക്ക് സാലറി കിട്ടിയ സ്ഥിതിക്ക് ഇന്ന്‌ ചേച്ചി എനിക്ക് ചെലവ് ചെയ്യുന്നു.” ഞാൻ വിളിച്ചു കൂവി.
ഉടനെ ചേച്ചി പൊട്ടിച്ചിരിച്ചു.
“എന്റെ വിക്രം, നീ രസകരമായ ഒരു ക്യാരക്ടര്‍ ആണ്.” പിന്നെയും ചിരിച്ച ശേഷം ചേച്ചി ചോദിച്ചു, “പുറത്ത്‌ പോകാൻ എനിക്ക് ഈ ഡ്രസ് മതിയോ, വിക്രം? അതോ വേറെ മാറണോ?”
ചേച്ചി ടോപ്പിന്‍റെ രണ്ട് വശവും രണ്ട് വശത്തേക്ക് വലിച്ച്പിടിച്ചു കൊണ്ട് ആദ്യം ഒരു സൈഡും പിന്നേ അടുത്ത സൈഡും ശരീരത്തിന്‍റെ പകുതി മാത്രം രണ്ട് വശത്തേക്കും തിരിച്ച് കാണിച്ചു.
കാല്‍ മുട്ട് അല്‍പ്പം മടക്കി ടോപ്പ് വലിച്ച്പിടിച്ചു കൊണ്ട് അങ്ങോട്ടും ഇങ്ങോട്ടും തിരിഞ്ഞപ്പോ ചേച്ചി ഡാൻസ് കളിക്കും പോലെയാണ് തോന്നിയത്‌. കാണാന്‍ നല്ല ഭംഗി ഉണ്ടായിരുന്നു. അതൊരു മാസ്മരികമായിരുന്നു.
അന്നേരം എന്റെ ഹൃദയം എനിക്ക് പൂര്‍ണമായി നഷ്ടപ്പെട്ടു. ചേച്ചിയുടെ കണ്ണുകളില്‍ ഇപ്പോൾ ഞാൻ കാണുന്ന ആ നിഷ്കളങ്കമായ സന്തോഷം എപ്പോഴും നിലനില്‍ക്കണം എന്ന് ഞാൻ ആഗ്രഹിച്ചു. ഏറിയ നേരവും ആ ചുണ്ടില്‍ തങ്ങി നില്‍ക്കുന്ന ആ മായ പുഞ്ചിരി എപ്പോഴും ഉണ്ടാവണം.
‘എന്റെ വിക്രം’ എന്ന് ചേച്ചി വിളിച്ചത് പിന്നെയും പിന്നെയും എന്റെ ഹൃദയത്തിൽ മുഴങ്ങി. ശരിയാണ്‌, ഞാൻ ചേച്ചിയുടെ വിക്രം തന്നെയാണ്.
ചേച്ചി ഇപ്പോഴും ടോപ്പ് അതുപോലെ പിടിച്ചുകൊണ്ട് എന്റെ ഇത്തരം കേള്‍ക്കാന്‍ പ്രതീക്ഷയോടെ എന്റെ കണ്ണില്‍ നോക്കുകയായിരുന്നു. പക്ഷേ മതിമറന്ന് നിന്ന എന്റെ വായിലൂടെ എന്റെ ഹൃദ്യമാണ് സംസാരിച്ചത് –
“ഏതു ഡ്രസ് ഇട്ടാലും ചേച്ചിക്ക് ചേരും. എന്ത്‌ ഇട്ടാലും ചേച്ചി എന്റെ സുന്ദരിയ, ആദ്യമായി ഫോണിലൂടെ കണ്ടതു തൊട്ടേ ചേച്ചിയെ സ്വന്തമാക്കാൻ എനിക്ക് ആഗ്രഹം തോന്നിയിരുന്നു. അഞ്ചന ചേച്ചിയെ എനിക്ക് ഒത്തിരി ഇഷ്ട്ടമാണ്. അഞ്ചന ചേച്ചിയെ എന്റെ ഹൃദയത്തിൽ ചേര്‍ത്ത് നമ്മുടെ ഹൃദയത്തെ ഒറ്റ ഹൃദയമായി മാറ്റിക്കോട്ടേ?” ഒരു പൊട്ട കവിത പോലെ ഞാൻ ചൊല്ലി.
(തുടരും)
