അപ്പോഴാണ്,
“”…മ്മ്മ്.! മുടിയും കളറുചെയ്ത് അണിഞ്ഞൊരുങ്ങിയുള്ള നടപ്പേയുള്ളൂ… അവിടെ പട്ടിണിയാന്നാ തോന്നണേ..!!”””_ ന്നൊരു ഡയലോഗെത്തീത്…
നോക്കുമ്പോൾ തുറുപ്പുഗുലാനിൽ സലീംകുമാർ ആ കുഞ്ഞിനേം ഒക്കത്തുവെച്ച് നിൽക്കുമ്പോലെ വന്നുനിൽക്കുവാണ് കീത്തു…
“”…അല്ല… അറിയാമ്പാടില്ലാഞ്ഞിട്ടു ചോദിയ്ക്കുവാ… ഇവൾക്കിമ്മാതിരി കടിയ്ക്കാനായ്ട്ട് നിങ്ങൾക്കിവടെ കൃമികൃഷിയുണ്ടോ..??”””_ ഞാൻ സഹികെട്ട് ചോദിച്ചുപോയി…
അതുകേട്ടതും,
“”…കീത്തൂ… നീ നിന്റെ പാടുനോക്കിപ്പോയേ പെണ്ണേ… പിള്ളേരെ കഴിയ്ക്കാൻ സമ്മതിയ്ക്കാണ്ട് വന്നുനിൽക്കുവാ..!!”””_ എന്നുമ്പറഞ്ഞ് അമ്മ അവൾടെ നേരേയൊന്നുചാടി…
അതോടവൾ കുഞ്ഞിനേങ്കൊണ്ട് ചാടിത്തുള്ളി അകത്തേയ്ക്കുപോകുവേം ചെയ്തു…
“”…അല്ല… അപ്പൊ ശ്രീക്കുട്ടിയോ..?? അവളേം കണ്ടില്ലല്ലോ..!!”””_ വിഷയം മാറ്റാനെന്നോണം മീനാക്ഷിയാണതു ചോദിച്ചത്…
“”…അവളിത്രേന്നേരം നിങ്ങളേംനോക്കി നിന്നതാ… ഇങ്ങോട്ടുവരാന്നേരം നോക്കിയപ്പോൾ ആ കരടിക്കുട്ടനേം കെട്ടിപ്പിടിച്ചു കിടന്നുറങ്ങുന്നു..!!”””_ ചെറിയമ്മ ചിരിച്ചു…
അങ്ങനെ പിന്നുള്ളസമയം അമ്മയോടും ചെറിയമ്മയോടും വിശേഷങ്ങളെല്ലാം പറഞ്ഞിരുന്നു കഴിച്ചെങ്കിലും കീത്തുവേച്ചി കുഞ്ഞിനെത്തരാഞ്ഞത് എനിയ്ക്കെന്റെ മനസ്സിൽക്കൊണ്ടിരുന്നു…
പക്ഷേ, പ്രകടിപ്പിച്ചാൽ അതെല്ലാർക്കും വിഷമമായാലോ എന്നോർത്തിട്ടുമാത്രം ഞാനുമോരോന്നൊക്കെ തള്ളിക്കൊണ്ടേയിരുന്നു…
അങ്ങനെ കഴിച്ചുകഴിഞ്ഞ് കയ്യുംകഴുകി വണ്ടിയിൽനിന്നും ബാഗുകളെടുക്കാനായി ഞാൻ പുറത്തേയ്ക്കു നടക്കുമ്പോൾ മീനാക്ഷിയും കൂടെക്കൂടി…
“”…കീത്തു കുഞ്ഞിനെത്തരാഞ്ഞത് നെനക്കു സങ്കടായല്ലേടാ..??”””_ ഡിക്കിതുറക്കുമ്പോൾ അവൾ പതിയെ ചോദിച്ചു…
“”…നെനക്കു മനസ്സിലായ് ലേ..??”””_ ഞാൻ ചമ്മിച്ചിരിച്ചതും അവളൊന്നുമൂളി…
ഞാൻ ബാഗുകളോരോന്നായി പുറത്തേയ്ക്കെടുക്കുമ്പോൾ അത്രയുംനേരവും അവളെന്നെ ചൊതുങ്ങിക്കൂടി നിൽക്കുവായ്രുന്നു…
അങ്ങനെ ഞങ്ങളുരണ്ടുംകൂടി ബാഗുകളെല്ലാം റൂമിലെത്തിച്ചശേഷം ഞാൻ കട്ടിലിലേയ്ക്കു നീണ്ടുനിവർന്നിരുന്നപ്പോൾ മീനാക്ഷി ഒരു ബാഗ്തുറന്ന് അതിൽനിന്നും ജൂലിക്കുട്ടിയെ പുറത്തെടുത്ത് ബെഡ്ഡിലേയ്ക്കുവെച്ചു…
എന്നിട്ട് കുറച്ചുനേരമെന്തോ ആലോചിച്ചശേഷം,
“”…ഞാൻ ദാ വരണു..!!”””_ എന്നുമ്പറഞ്ഞവൾ പുറത്തേയ്ക്കു നടന്നു…
“”…എങ്ങോട്ടേയ്ക്കാ..??”””_ ഞാനിരുന്നയിരുപ്പിൽ ചോദിച്ചു…
“”…ഞാനൊന്നുപോയി കീത്തൂനെ കണ്ടിട്ടുവരാം… എല്ലാമിന്നത്തോടെ തീരുവാണേൽ തീരട്ടേ..!!”””_ തിരിഞ്ഞുനിന്നങ്ങനെ പറഞ്ഞശേഷം പോകാൻതുടങ്ങുമ്പോൾ,
“”…ഏയ്.! അതൊന്നും വേണ്ടടീ..!!”””_ ന്ന് ഞാനൊന്നുകൂടി അവളെ തടയാൻശ്രെമിച്ചു…
“”…ഏയ്.! കുഴപ്പമില്ലടാ… ഞാൻപോയൊന്നു സംസാരിച്ചു സോറിപറഞ്ഞാൽ തീരുന്ന പ്രശ്നമല്ലേയുള്ളൂ… ഞാമ്പോയിട്ടുവരാം..!!”””_ അവളൊന്നു ചിരിച്ചു…
“”…ദേ… നീ ചുമ്മാപോയി അവൾടെകയ്യീന്ന് മേടിച്ചുകൂട്ടണ്ട… എന്റെ ചേച്ചിയായോണ്ട് പറയുവല്ല, നിന്നെക്കാളും കൂതറയാ അവള്… സോറിപറയാൻ പോയി തല്ലുംമേടിച്ചോണ്ടു വരേണ്ടിവരും… പണ്ട് ചെയ്തിട്ടുപോയതൊക്കെ ഓർമ്മയുണ്ടല്ലോല്ലേ..??”””_ ഞാൻ ഓർമ്മിപ്പിയ്ക്കുമ്പോലെ പറഞ്ഞുനോക്കി…
“”…പിന്നെ കൊറേത്തല്ലും… എന്റെ കൈപിന്നെ മാങ്ങാപറിക്കാൻ പോയേക്കുവല്ലേ… മര്യാദയ്ക്കുപോയി സോറിപറയും… അതിൽ കോംപ്രമൈസായാൽ അവൾക്കുകൊള്ളാം… അല്ലെങ്കിൽ ഇനീമവള് ഞാനാരാണെന്നു ശെരിയ്ക്കറിയും..!!”””_ മീനാക്ഷിയും ഒരുപൊടിയ്ക്കടങ്ങാൻ കൂട്ടാക്കാതെനിന്നു…
“”…എടീ പെണ്ണേ… വെർതേ വേണ്ടാത്തപണിയ്ക്കു പോണ്ട… മര്യാദയ്ക്കുപറയുവാ വേണ്ടാന്ന്..!!”””
“”…അതേ… സ്വന്തമനിയന് കുഞ്ഞിനെയൊന്നെടുക്കാൻ പോലും അനുവാദം കൊടുക്കാതിരിയ്ക്കാൻ മാത്രമുള്ള കുറ്റവൊന്നും നമ്മളുചെയ്തിട്ടില്ല… എന്നാലും ഞാൻപോയൊരു സോറിപറയും…. കേട്ടാലവൾക്കു കൊള്ളാം… ഇനിയവള് കേട്ടില്ലെങ്കിലും ഇന്നാ കുഞ്ഞിനേങ്കൊണ്ടേ ഞാൻ വരൂള്ളൂ… അങ്ങനെ നെനക്കുതരാതെ, എന്റെ കുട്ടൂസിനെ വിഷമിപ്പിച്ചോണ്ട് അവളങ്ങനെ കുഞ്ഞിനെ വളർത്തണ്ട..!!”””_ എന്നവൾ തീർത്തുപറഞ്ഞതും പിന്നവളെ തടഞ്ഞിട്ടു കാര്യമില്ലാന്നെനിയ്ക്കു ബോധ്യപ്പെട്ടു…