ഒന്നു വിദ്യേച്ചിയെ വിളിച്ചു നോക്കിയാലോ എന്നുണ്ടായിരുന്നു മനസ്സിൽ…
വരാൻ പറഞ്ഞ കാര്യം എന്താണെന്നു അറിയാമല്ലോ….
മെല്ലെ ഫോൺ എടുത്തു ഞാൻ വിദ്യേച്ചിയുടെ ഫോണിലേക്കു കോൾ ചെയ്തു…
ഒരു വട്ടം വിളിച്ചപ്പോ ചേച്ചി ഫോൺ അറ്റൻഡ് ചെയ്തില്ല…
ഉള്ളിൽ ചെറിയൊരു പേടി ഉണ്ടായിരുന്നു എനിക്ക്…
പിന്നെയും ഒന്നു കൂടി ഞാൻ വിളിച്ചു നോക്കിയപ്പോൾ ചേച്ചി ഫോൺ എടുത്തു…
“”ഹലോ എന്താടാ അനു..!!.””
ഫോൺ എടുത്തപാടെ ചേച്ചി എന്നോടാരാഞ്ഞു….
“”അതു ചേച്ചി..!!ചേച്ചി ഇന്നലെ രാത്രി എനിക്ക് കാണണമെന്ന് പറഞ്ഞു മെസ്സേജ് അയച്ചില്ലേ.!!? അതു എന്തിനാന്നു ചോദിക്കാൻ വിളിച്ചത..!!..
അതു പറയുമ്പോൾ എന്റെ ഉള്ളിൽ എന്തെന്നില്ലാത്ത ഒരു ഭയം തോന്നി…
“”ഓ അതാണോ കാര്യം…!!! നേരിട്ട് പറയാം നി വാ…!!!ഇങ്ങനെ ഫോണിൽ പറഞ്ഞാൽ അതു ശരിയാവില്ല…!!! എനിക്ക് നിന്നെ നേരിട്ട് കാണണം അനു അപ്പൊ പറയാം..!!””
ചേച്ചിയെനിക്കൊരു പിടിയും തരാതെ പറഞ്ഞു…
“”മ്മ് ഞാൻ അങ്ങോട്ട് വരുന്നുണ്ട് ചേച്ചി കുറച്ചു കഴിഞ്ഞു…!!!ചേച്ചി വീട്ടിൽ തന്നെ ഉണ്ടാവില്ലേ..!!.””
ഞാൻ സംശയത്തോടെ ചോദിച്ചു…
“”ഞാൻ വീട്ടി തന്നെ ഉണ്ടാവുമെടാ നി വാ..!!””
ചേച്ചി കൂടുതൽ ഒന്നും പറയാതെ ഫോൺ കട്ട് ചെയ്തു….
എന്നാലും എന്തായിരിക്കും ചേച്ചിയുടെ മനസ്സിൽ…
ഞാൻ തലപുകഞ്ഞാലോചിച്ചു…
അങ്ങനെ കുറച്ചവിടെ കാത്തിരുന്ന ശേഷം ഞാൻ മുടിയൊന്നു വെട്ടി നല്ല ചുള്ളനായി….
ചേച്ചി കാണുമ്പോ എനിക്ക് ഇത്തിരി ഭംഗിയുണ്ടായികോട്ടെന്ന് കരുതി….
അങ്ങനെ വണ്ടിയും എടുത്തു ടൗണിൽ നിന്നും നേരെ കണ്ണന്റെ വീട്ടിലേക്കു വിട്ടു….
മനസ്സിൽ മുഴുവൻ വിദ്യേച്ചി എന്നോട് എന്തു പറയുമെന്നത് മാത്രമായിരുന്നു….
കണ്ണന്റെ വീട്ടിലേക്കു വണ്ടി തിരിച്ചപ്പോൾ തന്നെ ഫോണും വിളിച്ചു കൊണ്ട് പുറത്തു കൂടെ ഉലാത്തുന്ന ചേച്ചിയെയാണ് ഞാൻ കണ്ടത്….
ചേച്ചിയുടെ മറ്റവൻ ആയിരിക്കും ഫോണിലെന്നെന്റെ മനസു പറഞ്ഞു….
എന്നെ കണ്ട ചേച്ചി ഫോണൊന്നു മാറ്റുന്നത് കണ്ടപ്പോൾ ഞാനതു ഉറപ്പിച്ചു….
വണ്ടിയെന്നു ഒതുക്കി വെച്ച ഞാൻ ചിരിച്ചു കൊണ്ട് ചേച്ചിയുടെ അടുത്തേക്ക് നടന്നു…
“”ഹ നി വന്നോ അനു..!!!.. “”
ചേച്ചിയെന്നെ നോക്കി നിന്നുകൊണ്ടൊന്നു പുഞ്ചിരിച്ചു…
ആയിരം പൂർണ ചന്ദ്രന്മാർ ഒരുമിച്ചു വിരിഞ്ഞത് പോലെ….
“”എന്താ ചേച്ചി ഇങ്ങനെ നോക്കണേ ആദ്യായിട്ടു കാണും പോലെ..!!..””
ചേച്ചിയുടെ നോട്ടം കണ്ടാൽ എന്നെ ഇപ്പൊ കടിച്ചു തിന്നുമെന്ന മട്ടിലായിരുന്നു…
“”ഓ ഇനി എന്തു കാണാനാ അനു കാണേണ്ടതെല്ലാം നി കണ്ടില്ലേ…!!!.. “”
ചേച്ചിയുടെ സംസാരം കേട്ട ഞാനവിടെയൊന്നു തരിച്ചു നിന്നു പോയി….
എന്റെ വിദ്യേച്ചി തന്നെയാണോ ഇങ്ങനെയൊക്കെ പറയണേ…
അത്ഭുതത്തോടെ ഞാനാ മുഖത്തേക്കൊന്നു നോക്കി….
ആ മുഖത്തു വലിയ ഭാവവിത്യാസമൊന്നും ഞാൻ കണ്ടില്ല….
“”ചേച്ചി എന്താ പറഞ്ഞെ..!!..ഞാൻ കേട്ടില്ല..!!!..””
പറഞ്ഞത് ചേച്ചിക്ക് മാറി പോയതാണോന്നോർത്തു ഒന്നു കൂടി ഞാൻ ചോദിച്ചു….
“”ഹ കേൾക്കണ്ട..!!! അതാ നല്ലത് മനുഷ്യന്റെ സമാധാനം കളഞ്ഞിട്ടു അവന്റെയൊരു നിൽപ്പ് കണ്ടില്ലേ.!!!!… “”
ചേച്ചിക്ക് എന്നോട് ദേഷ്യമാണോ അതോ വേറെ എന്തെങ്കിലും…
ആ വാക്കുകളിൽ നിന്നും എനിക്കൊന്നും ഊഹിച്ചെടുക്കാൻ പറ്റിയില്ല….
“”എന്താ ചേച്ചി ഇങ്ങനെ…!!!ഞാൻ ഇന്നലെ പറഞ്ഞതല്ലേ അറിയാണ്ട് പറ്റി പോയതാന്ന്..!!! എത്ര വട്ടം സോറി പറഞ്ഞതാ ഞാനതിന് ..!!!എന്നിട്ടും എന്നോട് എന്താ ഇങ്ങനെ കാണിക്കണേ..!!!””
ചേച്ചിയുടെ ഉള്ളിൽ എന്തെന്നറിയാൻ ഞാനൊന്നു ചുണ്ടയെറിഞ്ഞു…
“”മ്മ് നി വാ എനിക്ക് കുറച്ചു സംസാരിക്കാനുണ്ട് അനു ഇവിടുന്നു പറഞ്ഞാൽ ശരിയാവില്ല…!!!.. “”
ചേച്ചി എന്നെ അകത്തേക്കു ക്ഷണിച്ചു…
“”ഇവിടെ വേറെ ആരും ഇല്ലെ ചേച്ചി..!!! കണ്ണനൊക്കെ എവിടെ പോയി.!!.. “”
ഒച്ചയും അനക്കമൊന്നും കേൾക്കാത്തത് കൊണ്ട് ചേച്ചിയോടൊന്നു ചോദിച്ചു…
“”കണ്ണനോ..??!! അവനെ ഞാനൊന്നു കടയില് പറഞ്ഞയച്ചു..!! പിന്നെ അമ്മയും അച്ഛനും ഒരിടം വരെ പോയിരിക്കുവാ…!!!.. “”