“”””കോഴിക്കോട് എത്തിയപ്പോൾ എൻ്റെ സമയം ശരിയായെന്ന് തോന്നുന്നു”””…. ദൈവത്തെ വിളിച്ചാൽ പുള്ളി പെട്ടെന്ന് തന്നെ വിളികേൾക്കുന്നു….
എണാകുളത്തായിരുന്നപ്പോൾ ദൈവത്തോട് എന്തെങ്കിലും അപേക്ഷിച്ചാൽ “””പണ്ടത്തെ സാംസങ് ഫോണിൽ ഐഡിയയുടെ നെറ്റ് കണക്ഷൻ ഉപയോഗിക്കും””” പോലായിരുന്നു…..
“”’ഒടുക്കത്തെ ഹാങ്”’ ”
അതിൻ്റെ ഫലമായ് ഒരുപാട് അനുഭവിക്കേണ്ടി വന്നിട്ടുണ്ട്…..
അല്ല ഞാനിതാരോടാ പറയുന്നത് ???? എറണാകുളത്തെ എൻ്റെ അവസ്ഥ എന്തായിരുന്നൂന്ന് അറിയാവുന്ന നിങ്ങളോടോ???……
എനിക്ക് നന്നായ് വിശക്കുന്നുണ്ട് ….. എവിടേലും ഒരു ചായക്കട കണ്ടിരുന്നെങ്കിൽ…
ആഹാ…. പറഞ്ഞ് തീർന്നില്ല ദാണ്ട മുന്നിൽ “”ആദാമിൻ്റെ ചായക്കട””
എന്നാപ്പിന്നെ ആദാമിക്കയെ ഒന്ന് കണ്ട് കളയാം…..
ഹലോ ഇക്കാ…. എന്താ കഴിക്കാനുള്ളത്…
””’കയ്ക്കാൻ ….വെള്ളേപ്പം, നൂൽപ്പുട്ട്, അരിപ്പത്തിരി, വട്ടേപ്പം, ദോശ, പുട്ട്,””
””കറി, ബീഫ്കറി, ചിക്കൻകറി , മുട്ടക്കറി, വെജിറ്റബിൾ കുറുമ”’…
”’മോനെന്താ വേണ്ടേ””????
ഈശ്വരാ… ഇതിപ്പോൾ കൺഫ്യൂഷനായല്ലോ??? എന്ത് കഴിക്കും????
മോനേ നല്ല കാന്താരി ചമ്മന്തിയും കപ്പപ്പുഴുക്കും കുത്തരിക്കഞ്ഞിയുമുണ്ട്
… എന്താ ഒരു പാത്രമെടുക്കട്ടെ….
ഹാ…. അതിങ്ങ് പോരട്ടേക്കാ…..
ഹസീബേ… ഓന് ഒരു പാത്രം കഞ്ഞി ഇങ്ങെടുത്തേ….
പിന്നെ മ്മടെ പെശ്യൽ ””സുലൈമാനിയും””…
അയ്യോ ഇക്കാ…. സുലൈമാനിയൊന്നും വേണ്ട “കഞ്ഞി മാത്രം മതി” അതുമല്ല കഞ്ഞിയുടെ കൂടെ എങ്ങനാ സുലൈമാനിയൊക്കെ ???
അയിനെന്താ മോനേ… ഈയ് കഞ്ഞി കയ്ച്ച് കയ്ഞ്ഞിട്ട് കുടിച്ചാമതീന്നേ…. ””ഇക്കടയിൽ ഭക്ഷണം കയ്ക്കാൻ വരുന്ന എല്ലാരിക്കും ആദാമിക്ക സ്നേഹത്തോടെ തരുന്നതാണ് സുലൈമാനി”’….
അയ്ന് പൈശേന്നും വേണ്ടാന്നേ…..
ഇന്നാട്ടുകാർ വീണ്ടും വീണ്ടും എന്നെ ഞെട്ടിക്കുകയാണല്ലോ!!!! അല്ല ഇവരെന്താ ഇങ്ങനെ…. ”’എല്ലാരോടും സ്നേഹം മാത്രം”’….
ദാ മോനേ കഞ്ഞി….. ഹസീബ് കഞ്ഞിയുമായ് എത്തി …..
ഹൊ!!! ഇതെന്തൊക്കെയാ എൻ്റീശ്വരാ…..
””കഞ്ഞി കപ്പപ്പുഴുക്ക് കാന്താരിച്ചമ്മന്തി തേങ്ങാച്ചമ്മന്തി പയറ്തോരൻ നാരങ്ങ അച്ചാർ പപ്പടം കൂടെ മത്തി വറുത്തതും””…..
ആഹാ!!! അന്തസ്സ്…..
മോനേ ഈടെ മുമ്പൊന്നും കണ്ടിട്ടില്ലാലോ???
ഞാനിവിടെ ആദ്യാ… ജനിച്ചതും വളർന്നതും എറണാകുളത്താ….
ഇന്നലെയാ ഇവിടെ എത്തിയത് ഇനി മുതൽ ഇവിടെയാ…
ഇവിടേന്ന് പറയുമ്പോൾ…. മോനേടുത്തെയാ???എന്താ മോൻ്റെ പേര്???….
ഞാനിവിടെ ””കാവുമ്പാട്ടെ വിശ്വനാഥമേനോൻ്റെ കൊച്ചുമോനാ””
പേര് അമൽ ….
അള്ളാ…. മ്മടെ വിശ്വേട്ടൻ്റെ കൊച്ചുമോനോ… അതായതുമ്മടെ കല്യാണിക്കുട്ടീടെ മോൻ .അല്ലെ….
അതെ…
എൻ്റെ മോനേ ഞമ്മക്കാളെ മനശിലായില്ലാട്ടാ…. ”വിശ്വേട്ടൻ ൻ്റെ ചങ്ങായിയാണ്”….
എല്ലാ ദിവസവും മൂപ്പരിവിടെ വരുവായിരുന്നു…. ഇബിടുന്ന് പോണന്നും എന്റടുത്ത് വന്നാരുന്നു….
പാവം…
“”എന്ത് പറയാനാ മനുശമ്മാരുടെ ഒരോ തോന്നലല്ലേ ന്റെ റബ്ബേ””…..
ആ… എന്നാല് മോൻ കയ്ക്ക്…
ശരി ഇക്കാ…
കഞ്ഞി കുടിയും കഴിഞ്ഞ് കാശും നൽകി…
മോശം പറയാനില്ല ”’നല്ലടിപൊളി ഫുഡ്”’ …. ആദാമിക്കയോട് ഇനിയും കാണാമെന്ന വാക്കിൻമ്മേൽ അവിടെ നിന്നും ബസ് സ്റ്റോപ്പിലേക്ക് യാത്രയായ്….
സമയം 8.45 ആയിരിക്കുന്നു…. ബസ് കാത്തു നിൽക്കുമ്പോൾ ദാണ്ട വരുന്നു മ്മടെ “SANA” (കോഴിക്കോട് കണ്ണൂർ ലിമിറ്റഡ് സ്റ്റോപ്പ് ) ഒന്നും നോക്കിയില്ല SANA ക്ക് കയ്കാട്ടി…
ഡ്രൈവർ ബ്രോ ബ്രേക്കും അപ്ലൈ ചെയ്തു….. പിൻവാതിലിലൂടെ അകത്തേക്ക് കയറി സീറ്റൊന്നും ഒഴിവില്ല കോഴിക്കോടിന് ടിക്കറ്റ് എടുത്ത് കമ്പീമ്മേൽ പിടിച്ച് നിൽക്കുമ്പോൾ മ്മടെ ഡ്രൈവർ ബ്രോ സനയിൽ പാട്ടങ്ങ് വെച്ചു….
അതും ””മാപ്പിളപ്പാട്ടിലെ മഹാകവി മ്മടെ മോയിൻകുട്ടി വൈദ്യരെഴുതിയ”’ പാട്ട് , “ആദിഫ് ഇക്കയുടെ” പുതുമയാർന്ന ശബ്ദത്തിൽ….. ഒരു നിമിഷം കണ്ണുകളടച്ച് ഞാനാ ഗാനം ആസ്വദിച്ചു……
“”മുത്ത് നവരത്നമുഖം കത്തിടും മയിലാളേ….
മൊഞ്ചൊളീവില് തഞ്ചമേറും കഞ്ചകപ്പൂമോളേ…..
ചിത്തിരംകൊത്തി മറിയം ചെമ്പകച്ചുണ്ടും ,ചിരിയും
ഉത്തമ മലർ വിരിയും സൂക്ഷ്മമിൽ പാലക്കുറിയും
കണ്ടു മോഹിച്ച്….സങ്ങ തി കൊണ്ട് ദാഹിച്ച്….
എൻ മലരേ നമ്മളെല്ലാം രാജിയക്കാരല്ലേ….
എന്നൊരു വിചാരവും സന്തോഷവും നീക്കില്ലേ….
നിൻ മധുര തേൻ കുടിപ്പാൻ ഒത്തവൻ ഞാനല്ലേ….
ഏറിയനാളായ് പൂതി വെച്ചിടുന്നൂ മുല്ലേ””….
ആ….കോയ്ക്കോട് ബസ് സ്റ്റാൻ്റൊക്കെപ്പോരേ….
കണ്ടക്ടറുടെ വിളി കേട്ടാണ് ഞാൻ കണ്ണ് തുറന്നത് ….
എൻ്റമ്മേ ഇത്ര വേഗന്ന് എത്തിയാ….. എൻ്റെ SANA കുട്ടി ഇയ്യാള് കൊള്ളാല്ലാ… എന്ത് വീടീലാ വിട്ടത്….
ബസ്സിൽ നിന്നും പുറത്തിറങ്ങി പ്രദീപേട്ടനെ വിളിച്ചു…. മൂപ്പര് KSRTC സ്റ്റാൻഡിലുണ്ടെന്നും ഇപ്പോൾ അങ്ങോട്ടേക്ക് വരാന്നും പറഞ്ഞു ….
ഞാൻ പതിയെ സ്റ്റാൻഡിന് വെളിയിലേക്കിറങ്ങി മുന്നിൽ കണ്ട “മിൽമയുടെ ടീ ഷോപ്പിനടുത്തേക്ക് നടന്നു” ….
മോനേ …. അമലേ…. ദാ ഇവിടെ ഇങ്ങോട്ട് നോക്ക്….
പ്രദീപേട്ടൻ്റെ ശബ്ദം കേട്ട് ഞാൻ വലത്തേക്ക് തിരിഞ്ഞ് നോക്കുമ്പോൾ കക്ഷി ബൈക്കുമായ് വന്ന് നിൽക്കുകയാണ്….
ഒട്ടും സമയം കളയാതെ ഞാൻ പ്രദീപേട്ടനടുത്തെത്തി…
ഏട്ടൻ വന്നിട്ട് ഒരുപാട് നേരായോ????
ഏയ് ഒരു 10 മിനിട്ടായിക്കാണും… ഞാനോർത്ത് മോൻ KSRTC ക്കാണ് വരുന്നതെന്ന് അതാ ഞാനവിടെ നിന്നത്…..
അത് സ്റ്റോപ്പിലെത്തിയപ്പോൾ ആദ്യം വന്നത് പ്രൈവറ്റ് ബസ്സാണ് പിന്നെ അതിലിങ്ങ് പോന്നു….
മ്മ്… നീ വല്ലതും കഴിച്ചായിരുന്നോ???
ആ…. ഞാൻ കഴിച്ചിട്ടാ ഇറങ്ങിയത്….
ശരി … എന്നാ വാ നമുക്ക്‌ കോളേജിലേക്ക് പോകാം….
ശരി എട്ടാ…. കോഴിക്കോടിൻ്റെ വിശേഷങ്ങൾ പറഞ്ഞ്കൊണ്ട് ഞങ്ങൾ കോളേജിലേക്കുള്ള യാത്ര തുടർന്നു….
””മോനേ….. ഇതാണ് നീ 3 വർഷം പഠിക്കാൻ പോകുന്ന കോളേജ്””
ആലോചനയിൽ മുഴുകിയിരുന്ന ഞാൻ
ഏട്ടൻ പറയുന്നത് കേട്ട് നോക്കുമ്പോൾ ബൈക്ക് കോളേജ് ഗേറ്റും കടന്ന് അകത്തെത്തിയിരുന്നു….
ഇതാണ് “സെൻ്റ് മേരീസ്” കോഴിക്കോട്ടെത്തന്നെ ഏറ്റവും മികച്ച കോളേജുകളിൽ ഒന്ന് മോൻ്റെ ഭാഗ്യമാണ് ഇവിടെ പഠിക്കുവാൻ അവസരം ലഭിച്ചത്….
St മേരീസിലെ ലൈഫ് മോനെ പുതിയൊരായ് മാറ്റിയെടുക്കും….
”’ ജിതിനെപ്പോലുള്ള സുഹൃത്ത് ബന്ധങ്ങളും സ്നേഹ ബന്ധങ്ങളും ഇവിടെ നിന്നും കിട്ടും”’….
ഇനി ഒരിക്കലും മോന് സങ്കടപ്പെടേണ്ടി വരില്ല….
പ്രദീപേട്ടൻ്റെ വാക്കുകൾ എന്നിൽ അതിരില്ലാത്ത സന്തോഷം നിറച്ചു…. അതിൻ്റെ പ്രതിഫലനം എൻ്റെ ചുണ്ടുകളിൽ വരിഞ്ഞു…..
പിന്നെ അമലേ…. കോളേജ് ലൈഫൊക്കെയാണ്…. പഠനം മാത്രം പോരാ…
നന്നായ് എൻജോയ് ചെയ്യണം…..
””കൂട്ടുകാരോടൊപ്പം കൂടി എല്ലാം മറന്നങ്ങ് അടിച്ചു പൊളിക്കണം””….
അല്ലാതെ ഒരിക്കലും ഒതുങ്ങിക്കൂടരുത്….
എനിക്ക് നല്ല വിശ്വാസമുണ്ട് മോനേ….
ഈ കോളേജ് അമലിന് ഒരു പുതിയ ””ജീവിതം സമ്മാനിക്കും”’….
ഒരു കുസൃതിച്ചിരി മുഖത്തൊളിപ്പിച്ച് പ്രദീപേട്ടൻ പറഞ്ഞു…
