ശേഷം ദഹിപ്പിയ്ക്കുന്ന കണ്ണുകളോടെന്നെ നോക്കിയെങ്കിലും അതു മൈൻഡാക്കാതെ കരയുന്നകുഞ്ഞിനേം കൊഞ്ചിച്ചോണ്ടിരിയ്ക്കുവാണ് ഞാൻചെയ്ത്…
“”…നിന്റെ മറ്റവള് എന്നെയിത്രൊക്കെ പറഞ്ഞിട്ടും കേട്ടോണ്ടിരിയ്ക്കുവാ അവൻ… അച്ചിക്കോന്തൻ..!!”””_ ഞാനവളെ കാര്യമാക്കുന്നതേയില്ലെന്നു കണ്ടതും പുള്ളിക്കാരിനിന്ന് പിറുപിറുത്തു…
അതിന്,
“”…പറഞ്ഞതൊക്കെ പച്ചപരമാർത്ഥങ്ങളാവുമ്പോപിന്നെ ഞാനെന്തുസെയ്യും മല്ലയ്യാ..??”””_ അങ്ങനെപറഞ്ഞു ഞാനാക്കിയൊരു ചിരികൂടിച്ചിരിച്ചതും, കാലിന്റടിയിൽ അടുപ്പുകൂട്ടിയപോലെ അവള് നിന്നൊന്നുതുള്ളി;
“”…കാണിച്ചുതരാടാ… രണ്ടെണ്ണത്തിനേം ഞാൻ കാണിച്ചുതരാം… നോക്കിയ്ക്കോ, രണ്ടെണ്ണത്തിനേം ഇവടന്നു പുറത്താക്കീലേൽ എന്റെപേര് പട്ടിയ്ക്കിട്ടോ..!!”””_ ഞങ്ങളെ മാറിമാറിനോക്കി കീത്തുചീറി…
“”…മ്മ്മ്.! എന്നിട്ടുവേണം ബാക്കിയുള്ള പട്ടികളെല്ലാങ്കൂടി അതിനെയോടിച്ചിട്ട് കടിയ്ക്കാൻ..!!”””_ കേട്ടപാതി കേൾക്കാത്തപാതി ഞാനങ്ങു പറഞ്ഞുപോയി…
കേൾക്കേണ്ടതാമസം മീനാക്ഷിയൊറ്റ ചിരികൂടി പാസ്സാക്കിയപ്പോൾ പിന്നെ പറയണോ..??
“”…എന്റെ കുഞ്ഞിനെത്താടാ..!!”””_ ന്നും ചീറിക്കൊണ്ടവൾ എന്റെനേരേ പാഞ്ഞുവന്നു…
എന്നാൽ ചോദിച്ചുടനേ കുഞ്ഞിനേം കാൽക്കൽസമർപ്പിച്ച് ദേവീടനുഗ്രഹോം വാങ്ങിപ്പോവാൻ സിദ്ധൂനത്രവല്യ കടിയില്ലായ്രുന്നു…
“”…പൊടി കോപ്പേ… തരാനെനിയ്ക്കു മനസ്സില്ല… അല്ലേത്തന്നെ ഇതുനിന്റെ കുഞ്ഞാന്നെന്തുറപ്പാളേള..?? എനിയ്ക്കിതിനെ അവിടെക്കിടന്നു കിട്ടീതാ..!!”””_ സിറ്റ്ഔട്ടിന്റെ മൂലചൂണ്ടിക്കാണിച്ചതു പറഞ്ഞുടൻ കുഞ്ഞിനേംകൊണ്ടു ഞാൻ മുറ്റത്തേയ്ക്കു ചാടി…
ശേഷം,
“”…നെനക്കത്രയ്ക്കു ചങ്കുറപ്പുണ്ടേൽ നീയെന്റേന്നീ കുഞ്ഞിനെമേടിയ്ക്ക്… കാണട്ടെ നിന്റെചങ്കൂറ്റം..!!”””_ അവൾടെ കുഞ്ഞിനേമെടുത്തുപിടിച്ച് പുറത്തിറങ്ങിയ ഞാൻ വെല്ലുവിളിച്ചതും കീത്തുവുമെന്റെ പിന്നലേ ചാടാനായിനോക്കി…
പക്ഷേ, ഉടുത്തിരുന്നത് നൈറ്റിയായതുകൊണ്ട് വിചാരിച്ചപോലെ കാലുപൊങ്ങാതെ വന്നപ്പോൾ കക്ഷി സ്റ്റെപ്പിറങ്ങിവരാനായി ഓടിയെങ്കിലും പാതിവഴിയ്ക്ക് മീനാക്ഷിയവളെ ചുറ്റിട്ടുപിടിച്ചു…
അതിന്, വിഡ്രീന്നും പറഞ്ഞവള് കുതറാനൊക്കെ ശ്രെമിച്ചെങ്കിലും ഫലമുണ്ടായില്ല…
പിന്നിൽനിന്നും വയറ്റിൽപിടിച്ചമർത്തി ലോക്കിട്ടുനിന്ന മീനാക്ഷി;
“”…നീ കുഞ്ഞിനേംകൊണ്ട് പൊക്കോടാ… ഇവൾടെകാര്യം ഞാൻ നോക്കിക്കോളാം..!!”””_ ന്നു വിളിച്ചുപറഞ്ഞതും,
“”…അയ്യോ.! നാട്ടുകാരേ… ഓടിവരണേ… ദേ ന്റെ കുഞ്ഞിനെ കട്ടോണ്ടോണേ… അയ്യോ..!!”””_ ന്നൊരു നിലവിളിയായ്രുന്നൂ കീത്തു…
അതുകേട്ടിട്ടാണ് അമ്മയും ചെറിയമ്മയുംകൂടി ചെറിയമ്മേടെ വീട്ടീന്നിറങ്ങിവന്നത്…
…ഓഹോ.! അപ്പൊ ടീംസൊന്നും ഇവിടെയില്ലായ്രുന്നല്ലേ… ചുമ്മാതല്ല ഇത്രേം അങ്കംനടന്നിട്ടും അറിയാണ്ടിരുന്നത്.!
“”…എന്താ..?? എന്തായിവടെ..??”””_ പാഞ്ഞുവന്ന അമ്മയാണതു ചോദിച്ചത്…
അതിന്,
“”…കണ്ടോ… എന്നെപിടിച്ചുവെച്ചിട്ട് എന്റെകുഞ്ഞിനേം കട്ടോണ്ടോടിയത്… മര്യാദയ്ക്കെന്റെ കുഞ്ഞിനെത്തരാമ്പറ..!!”””_ മീനാക്ഷിയുടെ കരവലയത്തിനുള്ളിൽ കിടന്നോണ്ട് കീത്തു വാകീറി…
“”…എന്റെ സിത്തൂ… നീ വന്നുകേറിയുടനേ വീണ്ടുമിവിടം യുദ്ധക്കളമാക്കാനാണോ ഉദ്ദേശം..?? വെറുതേ ആവശ്യോല്ലാതെ… നീയാ കുഞ്ഞിനെയിങ്ങു താ..!!”””_ എന്റെനേരേതിരിഞ്ഞ് അമ്മയങ്ങനെ പറയുന്നതിനൊപ്പം കുഞ്ഞിനുവേണ്ടിയവർ കൈനീട്ടുകേം ചെയ്തു…
“”…നീയൊന്നു ചുമ്മാതിരിയ്ക്കടീ… അവനിപ്പൊ കുഞ്ഞിനെയൊന്നെടുത്തെന്നു വെച്ച് ഉരുകിപ്പോവോ..?? അല്ലെങ്കി കണ്ട ചാമ്പലിനിടയിലൊക്കെ കുഞ്ഞിനെയിട്ടേച്ചുപോണ അവൾക്ക്, ചെക്കനൊന്നതിനെയെടുത്തപ്പോൾ പൊള്ളിപ്പോണു..!!”””_ അമ്മയുടെ പിന്നാലെവന്ന ചെറിയമ്മ എന്നെയൊന്നു സപ്പോർട്ടുചെയ്തതും, ഞാൻ ചെറിയമ്മയെ നോക്കി;
“”…ഹായ് ബ്രോ.! സുഖാണോ..??”””_ ന്നൊന്നു തിരക്കി…
അതിന് ചുണ്ടുകോട്ടി,
“”…പോടാ പട്ടീ..!!”””_ ന്നായ്രുന്നു തള്ളയുടെ മറുപടി…
“”…എടീ… ഒന്നൂല്ലേലും അവൻ നിന്റനിയനല്ലേ..?? അവനാ കുഞ്ഞിനെയൊന്നെടുത്താലെന്താ കുഴപ്പം..?? നീയൊന്നടങ്ങു പെണ്ണേ..!!”””_ ഉടനെ മറുകണ്ടംചാടിയ അമ്മ കീത്തുവിനോടായി പറഞ്ഞതും,