ബസ്സിൽ നിന്നും പുറത്തിറങ്ങി പ്രദീപേട്ടനെ വിളിച്ചു…. മൂപ്പര് KSRTC സ്റ്റാൻഡിലുണ്ടെന്നും ഇപ്പോൾ അങ്ങോട്ടേക്ക് വരാന്നും പറഞ്ഞു ….
ഞാൻ പതിയെ സ്റ്റാൻഡിന് വെളിയിലേക്കിറങ്ങി മുന്നിൽ കണ്ട “മിൽമയുടെ ടീ ഷോപ്പിനടുത്തേക്ക് നടന്നു” ….
മോനേ …. അമലേ…. ദാ ഇവിടെ ഇങ്ങോട്ട് നോക്ക്….
പ്രദീപേട്ടൻ്റെ ശബ്ദം കേട്ട് ഞാൻ വലത്തേക്ക് തിരിഞ്ഞ് നോക്കുമ്പോൾ കക്ഷി ബൈക്കുമായ് വന്ന് നിൽക്കുകയാണ്….
ഒട്ടും സമയം കളയാതെ ഞാൻ പ്രദീപേട്ടനടുത്തെത്തി…
ഏട്ടൻ വന്നിട്ട് ഒരുപാട് നേരായോ????
ഏയ് ഒരു 10 മിനിട്ടായിക്കാണും… ഞാനോർത്ത് മോൻ KSRTC ക്കാണ് വരുന്നതെന്ന് അതാ ഞാനവിടെ നിന്നത്…..
അത് സ്റ്റോപ്പിലെത്തിയപ്പോൾ ആദ്യം വന്നത് പ്രൈവറ്റ് ബസ്സാണ് പിന്നെ അതിലിങ്ങ് പോന്നു….
മ്മ്… നീ വല്ലതും കഴിച്ചായിരുന്നോ???
ആ…. ഞാൻ കഴിച്ചിട്ടാ ഇറങ്ങിയത്….
ശരി … എന്നാ വാ നമുക്ക് കോളേജിലേക്ക് പോകാം….
ശരി എട്ടാ…. കോഴിക്കോടിൻ്റെ വിശേഷങ്ങൾ പറഞ്ഞ്കൊണ്ട് ഞങ്ങൾ കോളേജിലേക്കുള്ള യാത്ര തുടർന്നു….
””മോനേ….. ഇതാണ് നീ 3 വർഷം പഠിക്കാൻ പോകുന്ന കോളേജ്””
ആലോചനയിൽ മുഴുകിയിരുന്ന ഞാൻ
ഏട്ടൻ പറയുന്നത് കേട്ട് നോക്കുമ്പോൾ ബൈക്ക് കോളേജ് ഗേറ്റും കടന്ന് അകത്തെത്തിയിരുന്നു….
ഇതാണ് “സെൻ്റ് മേരീസ്” കോഴിക്കോട്ടെത്തന്നെ ഏറ്റവും മികച്ച കോളേജുകളിൽ ഒന്ന് മോൻ്റെ ഭാഗ്യമാണ് ഇവിടെ പഠിക്കുവാൻ അവസരം ലഭിച്ചത്….
St മേരീസിലെ ലൈഫ് മോനെ പുതിയൊരായ് മാറ്റിയെടുക്കും….
”’ ജിതിനെപ്പോലുള്ള സുഹൃത്ത് ബന്ധങ്ങളും സ്നേഹ ബന്ധങ്ങളും ഇവിടെ നിന്നും കിട്ടും”’….
ഇനി ഒരിക്കലും മോന് സങ്കടപ്പെടേണ്ടി വരില്ല….
പ്രദീപേട്ടൻ്റെ വാക്കുകൾ എന്നിൽ അതിരില്ലാത്ത സന്തോഷം നിറച്ചു…. അതിൻ്റെ പ്രതിഫലനം എൻ്റെ ചുണ്ടുകളിൽ വരിഞ്ഞു…..
പിന്നെ അമലേ…. കോളേജ് ലൈഫൊക്കെയാണ്…. പഠനം മാത്രം പോരാ…
നന്നായ് എൻജോയ് ചെയ്യണം…..
””കൂട്ടുകാരോടൊപ്പം കൂടി എല്ലാം മറന്നങ്ങ് അടിച്ചു പൊളിക്കണം””….
അല്ലാതെ ഒരിക്കലും ഒതുങ്ങിക്കൂടരുത്….
എനിക്ക് നല്ല വിശ്വാസമുണ്ട് മോനേ….
ഈ കോളേജ് അമലിന് ഒരു പുതിയ ””ജീവിതം സമ്മാനിക്കും”’….
ഒരു കുസൃതിച്ചിരി മുഖത്തൊളിപ്പിച്ച് പ്രദീപേട്ടൻ പറഞ്ഞു…
എന്താ ഏട്ടാ ഒരാക്കിയ ചിരി????
ഏയ് ഒന്നൂല്ല….
ഹാ… പറയെൻ്റേട്ടാ….
മ്മ് …. പറയാം.
അമലേ…. ഈ കോയ്ക്കോട്ട് ഏറ്റവും കൂടുതൽ മൊഞ്ചത്തിക്കുട്ടികൾ പഠിക്കുന്ന കോളേജാണ് “സെൻ്റ് മേരീസ്”…. അതാ ഞാൻ പറഞ്ഞത് ഇവിടെ പഠിക്കാൻ പറ്റിയത് മോന്റെ ഭാഗ്യമാണെന്ന് ….
അതിന്????
അതിനെന്താന്ന് വെച്ചാൽ ”’നല്ല സുന്ദരക്കുട്ടപ്പൻമ്മാരെ കിട്ടിയാൽ ഇവിടുത്തെ പെൺകുട്ട്യോള് വിടത്തില്ല”’….
അപ്പോൾ മോനെപ്പോലൊരു ””ചുള്ളനെ”” കിട്ടിയാൽ പറയണോ????
എൻ്റെ പ്രദീപേട്ടാ എൻ്റെ കാര്യങ്ങളറിയാവുന്ന നിങ്ങളാണോ ഈ പറയുന്നത്???
അതൊക്കെ ശരിയാണ് മോനേ…. പക്ഷെ ””പ്രണയം എന്നത് ഒരു സത്യമുള്ള വികാരമാണ്””
,,,,,ജീവിതത്തിൽ ഒരുവട്ടമെങ്കിലും പ്രണയിക്കാത്തവരായ് അല്ലെങ്കിൽ ആരോടെങ്കിലും ഇഷ്ടം തോന്നാത്തവരായ് ആരും കാണില്ലെന്നതാണ് സത്യം,,,,,,….
നീ നമുക്ക് ചുറ്റിനുമൊന്ന് നോക്കിയേ ”’എല്ലാത്തിലും ഒരു പ്രണയം കാണുവാൻ സാധിക്കും”’….
””ദാ നീ ആ മരത്തിലെ ഇലകളെ കണ്ടോ”” ….
””’തൻ്റെ കാമുകനായ ഇളംതെന്നലിനായ് അക്ഷമരായ് കാത്തിരിക്കുവാണവർ””……
“അവൻ എത്തിക്കഴിയുമ്പോൾ പരിഭവങ്ങളും പിണക്കങ്ങളും എല്ലാം പറഞ്ഞ് തീർത്ത് പരസ്പരം സ്നേഹത്താൽ തഴുകിക്കൊണ്ടേയിരിക്കുമവർ”….
”’പ്രപഞ്ചത്തിൽ പ്രണയമെന്ന വികാരത്തിന് ഒരേ ഒരു അർത്ഥമേയുള്ളു മോനെ”’….
അത് എൻ്റെ കുഞ്ഞിന് പതിയെ മനസ്സിലായ്ക്കോളും …..
””നിന്നിൽ പ്രണയമെന്ന വികാരം തോന്നിത്തുടങ്ങുമ്പോളായിരിക്കും ഈ പ്രകൃതിയുടെ യഥാർത്ഥ സൗന്ദര്യം നിനക്കാസ്വദിക്കുവാൻ സാധിക്കുന്നത്””….
”’നല്ലൊരു കാമുകൻ നല്ലൊരു പ്രകൃതിസ്നേഹി കൂടി ആയിരിക്കും”’
മോനീ കാടും മലയും പുഴയുമൊക്കെ ആസ്വദിക്കാനായ് പുറപ്പെടുന്നവരെ കണ്ടിട്ടുണ്ടോ????