ഞാനൊന്നു പറഞ്ഞു നിർത്തി…
“അല്ലടാ അതിനിപ്പോ ഞാനെന്തു ചെയ്യാനാടാ ഇതിനു”
അവനെന്നോട് സംശയത്തോടെ ചോദിച്ചു…
“”അതല്ലടാ പൊട്ടാ അങ്ങനെ പ്രെഗ്നന്റ് ആവാതെ ഇരിക്കാനുള്ള ഒരു ടാബ്ലറ്റ് ഇല്ലെ നിന്നെ വിളിച്ച ആ സാധനം കിട്ടുമെന്ന് വിചാരിച്ച വിളിച്ചത് വേറെ എവിടുന്നും അതു വാങ്ങിക്കാനുള്ള ധൈര്യം ഇല്ലാത്തോണ്ട് ആണെടാ അവിടെ കിട്ടുവോ””
ഞാൻ ഉള്ള കാര്യമങ്ങ് പറഞ്ഞു…
“”ഓ അപ്പൊ അതാണല്ലേ കാര്യം സാധനമൊക്കെ ഷോപ്പിൽ ഉണ്ട് പക്ഷേ അതൊക്കെ ഭയങ്കര റിസ്ക്കാടാ അവൾക്കു എന്തേലും സൈഡ് എഫക്ട് ഉണ്ടാകും അതു കഴിച്ച എന്താണേലും വരുന്നതു നിന്റെ ഉത്തരവാദിത്വത്തിൽ ഏറ്റോണം അങ്ങനെ ആണെങ്കിൽ മാത്രം ഞാൻ സാധനം തരാം””
ആ റിസ്ക് ഏറ്റെടുക്കാൻ പേടിയാണെന്നുള്ള കാര്യം അവന്റെ വാക്കുകളിൽ ഉണ്ടായിരുന്നു…
“ചത്തൊന്നും പോവില്ലല്ലോ നീ പേടിക്കുവൊന്നും വേണ്ട നീ തന്നതാണെന്നു ഞങ്ങള് ആരോടും പറയാനൊന്നും പോണില്ല ഞാനിപ്പോ കടയിലേക്ക് എത്തും നീ എടുത്തു വെക്കു”
മറ്റൊന്നും ആലോചിക്കാതെ ഞാനവന് ഉറപ്പു കൊടുത്തു…
“എങ്കി ശരി ടാ നിങ്ങള് വാ ഞാൻ എടുത്തു വെക്കാം അതു”
അതും പറഞ്ഞു അവൻ ഫോൺ കട്ട് ചെയ്തു…
“”ടാ എന്താ പറഞ്ഞെ അവൻ””
എന്തായിന്നറിയാനുള്ള ആകാംഷയിൽ കണ്ണനെന്നെയൊന്നു നോക്കി…
“”ഇനി നീ ടെൻഷൻ ആവേണ്ട മോനെ ആ കാര്യത്തിൽ ഞാനൊരു തീരുമാനം ആക്കിയിട്ടുണ്ട്””
അത് കേട്ടതും അവന്റെ മുഖമൊന്നു തെളിഞ്ഞു…
“”എന്നാപ്പിന്നെ ടൗണിലേക് വിടട്ടെ ഞാൻ””
അവൻ വണ്ടിയൊന്നു സ്റ്റാർട്ട് ആക്കി…
“”മ്മ് നീ എടുക്ക് നേരെ വിട്ടോ ടൗണിലേക്ക്””
എന്റെ വാക്ക് കേൾക്കേണ്ട താമസം അവൻ വണ്ടി എടുത്തു….
നേരെ ഞങ്ങൾ ടൗണിലേക്ക് വിട്ടു….
അതിനിടയിൽ എന്റെ ഫോൺ രണ്ടു വട്ടം റിങ് ചെയുന്നുണ്ടായിരുന്നു വണ്ടിയിൽ ആയതു കൊണ്ട് ഞാൻ എടുത്തതുമില്ല….
അങ്ങനെ ഞങ്ങൾ അമലിന്റെ മെഡിക്കൽ ഷോപ്പിൽ എത്തി….
വണ്ടിയൊന്നവൻ ഒതുക്കിയിട്ടപ്പോൾ ഞാൻ പതിയെ ഇറങ്ങി എന്റെ ഫോൺ ഒന്നു പോക്കെറ്റിൽ നിന്നും എടുത്തു…
എന്റെ ചേച്ചി ആയിരുന്നു ആ രണ്ടു വട്ടവും വിളിച്ചത്…
ചേച്ചിയുടെ കല്യാണം കഴിഞ്ഞതാണ് പ്രണയ വിവാഹം തന്നെ…
അശ്വതി അതാണ് ചേച്ചിയുടെ പേര് ഒരു കുഞ്ഞ് വാവയും ഉണ്ട് ചേച്ചിക്കു അവന്റെ മാമനാണുട്ടോ ഞാൻ….
ചേച്ചി എന്തിനാവും വിളിച്ചതെന്നറിയാൻ ഞാനൊന്നു തിരിച്ചു വിളിച്ചു….
ഒന്നു രണ്ടു വട്ടം ഞാൻ വിളിച്ചെങ്കിലും അവൾ കോൾ എടുക്കാഞ്ഞപ്പോൾ ഞാൻ വിളിയങ്ങു നിർത്തി….
എന്റെ മിസ് കോൾ കാണുമ്പോൾ ചേച്ചി തിരിച്ചു വിളിക്കട്ടെന്ന് വിചാരിച്ചു അവനെയും കൂട്ടി ഞാൻ കടയിലേക്ക് നടന്നു….
ഞങ്ങളെയും പ്രതീക്ഷിച്ചെന്ന പോലെ അമലവിടെ നിൽപുണ്ടായിരുന്നു…
എന്നെ കണ്ടതും അവനൊന്നു ചിരിച്ചു….
“ടാ എത്ര നാളെയാടാ നിന്നെ കണ്ടിട്ട് നീ ആകെ മാറി പോയല്ലോ എന്തു കോലമാട ഇതു കറുത്ത് കരുവാളിച്ചു പോയല്ലോ നീ”
അവനെന്നെ അടിമുടിയൊന്നു നോക്കി കൊണ്ടത് പറഞ്ഞപ്പോൾ എനിക്ക് എന്തോ പോലെ തോന്നി…
ശരിയാണ് വെളുത്തു നല്ല വെള്ളപ്പം പോലിരുന്ന ഞാനായിരുന്നു ഇപ്പൊ കറുത്ത് കരുവാളിച്ചു ആകെ മെന കെട്ടവനെ പോലെ ആയി എങ്ങനെ ആവാതിരിക്കും അമ്മാതിരി കുടിയും വലിയുമല്ലേ….
“അതൊക്കെ ഇങ്ങനെയൊക്കെ ആയെടാ അല്ല ഞാൻ പറഞ്ഞ സാധനം എന്തായി റെഡി അല്ലെ”
ആ വിഷയം മാറ്റാണെന്നോണം ഞാൻ ചോദിച്ചു…
“”ഓ അതൊക്കെ റെഡി ആക്കി വെച്ചിട്ടുണ്ടെടാ പിന്നെ അഭി ദേ പെണ്ണിന്റെ പ്രായവും ശരിരവും വെച്ചൊക്കെയാ ഇ ടാബ്ലെറ്റൊക്കെ കൊടുക്കുന്നെ ദേ ഡോക്ടറെ പോലും കാണാതെ എന്താന്ന് പോലും അറിയാതെ നിന്നെ വിശ്വസിച്ചു തരുന്നതാ ഞാൻ എന്തേലും വന്നു കഴിഞ്ഞ എന്റെ പേര് പറയല്ലെട്ടോ നിനക്ക് ആയതു കൊണ്ട് ഞാൻ തരുന്നതാ””
മുൻകൂർ ജാമ്യം എടുത്തെന്നപോലെ അവൻ ആ ടാബ്ലറ്റ് കവർ എടുത്തു എന്റെ കൈയിൽ തന്നു കൊണ്ടു പറഞ്ഞു….
“ഇല്ലടാ നീ പേടിക്കേണ്ട നിനക്ക് ഒരു കുഴപ്പവും വരില്ല അല്ല ഇതു എങ്ങനെയാ കഴിക്കേണ്ടത് ഇതില് എഴുതിയിട്ടുണ്ടോ”
“ഞാൻ അറിയാൻ എന്നോണം ചോദിച്ചു”