നല്ല ഉറക്കക്ഷിണം ഉണ്ടായിരുന്നു എനിക്ക്…
ഒന്നു നേരെ ഉറങ്ങാണ്ട് പോയതല്ലേ രാവിലെ…
ഭക്ഷണവും കഴിച്ചു നേരെ മുറിയിൽ പോയി ബെഡിൽ കേറി കിടന്ന ഞാൻ പെട്ടന്ന് തന്നെ അങ്ങുറങ്ങി പോയി….
ഫോണിലെ മെസ്സേജിന്റെ നോട്ടിഫിക്കേഷൻ സൗണ്ട് കേട്ടാണ് പിന്നെ ഞാൻ ഉണരുന്നത്…
കോപ്പിലെ ഫോൺ ചെവിയുടെ അടുത്തു തന്നെ ഉണ്ടായിരുന്നത് കൊണ്ട് ചെവി അടിച്ചു പോണ ശബ്ദമായിരുന്നു….
ഫോൺ എടുത്തു നോക്കിയപ്പോൾ സമയം രാത്രി പതിനൊന്നു മണി….
അപ്പോഴാണ് ഞാനാ ഫോണിൽ വന്ന മെസ്സേജിന്റെ പേര് ശ്രദ്ധിച്ചത്…
“”വിദ്യേച്ചി..!!..””
വിദ്യേച്ചി ആയിരുന്നു അതു…
ചാടി എഴുന്നേറ്റിരുന്ന ഞാൻ വേഗമാ വാട്സപ്പ് മെസ്സേജ് ഓപ്പൺ ചെയ്തു….
ഒരു വോയിസ് മെസ്സേജ് ആയിരുന്നു അത്…
ഞാനതൊന്നു പ്ലേ ചെയ്തു ചെവിയോട് ചേർത്തു…
“”അനു..!!.. എനിക്കെന്തോ കിടന്നിട്ടു ഉറക്കം വരുന്നില്ലെടാ!!!..നാളെ… ഒന്നു നീ ഇവിടെ വരെയൊന്നു വരുവോ…??
എനിക്ക് നിന്നെയൊന്നു കാണണം എനിക്ക് സംസാരിക്കണം..!!!.. “”
ചേച്ചി വോയിസ് മെസ്സേജ് അയച്ചതിൽ ഇത്ര മാത്രമേ ഉണ്ടായിരുന്നുള്ളു…
എന്നാലും എന്തിനായിരിക്കും ചേച്ചി എന്നെ കാണണമെന്ന് പറഞ്ഞത്….
എന്നെ ഉപദേശിക്കാൻ ആയിരിക്കുവോ അതോ വേറെ എന്തെങ്കിലും ഉദ്ദേശിച്ചാവുമോ ഇനി….
ചേച്ചിക്ക് എന്തു മറുപടി കൊടുക്കുമെന്നറിയാതെ ഫോൺ ഒന്നു മാറ്റി വെച്ച ഞാൻ തലപുകഞ്ഞാലോചിച്ചു…
എന്തായാലും മെസ്സേജ് അയച്ചു മറുപടി കൊടുക്കേണ്ടെന്നു എനിക്ക് തോന്നി…
നാളെ എന്തായാലും നേരിട്ടൊന്നു പോയേക്കാം..
ചേച്ചിയുടെ മനസ്സിൽ എന്താണെന്നു അറിയാമല്ലോ….
എന്നാലും ചേച്ചി എന്തിനാവും എന്നെ കാണാൻ പറഞ്ഞത്…
പിന്നെ തിരിഞ്ഞും മറിഞ്ഞും കിടന്നെങ്കിലും എനിക്ക് ഉറക്കം വന്നതെ ഇല്ല മനസ്സിൽ മുഴുവൻ ചേച്ചിയായിരുന്നു….
“”ടാ അഭി എഴുന്നേൽക്കെടാ നട്ടുച്ചയായി എന്തു ഉറക്കമാടാ ഇതു…!!!.. “”
എപ്പോയോ അങ്ങു ഉറങ്ങിപ്പോയ ഞാൻ പിന്നെ അമ്മ തട്ടി വിളിച്ചപ്പോഴാണ് രാവിലെ ഉണർന്നത്….
“”കുറച്ചൂടെ ഉറങ്ങട്ടെ അമ്മേ..!! എഴുന്നേറ്റിട്ടിപ്പോ എന്തിനാ””
പിന്നെയും മൂടി പുതച്ചു ഉറങ്ങാൻ കിടന്ന എന്നെ അമ്മ ഉറങ്ങാൻ വിട്ടീല്ല….
“”അങ്ങനെ ഇപ്പൊ നീ നട്ടുച്ചയ്ക്കു കിടന്നു ഉറങ്ങണ്ട…!!!ചെക്കന് ഇപ്പൊ ഒരു അനുസരണയുമില്ല ശരിയാക്കി തരുന്നുണ്ട് ഞാൻ!!!…!!..””
രാവിലെ തന്നെ അമ്മയുടെ വഴക്കും കേട്ടു ഞാനങ്ങനെ ബെഡിൽ എഴുന്നേറ്റു ഇരുന്നു….
“”എന്റെ അമ്മേ ഒന്നു ഉറങ്ങാനും വിടില്ലേ…!!! എന്തു കഷ്ട ഇതു!!!… “”
ഉറക്കപ്പിച്ചില്ലെന്ന വണ്ണം ഞാനതു പറഞ്ഞപ്പോൾ അമ്മ എന്റെ മുടിയിലൊന്നു പിടിച്ചു…
“”എന്തു വൃത്തികെടാടാ ഇതു..!!! ഒന്നു ഇതൊക്കെ വെട്ടി വൃത്തിയാക്കി മെനയായിട്ടു നടന്നുടെടാ നിനക്ക്..!! മര്യാദയ്ക്കു ഇന്ന് പോയി ഇതൊക്കെ വെട്ടികൊള്ളണം കേട്ടല്ലോ…!!!!… ”
ഉറക്കത്തിന്നു എഴുന്നേൽപ്പിച്ചു രാവിലെ തന്നെ അമ്മയുടെ ശകാരവും കേട്ടപ്പോ എനിക്ക് അങ്ങു കലി കയറി….
“”എന്റെ അമ്മേ ഞാൻ ഇന്ന് വെട്ടിക്കൊള്ളാം അതിനിനി ചൊറിയണ്ട!!.. “”
എന്റെ വാക്ക് കേട്ടപ്പോൾ അമ്മയുടെ മുഖമൊന്നു മാറിയത് ഞാൻ കണ്ടു…
“”ടാ അഭി..!! നിനക്ക് ഇപ്പൊ നാക്കിനും ലൈസൻസില്ലാണ്ടായോ ചൊറിയാൻ വരേണ്ടന്നോ എന്തൊക്കെയാടാ അമ്മയോട് പറയണേ!!!… “”
അമ്മയുടെ വാക്ക് കേട്ടപ്പോൾ എനിക്കുമത് ശരിയാണെന്നു തോന്നി…
അമ്മയോട് ഞാനിപ്പോ വല്ലാതെ ദേഷ്യപെടുന്നുണ്ട് ഞാൻ വല്ലാണ്ട് മാറി പോയിരിക്കുന്നു പാവം അമ്മ….
“”എന്റെ അമ്മേ ഞാൻ വെറുതെ പറഞ്ഞതാ…!!!ഞാൻ ഇന്ന് പോയിക്കൊള്ളാം മുടി വെട്ടാൻ അതു പോരെ..!!!””
അമ്മയെ ഞാനൊന്നു പറഞ്ഞു സമാദാനിപ്പിച്ചു…
“മ്മ് പോയ നിനക്ക് കൊള്ളാം അഭി..!! അല്ലേൽ അച്ഛയോടു ഞാൻ എല്ലാം പറയും കേട്ടല്ലോ..!!!ഞാനൊന്നും അറിയുന്നില്ലെന്നു നി വിചാരിക്കല്ലേ!!!!… “”
ബെഡിലെ തലയണയും പുതപ്പും എടുത്തു മാറ്റുന്നതിനിടയിൽ അമ്മയത് പറഞ്ഞപ്പോൾ എന്റെ ഉള്ളൊന്നു പിടഞ്ഞു….
ഇനി അമ്മയ്ക്കു മനസിലായി കാണുവോ ഞാൻ കുടിക്കുന്നതൊക്കെ….