റിസെപ്ഷനിൽ ഇരുന്ന മദ്യവയസ്ക്കനോട് ഞാൻ പോയി കാര്യം പറയാൻ ശ്രമിച്ചെങ്കിലും ഞാൻ പറഞ്ഞ മലയാളമോ തമിഴോ ഇംഗ്ലീഷോ ഒന്നും അങ്ങേർക്ക് മനസ്സിലായില്ല, അയാള് തിരിച്ച് പറഞ്ഞ കന്നഡയും ഹിന്ദിയും ഒന്നും എനിക്കും കാര്യായിട്ട് കത്തിയില്ല…… ഒടുക്കം സ്കൂളിൽ പഠിച്ച ഹിന്ദിയൊന്നും മറന്നിട്ടിലാത്ത ദേവു ഇടപ്പെട്ടു, പിന്നെ അവർ തമ്മിൽ നമ്മുടെ രാഷ്ട്രഭാഷയിൽ ഹാ ഹൂ ഹീ പറയുമ്പോ എന്നെ പോലെ തന്നെ ഹിന്ദി സീരിയലുകൾ മലയാളത്തിലേക്ക് ഡബ് ചെയ്തത് ഇരുന്ന് കാണുന്ന അമ്മുവും വാ പൊളിച്ച് നോക്കി നിൽക്കുകയായിരുന്നു…
അങ്ങനെ ആ സംഭാഷണത്തിനൊടുവിൽ പുള്ളി ഞങ്ങളേം കൂട്ടി ലിഫ്റ്റിന് നേരെ
നടന്നു, എന്നിട്ട് അതിൽ കയറി മൂന്നാം നിലയിലേക്കും….. “3C”….. അതായിരുന്നു ഞങ്ങൾക്ക് വേണ്ടി ഒരുക്കി വെച്ച അപാർട്ട്മെന്റ്…. പുള്ളീടെ കയ്യിൽ നിന്നും ദേവു തന്നെ കീ വാങ്ങി തുറന്നു…
പുതിയൊരു തുടക്കത്തിലേക്കുള്ള കാൽവെപ്പ്, ഞങ്ങൾ മൂന്നുപേരും വലത് കാല് വെച്ചു തന്നെ കയറി….
ഞാൻ പ്രതീക്ഷിച്ചതിലും മനോഹരമായിരുന്നു ഉൾവശം.
ഫ്ലാറ്റ് വെൽ ഫർണിഷ്ഡ് ആണെന്ന് കുട്ടൻ മാമൻ പറഞ്ഞപ്പോ ഇത്രേം പ്രതീക്ഷിച്ചില്ല, പോരാത്തതിന് മാമൻ ജപ്പാനിലേക്ക് പോയത് കൊണ്ട് പുള്ളീടെ വീട്ടിലുണ്ടായിരുന്ന ടീവി ഫ്രിഡ്ജ് സോഫ തുടങ്ങി വേണ്ട എല്ലാ സാധനവും പുള്ളി ഇവിടെ കൊണ്ടുവന്ന് സെറ്റ് ചെയ്തിട്ടുണ്ട്, ഇനി ഞങ്ങൾക്ക് കയറി കൂടിയാ മാത്രം മതി…… ആദ്യം പുള്ളി താമസിച്ച വീട് ഞങ്ങൾക്ക് അറേഞ്ച് ചെയ്യാമെന്നായിരുന്നു പറഞ്ഞത്, പക്ഷെ എനിക്ക് ജോലിക്ക് പോവാൻ ദൂരം കൂടുമെന്നത് കൊണ്ട് പിന്നെ ഈ ഫ്ലാറ്റ് ശരിയാക്കി….. എന്തായാലും സംഭവം കൊള്ളാം, നല്ല കിടുക്കൻ അറ്റ്മോസ്ഫിയർ…
“”””””ചേട്ടായീ ഇങ്ങോട്ട് വാ….””””””
സിറ്റിങ് റൂമിൽ നിന്നും പുറത്തേക്കുള്ള ബാൽക്കണിയിൽ പോയി നിന്ന് അമ്മു വിളിച്ചപ്പോൾ ഞാൻ അങ്ങോട്ട് ചെന്നു…
ഉഫ്ഫ്, പൊളി വ്യൂ…. അവിടുന്ന് താഴേക്ക് നോക്കിയാൽ കാണുന്നത് നിറയെ ചുവപ്പ് നിറത്തിലുള്ള പൂക്കൾ വിരിഞ്ഞ് നിൽക്കുന്ന മരങ്ങളാണ്….. ഞാൻ അമ്മൂന്റെ കൂടെ കൂടി ആ മനോഹരമായ കാഴ്ച കണ്ട് നിൽക്കുമ്പോഴും ദേവു ഹിന്ദി മേ ബാത് കർ രഹീ ത്തീ…. ആ മദ്യവയസ്ക്കന്റെ കൂടെ കാര്യമായ സംസാരത്തിലാണ്…..
ഞാനും അമ്മുവും അങ്ങനെ ഫ്ലാറ്റ് മൊത്തം ചുറ്റി കറങ്ങി…. അധികം ഒന്നും ഇല്ലാ ട്ടോ, ഒരു സിറ്റിങ് റൂം… അതിനോട് ചേർന്നുകൊണ്ട് തന്നെ ഡൈനിംഗ് സ്പേസ്… ആദ്യം തന്നെ ഞങ്ങളെ ആകർഷിച്ച ബാൽക്കണി, രണ്ട് ബെഡ് റൂംസ്, പിന്നെ ഒരു അടുക്കളയും…. അത്രേം ആയിരുന്നു ഞങ്ങടെ പുതിയ വാസസ്ഥലം…..
“””””അമ്മൂന് ഈ മുറി മതീ ട്ടോ…””””””
കൊണ്ടുവന്ന ബാഗും സാധനങ്ങളും എടുത്ത് വെക്കുമ്പോ അമ്മു ഒരു മുറിയുടെ വാതിൽക്കൽ നിന്നുകൊണ്ട് പറഞ്ഞു… അതിന് ഞാൻ ചിരിച്ചോണ്ട് തലയാട്ടുക മാത്രം ചെയ്തു….
എന്നിട്ട് എന്റെ ഡ്രസ്സ് എല്ലാം വെച്ച ബാഗും തൂക്കി തൊട്ടടുത്ത മുറിയിൽ കയറി…..ബാഗെല്ലാം ഒരു മൂലയിൽ വെച്ച് ഞാൻ സോപ്പും തോർത്തും എടുത്ത് കുളിക്കാൻ കയറി,
കുളിച്ചിട്ട് നേരെ കിടന്നൊരു ഉറക്കം…. അതാണ് പ്ലാൻ…. അത്രേം ട്ടയേർഡ് ആണ്…
കുളിച്ച് കഴിഞ്ഞ് തിരിച്ചിറങ്ങിയപ്പോ പുറത്ത് നിന്ന് അമ്മൂന്റേം ദേവൂന്റേം ശബ്ദം കേൾക്കാം…. രണ്ടുംകൂടെ വന്നപ്പോ തന്നെ അടിയായോ എന്തോ… ഞാൻ വേഗം തോർത്തി ഒരു ലുങ്കിയും ബനിയനും ഇട്ട് മുറിക്ക് പുറത്തേക്കിറങ്ങി….
******
“”””””ഇല്ല പറ്റൂല്ല…… അമ്മ വേണ്ട…… അമ്മൂന് ഒറ്റയ്ക്ക് മുറി വേണം…….””””””
“””””അമ്മൂ…. വെറുതേ വാശി പിടിക്കല്ലേ…”””””””
ഞാൻ ചെല്ലുമ്പോ അമ്മു അവളുടെ ബെഡ്റൂമിന്റെ വാതിൽക്കൽ നിൽക്കുകയാണ്, ദേവു ആണെങ്കിൽ ബാഗും പിടിച്ച് അകത്തേക്ക് കയറാൻ ശ്രമിക്കുന്നു….. അമ്മു ദേവൂനെ തടയുന്നു….
അപ്പോ അതാണ് കാര്യം… അമ്മു ദേവൂനെ മുറിയിൽ കയറാൻ സമ്മതിക്കാതെ തടയുകയാണ്….
“”””””ആഹ് ….. ചേട്ടായീ….ദാ ഇതിനെ പിടിച്ചോണ്ട് പോയേ…. ഇങ്ങോട്ട് ഞാൻ കേറ്റൂല്ല”””””””
എന്നെ കണ്ടതും അമ്മു വിളിച്ച് കൂവി… ദേവുന്റെ മുഖത്ത് നിസ്സഹായ ഭാവം…..
“”””””ദേവു ഇങ്ങോട്ട് പോര്…..””””””
ഞാൻ ദേവൂനെ നോക്കി പുഞ്ചിരിച്ചുകൊണ്ട് പറഞ്ഞു, എന്നെകണ്ട് ദേവു തിരിഞ്ഞ ഗ്യാപ്പിൽ അമ്മു മുറിയുടെ വാതിൽ ദേവൂന്റെ മുന്നിൽ കൊട്ടിയടച്ചു….
“””””ഇവിടെ വാ ദേവു…..”””””
ഞാൻ പിന്നേം വിളിച്ചിട്ടും ദേവു മടിച്ച് നിൽക്കുന്നത് കണ്ട് ഞാൻ തന്നെ പോയി ദേവൂന്റെ ബാഗ് പിടിച്ചു വാങ്ങി മുറിയിൽ കൊണ്ടുവെച്ചു….
ദേവു പരുങ്ങി കളിച്ചുകൊണ്ട് ഒടുക്കം മുറിയിലേക്ക് കയറി വന്നു…
“””””എന്താ ദേവൂസേ മടിച്ച് നിൽക്കണെ….. ഇത് നമ്മുടെ മുറിയല്ലേ”””””
മടിച്ച് നിൽക്കുന്ന ദേവൂനെ നോക്കി ഞാൻ പറഞ്ഞു… ദേവുന്റെ മുഖത്ത് ആകെ ഒരു അസ്വസ്ഥത….
ഇതിപ്പോ എന്താണോ എന്തോ??
“””””എന്ത് പറ്റി ദേവു?? ഇനിയെന്താ?? നമ്മളിപ്പോ ഭാര്യേം ഭർത്താവും അല്ലേ…… ഇനി ദേവൂനെന്താ പ്രശ്നം??””””
അതിനും ദേവു ഒന്നും മിണ്ടിയില്ല….
“””””ശരി…. ഒരു കാര്യം ചെയ്യ്…… ദേവു പോയി ഒന്ന് കുളിച്ച് ഫ്രഷായി വാ””””””
എന്നും പറഞ്ഞ് ഞാൻ ബാഗിൽ നിന്നുമൊരു തോർത്തെടുത്ത് ദേവൂന് കൊടുത്തു….
എന്നിട്ട് ദേവൂനെ ചേർത്ത് പിടിച്ച് നെറുകയിൽ ഒരു ചുംബനവും കൊടുത്തിട്ട് ഞാൻ പുറത്തേക്കിറങ്ങി കൊടുത്തു….
*****
ഞാൻ എന്നിട്ട് ഫ്ലാറ്റിന് പുറത്തിറങ്ങി ഒന്ന് നടന്നു…. സ്ഥലങ്ങൾ എല്ലാം ഒന്ന് കണ്ടുവെക്കാം എന്നായിരുന്നു ഉദ്ദേശം,
എന്തായാലും ഒന്ന് കറങ്ങിയ ശേഷം രാത്രിയിലേക്ക് കഴിക്കാനുള്ളതും വാങ്ങിയിട്ടാണ് തിരിച്ചു വന്നത്…
“””””ചേട്ടായി എങ്ങോട്ടാ എന്നെ കൂട്ടാതെ പോയേ??”””””
കോളിംഗ്ബെൽ അടിച്ച് വാതില് തുറന്നതും അമ്മു എന്നെ കണ്ട് മുഖം ചുളിച്ചുകൊണ്ട് ചോദിച്ചു…
“””””ഇതാ….ഫുഡ് വാങ്ങാൻ പോയതാ അമ്മൂസേ….””””””
കയ്യിലുള്ള ഭക്ഷണത്തിന്റെ കവർ അവൾക്ക് നേരെ നീട്ടികൊണ്ട് ഞാൻ പറഞ്ഞു….
“”””””ഷേ…. വിളിച്ചാ ഞാനും വരൂലേര്ന്നോ…””””””
അമ്മു നിരാശയോടെ പറഞ്ഞപ്പോ “””””സാരല്യട്ടോ…… നമ്മക്ക് നാളെ മൊത്തം കറങ്ങാൻ പോവാലോ”””””
എന്നും പറഞ്ഞ് അവളെ ആശ്വസിപ്പിച്ചുകൊണ്ട് ഞാൻ അകത്തേക്ക് നടന്നു…
പിന്നെ വേഗം ഭക്ഷണം എല്ലാം കഴിച്ച് ഞങ്ങള് മൂന്നുപേരും കിടക്കാനുള്ള തയ്യാറെടുപ്പിലായിരുന്നു….. അമ്മു ആദ്യമേ അവളുടെ മുറിയിൽ കയറി വാതിലടച്ചുകളഞ്ഞു….
ഞാനും മുറിയിൽ ചെന്ന് കട്ടിലിൽ കയറി കിടന്നിട്ട് റോഷനെയും ചിത്രയെയും കുട്ടൻ മാമനെയും എല്ലാം വിളിച്ച് ഇവിടെ എത്തിയ വിവരം അറിയിച്ചു….
അങ്ങനെ ഫോൺ വിളി എല്ലാം അവസാനിപ്പിച്ച് കട്ടിലിൽ വെറുതെ ചെരിഞ്ഞ് കിടക്കുമ്പോൾ സിറ്റിങ് റൂമിലെയും അടുക്കളയിലെയും എല്ലാം ലൈറ്റ് അണച്ച് ദേവു മുറിയിലേക്ക് കയറി വന്നു…..