“ഓഹ്, ഞാന് മറന്നു. ഇപ്പൊ ചെയ്തു തരാം.” ഉത്സാഹമില്ലാതെ ഞാൻ പറഞ്ഞു.
എന്റെ നിരുത്സാഹം ശ്രദ്ധിച്ച മറിയ ചോദ്യ ഭാവത്തില് പുരികമുയർത്തി.
ഒന്നുമില്ലെന്ന് ചുമല് കുലുക്കി കാണിച്ച ഞാൻ ടേബിളില് നിരത്തി വച്ചിരുന്ന എല്ലാ ചെക്കും പരിശോധിച്ച ശേഷം ഞാൻ ഒപ്പിട്ടു കൊടുത്തു.
അതെല്ലാം കളക്റ്റ് ചെയ്ത ശേഷം മറിയ ഓഫീസ് ബോയ്നെ വിളിച്ച് അതിനെ അക്കൗണ്ട്സിൽ കൊടുക്കാൻ ഏല്പിച്ചു.
ഓഫീസ് ബോയ് പോയ ശേഷം അവള് ചോദിച്ചു, “സർ, മീറ്റിംഗിന് വേണ്ടി എത്ര മണിക്കാണ് ഇവിടെ നിന്ന് നമ്മൾ ഇറങ്ങേണ്ടത്?”
“8:15ന് നമുക്കിറങ്ങാം, മറിയ. 35 മിനിറ്റ് ട്രാവല് ചെയ്യേണ്ടതുണ്ട്.” ഞാൻ അറിയിച്ചു.
“ഇനിയും 20 മിനിറ്റ് സമയമുണ്ടല്ലൊ, അപ്പോ ഫാബ്രികേഷൻ യാര്ഡിലേക്ക് നമുക്ക് പോയാലോ?” മറിയ ചോദിച്ചതും ഞാൻ സമ്മതിച്ചു.
“മറിയ ഇവിടെ വെയിറ്റ് ചെയ്താൽ മതി, ഞാൻ പോയിട്ട് വരാം.”
“ശരി സർ.” എന്റെ തീരുമാനം ഇഷ്ട്ടപ്പെടാത്ത പോലെ മറിയ മുഖം ചുളിച്ചു.
എന്റെ കാറിൽ 3 മിനിറ്റ് കൊണ്ട് ഞാൻ യാര്ഡ് ഓഫീസിൽ എത്തി. എന്നെ കണ്ടതും യാര്ഡ് മാനേജർ, റിസ്വാൻ, എഴുനേറ്റ് വിഷ് ചെയ്തു.
“ഇവിടെ ഇരിക്കൂ സർ.” ഓഫിസിലെ അയാളുടെ കസേരയെ ചൂണ്ടി കാണിച്ചു കൊണ്ട് റിസ്വാൻ പറഞ്ഞതും ഞാൻ നിരസിച്ചു.
“ഇത്ര വേഗം ആ സ്ഥാനം മടുത്തോ, റിസ്വാൻ?” ഗൗരവത്തിൽ ആ പാക്കിസ്ഥാനിയോട് ചോദിച്ചു കൊണ്ട് ഞാൻ അയാള്ക്ക് എതിരെയുള്ള കസേരയില് ഇരുന്നു.
“ഇല്ല സർ!” അവന് അല്പ്പം ടെൻഷനിൽ പറഞ്ഞിട്ട് മെല്ലെ ഇരുന്നു.
“ശരി, പറയൂ റിസ്വാൻ, എന്തൊക്കെയാണ് നിങ്ങള്ക്ക് പറയാനുള്ളത്?”
“സർ, സർ ആവശ്യപ്പെട്ട പോലെ ഞാൻ എല്ലാം പരിശോധിച്ചു. യാര്ഡ് ജോലിക്കാരെ ഓരോ സെക്ഷനില് വിട്ട് എല്ലാത്തിന്റെയും ഡീറ്റെയിൽസ് എടുത്തിട്ടുണ്ട്.
നമ്മുടെ സിസ്റ്റത്തിലെ സ്റ്റോറേജ് ഡീറ്റെയിൽസും യഥാര്ത്ഥ ഡീറ്റെയിൽസും തമ്മില് മാച്ച് ആവുന്നില്ല, സിസ്റ്റത്തിൽ കാണിക്കുന്ന ഒരുപാട് സാധനങ്ങൾ യാര്ഡിൽ ഇല്ല. അതുകൊണ്ട് സിസ്റ്റത്തിലെ ഡീറ്റെയിൽസ് അടിസ്ഥാനമാക്കി പുതിയ പ്രോജക്റ്റിന് മെറ്റീരിയൽ എസ്റ്റിമേറ്റ് ചെയ്യാൻ കഴിയില്ല, സർ.”
അതുകേട്ട് എന്റെ തല ചൂടായി. ഇതിന് മുന്പ് ഇവിടെ ഉണ്ടായിരുന്നു മലയാളിയായ യാര്ഡ് മാനേജര് ഗോപിയോട് എനിക്ക് കടുത്ത ദേഷ്യവും വെറുപ്പും തോന്നി. ആ കള്ളന് ഇവിടെ യാര്ഡില് നിന്നും കുറഞ്ഞത് രണ്ട് ലക്ഷം ദിർഹംസിന്റെ സാധനങ്ങളാണ് കട്ടു വിറ്റത്.
അവസാനം, അന്ന് യാര്ഡ് സൂപ്പർവൈസർ ആയിരുന്ന റിസ്വാൻ ആണ് അയാളുടെ കള്ളത്തരം കണ്ടുപിടിച്ച് മറിയയെ അറിയിച്ചത്.
അയാളെ പൊലീസില് കൊടുക്കാൻ മറിയ നിര്ബന്ധിച്ചു വെങ്കിലും ഞാൻ ചെയ്തില്ല. അയാളുടെ ഭാര്യയും മക്കളെയും ഞാൻ കണ്ടിട്ടുള്ളത് കൊണ്ട് പൊലീസില് പരാതിപ്പെടാൻ മനസ്സ് വന്നില്ല. പകരം വിസ റദ്ദാക്കി, രണ്ട് വര്ഷത്തേക്ക് നോ എന്ട്രിയും അടിച്ചാണ് നാട്ടിലേക്ക് കേറ്റി വിട്ടത്. ഒപ്പം റിസ്വാനെ മാനേജര് സ്ഥാനത്തേക്ക് പ്രമോട്ടും ചെയ്തു.
ആ കള്ളനെ ജയിലില് കേറ്റിയെങ്കിൽ മതിയായിരുന്നു എന്ന് ഇപ്പൊ തോന്നി പോയി.
“ശരി റിസ്വാൻ, ഇവിടെയുള്ള എല്ലാം മെറ്റീരിയൽസും സെഗ്രിഗേറ്റ് ചെയ്ത് അതാത് സ്ഥലങ്ങളില് സ്റ്റോർ ചെയ്യണം, അത് കഴിഞ്ഞു എല്ലാത്തിന്റെയും ആക്ച്വൽ ഡീറ്റെയിൽസ് എടുത്ത് സിസ്റ്റത്തിൽ സേവ് ചെയ്തിട്ട് ഒരു സോഫ്റ്റ് കോപ്പി എനിക്ക് മെയിൽ ചെയ്യൂ.”
“ശരി സർ, ഞാൻ ചെയ്യാം.” റിസ്വാൻ ഉടനെ സമ്മതിച്ചു. “പിന്നേ സർ, ഇവിടെ നിന്ന് ചില പവർ ടൂള്സ് പോലും ഗോപി കട്ട് വിറ്റിരിക്കുന്നു. അതുകാരണം ഇപ്പോൾ ചില വർക്ക്സ് പെൻഡിങ് ആയി കിടക്കുന്നു, കഴിയുന്നതും വേഗം പുതിയ പവർ ടൂള്സ് വാങ്ങി തന്നാല് മാത്രമേ ആ പ്രശ്നങ്ങൾ തീരൂ.”
അത് കേട്ട് എനിക്ക് ശെരിക്കും പ്രെഷർ കേറി, എന്റെ പല്ല് കടിച്ച് ഞെരിച്ചില്ലായിരുന്നെങ്കിൽ ഞാൻ ദേഷ്യത്തില് അലറി പോകുമായിരുന്നു.