അതിന് ഞാനൊന്നുമില്ലെന്നർത്ഥത്തിൽ ചുമൽകൂച്ചീതും,
“”…ഏയ്… ഒന്നുമില്ലാതൊന്നുവല്ല… എന്തോഉണ്ട്..!!”””_ എന്നുപറഞ്ഞ പുള്ളിക്കാരൻ മീനാക്ഷിയുടെ നേരേതിരിഞ്ഞ്;
“”…എന്താമോളേ പ്രശ്നം..??”””_ എന്നുകൂടി കൂട്ടിച്ചേർത്തതും,
“”…അത്… അതങ്കിളേ… ഇന്നലെ ഹോസ്പിറ്റലിവെച്ച് അങ്കിളിനോടും ചേച്ചിയോടുമൊക്കെപ്പറഞ്ഞതു കുറച്ചുകൂടിപ്പോയെന്ന് ഇവനൊരുതോന്നൽ… അതിനെല്ലാരോടും സോറിപറയാമ്മേണ്ടി രാവിലേയിറങ്ങീതാ ഞങ്ങള്..!!”””_ അവള് വെച്ചുകീറി…
“”…ഓഹോ… എന്നിട്ടു മാപ്പുപറച്ചിലെവിടെവരെയായി..??”””_ പുള്ളിയൊന്നു ചിരിച്ചു…
“”…ചേച്ചിയോടു പറഞ്ഞു… ഇനി അങ്കിളിനോടുകൂടി പറഞ്ഞാ കഴിഞ്ഞു..!!”””_ അവളും വിട്ടില്ല…
“”…എന്റെ പൊന്നുകൊച്ചുങ്ങളേ… നിങ്ങക്കിതെന്താ..?? സോറിപറയാമ്മേണ്ടി രാവിലെയുടുത്തൊരുങ്ങി ഇറങ്ങിയേക്കുന്നു… മര്യാദയ്ക്കിങ്ങോട്ടിരുന്നേ… എന്നിട്ടെന്തേലും കഴിയ്ക്കാൻനോക്ക്..!!”””_ പറഞ്ഞുകൊണ്ടങ്കിള് അടുത്തുള്ള കസേരയിലേയ്ക്കു കൈചൂണ്ടി…
എന്റെ മുഖത്തേയ്ക്കൊന്നു പാളിനോക്കിയശേഷം മീനാക്ഷി കസേരയിലേയ്ക്കമർന്നപ്പോൾ മറ്റുവഴിയില്ലാതെ എനിയ്ക്കും ഇരിപ്പുറപ്പിയ്ക്കേണ്ടി വന്നു…
“”…എന്നിട്ടെങ്ങനുണ്ടിപ്പോ..?? വേദനയൊക്കെ മാറിയോ..??”””_ ഞങ്ങളെ രണ്ടാളേം മാറിമാറിനോക്കി പുള്ളി രോഗവിവരം അന്വേഷിച്ചു…
അതിന് മറുപടിയായി ഞങ്ങൾ തലകുലുക്കി…
“”…എന്തായാലും സിദ്ധൂന്റെ സ്വഭാവമെനിയ്ക്കങ്ങ് പിടിച്ചുകേട്ടോ..!!”””_ കാസ്ട്രോളിൽനിന്നും രണ്ടുദോശയെടുത്തെന്റെ പ്ളേറ്റിലേയ്ക്കിട്ട് പുള്ളിതുടർന്നു;
“”…അല്ലേലും മനസ്സിലുള്ളത് അതേപടി പ്രകടിപ്പിയ്ക്കുന്നോരെ എനിയ്ക്കു ഭയങ്കരയിഷ്ടമാ… അവരുടെമനസ്സിൽ കള്ളത്തരംകാണില്ല..!!”””_ പുള്ളിയെന്റെ പ്ളേറ്റിലേയ്ക്ക് കടലക്കറികൂടി വിളമ്പിയപ്പോൾ ഞാനറിയാതെയാ മുഖത്തേയ്ക്കൊന്നു നോക്കിപ്പോയി…
ചെറിയമ്മയല്ലാതെ ജീവിതത്തിലാദ്യമായ്ട്ടാ ഒരാളെന്റെ മുഖത്തുനോക്കി ഇങ്ങനൊന്നുപറയുന്നത്…
അതുകൊണ്ടാവണം അങ്കിളിനോടെന്തെന്നില്ലാത്ത ബഹുമാനം തോന്നിപ്പോയതും…
അവരുടെയൊക്കെ മുന്നിൽവെച്ച് അമ്മാതിരി ഡയലോഗുവിട്ടയെന്നോട് ക്ഷമിയ്ക്കമാത്രമല്ല എന്റെ ക്യാരക്ടറുംനല്ലതാന്നു പറഞ്ഞുകേട്ടപ്പോൾ പിടിച്ചുനിർത്തിയൊരുമ്മ കൊടുക്കാനാ തോന്നിയെ…
അങ്ങനെ കഴിപ്പുതുടരുമ്പോളാണ് ഇത്രയും കാര്യമായെന്നെ പ്രശംസിച്ച പുള്ളിയോട് തിരിച്ചെന്തേലും ചോദിയ്ക്കണല്ലോന്ന് ഞാനും ചിന്തിച്ചത്…
“”…വണ്ടിയെന്തായി..??”””_ വാക്കുകളിൽ ഫുൾലോഡ് ബഹുമാനവും വാരിവിതറിക്കൊണ്ട് ഞാൻചോദിച്ചു…
“”…ഓ.! അതിന്നലെത്തന്നെ വർക്ക്ഷോപ്പിലേയ്ക്കു കൊണ്ടോയി..!!”””
“”…എങ്ങനെ..?? ഒത്തിരിപ്പണിയുണ്ടോ..??”””_ മുഖംകുനിച്ചിരുന്ന മീനാക്ഷിയെ പാളിനോക്കിക്കൊണ്ട് ഞാൻവീണ്ടും തിരക്കി…
“”…ഏയ്… അങ്ങനെ പറയത്തക്കപ്രശ്നമൊന്നുമില്ലടാ… അവന്റെ മീശയൊന്നുചുളുങ്ങി… അത്രേയുള്ളൂ… പിന്നതോർത്ത് നിങ്ങളു ടെൻഷനാവോന്നുമ്മേണ്ട കേട്ടോ… വണ്ടിയാകുമ്പോ തട്ടും… മുട്ടും… അതങ്ങനെ കണ്ടാമതി..!!”””_ പുള്ളിയൊരു ചിരിയോടെ പറഞ്ഞെഴുന്നേറ്റു…
…പാവം.! എന്തുനല്ലമനുഷ്യൻ.! ഇയാളെയാണല്ലോ ഇന്നലെ വായിത്തോന്നീതൊക്കെ വിളിച്ചത്… ഈശ്വരാ… ഈപാപമൊക്കെ ഞാനെവിടെക്കൊണ്ടാ ഒഴുക്കികളയ്ക..??
“”…ഈ മനസ്സിത്തോന്നുന്നത് അതേപടി ചെയ്യുന്നതത്ര നല്ല സ്വഭാവോന്നുവല്ല..!!”””_ അങ്കിളങ്ങുപോയെന്നു കണ്ടതും മീനാക്ഷിയിരുന്നു പിറുപിറുത്തു…
അതുകേട്ടാണ് ഞാനെന്റെ ചിന്തകളിൽനിന്നും പുറത്തേയ്ക്കുവന്നത്…
“”…എന്താന്ന്..??”””
“”…അല്ല… ഈ മനസ്സിത്തോന്നുന്നത് അതേപടി ചെയ്യുന്നതൊക്കെ നല്ലശീലമാണോന്നു ചിന്തിയ്ക്കുവായ്രുന്നു..!!”””_ അവൾ പിന്നേം ചൊറിയുവാ…
“”…ഓ.! നെനക്കുപിന്നങ്ങനൊന്നും തോന്നാത്തതുകൊണ്ടാവും ജീപ്പുമായ്ട്ട് തേങ്ങയിടാനിറങ്ങിയെ..!!”””_ പറഞ്ഞുകഴിഞ്ഞതും മീനാക്ഷിയെന്നെ തുറിച്ചുനോക്കി ചുണ്ടനക്കി…
…മൂദേവി മനസ്സിലെന്നെ തെറിവിളിയ്ക്കുവാ… നെനക്കുതരാം ഞാൻ..!!_ മനസ്സിലതുംപറഞ്ഞ് ഞാനെഴുന്നേറ്റു…